雲川百味

洪水橋美食｜雲川百味 米線料多到滿瀉！洪水橋呢間米線專門店真係抵讚！分量超足，料多到幾乎遮住米線，食得超過癮～ 麻辣湯底香氣衝鼻，辣度夠勁又唔嗆喉，配爽脆多汁嘅豬頸肉簡直絕配，吸晒湯汁越食越上頭！南乳雞翼鹵得超入味，南乳香好濃，外皮微脆，肉質嫩滑，吮埋骨都有滋味～鍾意清鮮口味嘅必試豬骨湯！湯底熬得鮮甜醇厚，飲落好滋潤。豬扒嫩滑唔柴，吸晒湯底精華；黑魚片薄切透光，入口爽滑無骨，鮮味十足。仲有鹵得軟糯嘅豬大腸，唔腥又夠味，墨魚餅彈牙多汁，每款配料都好出色～ 出餐快、味道正，附近街坊想食飽肚又惹味嘅米線，呢間實唔會失望！…查看更多

今日嚟到元朗嘅「雲川百味」，試咗幾款招牌米線同小食，佢哋啲米線湯底選擇真係多到眼花撩亂，有豬骨濃湯、魚湯、酸辣湯等等，每款都有唔同風味，仲可以自選辣度，價錢仲幾親民😝🍜 豬頸肉&香茅豬扒麻辣米線豬頸肉燒得啱啱好，外脆內嫩，咬落去仲有啲肉汁；香茅豬扒就有陣陣香茅味，同麻辣湯底一齊食，辣得過癮又唔會太嗆喉！🍜 豬頸肉&雲吞麻辣米線豬頸肉依然係亮點，雲吞都唔輸蝕，皮薄餡靚，咬落去有鮮味。麻辣湯底可以揀辣度，我哋揀咗小辣，辣得啱啱好，唔會蓋過食材原味。🐔家鄉手撕雞手撕雞嘅雞肉嫩滑，麻醬香濃，辣油唔算太猛但夠醒胃，底下墊住啲青瓜，食落去清爽又解膩，係一個好好嘅前菜。🥤 飲品配搭米線加配飲品都有優惠，今次我哋叫咗凍檸茶，茶味夠濃，檸檬味清新，飲完解辣一流！…查看更多

麻酸樂金湯小鍋米線$68蒜香雞扒，小辣，走芽菜偏酸，唔算辣，米線有啲硬豬骨湯小窩米線$68普通豬骨湯味，唔算好特別。不過都幾好食豬軟骨幾淋跟米線嘅炸雞扒好味紅洋抄手$45皮唔厚，大大粒一粒，幾好味，唔辣嘅…查看更多

發現元朗超抵食大份嘅米線👍🏻墨丸辣嘅腩肉拌熱米線，超惹味勁多腩肉，墨丸都好食，唔係成口粉。蕃茄湯麵配墨魚餅加香茅豬扒，豬扒可以揀另外分開上，好細心。蕃茄湯底係甜甜地，開胃🤤香茅豬扒大大塊，好腍身夠入味。小食鹽酥雞都好，即叫即炸，好香口。仲要30幾蚊好大份。三個人share先食得晒，食都係$150左右。下次去開元朗都會過嚟呢度食再想試吓去。另外招牌家鄉手撕雞見隔籬枱都好吸引。😆五點幾去間餐廳，都好多客似乎都係好多人嘅飯堂👈🏻…查看更多

朗屏放工係附近搵食，見到呢間店排哂長龍，都幾多人食，主打食米線/紅薯粉！配料有超過40款，好多選擇！香茅豬扒墨魚餅酸辣湯米線米線份量都幾多，配合酸辣湯味道又香又辣，米線都幾彈牙！香茅豬扒可以另上，唔怕浸湯會淋哂，整得好香口，墨魚餅口感彈牙！蒜香雞扒螺旋藻豬骨湯米線雞扒大大塊，肉質嫩滑惹味，螺旋藻份量都好多，唔食得辣可以點豬骨湯走辣，湯底會少咗辣肉碎同酸菜鹽酥雞即點即炸的小心辣親，雞粒炸得一口一粒，配泰式酸辣醬同辣粉味道更豐富枝裝豆漿跟餐加$5凍檸樂跟餐加$6…查看更多

墨魚餅豬頸肉魚湯米線賣相好 米線份量夠哂多 但個魚湯唔夠出色味道好淡 完全帶唔出魚既鮮甜味連帶埋成碗米線都好淡味 最後要自己落醋豬頸肉好多條 好食既墨魚餅見餐牌上比左所以試下但都係唔好食 完全冇味成個體驗好一般友人叫左酸辣湯話好食唔知魚湯係失手定點 避雷唔會再試…查看更多

我係午飯時段12點幾一個人去食，坐得好滿，要搭枱，米線味道正常幾好食。重點係服務態度好好！！落單可以直接揾待應落亦都可以qr code，係店內好多人嘅情況下揾待應落都唔會唔耐煩直接扔個qr code俾你。呢個時間段好多人叫外賣，所以落單之後都要等幾耐下，但係你追單待應都會耐心解釋，安撫客人。我自己無駕車，但係係我食個陣有警察嚟抄牌，佢地都有提客人去走鬼。我食飯食得慢，差唔多食咗50分鐘，係店坐爆晒，搭枱甚至要坐對面嘅情況下，中途都無人催無人趕，任我慢慢食，食得都幾舒服。我中途攞咗個耳機出嚟放咗係枱面，食完俾錢唔記得收返起，我行咗出間鋪，有店員走出嚟追我俾返個耳機我，好感謝佢總結係幾有人情味，服務態度好，唔錯食嘅小店…查看更多

23/7/25 2:10pm 電話下單，表明是急單，因為要趕巴士上班，女同事熱心幫助，最後剛好趕上巴士，今時今日難得的服務態度，值得表揚，最後超標大約5-6分鐘已攞到外賣…查看更多

雲川百味辣得我心服口服！麻辣米線配香辣腩肉同蝦卷，湯底麻辣層次分明，辣得過癮但唔會嗆喉，花椒香同辣椒味滲入米線，彈牙又吸晒湯汁，食到停唔下來🌶️！香辣腩肉炆得軟腍入味，肥瘦啱好；蝦卷以為係卷物，點知係蝦滑，爽甜彈牙，鮮味爆棚🦐，同麻辣湯底夾到飛起！鮮魚湯麵配墨魚餅同蒜香雞扒又係另一驚喜，湯底清甜帶魚鮮，墨魚餅Q彈有嚼勁，蒜香雞扒煎得外脆內嫩，蒜香撲鼻，配麵食好滿足🍜！小食嘅日本海苔魷魚燒🐙更加係必試，魷魚烤得香脆，配上海苔同辣椒粉，點少少醬，香口到舔手指，食到唔想停！…查看更多

一向好鍾意食米線得知元朗有間新開嘅雲川我哋就去試吓發覺佢同屯門嘅係唔同的🌶️哩度嘅湯底係更濃郁、辣度更強、香料味更突出！🥟餸菜出色：餃子、蝦卷yummy，豬頸肉比屯門嘅好食！🔸豬頸肉麻酸辣米線（中辣）豬頸肉出色👍🏻夠入味又焗到焦香，唔會因浸咗湯而淡左。中辣湯底真係好夠辣、好濃麻辣香料味突出但冇苦味米線吸收湯汁 每啖都食到湯嘅味好啱重口味人士。🔸韮菜餃薯粉水餃飽滿大隻、女韮菜好香好新鮮、餃皮夠滑。薯粉煙煙韌韌，2湯底都係一樣的。🔸炸豬扒、炸蝦卷全部都係即炸，好香！豬扒大件厚身，入口鬆軟。炸蝦卷皮脆脆的，沾麻辣粉食好好味！…查看更多

元朗駕院學完車，搭佢架巴士廣場落，屯門人一開始仲以為係雲川，坐低先知唔關事🤣🤣可能下午茶，唔係太full，冇逼我搭枱食開雲川豬扒豬頸肉，癈狗食唔到辣，照嗌番清湯豬扒豬頸肉米線，豬頸肉加豬扒唔洗另外加錢👍👍清湯但湯底ok唔會死鹹或太稀，豬扒入味幾大塊，豬頸肉煎得夠香脆，凍鴛鴦走甜正常揾到間學完車可以encore既米線…查看更多

入到咁遠嘅地方，都有一間食米線嘅地方，呢間米線嘅舖頭都幾抵食！餃子蕃茄湯米線推介$48濃濃嘅蕃茄湯，非常鮮甜！另外加配了蘿蔔和豬軟骨！餃子是韭菜餃，非常清香！另外點了一款麻辣米線豬頸肉麻辣米線$48麻辣可以揀選不同的程度，另外配搭了豬扒和豬大腸。麻辣的刺激非常惹味！豬頸肉也煎得非常軟腍腍！非常香口！自選面餐可以熱飲免費！特色小食也有非常多選擇，有辣有唔辣，任君選擇！家鄉手撕雞非常推薦$42滿滿嘅辣油沾滿了嘅手撕雞！非常惹味！…查看更多

挺喜歡吃米線的，也經常吃🤩喜歡吃米線的朋友應該知道好吃的米線「雲川」這個招牌肯定是屬於數一數二的，而這次選擇了元朗豐年路的這家「雲川百味」位置非常方便，人客也是滿滿的，生意好到爆棚還需要排隊等候的呢。味道肯定也是棒棒的！麻辣湯米線（配香茅豬扒➕煙燻鴨胸$58 ➕凍檸茶$3）湯底濃郁，麻辣的口味向來也不會讓人失望，作為無辣不歡的我，表示很滿意👍香噴噴的肉碎配搭著獨有的麻辣口感，味蕾被衝擊的感覺簡直不要太好😀米線軟硬適中，豬扒堅韌有度，好香口！而鴨胸肉有著些許的煙燻味，附有彈性，也是不錯之選。鮮魚湯米線（配香茅豬扒➕蒜香雞扒$58➕可樂$3）魚湯很是鮮美，真是忍不住多喝幾口。不吃辣的朋友可以試試，也是不錯的湯底之一。雞扒的口感很嫩滑，每一口都是。選用蒜香的調配也是再適合不過。令到整碗的米線更加出色。家鄉手撕雞 $42招牌之一的小吃，一點點的麻辣汁調味其實不算很辣，朋友們可以試試，同時提供了芝麻醬供你體驗另一種風味。雞肉是新鮮的，入口感覺不錯。雲川百味 (元朗)元朗青山公路 - 元朗段242號福德樓地舖…查看更多

洪水橋店。我掃碼入左單後即發現入漏左”加底”，即時舉手叫呀姐幫忙加番底，佢一下就斬釘截鐵回應：「而家好忙！唔會幫你揾單，唔會同你改！」呢啲咁既服務態度，唔怪得香港本地飲食業死沉沉上曬大陸啦⋯⋯單已經唔使你侍應入，改一改單都話唔做。…查看更多

今日試了酸辣米線及麻酸辣米線，雲川酸辣米線是酸鹹味，而非酸甜味。個人偏好酸甜的米線，所以並沒有想像中好味。朋友試了麻酸辣味，加了麻辣，令米線更出色。雲川米線湯底夠濃，但同時都偏油，表面有一層厚油。它的配菜（芽菜及酸菜）份量不多。我覺得這間米線符合水準，但不算太出色，可以嘗試，但不會再去。另外，服務態度挺好。…查看更多