雞蛋仔屋

甚少去土瓜湾，唔熟路，间铺又隐蔽，所以揾咗都一阵先去到。去到个商场，仲未揾到间铺个位置，不过个鼻开始闻到香味，好快就到达。店舖细细，店主一人主埋，一脚踢又好有礼貌。二话不说我叫咗个心形蛋糕仔原味，即叫即整，所以都要耐心等候。鸡蛋仔嘅味道唔可以话惊天地泣鬼神，但系够香脆，热辣辣，蛋浆都整得好，佢比传统嘅细鸡蛋仔系细粒少少，我估系因为就心形个形状，所以食落去个口感可能就冇咁多蛋浆，口感有啲分别。店主会为每一客鸡蛋仔加上一个心形嘅牌仔，真系so sweet🥰…Read More

隐藏嚟旧式商住大厦内街地铺位，由大街上几乎唔会见到佢既存在。 亦因为咁，识得嚟既都系识路街坊或者慕名而至。有鸡蛋仔、格仔饼及各种煎炸小食。推介百味豆腐。 豆腐切成一个个小块，大小刚好一口一件。 上面沾少少粉酱再炸到金黄香脆。 松脆既表面，包含住嫩滑嘅豆腐。 可以同时感受到香口惹味同嫩滑既口感。 仲有多种酱汁味都可以选择。至于鸡蛋仔，好有趣地系心形既。 可能蛋酱配方既关系，整体上口感比较硬，蛋香味顶多亦只可以算系中等。 反而加麻薯馅会比较夹。至于其他炸类小食，选择众多亦都做得唔错。…Read More

土瓜湾鸡蛋仔屋嘅Oreo鸡蛋仔真是一个令人惊喜嘅街头美食体验！小店位于土瓜湾小巷里，环境简单但充满地道风情。Oreo鸡蛋仔外脆内软，混杂浓郁嘅Oreo朱古力碎，甜度适中，令人一试难忘。鸡蛋仔烤得金黄均匀，每粒泡泡都充满空气感，口感轻盈又带点嚼劲，Oreo碎粒仲增添咗一丝脆口嘅惊喜，唯蛋味有点不够。配搭一杯冻奶茶，简直系完美嘅下午茶组合！老板态度亲切，制作过程一丝不苟，即叫即做，保证新鲜热辣。价钱亲民，份量十足，性价比高。不过，旺场时可能要等一阵，但新鲜出炉嘅鸡蛋仔绝对值得耐心。整体而言，鸡蛋仔屋嘅Oreo鸡蛋仔系土瓜湾街头嘅一颗小宝石，无论系同朋友一齐分享，定系独自享受，都能感受到香港地道街食嘅魅力。强烈推荐俾钟意甜食同街头美食嘅朋友！…Read More

呢间位于小巷中既小食店深受街坊欢迎，佢既价钱仲系超抵，原味鸡蛋仔都只系$14仲系心形造型💖除左鸡蛋仔、格仔饼另外仲有多款小食同台式饮品，价钱都好亲民～今次试左双色鸡蛋仔（原味+朱古力味），出面都算少见可以混合两只味既鸡蛋仔，鸡蛋仔全部都系即叫即整，新鲜热辣非常脆口，心型造型卖相非常吸精😍鸡蛋仔重椰香味，外脆内软，真材实料入面好多馅，下次要再去试埋其他味🥰评分🖍️(满分为5个🌕)抵食指数：🌕🌕🌕🌕🌗服务质素：🌕🌕🌕🌕🌕环境：🌕🌕🌕🌕🌗味道：🌕🌕🌕🌕🌗…Read More

呢间位于土瓜湾神秘后街角落嘅小食店都系呢度嘅街坊推介我先识路嚟揾食，仲听讲好多港产片都系呢条街实景拍摄。要试就当然是佢哋嘅招牌原味鸡蛋仔啦，味道唔错，用嘅蛋浆嘅鸡蛋同埋面粉嘅份量都几适中，唔会一味得面粉味无蛋味，不过用咗心形嘅鸡蛋仔模，令到鸡蛋仔嘅size细粒咗，所以口感上系差咗少少，不过我重新佢嘅味道系唔错嘅，唯一缺点系可能糖份高咗少少，食完之后个口会一阵有轻微死甜嘅感觉，不过已一底14蚊嘅鸡蛋仔嚟讲，收货兼冇投诉啦。…Read More