霜瀛

当我见到呢间餐厅入围咗2024开饭热店，我O咗嘴决定写一篇食评。话说我之前同朋友嚟庆祝生日晏昼食呢间omakase，之前上网睇到有啲明星帮衬过，谂住都唔会衰得去边啦。由Booking𠮶日开始已经feel到骑骑呢呢，喺‎WhatsApp度问咗佢两日都冇人覆。只有自动回覆话会尽快联络你结果食完𠮶餐都仲未有人联络我，之后我系打咗电话去餐厅book。咁我觉得如果系咁，你就好心个官网就唔好叫人WhatsApp订座啦。虽则话𠮶阵时餐厅有个优惠，但其实餐饭起码讲紧埋单都三千蚊。其实我食过再平啲都仲好服务同埋好质素过呢间好多。点知啲嘢食唔好食，服务态度更加系差到加零一。由一开始带我哋入位𠮶位女士已经态度唔好啦。一嚟就喺我朋友面前问我优惠嘅嘢，讲真讲明庆祝生日，佢仲要喺我哋两个面前兜口兜面问关于价钱嘅嘢，咁尴尬。环境方面唔算大，Weekdays嚟讲都算冷清，吧枱只有我同另一组客人。晏昼我哋虽然系最后一个离座，但讲真我哋中途其实都冇停过口，间餐厅晏昼山3pm，我哋2：55分食完准时去埋个厕所走人，点知听到餐厅另一边有把男人声以为我哋已经离开咗餐厅大嗌咗句：「终于走啦咩？XX」同我同行嘅朋友去咗厕所听唔到，事后我同返朋友讲，我哋其实都唔知得罪咗师傅啲咩，成餐饭几乎零交流，顶多都系师傅介绍吓每度𩠌。我朋友话费事两个女人唔够啲烂仔师傅斗。但结论我系唔会再带任何人嚟食，同埋都唔会推介任何人去呢间俾钱买难受。…查看更多

见到社交媒体网站有foodie介绍，见啲相正正常常就同朋友试下，点知就出事。再次印证点解会无端端做优惠？因为真系无质素可言，你话佢平又唔系，贵又唔系起码食到你饱。首先一到餐厅，就见师傅急急子咁上菜，系咪赶收工？可能我地迟咗开始怕我哋唔够时间追加？个所谓茶碗蒸只系暖，打开见到有堆海胆谂住有惊喜点知海胆都出事，有阵胶味，个蛋仲要蒸过咗火系一啲都唔滑，想点先？虽然有3款生蚝但系佢用好调味啫喱放系生蚝上面掩盖生蚝既味到上第一旧寿司，我咬左好耐因为有筋，咬黎咬去好似食香口胶咁。啲饭望落似赤醋饭但系又无咩味，然后啲饭又太热，成件事好怪。有火灸过既寿司大部分都系㶶既。。。其实如果赶时间可以唔做omakase，点解要咁虐待啲客虐待食材。做茶仔都未尝唔系一个好选择…查看更多

$1500 3位既omakase 其实本身无乜expectation, 嘢食算okay，有螺、生蚝、蒸蛋、刺身再加6件寿司，有埋海胆。 不过睇返之前嘅comment，都好认同佢地既服务态度真系好差。 首先，Omakase 竟然系无问人有冇食物敏感，我地都冇留意，直到上咗一道有蟹嘅热盘，我哋有朋友对蟹敏感，所以食唔到，佢哋𠮶个厨师个反应大到即刻反哂白眼，好躁。之后佢突然收走我其中一个朋友碗蟹，但其实系另外一位朋友对蟹敏感，所以我以为唔食得所以冚返盖，跟住佢就仲更加大反应话「你地一个人蟹敏感啫，唔系三个都要换麻」。 跟住我叫佢冷静啲，话我哋冇谂过要换，只系你攞走咗冇对蟹敏感个个人既嘢食。 当然同一个唔冷静嘅人，叫佢冷静啲只会更加turn on 佢，所以佢系闹返我话佢好冷静，叫我冷静啲…之前再话换比番2件寿司我地😅多谢恩赐 从头到尾佢哋都冇讲过一句唔好意思，觉得好似冇问题咁。本身已经一早喺OpenRice俾晒钱，但最后走个时要另外俾返服务费，真系唔系好想比😅只可以讲 呢餐饭系贴钱买难受，呢餐系唔贵，但唔代表食「平嘢」就要受你气，基本嘅礼貌都应该要有。讲真，平嘢都要五百几蚊一餐，最基本omakase 都一定会问客人有冇食物敏感，就算唔记得咗问都应该可以冷静地处理，而家好似搞到系我哋错冇同你讲食物敏感😅唔讲仲以为去左茶餐厅去完好明白点解佢成个午餐时间其他客都冇，唔好比佢OpenRice入边𠮶194个好评呃咗🙈如果仲想去既人 要有定心理准备啦……查看更多

01.03.24My birthday dinner🤤一个超级丰富，食到饱饱嘅晚上第一次食寿司版本嘅阿妈家姐 成日以为食寿司版本一定冇铁板烧咁饱真系今次唔同晒今次嘅感觉系饱到癫咗真系非常之啱，好似我咁食得嘅朋友一定要过嚟试吓佢嘅寿司版本呢系无限追加你可以疯狂狂咁样食钟意食寿司嘅朋友真系唔可以错过除咗海胆同埋大拖罗唔可以追加之外，其他你都可以想食几多就叫几多我就净系追加咗两旧咋，因为本身已经有成13旧寿司食咗落肚所有嘢呢都好新奇好似系你面前表演咁厨师喺面前即场整俾你食有时如果食铁板烧都要等好耐，但系佢哋嘅手脚真系好快绝对唔系因为你等得耐，所以饱系因为个餐单真系非常之丰富好开心呀个碟仲会写埋Happy birthday 庆祝生日或者庆祝周年纪念都必推介去到甜品环节，我就最钟意食嘅姜味雪糕真系好特别未食过呢一个味 钟意姜嘅朋友真系推介！霜瀛 (上环)上环苏杭街57号香港嘉赋酒店2楼…查看更多

$1,980一位的「醍」套餐，有：先付海胆茶碗蒸日本生蚝时令刺身6款季节料理1款酒の肴1款手握寿司吸物甜品拼盆omakase晚餐任食手握寿司放题，非常之适合大胃王。刺身新鲜，尤其是日本生蚝，味道鲜美，口感同肉质都好出色，海胆茶碗蒸好鲜甜，鸡蛋蒸得好丝滑，每道菜菜式都精致美味，选择款式都多，真系食到饱饱离开。餐厅氛围和风，环境座位舒适，师傅手艺精湛。以价格和品质来说，这是一个值得一试的餐厅。值得推介。…查看更多