雞蛋仔專門店

【📍大埔｜突圍而出街坊雞蛋仔😋】🐨士多啤梨雞蛋仔 $21推薦度：⭐️⭐️⭐️⭐️所有雞蛋仔都可以叫佢即叫即整，大約等3-4分鐘就已經有，出爐後會先吹風機🌀🌀所以上手做到外脆內軟，另外雞蛋仔粒粒都做到一半脆口一邊有雞蛋糕嘅感覺，完全係傳統雞蛋仔應有嘅口感！仲要唔同口味都同價錢，啱晒貪心嘅小編每一次都可以叫唔同嘅味🍓🍓.🐨朱古力格仔餅 $21推薦度：⭐️⭐️⭐️⭐️⭐雖然鋪頭叫雞蛋仔專門店，但佢哋嘅格仔餅更加有驚喜🍫每日底都會有滿滿嘅牛油、砂糖、花生醬同煉奶，淨係聽呢四款邪惡嘅組合就知一定唔會差啦🍬🤣最緊要係格仔餅厚度啱啱好，擘大口一咬有一個好滿足嘅感覺，外皮做到少少薄脆，入邊食到鬆軟口感，最緊要係朱古力味極之濃郁！！！絕對打贏好多出面知名嘅店舖～如果大家覺得唔夠佢仲有埋朱古力醬以及係金莎朱古力嘅創意口味，總有一款適合自己😛.🐨日式小丸子 (6粒) $32推薦度：⭐️⭐️⭐️⭐️⭐小丸子粒粒飽滿足了，本身小編擔心佢好似預先整定，但之後發現原來都仲保持到熱度！而且每一粒小丸子都一定會有章魚粒🐙上面仲會有滿滿嘅沙律醬、紫菜碎等配料，每一粒味道都好香濃！絕對係學生放學必選小食之一～.🐨胚芽紅豆奶茶 跟餐$19推薦度：⭐️⭐️⭐️⭐️⭐本身係因為食嘢，諗住配埋杯嘢飲，但係冇諗過店舖嘅台式飲品都值得介紹😂😂😂奶茶入口順滑偏向奶味重嘅一款，胚芽可消脂解膩而有咬口～最重要係佢哋嘅紅豆超級之甜同埋煮到好溶，入口完全唔使咬就已經食到豆香🫘係小編好鍾意嘅飲品口感～～…查看更多

🍳 【大埔掃街必食】雞蛋仔專門店實測！為咗杯椰子咖啡…我願意入大埔！ 🏃‍♀️成日聽人講大埔有間雞蛋仔神店今次專登去朝聖！試完真系… 翻唔到轉頭‼️即刻同大家分享我的「食評三寶」👇1️⃣ 芝麻雞蛋仔 - 芝麻控暴動！👉 一咬：「咔嚓！」啲聲清脆到隔離枱望過嚟👀✨真·黑芝麻多到好似唔使錢！每粒都系爆餡狀態💥2️⃣ 椰子咖啡 - 今日MVP出現！咖啡醇厚 + 椰子清甜，完全唔膩，解渴一流！重點系：甜度剛剛好，飲完成杯都唔會喉嚨痛👍3️⃣ 章魚小丸子 - 即叫即制超熱辣！🐙 真·有·章·魚·粒·啊！一啖一粒，外脆內軟，仲要…木魚絲仲識跳舞💃，醬汁多到漏，誠意滿分！…查看更多

今日嚟大埔踩單車 踩單車之前想食少少嘢 見到呢一間雞蛋仔專門店有好多街坊幫襯 於是就試吓佢 效率好快 價錢都好親民👍🍫 金莎朱古力格仔餅熱辣辣嘅格仔餅夾住流心金莎朱古力醬！咬開時榛子醬爆出嚟 仲有脆脆粒增加口感 甜度岩岩好唔會膩～🐣 朱古力雞蛋仔每粒雞蛋仔都塞滿濃郁朱古力味，入面似食緊熔岩蛋糕！🌾 高纖胚芽奶茶奶茶滑溜茶香濃 底部有小麥胚芽 飲落有淡淡堅果香 口感似燕麥奶！甜度偏低健康之選 完美平衡朱古力嘅濃甜～等緊嘅時候發現竟然仲有童年回憶 -冷糕😱 而家真係喺街度好少見到 下次如果有經過一定嚟試吓😋雞蛋仔專門店 (大埔)大埔安慈路4號昌運中心榮昌閣地下14A號舖…查看更多

🇭🇰打卡^王祖藍^推薦的大埔雞蛋仔🥚🧇童年回憶｜懷舊小食店🥞🍥🍡🤗呢間雞蛋仔小食店開咗好多年，王祖藍推薦過的^雞蛋仔，要黎打卡試試先🙋🏻‍♀️價錢全部都好親民，做開街坊生意，等緊野食果陣都keep住好多人買野食，都係即點即刻整，嚟到全部都係熱辣辣～香噴噴👅👅✨原味雞蛋仔🥚識食雞蛋仔一定食原味😂咁先食🉐出原本的蛋香，口感係厚實有質感，而唔係食空氣果種，蛋味夠夠濃，外脆內軟係以前細個食開嘅味道💕💕✨章魚🐙小丸子新鮮即製，粒粒都幾飽滿，食到章魚粒，面頭啲木魚花同紫菜多到見唔到啲小丸子，配埋沙律醬食好味，充滿童年回憶🫶🏻🫶🏻✨三重芝士🧀冷糕試過呢間獨有的推薦冷糕，芝士腦袋肯定要試三重芝士冷糕喇😍中西合璧的美味，芝士味好濃郁，配外層冷糕，有D似班戟的口感🥞幾特別喔🙌🏻🙌🏻✨香橙🍊朱古力🍫花生格仔餅🧇好特別的配搭，朱古力撞埋香橙的味道，濃郁🉐黎又清新Fresh的感覺，加上大大粒花生碎，口感豐富，格仔餅本身好香，成個搭配黎食，勁滿足呀🥳🥳📍 雞蛋仔專門店 (大埔)大埔安慈路4號昌運中心榮昌閣地下14A號舖#大埔雞蛋仔 #王祖藍推薦 #打卡 #探店 #HKfoodie #Kol #hkiger #blogger #寶媽 #香港生活 #香港旅遊 #大埔小食店 #大埔餐廳 #大埔 #小食 #雞蛋仔 #格仔餅 #昌運中心 #大埔美食 #香港美食 #雞蛋仔專門店 #大埔街坊小食 #大埔好去處 #香港吃喝玩樂 #香港潮什麼…查看更多

之前睇完9bothew介紹已經一直好想試吓冷糕 比較少見專登入嚟大埔呢間小店試吓🤣一去到已經好多街坊排隊等嘢食 幾乎個個都係叫雞蛋仔 果然係雞蛋仔專門店🔥心思思咩都想試吓 就一次過order曬雞蛋仔 冷糕 三款小食雞蛋仔同冷糕都係即叫即整 等緊嘅期間keep住好多人嚟買1️⃣心太軟冷糕 $32算係最貴嗰款口味 食落口感軟身 但唔會濕 有三個層次 外層蛋漿 中層白色糕體 內層估唔到個餡有花生 吊返個味出嚟 整體偏甜 下次會想翻兜花生餡🤤2️⃣招牌原味雞蛋仔 $21外層乾爽脆身 火候算控制得幾好 佢口味上係普通嘅雞蛋仔味 帶淡淡蛋香 但外皮嘅口感薄身得嚟有兼顧口感 食多幾粒都唔會滯 ✨必食!✨3️⃣各類小食 $30/3串價錢相宜 好啱學生哥放學肚餓搵d小食填肚嘅感覺🤣揀咗牛百葉 生筋 蘿蔔 主要靠辣醬調味 嗌咗少辣 但小店毫不吝惜份量 牛百葉爽口 幾好味4️⃣蜜桃乳酸特飲 $19係細個飲嘅味道!! 建議嗌套餐：格仔餅+小食一串+飲品=$45 要讚吓小店好靈活 連雞蛋仔都可以tailor made多漿少漿 好正🩵🤍…查看更多

喺昌運中心經過見到有間鋪頭好多人圍住👯‍♀️個仔見到雞蛋仔衝過去勁興奮😂我一見到都心心眼😍因為有好多選擇呀🤭我哋買咗格仔餅、夾餅、章魚小丸子，同埋巨峰提子乳酸特飲❤️士多啤梨雞蛋仔🥚🐣聞落去已經好香士多啤梨味🥰外脆內軟😋軟糯綿密👍🏻仲要熱辣辣架😍迷你花生夾餅🧇真係好耐無見過依種傳統夾餅😆裡面有花生、椰絲、牛油、糖，係小時候嘅味道😍啲回憶返哂嚟😂章魚小丸子🐙無論配料，定粒小丸子入面，都咁足料😍每粒小丸子都有八爪魚係常識吧😂但粒粒八爪魚咁大粒就第一次見🤭入面仲有啲菜，口感好豐富🫶🏻巨峰提子乳酸特飲味道同喺出面日本餐廳飲嘅味道一樣咁好味，但價錢就好平❤️$23咁大杯😍性價比超高🫶🏻讚呀👍🏻順便讚下啲職員，唔知係唔係因為見到有小朋友，姨姨有問我小丸子洗唔洗走芥末醬🥰好細心🫶🏻有好多野未試，一系列嘅朱古力都好吸引😍下次一定要試😋…查看更多

呢間雞蛋仔小食店開咗好多年，以前讀書會嚟大埔補習，上完堂經過都會買嚟食，今日咁啱嚟開大埔，即刻再食下先！呢間小食店啲價錢全部都好親民，做開街坊生意，等緊野食果陣都keep住好多人買野食，同埋佢啲野食全部都係即刻整，嚟到全部都係熱辣辣～叫咗個朱古力雞蛋仔，朱古力味夠濃，佢唔係好脆嘅雞蛋仔，我自己鍾意食呢種，個口感都唔錯，係厚實唔係食空氣果種，蛋香同朱古力香味都有，係以前食開嘅味道～另外叫咗個小丸子，新鮮即製，粒粒都幾飽滿，食到章魚粒，面頭啲木魚花同紫菜多到見唔到啲小丸子，配埋沙律醬食好味，充滿童年回憶～好耐無食過營多，所以都叫埋，佢啲撈麵係淥得啱啱好，而且醬撈得好均勻，點食都好食嘅撈麵！點少得叫返杯野飲，今時今日呢個價嘅珍奶真係好抵，珍珠幾好咬，呢種奶茶味係懷舊嘅味道，飲埋好滿足👍🏻💰價錢參考：- 朱古力雞蛋仔 $21- 日式小丸子 $32- 營多撈麵 $13- 細黑珍珠奶茶 $19…查看更多

依家經常食雞蛋仔都係啲大店，味道感覺都好唔一樣去到呢啲小店嘅感覺真係特別唔同，係屋村嘅味道呀佢哋幾個人忙到踢晒腳，好多人幫襯，我聽到最多人叫嘅就係朱古力雞蛋仔原味，朱古力味，士多啤梨味；令我諗起細個嘅回憶仲可以加朱古力粒，呢間食嘅絕對係回憶嘅味道🥹冷糕其實我未食過，但呢間竟然有當然要試吓佢除咗原本嘅味道仲加咗新口味，三重芝士，心太軟同埋香蕉朱古力醬鍾意食香蕉嘅我冇揀原味，但幾特別既，未食過，真係值得一試佢嘅章魚燒超大粒，重點係佢個Wasabi醬唔錯，呢個章魚燒係香港嘅味道呢間嘢真係令我好掛住以前中學出去食飯嘅年代🥹🥹🥹…查看更多

同屋企人飲完茶行過昌運街，細路仔一聞到雞蛋仔香就扯住我去買。呢間開咗十幾年嘅小店，雖然普通，但街坊都不時幫襯。🍊香橙朱古力花生格仔餅橙香酸甜同濃郁朱古力好夾，灑滿香脆花生碎，口感豐富，食完成件都唔膩。🍫朱古力雞蛋仔外皮脆卜卜，每粒都充滿朱古力味，簡單但滿足，細路最鍾意。🥜花生粒芝麻格仔餅傳統款式依然出色，花生芝麻落得大方，煉奶份量啱啱好，長輩心水之選。☕朱古力咖啡加珍珠凍飲有驚喜，朱古力同咖啡平衡，珍珠煙韌，清爽解膩，同格仔餅好夾。臨走見到熟客同店員有講有笑，果然係街坊日常選擇。冇花巧裝修，靠實在味道同親切服務留住人心。經過附近想食小食，不妨試下呢度嘅平民美味～…查看更多

🌸士多啤梨雞蛋仔🌟🌟🌟🌟🌟熱辣辣整好已經聞到濃郁士多啤梨味道，食落士多啤梨味道不會太假，每一粒雞蛋仔都非常香脆，內裏還有點煙煙韌韌。🌸三重芝士冷糕🌟🌟🌟🌟🌟由三款芝士造成的三重芝士冷糕，冷糕口感帶點煙煙韌韌，芝士味道濃郁，將傳統嘅冷糕演變成特別口味，也非常夾。🌸小食🍀魚蛋🌟🌟🌟🌟魚蛋細細粒比較彈牙🍀燒賣🌟🌟🌟🌟燒賣魚肉味甚濃，配搭豉油非常好味。🍀蘿蔔🌟🌟🌟🌟🌟蘿蔔炆不夠入味，而且味道鮮甜。🌸藍莓乳酸梳打🌟🌟🌟🌟濃郁藍莓味道，乳酸味比較淡味，即叫即制，凍感十足。…查看更多

三重芝士冷糕$32🌟🌟🌟🌟🌟三重芝士冷糕香到爆，芝士味超濃，外脆內軟，入口即溶，仲有滿滿嘅芝士，唔會膩，食完一件真係忍唔住想再買多件，芝士控一定會愛上！🤤🤤🤤小丸子$32🌟🌟🌟🌟🌟小丸子都好正，6粒，粒粒飽滿，外脆內軟，燒汁香甜，加上有滿滿嘅紫菜同木魚碎，啖啖都好有層次，食落口感超豐富。🤤🤤🤤朱古力金沙格仔餅$32🌟🌟🌟🌟🌟令人驚喜，熱騰騰的格仔餅配上香滑朱古力醬和脆口果仁，果仁的口感和朱古力混合出來特別的堅果香氣，再加上混合了朱古力的格仔餅皮，交織出香濃滋味，口感層次豐富，絕對是令到我這個朱古力控非常喜愛，絕對是甜品首選🤤🤤🤤香芋奶茶+黑珍珠$23🌟🌟🌟🌟🌟香芋味濃郁，奶茶順滑，珍珠煙韌又夠大粒，甜度啱啱好，飲完真係回味無窮🤤🤤🤤…查看更多

《大埔行山後覓食驚喜！人氣懷舊冷糕＋🍫流心朱古力》⭐️雞蛋仔專門店行完山好肚餓🍃，同朋友喺大埔商場見一間雞蛋仔專門店，本來只想買底雞蛋仔醫肚，點知發現寶藏——小店竟然有懷舊冷糕！仲有多款口味嘅雞蛋仔，格仔餅同小食。🌟 心太軟冷糕 $32 即叫即製！熱辣辣捧上手，外皮脆卜卜，咬落去係軟糯煙韌嘅蛋香，澎湃流心朱古力混住脆口花生粒，鹹甜交織真係邪惡到極點！重點要即刻食！！懷舊小食玩出新意，真心要encore～🥜 花生芝麻格仔餅 $25一拎上手醬多到滿瀉！格仔餅烘到外脆內軟，蛋香超濃，煉奶＋芝麻醬＋花生碎三重夾擊，每啖都黏住嘴唇嘅幸福感，平價滿足果然無得輸！🍢 小食拼盤 $30貪心鬼必點！爽脆牛柏葉、彈牙花枝丸、司華腸，全部掛滿秘製咖哩汁——香濃帶微辣，唔會搶走食材原味，抵食🍇 巨峰提子乳酸特飲 $15食完濃味嘢啱啱好！酸甜平衡嘅巨峰提子香，加上乳酸清爽感，瞬間降溫解膩，夏天行山後最佳飲品食後感：小店格局卻肯花心思搞創新，冷糕重現江湖已經值得支持，仲要樣樣高質！…查看更多

🍳 必食指數 🍳🍳🍳🍳🍳（5🍳為最高）大埔甜品控注意！呢間隱世小店簡直係美食天堂💛 除咗招牌雞蛋仔，仲有好多驚喜等緊你發掘！原味雞蛋仔外層金黃酥脆，內裡軟綿香滑，蛋香濃郁到爆燈；心太軟冷糕簡直係罪惡誘惑，煙韌外皮包裹住流心朱古力，每啖都係幸福感爆棚嘅滋味🍫飲品方面，寒天條奶茶層次豐富，茶底醇香回甘，寒天條Q彈有咬口；百香果綠茶清新透心，酸甜交織令人一試難忘！人均$30就食到咁高質嘅甜品，CP值簡直爆表👍仲有章魚小丸子同魚蛋腸仔都值得一試！章魚小丸子外脆內軟，章魚粒鮮嫩多汁；魚蛋腸仔彈牙有咬口，配埋特製醬汁簡直係絕配！小店主打外帶模式，無論係街坊買返屋企歎定係行街邊行邊食都同樣方便。雖然無堂食座位，但勝在出品穩定、份量十足，絕對值得你專程嚟打包！下次一定要試埋其他口味雞蛋仔同限定甜品，呢度絕對係大埔外帶美食嘅隱藏寶藏✨hkfoodie #foodie #大埔美食 #雞蛋仔控 #甜品控 #心太軟 #寒天條奶茶 #百香果綠茶 #隱世美食 #香港味道 #食咗未 #大埔甜品 #外帶美食 #打卡必食 #章魚小丸子 #魚蛋腸仔…查看更多

📍雞蛋仔專門店 (大埔)大埔安慈路4號昌運中心榮昌閣地下14A號舖🍫 朱古力雞蛋仔外脆內煙韌，朱古力味濃郁，啖啖都係幸福感。啲粒粒雞蛋仔咬落去有啲爆漿感，熱辣辣食最正，甜而不膩，真係童年回憶！🍮 心太軟冷糕入面心太軟一咬爆朱古力漿，好有驚喜。甜度啱啱好，食完有種戀愛嘅感覺！🧀 三重芝士冷糕芝士味超濃，三重口感層層分明，入口即溶，香滑得嚟唔會膩。啱晒芝士控，食完一件仲想encore！🍫 朱古力金莎格仔餅格仔餅外脆內鬆軟，夾住香濃朱古力醬同金莎粒，咬落去有層次感。甜而不膩，啱晒打卡又好味！回頭:冷糕唔係度度都有，佢仲要有勁多好新穎嘅口味，佢嘅質感煙煙韌韌超好味，真係行過路過唔好錯過❤️❤️❤️…查看更多

草莓味的鸡蛋仔！没想到还挺好吃的，颜色就是粉红粉红的。好漂亮！捞面好吃！酱汁刚刚好巨峰乳酸饮品可以要求少糖，非常解渴这家店小吃种类很多，现制餐点，但出餐速度还挺快！…查看更多