雲桂香米線專門店

营业中

休息中

第一次來到銅鑼灣呢間分店，今日我同朋友因為食咗少少嘢，驚食唔曬，但雲桂香米線可講係香港人必試的，而今日我對佢嘅食物還仍然很欣賞，但對這間分店的服務態度極為不滿。首先，間店定最低消費每人HKD$30，咁我地有3個人，要消費$90啦，我地order 2個薯粉，旁邊那枱就叫一個米線，我地兩枱係互不相識的，但職員將我地兩張單合二為一，職員遞到我們手上時一睇，我地沒有叫到這兩樣菜式，已經立即告知不是我地order 的，但有位短髮女職員用極差的態度兇我地，說是一早放在我們的枱上，還將責仼推卸到客人身上，之後他們發現係佢搞錯，而這位職員沒有道歉，還扮無事發生，香港食肆不應容忍這些態度存在，這是想騙錢嗎？😤😤

因為經過附近，突然想食米線，所以來到了這間雲桂香試試～我點了一碗豬軟骨小鍋酸辣米線⋯等了約5分鐘就來了湯底我選了小小辣，十分惹味! 米線彈牙，豬軟骨夠軟，吃完十分滿足

如果要話來香港一定要食嘅米線！除咗譚仔同埋星林居之外呢間雲桂香我都覺得係必食嘅^o^排名位居其三👏🏿👉🏿✨我係叫咗小窩米線（酸辣3小）餸就叫左豬軟骨同蘿蔔😀佢啲湯底係超級好飲酸酸甜甜辣辣係勁開胃！好中意😭下次覺得可以叫5小，3小唔會話好辣🤔啲芽菜同肉碎加埋啲米線食真心超正！蘿蔔方面係真係超級林入晒味，渣係有少少不過都係好食嘅！清甜到dum一聲😍豬軟骨嘅話我唔知佢係住得太耐定點，完全食唔到啲定骨/啲定骨已經煮到林晒變左肥膏咁😞搞到食落好肥膩😢不過...份量都好多架～除左譚仔又多個最愛啦！😆

⭐️今日本身打算收工去做瑜珈，但要開OT，所以冇去上。收工個陣打算睇下銅鑼灣有咩食行行下見到雲桂香米線就入左去。⭐️入到去環境尚算OK，有啲細位岩哂一個人去食，尼點我都幾欣賞。叫左個重慶酸辣粉大辣，加左豬皮、魚腐同雞翼，叫左杯可樂。⭐️講真，碗野望落好大，但我感覺麵唔算多，而且啲紅薯粉好難咬，對cool緊牙既我食落唔係好方便，味道就一般，唔算好重口味。我自己覺得佢既大辣比起傷心酸辣粉個啲來講係唔夠辣。不過佢勝在價錢算平，3餸連野飲先57蚊，算係差唔多。⭐️不過有得簡，我會寧願食傷心酸辣粉或者星林居，尼間雲桂香真係不過不失，冇咩特色，難以吸引人長期幫襯，除非真係諗唔到食咩，我見到佢我唔會抗拒。

叫外賣，第一句問叫幾多錢，第二句話小錢唔送，第三句話你遠...銅鑼灣送銅鑼灣遠，終於叫到達佢最低送貨既要求啦，終於都叫到個外賣啦，點知一分鐘後打黎話唔識路...只係識xxxx , 叫我落黎攞！我叫佢係果到繼續向前行就係。阿姐就推三推四，又話其實要滿$150, 我$120 不夠（之前話$80) 又呢又路...又一步都唔行，叫我係果到等佢... WTF?你送外賣定我呀？你不如直接話唔送外賣啦！

忍唔住上黎評論，服務態度極度惡劣琴晚同朋友特登行去呢度食個宵夜，一入去同佢講兩位，一個職員直行直過當我地無到，另一個職員先黎帶我地入位。落單無耐性，又唔係人多，態度超惡咁同我地講每人消費30等我行去買單，比左個1蚊佢，個上面有少少貼紙，收銀員就慢吞吞咁係度摵左個貼紙先找錢俾我，唔通貼左一小忽個1蚊就係假嘅？急起上黎真係好燥，仲要對住咁嘅黑面，全程無聽到佢講過野！食物質素又唔係好，再加上呢種態度，永遠唔會再黎，見到好多評論都嘩話服務差，但從來無改善。間野嘅老闆應該係請人返黎倒米

雖然大家都好鍾意食譚仔，食到去唔唔知賺到幾多億，仲比日本仔收購埋，但我始終都係鍾意食雲貴香果湯底。每次一定會食小鍋米線加酸辣湯底，嗰種酸係好惹味嘅，同埋如果愛辣嘅話又有肉碎，酸又有酸菜。食嘅時候就好似激，但我最唔鍾意佢就係食完之後會好口渴好口渴，好想飲水，唔知會唔會係因為太多味精？但係久不久就好想食碗，仲要差唔多飲晒啲湯米線最緊要就係彈牙，我覺得佢啲米線質素就好彈性嘅，有次去食淋到一個點，即刻有啲失望。至於雲吞就皮太厚好似加＄7就有杯凍奶茶，杯奶茶都拍得住茶餐廳水準價錢經濟希望佢keep住做啦！

打去嗌外賣 銅鑼灣送銅鑼灣要$150先送 我話之前之前叫開$100都送 問係咪加左價 一句係呀就cut左線 唔好意思都可以講句呀大佬 欠你咩 大家一齊black list呢間又唔係特別好食既米線啦之前嗌個呀姐態度不嬲惡劣都算啦 都無諗住要投訴 今日諗住打個投訴電話 打極都唔通 一間好食既公司都要有好既經營手法 如果唔係遲早執晒 我希望呢間公司會有人跟進下d員工問題 真係火到黎埋 投訴無門 逼到人上open rice寫你 呢間野以後black list!

服务態度差！叫幾次先肯落單！黎到仲要落錯單比錯餸，已經唔係第一次，叫碗清湯米粉，咸到冇得顶，食左两淡顶唔住，起身走人！唸住同職員反影下，佢答我幾次，係咪，好咸咩！重點係叫左两碗，两碗都係咁！垃圾之中既垃圾，請都唔會去！BLACK LIST其实我都係第一次難食到要寫負評！本人對食物係冇要求！！！！！！！呢碗清湯米，永世難忘！！！！！！！！！！！！！！！！！！！！！！！！！！！！！！？！！！！！！！？！

唉，銅鑼灣灣仔咁多打工仔，lunchtime多人就梗咖啦，但重點係打工嘅我一啲都唔趕時間，仲好平靜咁落單，呀姐都燥我底🤦🏻‍♀️真係食譚仔好過。話說1:00pm去食，一行4人，2個到先就嗌左2碗麵先。另外2位朋友後到，隔左15分鐘再落單⋯⋯我都未嗌嘢食，呀姐一行埋黎就話:好心你地啦，岩先好叫埋啦，而加冧檔，亂晒⋯⋯🤦🏻‍♀️🌚即刻著著地。我話:我地趕住返工咪嗌先囉，佢地唔趕咪後嗌囉⋯⋯大家都做服務性行業，你公司冧檔係你地training出問題啫，同埋有單咪跟住做囉，fine dining呀？等齊先上枱咩？有無必要將自己內部冧檔同客講？做唔切係咪叫客咪入黎食？個呀姐忙到寫左單，無入機，半個鐘後走黎問有無比單我地？其實佢自己都未入機，我地更加無催佢添啦，咁點解要燥我地底？🤦🏻‍♀️🤦🏻‍♀️🤦🏻‍♀️

本身每個星期二都會幫襯旺角間雲桂香，上癮，見到銅鑼灣附近都有間當然要去食，依舊係叫豬軟骨同蘿蔔同中辣。銅鑼灣店既中辣比旺角店油少少同辣少少，其他食材應該都係統一採購，大同小異，蘿蔔大大舊好入味，而豬軟骨都整到好""林"好易入口，係稍稍肥左少少，不過份量都好足下。無論旺角店定如銅鑼灣店都一樣既係...每次去到都必定要排隊。不過銅鑼灣店地方都算大，兩個人去既話，等5分鐘就有得入座～如果人多就建議轉陣了

話說係雲桂香叫了一個重慶酸辣粉（中辣)還加配了每款加7元的竹笙和雞絲。（我諗C字係雞絲的代號)回到學校享用時，才發現貨不對辦錢我就俾左，但得不到應有的質素。店鋪竟然沒有放到雞絲落我碗粉到打返電話去反眏，接聽電話的店員態度十分惡劣而家吾係我做錯，點解要我受你地店員氣 真係令我好氣結 有圖有真相 雞毛一條都見吾到 可能呢啲叫國王的雞絲啦講返碗粉 酸辣粉煮到淋哂，一點也不彈牙酸辣湯只有辣味，沒有酸味 一試無回頭 講完

在港島區咁多間米線店入面, 我最鐘意食既第一位係測漁涌樂林, 第二名係灣仔雲桂川風味米線, 第三名就係呢間米線店啦.呢間米線店最大吸引我既地方係佢有水晶粉供應, 水晶粉比薯粉幼, 但更Q彈, 配麻辣湯底真係夾到冇得再夾第2點係佢地有竹笙供應第3點係佢地既麻辣湯底雖然不是特別出色, 但亦唔係一般既假麻辣湯底, 起碼真係食完會覺得過癮, 合格!價錢又唔貴, 鐘意食麻辣既朋友可以一試

是日晚餐想吃粉麵類，朋友提議吃雲貴香。打開餐牌，配料選擇還頗多的，分三種價錢，$6、$7、$1x 。點了腩肉雞絲小窩米線（少辣）朋友推薦腩肉，可惜略嫌腩肉不夠辣、有點乾及太瘦，雞絲肉質也有點乾，但切工不錯。少辣的酸辣湯底真的不太辣不夠過癮，米線份量足，亦有芽菜、肉碎等配料，但總括來説平平無奇，$27+$7+$7=$41寧可吃譚仔😂 凍飲跟餐+ $8 ，不算便宜，幸好飲品尚算大杯，總消費$49，下次應該會選擇其他米線餐廳。

從前在駱克道上班, 經常叫雲桂香米線外賣今天突然回憶起, 所以就在這裡晚餐吧大概六點半, 店內坐了八成食客我們剛好在張四人卡位, 已是位於店中間了, 我們舉手示意落單,但店員也好像看不到我們一樣, 與我們擦身而過走到後面幫另一台食客落單也許該食客是先向店員示意, 但看到我們舉手也可以叫我們等一等吧？結果我們跟另一位店員落單等了大概十分鐘, 米線來了腩肉豬軟骨小鍋米線 (大麻辣, 走韮芽)米線份量多, 湯底味道依舊麻香, 但不夠辣, 感覺像中小辣似的腩肉不肥, 很入味, 帶甜又爽口豬軟骨肉較鞋, 但軟骨非常腍而且起沙雖然還未令我對此店失去信心但味道, 員工禮貌及人手方面的確有待改善