雲南老巷

云南老巷系长沙湾嘅一间地区小店。我叫左酸辣炸酱米线 (小辣) ，𩠌拣左鱼片同韭菜饺。另外 叫左口水鸡 同 蒜泥白肉share 食。………………………………………………酸辣炸酱米线 (小辣) ⭐️⭐️⭐️⭐️汤底味道唔错，好有云南风味，配菜有芫荽、葱 同埋 肉碎。米线几滑，软硬适中。整体系好食。⭕️ 鱼片唔系蛋蛋个种鱼片，系鲜鱼片，食落无细骨，鱼肉肉质系我钟意个种，唔会太林，亦唔会爽脆个种质感。⭕️ 韭菜饺薄皮个种水饺，韭菜猪肉馅料都好味。口水鸡 ⭐️⭐️⭐️⭐️份量好多，口水汁好味，鸡件肉质就正常水平。蒜泥白肉 ⭐️⭐️份量都系好多，不过肉片切得好厚身，蒜泥味都唔够。………………………………………………整体几有云南特色，味道都算唔错，而且价钱平，行过路过都不妨帮衬一下。…查看更多

云南老巷系典型街坊小店，之前食过几次都觉得好食，所以今次又返嚟encore。墙身装饰、餐牌同碗都极富仿古风味同云南元素，几有特色。佢系长期爆满，店面真系好细，得十几个位，座位之间非常迫，坐得唔太舒服，系一食完就会想走𠮶种。今次叫咗走辣版酸辣汤米线，加咗竹笙、十三香鸡肉同生菜。汤底一如以往有佢独特风味，钟意嘅会觉得好有云南感，唔钟意嘅可能会觉得有少少古怪臭味。鸡肉冇雪味，仲有啲特别香味；竹笙吸晒汤汁，味道几出色，配料份量都足，整体保持唔错水准。不过米线质感有啲唔同，好似冇之前咁幼身同嫩滑，唔知系煮得太耐定系转咗款。可能因为店舖偏老旧失修，餐厅弥漫住一阵有似米线汤又似噏味嘅味道。如果对环境整洁同空间味道有要求嘅人，可能要考虑清楚先再试。整体而言，汤底富有特色，但未必人人啱口味。…查看更多

朋友想食特别米线，我即系谂到呢间野，因为有捞米线食，好正架，麻辣味好足又足料，米线份量对女仔食系太饱，但适合男仔食嘅份量加大有特创小食，番薯波、鱼皮凉拌、口水鸡等，今次太饱冇试食，下次会点左小食先，再点主食呢间野难忘的米线小店，来长沙湾鼓励试一试👍🏻…查看更多

经朋友介绍光临云南老巷，店舖本身早收，是打电话通知会迟D到，老板亦好好人做埋我地生意，店外内装修古色古香仿似小渔村面店的感觉，店内提供云南米线、肉燥面、煲仔饭等款式选择，点了以下食物：1. 酸菜鱼云南米线加配生根、菜肉饺 & 酸菜鱼云南米线加配贡丸、猪肝：除了有基本配料腐皮、韮菜银芽外，远有黑木耳，采用较幼米线令口感唔错，比连锁店还要好，鱼片份量唔小，汤底味道恰到好处，猪肝熟嘅程度刚好，贡丸、生根、菜肉饺没什么特别。餐饮是冻朱古力 & 冻柠蜜：味道够，几好饮。2. 猪耳竹笙腩肉捞红薯粉：基本配料有葱段、花生、猪耳几厚 & 份量多，朋友都食唔晒。3. 鸡脾肉燥饭：卤水鸡脾好大只，饭亦都多，都系食唔晒。店舖有一位厨师及一位收银，但上菜速度快，煲仔饭等15分钟就能上菜，而且态度有善亲切，多次询问有冇漏单，赞赞赞!!!…查看更多

天阴阴，周围逛去揾食。路过呢间不起眼的小店。 从街上看进店内，真的像一条小巷子，暗暗的，内有一牌子写著「冷气开放」，不其然便被吸引入去。老实说，进店后我真有小时候回家乡那些小店感觉。全店约可以容纳二十多人，很古旧， 仍有很多木制装修。 由于天雨关系，再加上店中多是木制家具，确实是有点霉味。 但我个人仍接受到，这些街坊老店，就是这怀旧气息才有味道吧🤪看到餐牌，价钱便宜，选择也多。 随意点了酸辣米线，再加了猪红、秘制鱼丸及牛𦟌。由于不太嗜辣，只点了微辣。 此米线份量颇大，猪红及牛𦟌好味。但秘制鱼丸就一般般了. 因我比较喜欢爽口弹牙的丸子。这款有些像福丸，但丸是比较淋身的。小店只有两位姨姨工作，服务也可以。 街坊邻里感觉。 我会再光顾。如行过路过，也值得试试。 香港真的不多此类小店。当然，如你卫生要求高的，此店未必合乎理想吧。…查看更多