雲壽司 (德和大廈)

营业中

休息中

-中環鬧市，想搵間親民價錢既高質餐廳的確唔容易，如果想食壽司或者廚師發辦就難上加難。-今次介紹既餐廳正正有啲唔一樣，呢間雲壽司主打平民價錢，但擁有高級質素既日式壽司。餐廳主要由幾位壽司師傅主理，即叫即整。如果坐Bar枱，仲可以親眼睇到師傅們握壽司添！-呢間餐廳所有既食材通通由日本空運到港，絕對非常新鮮。今次我地叫左特上壽司拼盤、北海丼同自選壽司10件。🍣-師傅先上特上壽司拼盤，呢個拼盤足足有10件時令壽司，性價比十足。講到食壽司，小編都算外行人，所以我都只係先食淡味既壽司，再食稍為濃味既壽司，中間再飲綠茶同食酸薑片，以清清味蕾。-先講深海池魚、鯖魚同魴鮄壽司，呢三款壽司肉質緊致、有彈性、厚度適中，仲一啲腥味都無！-跟住講下赤貝，赤貝帶有微微甘甜，肉質非常爽口。至於牡丹蝦，食落比較厚身，尺寸偏大，入口嫩滑甘甜，爽口有彈性。係香港真係比較難食到咁新鮮既牡丹蝦，所以忍唔住輕嘗埋蝦頭既膏，非常鮮甜，但唔會有腥味。而三文魚籽，粒粒非常飽滿，睇落好有光澤，咬落去脆到爆開，略帶鹹味。-之後，我地食左拼盤內唯一既半熟壽司。左口魚邊不嬲係我愛好，而今次既火炙版本更加令我一試難忘。呢款火炙左口魚邊，一入口

終於係中環見倒*雲*☁️啦，我所講嘅係銅鑼灣區嘅‘雲壽司’終於係中環開左分店啦，呢間新開張一個月左右。同銅鑼灣店一樣，地方唔算大，呢度入門口有張大約坐12人嘅L 形長bar枱，另外近牆邊位置有三張二人桌，坐得都好舒服嘅。呢度除左有自選壽司🍣、剌身拼盤外，仲有omakase食架，而自選壽司有成廿幾款可供選擇。今晚就自選左12件壽司🍣$198三文魚腩、火炙三文魚、帆立貝、火炙帆立貝、池魚、深海池魚、吞拿魚、油甘魚、真鯛、赤蝦。魚生部份唔洗多講，非常新鮮，三文魚同火炙三文魚，油花最多，入口充滿魚油香氣；帆立貝軟滑鮮甜，火炙過嘅另外多分焦香；深海池魚同真鯛味道偏淡，但口感係最好，最爽口；吞拿魚原全冇根，入口嫩滑；赤蝦爽脆鮮甜，咀嚼至起黏身，鮮味更加豐厚。飯底微暖，粒粒軟綿綿，加上適量嘅醋味，match得好好。

中環最近四圍都係壽司店，今次揀咗最近由銅鑼灣開過黎嘅「雲壽司」⋯店鋪望落非常光猛，感覺新淨衛生，店員服務都好細心。呢度食材高級而且超新鮮，中環黎講嘅話，價錢亦合理。2人的話可以參考我地各點一份「特上壽司拼盤」和 Omakase 「翔」，每set都有10件壽司，既可以食到餐牌指定款式，又可以試到交由師傅發辦，品嚐當日最新鮮嘅食材，後者仲會多一份手卷及麵豉湯。個人推薦：「炙燒腦天」即吞拿魚頭頂的肉，一條吞拿魚只得兩片，入口真系叮一聲，魚味超濃，筋少脂肪多，整體口感好豐富。「炙燒銀鱈魚」炙燒過嘅魚身激發更多魚油，油香包圍住整個口腔，非常滿足。「魴鮄」係近黎我幾鍾意食嘅白身魚，肉質爽彈，比一般嘅白身魚更甜。「海膽」新鮮唔腥，加上少少wasabi，更突出到鮮甜味。「赤貝」貝肉大而且厚身，新鮮爽脆。「三文魚籽」粒粒晶瑩剔透而且飽滿，味道醃制得剛剛好，咸得黎帶少少甜味。

一人晚餐，最好食個快靚正壽司😎放工去咗中環雲壽司，今日7點去到，好彩有位～晚市有散叫、壽司餐及Omakase ~~揀咗個經濟嘅壽司拼盤🍣$188呢個壽司拼盤有10件壽司，唔太肚餓食就啱晒☺️ 落完單，壽司拼盤好快就整好。油甘魚、三文魚、甜蝦、真鯛、帆立貝、三文魚子、池魚、吞拿魚腩、北寄貝、辣味三文魚。覺得吞拿魚腩幾肥美，入口即溶！三文魚子紫菜夠脆，魚子夠鮮味；甜蝦都幾大隻鮮甜。真鯛同池魚都OK～一路飲係綠茶一路食～食完店員非常快速就拎張單過嚟，回家去！

朋友向我介紹呢間在中環蘭桂坊附近的日本餐廳，佢嘅Omakase性價比十分高，今日終於有機會同朋友來試一試，雖然店舖比較細，但食材新鮮，廚師嘅水準確實非常不錯，而且價錢大眾化，非常抵食！Omakase分三個價錢，吟 GIN $780、雲 KUMO $580、翔 SHO $380， 我今日就試咗，包括壽司10貫，手卷及麵豉湯。我今日10貫壽司有鮮帶子、北海道牡丹蝦、活赤貝、鯖魚、熟螢光魷魚、赤鹿、剝皮魚配魚肝、北海道海膽、大拖羅與及火焰銀雪魚！首先帶子非常之甜美爽口彈牙，而北海道牡丹蝦肉質鮮嫩晶凝通透，食慣日本高級壽司的我，一試就知係高級食材。活赤貝就當然十分爽脆清新，而鯖魚味道較淡身，但不失魚鮮味！螢光魷魚係我第一次食，非常之impressive! 咬落去非常鮮甜的魷魚味，非常爽甜！赤鹿及銀雪魚都火炙了表面，除了原本的魚香味，更加添了火炙後的甘香剝皮魚就食過，但上面配上魚肝又另一感覺，魚肝非常之濃郁味美，能帶到剝皮魚去另一個層次！海膽壽司就是我的最愛，不用多說北海道海膽就是最鮮甜、最creamy! 入口即溶真係無得彈！最後大拖羅油脂均勻而且足夠，入口甘香，亦是入口即溶，十分滿足！之後送上

同朋友去中環行街,行到7點幾,但都唔算好肚餓,想食少少野,行到蘭桂芳果邊見到有間新開既壽司店,諗住試下食幾件壽司都唔錯,所以就決定試下!🍴食物方面:我地每人選左12件壽司套餐🍣,另加蟹籽沙律🥗⚪️魴鮄⚪️真鯛⚪️赤蝦⚪️甜蝦⚪️北寄貝⚪️帆立貝⚪️吞拿魚⚪️深海池魚⚪️辣味帶子 ⚪️蔥吞拿魚腩⚪️牛油果沙律⚪️火炙帆立貝⚪️火炙左口魚⚪️火灸三文魚腩壽司🎉私心推介:魴鮄.帆立貝.深海池魚.辣味帶子.火炙左口魚魴鮄和深海池魚好特別,第一次食,唔腥好鮮甜,帶子超新鮮,就咁食/火灸/辣味都好好食,左手魚好厚,入口即溶,魚油味好正!👍🏻整體方面:餐廳唔算好大,但都唔算好迫,可以座係師傅前面睇住師傳即叫即整,食物好新鮮,價錢合格,想食好D就叫貴D既套餐,豐儉由人,同朋友一齊SHARE都幾正!!🤭

中環啊俾我搵到呢間omakase係咁抵架🥺去某知名日本超市食盒壽司都要二百幾點解唔黎呢到🤣🤣？由師傅揀最優質食材食到最新鮮既貨呢？你估omakase好似迴轉咁容易就做到架咩最新鮮最時令好講師傅本身質素大家講個信字 你又估間間咁有信心咩🙌🏻特上刺身Deluxe SushI Platter$258 十件超靚靚壽司🍣吞拿魚腩深海池魚牡丹蝦赤貝海膽三文魚籽火灸左口魚邊鯖魚蔥吞拿魚腩蓉壽司本身係魴鮄 咁岩無曬轉左真鯛俾我😋海膽甜到傻 未試過係香港食到咁甜既🤤#中環人你黎左未？

想一想，疫情關係，吃少了很多美食，原來放工後好好的吃一餐，也不是理想當然的。所以，能吃的時候，就盡情吃吧。最近很努力工作，想好好稿賞一下自己，於是和朋友相約吃omakase，比起以往吃的omakase，這家小店定價低好多，但新鮮度味度卻一點也不輸蝕。Omakase雲kumo $580有刺身4件、壽司8件、手卷1條同麵豉湯食Omakase最好是廚師發辦不用自己揀選吃什麼，師傅會將最時令的美食奉上，我們就集中享受美食就好。發覺這裡的師傅和店員比例上很多，可以好好照顧每一位食客。刺身一次過奉上來，精美的擺盤當然要相機食先。刺身有牡丹蝦、粒貝、深海池魚王、拖羅師傅細心提示要依這順序吃牡丹蝦體形不算大，但味道十分鮮甜，肉質有彈性，蝦味在口腔中徘徊。粒貝比較特別，它薄而爽口，有獨特貝香。深海池魚王肉質肥美爽甜，口感層次豐富，魚鮮味突出，同時亦有很香的魚油味，相當吸引。拖羅最後才享受，它的油脂豐富，卻不會吃到滿口油，有入口即溶之感，想平衡一下口感口味，我嘗試和青瓜片一起吃，結果也不錯，有點像生菜包的風味，哈。壽司是一件件的送上，也細心的分配好由淡至濃的口味。值得留意是每件壽司都配上適當醬汁，基本上不

今晚去咗中環雲壽司食Omakase 。翔set ！有10件壽司1條手卷同味噌湯白蝦壽司 食落好黏囗。飛魚壽司 鮮味有啲煙韌。鮮帆立貝壽司 帆立貝面加咗啲醬油。食落幾鮮甜唔錯呀。深海池魚壽司 有啲口感幾有咬口。赤貝壽司 勁大隻赤貝好肥美又爽口。金目鯛壽司 有少少火炙過幾香。剝皮魚壽司 上面係佢個肝 有啲蔥味道幾特別。燒銀雪魚壽司 好有雪白既感覺😆北海道海膽壽司 超級creamy😋好味呀！大拖羅壽司 入口即溶既感覺。拖羅溶手卷 紫菜脆卜卜、師傅仲叫我快啲食，唔係紫菜淋咗唔好食👍好窩心食完飲埋個味噌湯真係大滿足😆

雲壽司 中環店呢間雲壽司喺蘭桂坊附近，有omakase 有散叫壽司，重點係價錢親民，質素一啲都唔差架！Omakase 有三個價位，最平$380有10件壽司、1件手卷以及麵豉湯，份量都夠架！翔 SHO （$380）帶子深海池魚赤貝伊佐木北海道牡丹蝦季節限定 飛魚吞拿魚面脥肉 （即係面珠登）拖羅北海道海膽燒銀鱈魚每件壽司都係廚師精心挑選嘅新鮮材料，而且有白身魚、貝類、蝦類、拖羅及海膽，款式都幾多！最後一道吞拿魚蓉手卷，滿滿都係餡呢！落左蝦頭去熬嘅麵豉湯，熱辣辣夠鮮甜！

雲壽司🍣最近開左中環店，作為佢既fans又點可以錯過🙈🙈 中環店位置好方便，好近蘭桂芳，定價就同銅鑼灣差唔多，店面一樣係只有約12座位，細細間但有4-5個師傅坐陣🤗.收工時間大約19:30都7成滿，幸運地唔使等位直接入座，餐牌分定食/盛盒/單點... 平時食開既午市定食都有，但晚市食就無沙律同面豉湯送😖.▪️特上刺身拼盤$360最愛食佢地既sashimi😍又鮮甜又抵食，叫刺身拼盤最抵係有大卜口+海膽👍🏻 物超所值，刺身拼盤唔使食咁多飯岩晒我😂刺身包括：（吞拿魚腩，牡丹蝦，海膽，赤貝，深海池魚，真鯛），全部都新鮮鮮甜，尤其欣賞個海膽，甜得黎無苦澀味；赤貝係新鮮活赤貝；大卜口無筋又厚切😋 真係食過返尋味 .▪️三色丼 $148同事話糧尾🤣叫個三色丼就算，三色丼仲抵食，有海膽，帆立貝，三文魚籽🥰🥰 全部都係貴價食材，鍾意食飯既朋友應該會好鍾意佢地個壽司飯，好既醋飯，唔沾手又唔會過硬，同事都話好鍾意佢地個飯🤗當然刺身都係正既，最重點應該係真係好抵食😏.▪️鰻魚手卷 $35口痕加個手卷食，紫菜唔算好脆身，有點硬硬地，但個鰻魚就幾唔錯，會整返熱個鰻魚，而且都算幾厚身，好滿足既感覺❤️.中環區黎講我覺得價錢

三色丼 （海膽，帆立貝，三文魚籽）$148呢個餐全日供應，海膽，帆立貝同三文魚籽份量充足，十分新鮮，海膽鮮甜色澤橙黃，帆立貝大大粒，三文魚籽好多好鮮味，配埋壽司飯十分滿足，午市仲奉送沙律及面豉湯特上刺身拼盤 （吞拿魚腩，牡丹蝦，海膽，赤貝，深海池魚，真鯛）$360擺盤好靚好有特色，大卜口油脂分布平均，食落入口即溶，牡丹蝦大大隻鮮甜爽口，海膽十分新鮮有海水味，赤貝厚身好爽口，深海池魚油脂多，入口甘香，真鯛肉質爽脆，全部都十分新鮮鰻魚手卷 $35新鮮整熱既鰻魚配上香脆紫菜包住既壽司飯，啖啖大滿足

這間位於中環的雲壽司，主打刺身及壽司，另外還有幾款刺身飯供應，價錢由百多元起，中環區算正常。葱吞拿魚腩丼表面舖滿了吞拿魚腩蓉，入口有魚油脂香，吞拿魚鮮甜甘香，加上葱香味，珍珠米飯爽口。特上刺身拼盤有六款刺身，包括吞拿魚腩、深海池魚、鯛魚、牡丹蝦、赤貝及海膽。最好味一定是吞拿魚腩，油脂豐富，入口溶化，充滿魚油甘香。其次是深海池魚，肉質爽滑，味道鮮甜且魚肉濃郁。鯛魚味道雖不及池魚，但亦都鮮甜。牡丹蝦及赤貝爽口鮮味。海膽就比較一般。

平時食開銅鑼灣既雲壽司，原來開到黎中環，主張平民版omakase，同銅鑼灣店一樣，有3款廚師發辦、5款盛盒，同埋其他單點壽司特上壽司拼盤 $258拼盤總共有10款壽司，款款都係特選既，其實睇餐牌都知道，亦令我有所期待。吞拿魚腩油膩分佈平均，入口既時候仲有少少甜味，不過就未做到入口即溶既感覺.深海池魚口感結實，面頭既薑同蔥增加左香味.牡丹蝦爽口甘甜，非常好食.赤貝新鮮既赤貝非常脆口，一啲都唔腥.海膽絕對足料既海膽壽司，而且海膽香甜軟滑.三文魚籽飽滿嘅三文魚籽，豐富口感，加埋鮮甜既味道，齒頰留香.蔥吞拿魚腩壽司入口即溶，味道香甜，一啲都唔馬虎.池魚肉質結實，味道不錯

之前食過銅鑼灣嗰間，啲壽司非常之高質，見到公司附近開咗新分店，放咗工即刻去幫襯。今次叫咗omakase套餐 - ”翔”($380)。依個套餐包括有10件壽司、一件手卷同一碗麵豉湯。今次廚師為我哋準備嘅有：鮮帶子、赤貝、左口魚邊、深海池魚、伊佐木、螢光魷魚、剝皮魚、大拖羅、海膽同埋燒銀雪魚，味道由淡至濃。而手卷就係蔥拖羅蓉。鮮帶子夠厚身。赤貝夠爽脆。左口魚邊經過火炙之後入口即溶。深海池魚爽口得嚟又帶有油脂嘅甘香。伊佐木係第一次食，肉質腍身但魚鮮味突出。螢光魷魚比一般魷魚柔軟，但依然有彈性而且更鮮嫩。剝皮魚打邊爐就食得多，刺身都係第一次食，仲要連埋剝皮魚肝，但係非常有驚喜，剝皮魚微爽，而剝皮魚肝就好似豆腐咁嫩滑，雙重口感完美配合。大拖羅清晰嘅雪花紋就睇得出有幾咁肥美，一咬落口油脂嘅甘香爆曬出嚟。海膽質感細膩，入口即溶，味道濃厚甘甜，回味無窮。燒銀雪魚肉質細緻，鮮甜而不腥。食埋個手卷飲埋碗湯，三個字大滿足！