影片
营业时间
今日营业
10:30 - 21:30
星期一至日
10:30 - 21:30
以上资料只供参考，请与餐厅确认详情
做咗好几年云川Fans😊 因为我唔系食得好辣，之前一直食开微辣。点知早前佢已经取消咗微辣，最少要小辣… 𠮶阵时我就停咗冇食一排，然之后慢慢开始个人练咗食得辣啲，我又试返云川啦😄 咁总算都习惯咗食倒小辣✌🏻 一直去卓尔商场食呢间分店叫微辣，一般都系我食到嘅辣👍 但系近呢几个月，有好几次碗米线又突然间会辣咗好多，我额外加埋醋都系太辣😵💫 我开始想放弃了… 😖好想再去，但最惨我都唔知佢边一日系正常嘅辣🙈 如果嚟到先太辣，成碗米线又浪费咗，佢更加唔会换汤俾我😮💨另外有时想加个菜，问佢可唔可以另上，就算佢啱啱开门冇乜人嘅时候，佢都系坚拒… 而家啲食肆仲系咁唔人性化同冇弹性😮💨虽然佢仲系好好生意，但系员工嘅服务都系一般，尤其是店长（我只估佢系）… 所以感觉真系唔多良好…
继续阅读
又系真实食评既时间屯门新墟3间分店都食过哂，卓尔居分店我觉得比较好食啲，3间个问题都系个辣度成日都唔一样，另外推荐大家试下个银针粉，个汤底好香，炸大肠超好食👍🏻必点，另外再要试既系猪颈肉。环境：好多时候都要搭枱，要预左迫住坐卫生程度：还好，米线铺黎计算好干净食物质素：数一数二既米线推荐菜式：猪颈肉，萝卜，炸大肠极不推荐菜式：小食鱼皮
继续阅读
// 鱼汤红薯粉🐟+香辣牛展 $48 //+$3 连嘢饮 冷热同价呢个鱼汤一饮好似加咗好多条鱼落去咁🥹🥹有妈妈煲嘅感觉😍香辣牛展比想像中好㖞都几多旧 厚薄适中🤩🤩// 炸韭菜猪肉饺 🥟 $36 //超香口！！！但2个人食有啲腻3个人share应该会啱啱好🥹食得出好足料👍🏼似系佢哋自家出品 唔似嚟货🤣🤣
继续阅读
21/10/2024📍云川米线·红薯粉话云川系元屯天最出名嘅米线 应该冇人唔同意啦😗有成7间分店 拣左好耐食边间先最authentic最后就拣左最就脚嘅卓尔广场店 贪佢泊车方便🤣每个粉都跟一个𩠌 +$10多一个𩠌 我哋果日都几肚饿 各自都嗌咗三个𩠌😌⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨酸辣汤红薯粉（$48） + 猪颈肉+鸭胸+生菜既然佢个店名都有红薯粉 就试下佢红薯粉都几入味 系有纹果只 有啲咬口但唔会太硬酸辣汤嗌左小辣🥵辣度啱啱好 够惹味猪颈肉切到好细条 比较少见 充满油脂 食落好好juicy 😋鸭胸就厚切 味道就普普通通成碗粉同𩠌都好多 认真扺食✨猪骨汤红薯粉（$48）+香茅猪扒+酱爆鱼丸+腐皮虾卷猪骨汤虽然带微微辣 但怕辣嘅🙍🏼♀️觉得完全冇难度汤底同酸辣汤一样都有好多辣肉碎、芽菜猪扒应该有炸过 但无另上 所以浸到外皮有啲腍 虽然比较薄身 但猪扒本身都几肥 所以都几好食👍🏻酱爆鱼丸几有趣 入面嘅肉馅好多汁腐皮虾卷都好食✨炸墨鱼饼 ($30)啲肉好扎实 炸粉薄 点咗辣鸡酱都几好食✨炸鱿鱼须 好钟意佢个炸粉有紫菜 真系好特别 紫菜味好香 同鱿鱼好夹😋鱿鱼须唔韧 好易咬 同样都系配辣鸡酱食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最后埋单$203（免收加一）其实一人叫一碗粉已经好够 只系我哋想嗌够二百蚊拎个泊车优惠先嗌埋小食🤣呢到嘅野食又大件又好味 如果嚟开屯门真系要嚟试下推荐指数🌟：4/5📍屯门石排头径1号卓尔广场3楼316号舖
继续阅读
呢间米线系屯门来讲都好多人去吃，饭点去到几乎坐满，个人每次食米线必点食物，猪颈肉 鸡翅 渔腐，加冻柠茶套餐，佢嘅汤底真系独一无二，汤底浓郁，有阵时去到太多人就会搭台
继续阅读