雲桂香米線專門店

营业中

休息中

一到12點呢間鋪就會大排長龍，所以今日揀咗11:50就到場🕞輪後時間🕤果然唔使等大把枱隨便揀，唔夠十分鐘就坐滿左，上餐時間亦都非常快最適合速食🥢推介食品🥢1️⃣ 肥牛生菜酸辣小窩米線（多酸極小辣） $50先揀辣度，米線定米粉，再揀配料！特別推介係啲肥牛配埋小小辣，牛肉唔多根又夠薄，正不過份量唔多，微辣唔太辣，不過芫荽酸菜都好足，湯又唔會有好多味精咁味道 😋😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：餐廳佈置用木系佈置，加咗少少民族風🧑🏻‍🍳侍應服務🧑🏻‍🍳：服務員態度還可以🔆總結一下🔆：性束價比中中亭亭，味道唔錯

雲桂香嘅小窩米線一直都係我嘅最愛❤️一入到去已經聞到好香嘅酸辣湯味！令我本身諗住試吓佢個涼拌米線都放棄左🤣因為我次次今日嘅小食所以我淨係叫一餸~不過佢嘅一生份量就俾譚仔小好多啦. 其他鋪頭起碼有四五粒但係佢得三粒姐😫但無可置疑嘅係佢個湯底充滿咗酸菜，芽菜，芹菜! 令我情不自禁咁一啖有一啖咁食晒成碗！每一啖都好多料咁😍再叫咗個豬耳，又係同返譚仔比較，本身以為主要會係好幼一條條，點知係一塊塊長方形😆😆佢個豉油麻油汁做得幾好! 大大塊更加爽口👻呢度嘅小窩米線叫咗小辣都唔係話太辣，利申我係食開10小辣嘅程度，所以佢食得來都幾上癮㗎🤣🤣

雲桂香炸春卷好好味😋脆卜卜入面個餡有啲芋頭絲蘿蔔絲咁，配埋佢兜喼汁， 正另外嗌送通常都係嗌豬軟骨，又抵又多份量，有時咁岩食正軟淋淋既炆到入哂味既仲正豬軟骨+春卷真係冇得輸。次次食完都好滿足

自己一支弓出街通常都係食粉麵，所以揀咗雲桂香。湯底選擇都係同其他差不多，酸辣、麻辣、清湯，不過雲桂香就仲有熱/涼拌同一些特定選擇(如成條魚上的魚湯米線或蟲草花雞湯米線)。價錢比另外的連鎖米線店略貴一點。如果叫3餸就差不多50蚊了，所以變咗叫蟲草花雞湯米線，上枱嗅到一點酒味，喝湯時酒味唔算濃，應該無乜味精，食完唔覺好口渴，湯面見到有少少雞油。碗內除了雞件和蟲草花，還有些生菜、薑絲及幾粒杞子，感覺好似幾補。米線份量幾多，不過我唔太鍾意，因為覺得唔夠淋。淥耐少少價好d。

雲桂香，在記憶中算是老店了，早在二十年前，是我所常到的店之一。因家庭關係，一般所吃清淡，初次接觸酸辣的味道，原來可以如此吸引。記得米線店在那個年頭，還未如此成行成市。晚上路過附近，不知道如何就餐，來回憶一下是好的。點了一份小食魚肉春卷。沒有魚味，太多粉，混合芫茜蔥提味，胡椒，味精一類調味，炸得油膩，翻炸過。佐了一般泰雞醬。睇到中間魚肉凹入就是切開，翻炸的證明。米線，少酸辣。湯底是有下料煲過，酸辣也對胃，重點夠熱。配料花生脆，另有酸菜雪菜一類提味。米線稍過火，但香港一般店都是如此。要了腩肉，尚算入味軟滑。魚腐，質素較差，冷凍舖所賣一類味精貨。整體而言，已沒有驚喜，但一般日常，還是可以的。

今日去咗牛頭角雲貴香食米線，叫咗個鮮蝦春卷、鴨腎米線（小辣）平時食開譚仔米線，覺得個湯底好唔同，雲貴香個湯底偏鹹，鍾意濃味嘅我，覺得好好食味呀！鴨腎都係我最愛嘅餸之一，蝦春卷味道都唔錯，平時食米線好少會有得叫。總括嚟講呢間米線都唔錯，有時間都會再嚟食

老公最愛呢間嘅米線，今日難得收早，米線引起，我地專登搭車去觀塘食雲貴香米線。今次嗌左豬紅豬腸豬肚，小辣米線。依舊係雲桂香獨有嘅酸辣味，偏酸嘅味道，微微嘅辣，正！豬腸係偏瘦嘅，我個人就麻麻，但就岩晒我老公。豬紅第一次叫，麻麻地，無咩味，口感亦唔好。豬肚爽口唔un ,下次都會叫返。

雲貴香又係中學時期食開既米線舖，即使米線款式多選擇，但我每次去只會叫同一款。—————————————————————👉🏻腩肉小鍋米線 🍜💰36每間米線舖辣度都唔同，今次同埋叫中辣，結果無想像中咁辣。腩肉好薄身同埋好細片，肥既位置比瘦更要多，份量好少，得四五片，自稱腩肉係🌶，但食落又唔係好覺🤔，仲以為一餸份量比較多？睇黎呢間絕對唔係喇。至於主角米線係幼身👍，唔會煮得太腍，韌度岩岩好。湯底係最值得讚，幾稀身，唔係普通既水，夠濃味😋，而且仲有超級多肉碎（寶物沉歸底），超正。（佢米線啲份量真係一時時，試過叫兩餸但份量好少☹️）👉🏻跟餐加$7就有一枝豆漿，價格正常。好味指數：8/10—————————————————————📍雲桂香米線專門店 (觀塘)觀塘牛頭角道343號地舖

食米線平時都食開譚仔同三哥 貪佢地夠多分店好就腳😙 今次經過雲桂香 見到出邊有好多人圍住等外賣 於是就入左去同朋友試下！ 我地去到已經12.幾 好彩都仲有位即刻就入得🥰我同朋友就叫左蟲草花雞湯米線 諗住食得清啖d 另一位朋友就叫左涼拌豬軟骨木薯粉😚😚 蟲草花雞湯米線好足料 入邊有6舊雞件 兩片生菜 同少量的蟲草花 雞件略嫌有d鞋口 湯底就無咩 好似白烚咁😗😗😗 蔬菜🥬份量太少 米線分量就好多 我一個女仔食左半碗咋 建議減少米線分量 多返d菜🙂 朋友的涼拌木薯粉好惹味加埋花生🥜仲正😙 另外我地叫左皮蛋同燒豬頸肉 因為吾中意皮蛋 所以就無試到 豬頸肉就有d油 但分量都吾少🥰整體呢個價錢可以接受 味道都吾錯🙂推薦：⭐️⭐️⭐️

今日去左雲桂香食午餐，因為佢有兩層，我就好想尼睇下，我地大約12點去到，已經爆晒，兩層都full，等左半個鐘，最後都仲係要搭檯坐咁我就叫左涼拌水晶粉再加兩個$8的餸 分別係貢丸同腩肉，total就$50幾貢丸唔太抵，$8得兩粒；但腩肉ok，但我就覺得E到比較普通水晶粉我第一次食，又幾好味，透明的，口感煙煙韌韌咁，幾特別整體份量都多，特別係多花生，個汁鹹鹹地辣辣地，雖然食完都唔知係咩尼，但都幾好味!

話說今日跑完步，於是行左幾公里到觀塘間雲桂香食個米線。 肚仔餓餓，叫左碗特大碗米線套餐。 其實呢個價錢都算合理，因為碗米線材料都幾豐富，總好過叫一兩個餸配個米線。 可能做完運動關係，食呢碗大碗米線，份量剛剛好滿足到餓到暈既我。我個人比較喜歡食辣，於是點了個「中辣」，相信會辣得黎唔會太辣，但又可一嚐食辣既刺激。 但估唔到碗米線無乜辣味，不過賣相就真係幾辣（好似）。最後，都要叫侍應小姐拎個辣椒油。碗米線真係太多料，食到個口都攰。溫提：喜食辣而又食得辣既朋友不防叫大辣或以上。

許久沒有吃雲桂香了，曾經也是雲桂香的忠粉。但自從裝修後剛換新菜單時吃了那次，便覺失望，因為最愛的麻辣湯底沒有了，變成港式湯底，味道上相差較大，之後便不願再吃。今次經過決定再試一次其他，例如深受歡迎的小鍋米線。腩肉豬紅小鍋米線（小小辣）腩肉和豬紅還是很好味，酸酸辣辣亦很開胃。豬頸肉豬軟骨小鍋米線（大辣）大辣的辣度可以接受，豬頸肉還可以，豬軟骨比較淋不過肥膏較多。醬拌皮蛋第一次吃，圖片真的是剛呈上的樣子，不知道還以為是吃過的。味道尚可但實在不美觀，不會再點。總結小鍋米線也算好味但無法像當年的麻辣湯底如此吸引我，加上店員服務態度一般，未必會再吃了。

今日放學放早，返緊屋企嘅時候，又系揀食乜野嘅時候啦。唉！啊，突然好想食雲桂香啊，但可惜藍田冇啦，咁近近地系牛頭角落去食雲桂香啦。 叫左碗豬頸肉豬紅小鍋米線，正。豬頸肉好林，豬紅煮得唔老。最欣賞就系佢個湯。有酸菜，酸酸地好開胃。正啊😋😋😋我個fd叫左冬菇鴨腎，冬菇好鮮甜好爽，鴨腎都好爽，正。之前每次去食都系夜晚做晚餐，同埋系旺角食，所以會系飲品店買野飲，今次下午去食，先知原來午餐去食加野飲平啲架，抵😋

雲桂香最出名的雲南手酸辣的小鍋米線，每次當一個人食的晚餐，我都最喜愛食的雲南米線。這間雲桂香的裝修有別於其他分店，有少少似日本和式的設計，～豬頸肉小鍋米線小辣（$36），豬頸肉很多塊，塊塊鬆軟，味道醃得帶有小小辣味，小鍋米線有很多配料，包括有芽菜、莞茜、香蔥、酸菜等等，望落米線都幾足料。而小鍋米線的酸辣湯底，小小微辣幾惹味都幾刺激味蕾，所以每次來到食這個米線，我都幾喜歡飲半碗酸辣湯底，而且價格都好抵食～

身為米線fans係唔可以錯過任何一間米線店，當中雲桂香開到周圍都係，連返工附近都有店面好大，所以位置好多，我地搵左個位就點餐了。最低消費是30元，選了基本米線後，你可以加錢配撘其他餸，有12元及8元的類別。我叫了小鍋米線，配科也相當豐富，包括芽菜、酸菜、韮菜、蔥、芫茜等候時間不算太長，約五至十分鐘今次叫左個腩肉小窩米線，有蘿蔔，但就略嫌普通左d，未去到出色，但都幾香口同埋好食。好多間米線店嘅米線都主張爽口彈牙，但我就好唔鐘意太彈牙，好似食橡筋咁。好多時咬咬下，可能一兩條就好唔想食落去。但呢間就一定唔會唔想食，算係最自然嘅米線口感呀