雲南風味館

营业中

休息中

呢間真正由細食到大,中學時期介紹俾同學,大家都覺得好好食,好食到放學幾個同學特登喺何文田搭的士過嚟食,諗起都覺得好瘋狂大個左之後久唔久都會過嚟食吓,首先三鮮米線,我係叫咗酸辣分開,因為就咁酸辣我會覺得太辣,而且佢個清湯就咁飲好好飲,有少少甜甜地嘅肉味,分量好足(p.s.米線偏軟身,我最愛)而個炸雞翼每一次食都係好趣口,佢應該係即炸嘅,唔知係我由細食到大嘅情意結定係,總係覺得出面冇任何一間雞翼係做到佢呢個咁好食環境正正常常,簡約乾淨,由於人手只有老闆兩公婆,有時多客要行去廚房個窗口仔度叫佢哋落單,但佢地好有人情味好有禮貌

難得有街去，長沙灣睇完戲就去附近搵嘢食友人出發前已介紹兩三間雲南嘢幸好今日唔係太熱，所以就揀咗呢間雲南風味館啦因為裡面係冇冷氣㗎😂我叫咗雞肉豬潤小麻辣湯友人叫咗豬腩蘿蔔炸醬湯呢個麻辣湯不得了，好多花椒粒粒係底，非常麻香飲咗一啖湯之後咀唇係完全麻痺跟住好快就食到汗流浹背雞肉同豬潤份量都好多，以我咁大食嚟講都好夠飽友人嘅炸醬濃香，炸醬數量好多，所以個湯底有滿滿嘅炸醬味，蘿蔔就咁睇都有7、8舊，好抵食下次嚟要試埋個雞翼先

天氣熱辣辣最好就係食米線㗎啦，出完街唔想轉買兩碗米線返屋企食！外賣唔錯喎，湯同面都係分開嘅。份量都好多。不過麻辣米線唔算太辣，怕辣嘅人都食到。 配料都夠多， 份量大，價錢平

平時經過可能會略過的小店，簡單的餐牌毫不起眼。一年前開始幫襯，經過很多米線排行榜推波助瀾下，越來越多客人，但這店仍然由兩位叔叔阿姨默默經營，並沒有因為開始出名而質素下降。這店的麻辣非常獨特，很多花椒碎粒，有些少嗆，雙唇舌頭迅即發麻，很過癮會令人想更大口吸啜米線🍜推介配料：黃膳、竹笙、自家水餃🥟評分（10⭐️為滿分)：麻辣獨特：⭐️⭐️⭐️⭐️⭐️⭐️⭐️⭐️⭐️米線質感：⭐️⭐️⭐️⭐️⭐️⭐️配料味道：⭐️⭐️⭐️⭐️⭐️⭐️⭐️

最近長沙灣開了一所新戲院，標傍價格時光倒流，周日就去了新戲院睇戲，睇完就去覓食。長沙灣工商廈區的餐廳，周日大多關門，我們只好再找找其他地方，在一所老舊的住宅大廈的地下，發現有一間價格相宜，份量十足的米線店，成功吸引走到筋疲力竭的我們入內。依觀察餐廳以家庭形式經營，父母在廚房預備米線，女兒則一人在樓面打點一切。女兒看似年紀輕輕，在幾乎滿座的餐廳中，卻能夠一人負責收錢，送餐和收拾等工作，不禁令人佩服。餐廳基本的選擇就是幾款米線和一些小吃。今次我們都點了三鮮米線。三鮮米線 ($34)炸醬湯底勁足料，成碗都有肉碎，湯底味道足夠 ，味道濃烈，不過未算太辣，怕辣的女友也勉強能應付；有雞肉，火腿，芽菜等配料。雞肉肉質一般，較硬身，雞粒至少有四五塊以上，入到炸醬味，不錯！；米線麵質彈牙， 口感煙韌，是我喜歡的口感！米線食質素不俗，即使有挑剔的空間，食物質素還是能接受，加上非常吸引的價錢，更重要的是我看到一家人努力經營一門小生意，在今日的香港已經不易找到，更令這碗米線多了一分故事，一分感動，總體是十分吸引，值得推介大家光顧。

深水埗同長沙灣一向都有好多米線舖，今次就試左同事介紹既一間舖。餐牌見到選擇比較少，但價格真係相當吸引。飲品方面只係得可樂😶無其他選擇。#腩肉雲南米線 （中辣）$30價錢非常便宜，分量多，腩肉比較薄身，但唔係用鹵水汁醃，只係好似咸肉既味道。米線韌度適中👍湯底非常清，起初仲以為無味，但飲落其實只係普通既鹽水🤔唯一要讚係麻味好出，食完個嘴真係有種痺痺地既感覺。👍聽人講炸醬湯底會比較吸引，下次會再去試下！

第一次寫食評, 寫得唔好唔好見怪               以前喺長沙灣附近返學,經同學介紹之後, 一食就返唔到轉頭。一個禮拜最少都嚟一次,整返碗米線。讀緊中學嗰陣時, 有時都會同啲同學一齊去,夾錢整番碟蒸風味餃, 炸餃,鹵水雞翼或者炸雞翼。同班同學一路食住一路談笑風生, 六年就咁眨下眼過咗去。中學畢業之後都成三年, 今日行經長沙灣突然心血來潮, 想探番冇見三年嘅 "老朋友"。                           一入門口, 老闆娘一眼就認得我仲好開心咁問我食啲咩。老細仲特登喺廚房凸個頭出嚟同我打聲招呼。 於是我就整咗碗三鮮米線 (雞肉, 冬菇, 火腿)(炸醬湯底) 同埋十隻蒸風味餃 (五隻韭菜餃五隻椰菜餃, 間舖係得呢兩種)。因為佢嗰陣得幾枱客, 啲嘢食五分鐘到就嚟到。                        啲嘢食一嚟到, 嘩啲中學嘅回憶當堂返曬嚟。先講咗碗米線先, 湯面鋪滿芽菜(係呢間舖嘅特色), 冬菇, 火腿同雞肉浸住係啲炸醬湯入面, 飽滿嘅程度唔係你可以想像。至於風味餃,食嘅時候一定要點醬汁。酸甜嘅味道真係令到我食到停唔到口。你唔好話呀, 將啲雞肉點下

這裡的韮菜餃米線是我的最愛之一在荔枝角工作那一年，幾乎一星期都要吃一次🤤清湯清甜，加了麻辣的湯底充滿椒麻香也份外惹味~米線既滑嘟嘟又彈牙而且配料還有多多芽菜，好健康似的😆如果有朋友相伴，就一定會再叫風味餃雖然它的餃皮略厚！不過韮菜非常香又爽脆肉很少，我很喜歡💕配上酸酸的醬醋份外開胃朋友那碗的豬頸肉和腩肉也鹵得很香很入味豬潤不算很滑，但生熟程度剛剛好，也不錯重點性價比高、小店風味，誠意推介🙌🏻

雲南風味館所在的蘇屋一帶，這幾年有不少重建而成的新樓落成，自然也不愁沒吃的選擇。 但我久不久就想要來吃吃米綫，喜歡它價錢不貴，而且幾乎何時都有位子。（前題是有開門營業） 當然，能讓人一再回味，也要相當的對味。說來，曾經跟一位米綫愛好者說起這裡，他表示毫不欣賞。 這裡的米綫爽滑有緻，其炸醬湯裡面有大量半肥瘦的肉末，彷彿拉麵裡的背脂。然而，我所讚賞的不止於此。 三鮮是鮮冬菇、火腿、雞肉，配上炸醬湯的話，已經相當豐富了。 雲南風味館用的是加大號的粗身江西米綫。 顏色跟坊間常見的比，沒那麼雪白，在炸醬湯液裡，甚至顯出淡黃色。 也別錯過這捏成元寶形的風味餃。 小吃型態的風味餃附有風味醬汁，主要材料是醋和蒜。我建議先在餃上咬出一個口再把醬汁徐徐注入其中，風味更佳。 這裡的餃皮厚餡大，與北京水餃的風格略似，但個子當然來得沒那麼大了。椰菜餡和韭菜餡之間，我選擇前者，是個人口味，是經驗之談。

晚上遊盪長沙灣覓食，同朋友去呢間唔太顯眼既米線館食晚飯。一入到去，裝潢好有舊式雲吞麵檔感覺。我同朋友m人叫一碗米線食。我叫咗一碗菜肉餃米線，朋友就叫咗碗米線食，再加多一份炸雞翼。食物大概十分鐘就上枱。兩碗米線既份量正正常常，味道就好一般。不過最值得提下既就係佢份炸雞翼。炸到好金黃色，而且用既雞翼都好大隻大啖肉，味道一流。不過本身想叫杯野飲，呢到就只有汽水可以叫，最後都冇叫到。成餐飯每人平均三十幾蚊，算係幾抵！

因為這間米線店其實位處興華街，距離深水埗都有一點距離，因此，平日如果午餐時間行過來，有點兒遠，特別早幾天炎熱天氣，走到過來已經汗流浹背。大概一時許到達米線店，當時內裏已經很多人，看見門口剛好有一個空位，又不算太擠迫，便毅然坐下；其後，接近二時，大概因為很多上班一族都要回去繼續工作，人們陸續離開，只剩下幾位顧客，那就比較鬆動，但是店方便立即關掉空調，很有中國內地的特色。口快快，由於心裏打算吃得清淡一點，因此立即說了要清湯，原來餐牌上寫上，有一個叫做炸醬湯底，如果點炸醬湯底，應該會比較香濃一點。但是冇所謂，因為，韭菜水餃🥟內裏餡料非常充足，韭菜餡極多，雖然韭菜餃來不算極多汁，當然，因為湯麵，內裏也不會蘊含很多湯汁，但是韭菜味極濃，吃完之後都覺得口裏長期蘊含着韭菜味。而另外就加了腩肉，看見之前食評的圖片這兒的腩肉有肥有瘦，而且外皮呈深啡色，與譚仔那種白腩肉有所不同，結果，發覺這兒的腩肉，雖然沒有強勁的醃料，但是亦都挺香口。米線亦都其貌不揚，雖然賣相沒有什麼特別，但是夾起來，就發覺米線煮得剛剛好，比譚仔有彈力得多。叫了清湯，除顯得沒有什麼特別，清清淡淡，下次先試炸醬就好了。桌面的辣椒油也挺嗆辣

［非打手］得一個鐘食飯時間唔好去！真係嬲，所以上黎打食評。我終於知點解啲人打咁多故事，原來要200字先有得評分。係附近返工，成日都黎食呢間，又平又大碗又好食，埋單唔使三十蚊，好快食完走人。廚房+樓面+收銀都係兩老自己搞掂，間中先有個後生女仔幫手做樓面，所以都知等得耐。之前去就算客人幾多，落單同野食都好有秩序，食過廿幾三十次都相安無事，未試過等得耐要催單。對上一次去係上年11月左右，果時枱凳仲係舊既，lunch time1-2pm，1:05分唔夠坐低落單，果日後生女仔做樓面。落左單等到1:30都未有野食，眼見隔離遲黎既碗米線都到左，我就同樓面女仔講我果碗仲未黎，佢就咁嗌入廚房「x號枱追單」。再等多十分鐘1:40，遲黎既食完走左，更遲黎既都有得食，而我仲等緊。再追！樓面女仔先認真搵返啲單，同我講唔好意思整緊要等多陣。好我等…等到1:45，望住一碗又一碗米線拎出黎，但無一碗係我既……我選擇左同樓面女仔講唔食走人，佢都有道歉。但最後我個午餐呢？變左麵包之後我無再去幫襯，直到今日女朋友約左人去食，又係果個樓面女仔，又係1:30都未有得食，又係「遲黎既食先」，催單再等，仲未黎，再催，話可能啲單亂左

呢間米線係四大喜附近，但無因地價貴而加價！！！過橋米線，料足，同譚仔有得比，呢日兩個人食，都好飽！最正係可以揀酸菜/炸醬湯底，仲可以另上，姐係免費多一味餸呢！都有唔少小食揀，不過呢日拍青瓜無曬，只能叫個雞翼。炸雞翼都唔錯架！呢度最特別係風味餃，自己包餃，自家醬料，有椰菜餃，有九菜餃，叫開各一半，因為兩樣都好味！餃子米線就岩大食既人，因為真係會好飽，多數食唔曬。

因為唔想食連鎖店米線，想試下一Ｄ其他鋪既米線，所以就黎左呢間小店～水餃拼墨魚丸米線 $32先講湯底吧，我揀既係酸辣湯底，但我覺得個湯底冇咩誠意，似係清湯底加上辣油同酸菜，看到泛上面既油，我都不敢多吃～其次係配料質素，墨魚丸有分好食同唔好食，佢呢款就係屬於唔好食，口感粉粉的><水餃也不太討好，很足韮菜，皮也很厚 ,但我比較喜歡肉餡比例多一Ｄ既水餃～過橋米線 $40配料有雞肉,豬潤,火腿,腩肉,生菜,芽菜,腐皮同鵪鶉蛋~要了麻辣湯底,但都係好似係清湯底加上辣油,不太討好><但腩肉係幾好食!!毫無疑問價錢好平，但如果比我再揀，我一定去番譚Ｘ><

之前網上提到香港十大酸辣米線，我一向鍾意雲南呢種酸辣多過譚仔嗰種，所以今日咁岩去開嗰邊，即刻試下呢間第十位先入到鋪鋪面唔算細，而且可以直望廚房，可以見到成間得2個人煮同落單，亦都好家庭式，因為鋪面冇咩特別裝修，不過我1黎試米線唔係欣賞環境講返米線，爬文好多都介紹炸醬，所以就叫左炸醬韮菜餃酸辣少辣，外賣會米線同湯分開，但一打開，嘩....好油喎，嚇我唔到既，即刻倒啲米線落去試下先，但的確比較油同咸，少辣就真係唔辣，但韮菜餃真係大大粒有4粒，仲好足料，鍾意食韮菜既人真係必叫仲有呢到冇即沖野飲，加汽水都係$5罐