雲海日本料理

毎年生日我都會相約閨蜜晚飯慶祝，通常都會選擇先前未去過嘅地方希望有驚喜。好多年前有朋友曾經帶我來光顧過這間五星級酒店，記憶中食物嘅水準不錯，所以今年我就選擇了雲海嘅鐵板燒晚餐。可惜現今鐵板燒嘅食物水準實在令人失望，前菜沙律及魚生不夠新鮮，只品嘗到生菜及魚生的疆硬感。龍蝦嘗算新鮮，但味道偏咸，炒飯又係得個咸字😅實在令人失望。對於今年嘅生日飯安排嘅失誤，自己冇做足功課實在係我失職😑😑來年我一定安排妥當，吾會另食家閨蜜失望😞…查看更多

雲海既lunch 一向多野食，晚市就試左佢個素食套餐，原來都幾豐富！ 這個套餐包含了沙律及枝豆、鐵板燒菜及芝士、豆腐煲、素壽司、素刺身和雪糕，每一道菜都展現了日本料理的精緻與用心。套餐的開端是清新的沙律，使用新鮮的時令蔬菜，搭配特製的醬汁，味道清爽不膩。枝豆新鮮。素刺身相當精緻，選用蒟蒻混合紫菜而成，配有檸檬。搭配特製的醬油及山葵，讓人感受到清新的口感。豆腐煲，質地滑嫩，與各種蔬菜一同煮，讓整道菜散發出濃郁的鮮香。湯底清淡卻不失風味，既能提升豆腐的口感，也讓人感受到食材的原汁原味。鐵板燒菜及芝士，包含了時令的新鮮蔬菜，如茄子、蓮藕和番薯。這些蔬菜經過適度的燒烤，保留了原有的鮮甜與脆口感。燒芝士，輕微的燒烤，外層微微焦脆，內裡則綿滑香濃。素壽司有牛蒡卷、紅蘿蔔及冬菇壽司，色彩繽紛。牛蒡卷爽口特別，每一口都帶來不同的層次感。服務好，環境合適傾計。…查看更多

一行四人想食鐡板燒，見到openrice食評不俗，於是決定試下雲海。餐廳環境整體不錯，帶位及落單服務亦非常週到。餐牌上有3款鐡板燒套餐，分別1000, 1200 及1400。最後選擇了4個每位HKD1200套餐 (頭盤，剌身，沙律，龍蝦半隻，澳洲鮑魚，美國西冷，雜菜，炒飯，龍蝦麵豉湯，甜品) ，我地加HKD700為其中2位升級到鹿兒島和牛。落單第一件事同侍應講刺身不食三文魚，雖然心知呢D酒店入面高級日本餐廳刺身通常唔會俾三文魚但習慣使然，我都會講一聲... 頭盤冇乜特別，三條枝豆加一小舊豆腐物體加一片番薯跟一碗沙律。刺身到嘅時候，我同身邊人互望了一下。吓? presenation 同普通日本小館嗰DHKD128 午餐送嘅冇乜分別囉(見圖)。4片魚生,仲要係三文魚!!! 真係冇諗過收HKD1200一個set佢夠膽俾三文魚刺身!!! 咪講咗走三文魚囉... 攪咗一陣，最後換咗其他魚俾我地。刺身正常，唔係特別出色亦無不妥。正當我地食緊頭盤, 廚師已經開始準備緊龍蝦。通常食鐡板燒, 廚師就算唔喜歡說話都會同枱前客人點點頭以示禮貌。呢位完全冇，自顅自開始煮。可能我地唔係熟客啦，後尾枱嘅另一邊其他人客入坐時佢又大大聲叫xx老闆，好熱情咁伸手出去攞tips。我心諗唔緊要啦，煮得好食咪得囉。第一道熱食龍蝦，普普通通，熟度係剛好的但味道比較淡，我要不停加餐廳提供嘅海鮮醬。跟住澳洲鮑魚，唔係完隻鮑魚喺個客面前拆殼的，出枱前已經做哂清潔，切好一片片，廚師只需係咁兒炒兩炒上碟，係 非! 常! 之! 韌! 韌到我俾埋我最後幾片俾朋友，味道亦係偏淡。之後我亦留意佢地再serve鮑魚俾其他食客嘅反應，有D擰擰頭，有D同身邊人竊竊私語，表情大概同我地食第一啖鮑魚一樣失望。廚師係熱食傍邊放咗炸蒜片，睇到成碟炸蒜片都油淋淋咁，就知呢度鐡板燒嘅quality唔慌好得去邊，唔駛講蒜片係淋嘅... 唔知幾時原來廚師已經煎好蔬菜，有南瓜，青椒，冬菇等等，熱度溫溫呑呑好像煮咗一段時間。跟住上美國牛肉，我地要求medium rare，又係靭嘅! 好在得3粒，快趣食完冇眼睇。之後鹿兒島牛肉比較像樣，合格 !最後炒飯又係淡戊戊嘅，自己加豉油。我䦕始懷疑係咪自己味覺有問題呢? 但係龍蝦麵豉湯又好夠味喎。之後甜品係生果或雪糕。日本餐廳生果通常不會令人失望，但係我只能說，生果又係淡嘅.... 結果埋單有個少驚喜滙豐咭有85折，不過俾五千幾蚊食呢餐飯真係好垃圾。 當香港飲食業埋怨港人紛紛北上消費時有冇檢討下自己俾緊D咩質素嘅嘢食俾仍願意留係香港食餐好嘅人呢? 要讚嘅係侍應倒茶換碟服務周到，有禮貌 !  不過我相信我唔會再幫襯 !!  …查看更多

由於有一張二送一嘅定食餐飲券，一於三人行來食！今日買咗酒店卡嘅優惠，原來二送一嘅定食唔係任你選擇，只限一款定食，起初有點失望，冇諗過最後係好開心同好驚喜呢款叫雲海餐，服務員講要啲時間去堆砌出來一來都打開個餐盒見到真係好靚！有齊頭盤、壽司、煮物、炸雜菜蝦餅、清湯！其中角切刺身飯，真係堆砌得好靚好精美，簡直唔捨得食！所有魚生真係好新鮮，炸物略為有點油，好彩服務員喺我哋飯後，上一杯綠茶（唔係好肯定係咪）因為一坐低嘅時候係另外一杯茶的！呢杯茶俾我哋消制解油，茶好香！就算正價，價錢都非常合理！一定會再試…查看更多

四個女人點做四個set份量太多？如圖，尤其是個鵝肝，見到都有少少驚，真係好大份！炒飯食唔落，其實佢炒得好正，last 雪糕球好味，如果可以比兩球就好啦！鍾意食雪糕 （我啱啱唔係話自己好飽咩 😆）總括嚟講識得舒服、開心，承惠每位 1600 🤪…查看更多

平日午餐時間，舊上司一早book左兩位。十二點半左右去到，未係好多人。餐廳間隔好闊落，好岩同朋友食飯傾偈。以酒店價格黎講，lunch set 大概$350起，價錢算合理。我地分嘢叫左壽司定食同銀鱈魚定食，有前菜，刺身同主食。因為朋友唔想食刺身，可以轉做天婦羅。今日前菜係日本蒟蒻，唔係好岩食😅😅天婦羅好脆，食落完全唔覺有層粉，好似生炸咁👍🏻👍🏻銀鱈魚入口嫰滑，壽司新鮮。最後仲有一碗稻庭烏冬。整體環境、服務、食物都非常滿意。…查看更多

試吓日式鐵板燒，喜來登酒店雲海唔易book,仲要落訂餐廳環境好舒服，裝修型格，今次特意坐鐵板燒吧位，可以睇住師傅製作，又可以傾計交流下選擇困難下終於試兩款鐵板燒海鮮鐵板燒套餐$520雲海鐵板燒套餐$590兩款餐都有頭盤、刺身、沙律、虎蝦、銀鱈魚，雜菜、炒飯、 麵豉湯 及香瓜菜刺身：三文魚&吞拿魚都好新鮮肥美沙律：芝麻醬酸酸地好開胃虎蝦： 好大隻，彈牙有鮮味，yummy銀鱈魚: 魚皮香脆，魚肉油脂豐富但不膩，正炒雜菜：份量唔少又唔油炒飯： 粒粒分明，可以咸少少更好海鲜鐵板燒套餐$520有埋帶子、三文魚朋友話好味但不驚豔雲海鐵板燒套餐$590就有美國西冷，可選厚切牛柳粒或薄切包香蔥。選擇左薄切，有6件好豐富，5成熟牛肉剛剛好，肉味濃又滑，配香蔥加炸蒜片，非常惹味😋…查看更多

睇住師傅將一系列新鮮優質食材逐樣逐樣煮俾你食，頓時胃口大開。好耐無試過鐵板燒，今晚趁朋友生日一齊去慶生。到步後經由經理推薦食物，細心講解各類食物配搭，唔會亂寫D貴爽唔飽。前菜係醒胃沙律、天婦羅、多款新鮮刺身，鐵板燒有龍蝦、帶子、和牛、鵝肝等高級食材樣樣都係好正，絕對對得住個價錢，飯後仲有特式生日蛋糕，超正、超窩心。最後經理仲推薦下次可以試廚師發板、包場鐵板燒，下次一定call齊班Friend一齊再試…查看更多

Highly recommended雲海服務一流，特別男經理同鐵板燒師傅對所有客都咁好服務，我一家人8位到，每人平均$600-$700左右食鐵板燒，師傅手勢一流，一定會同家人再去食。我預早預約，地方環境一流，唔似外邊日本餐廳，太多枱太密就好嘈，我比較仲意乾淨舒服環境，同所有食物新鮮，抵食！感覺好似去左日本咁好味！最好services 一間日本餐廳！…查看更多

喜來登酒店「雲海日本料理」有鐵板燒烤肉、壽司美饌、清洒等。入口有玻璃清酒展示櫃，展示各種優質清酒，中央有優雅竹林及花崗岩雕塑，感覺開揚高雅餐廳分為六個主要用膳區，包括向外開放的鐵板區、私人鐵板室、壽司及清酒吧，私人用膳室，主膳廳及榻榻米房間。今次安排了小房間，私隱度高，享用美食邊談天最適合不過。餐牌款式很多，又想試鐵板燒，但刺身天婦羅等又好吸引。放棄鐵板燒後仍有不少選擇。最終跟朋友一樣選了「松花堂」松花堂$390一個套餐分兩盆上，多款食身擺放得好精緻，令人食指大動。套餐食物未致於驚艷頭盤： 汁燒茄子&芥辣八爪魚汁燒茄子好味juicy配埋木魚，入味芥辣八爪魚：正常發揮蛋卷：有兩件，層層蛋味濃燒銀鱈魚：銀鱈魚油脂好香，燒過皮微脆，大滿足刺身：甜蝦、吞拿魚&三文魚好新鮮又肥厚，yummy煮物：蝦、蘿蔔等蝦及雜菜天婦羅🍤、冬菇、南瓜、茄子、蕃薯：各款材料好新鮮，天婦羅漿薄薄，脆而不膩下次再上鐵板燒…查看更多

首次去雲海日本料理晚餐，加上係生日飯，我覺得餐廳各樣服務都很細心。食物方面Good，另外如果你想食濃味/淡味都可以安排到。餐廳環境，可能選擇左餐枱座，一邊食一邊傾，又無油煙對住，好舒服。首次食：整體黎講，係好滿意，日後想食鐵板燒，一定會再諗起“雲海“。…查看更多

雲海日本料理位於尖沙咀的喜來登酒店內，環境寧靜寫意，主打大阪美食，鐵板燒、鮮活壽司、日式料理等應有盡有，是品嘗日本地道美食的好去處。餐廳設計優雅，以自然的色彩呈現現代日本美學，匠心獨具的燈光令每道菜都像藝術品一樣展現在你的眼前，為視覺及味覺都帶來無與倫比的享受！我們點了季節會席料理·竹，使用了時令的食材，無論是食物質素抑或是擺盤都非常高水準，服務亦十分到位，得知友人不吃海膽，師傅悉心換了其他上等的刺身。雖然每道菜份量看似不多，但我們最後都吃得很飽，以這個價錢來說，性價比頗高！𝐒𝐞𝐚𝐬𝐨𝐧𝐚𝐥 𝐒𝐞𝐭 𝐊𝐚𝐢𝐬𝐞𝐤𝐢 $𝟏𝟑𝟖𝟎 𝐏𝐞𝐫 𝐏𝐞𝐫𝐬𝐨𝐧…查看更多

份量 質量 已經不能再跟從前相提並論 我選了鐵板燒 師傅 只是隨心煮兩下 份銀雪魚全塊啡色 還記得以前 那位師傅 可以燒到皮脆肉嫩 此外 份量之少 簡直無言 炒飯係預先炒好 咁我點解要俾咁多錢 食鐵板燒 唔知間餐廳食老本仲可以食幾耐…查看更多

這間嘅經理一個比一個串！waiter有兩位就非常好，唔會因為相熟客人而特別好服務，真正做到一視同仁。而那些所謂嘅經理見到熟客就笑的四萬咁嘅口，其他台客人就唔係客。熟客叫佢地影像，斟茶斟酒就迅速撲去，其他台的客人要等良久先有人走過來提供服務。我見到這樣的情景不只一次，某位男性經理當其他枱個客人完全冇到，就差跪低幫人哋賴鞋底。永遠打去book都話full，但walk in居然一半台都吉嘅，咁巴閉再好吃嘅食物都是徒然。等那些吉台的”常客”慢慢去enjoy你的食物！垃圾之中嘅垃圾！…查看更多

Unkai Japanese Cuisine 雲海日本料理💵 Hkd 300-800 一位午餐推介指數 🥃🥃🥃🥃🥃雲海係必食的餐廳之一是日黎到並未滿坐，但其實只係餐廳保持社交距離及私隱度，因為成日book坐都話滿，吾好諗住早幾日就book到位松花堂 $390頭盤刺身煮物蝦及雜菜天婦羅蛋卷燒銀鱈魚白飯 清湯 香瓜菜所有野都好正路，未去到嘩一聲，但絕對係中上，黎到五星酒店食日本野，又有招呼，又有環境，又有質素，仲要吾貴，最平三百蚊都食到個lunch，我俾滿分…查看更多