雲桂香米線專門店

营业中

休息中

本來諗住去添好運吃點心..但實在太多人..放棄!!係西洋街同屋企人諗食乜好..剛好有人派傳單..米線..都好呀..試下啦!!其實似港式車仔麵多啲..無所謂啦!!某啲配料會註明係辣..我要清湯底米線..豬皮..竹笙..魚皮餃同豬紅..什麼葱呀..芫茜全走! 落單時已經清楚同阿姐講明!! 第一次上枱..芫茜葱全部係我碗米線上..即刻叫阿姐黎搞番掂佢..當然..你唔好期望佢會同你整個碗..只係攞入廚房同你整走佢..跟住成碗比番你..第二次上枱..仲係有芫茜葱..算了..我自己夾走佢..點了竹笙..但漏了比我..第二次叫阿姐埋黎..跟住佢用另一隻碗比我..已經火火地!! 咬左一口豬皮..個質感幾好..可惜好辣..第三次叫阿姐埋黎..我話碗野辣架喎..佢話唔會喎..清湯唔辣架..我再食多塊豬皮..仲辣過之前嗰塊..跟住阿姐話.."哦..啲豬皮辣架"真係想爆粗..點解唔係餐牌寫明係辣..其它辣O既配料都有註明..點解豬皮無..落單時..阿姐又唔講聲..一肚氣..個湯真係名副其實"清湯"..淡到爆炸..同啲清水無乜分別!!!!!!呢個午餐真係人都顛!!我都無興趣問我屋企人碗野好唔好食..一句講哂..

之前仲係間日本野，原本已經執左，真係完全唔知。今日經過見到又換左鋪，還掂又諗唔到食咩，所以就同媽咪兩個人入左去食試下啦。想到去唔係好多人，可能仲未知有呢間野啦，下午茶原來只係野飲加 $2，有d特飲仲要加 $6添。我地兩個人叫左一碗豬軟骨小鍋細薯粉(細薯粉要加$4架)，另外叫左碗豬肚涼伴撈麵。小鍋細薯粉都ok好食，細薯粉夠幼同都幾彈牙，而且非常多料。湯底偏酸，係會令人非常開胃既食物。不過粉同材料既比例好似唔係好啱，薯粉好似太少。豬軟骨麻麻地，唔係特別好味，而且鹹左dd。豬肚涼拌撈麵非常之大碗，又係食勁耐都未食完之作。有花生炸菜等幾惹味，米線亦夠彈牙，算整得唔錯。好在醬汁夠，唔會好乾好難食。埋單 $60，唔算特別平，但亦唔係好差，都算食得過之作。