雅敍閣西餐廳

营业中

休息中

今次係我第三次唻食喇,因為將有遠行,近幾個月都不停去食buffet.上一次係自己唻食,今次係同朋友食,因為覺得平又多嘢食,仲有八折咭,更平.上次食完已經想寫個食評,但一直都好忙,又去咗好多地方食,漸漸無咗回事,今次點都要寫番.其實上次開始已發覺少咗嘢食,今次連我之前幾鍾意食嘅嗰隻有料燒豬肉都無咗,得番普通燒豬肉(朋友話似午餐肉),又無咗羊肉,青口,焗蠔蓋,只係加咗海南雞飯,椰菜卷(唔知咩餡,好似係油炸鬼),牛脷,真係少咗好多嘢食.而冷盤及甜品大致上同第一次食嘅一樣,無咩特別.我而家覺得利景好食d lu.

食物選擇唔多，食物質素差到不得了！主題為【深海獵奇大串燒】，以為即燒串燒會好食D，但都係好難食，蝦唔新鮮，"梅梅"哋，雞就照得好乾身，完全唔掂，大家食咗一口，都丟掉，可以諗到有幾差啦！壽司超凍，飯就稔pat pat，唔掂！青口拌薯茸、燒羊脾係算好D！西柚大蝦—西柚ok, 但蝦唔新鮮，有怪味！焗蟹蓋—一D蟹肉/ 膏都無，全是通心粉+ 芝士，搵笨！搵笨！甜品都係爛，又cheap，無樣好食。D cake 係美心西餅；連一樣食得落肚ge 甜品都無，超差！以呢個價錢，就算有coupon，都係唔抵！食物質素差到無得再差！我哋一行15人，大家都唔覺得有邊一樣好食！差到暈！

朋友請食自助餐，　當然出席啦．有ｃｏｕｐｏｎ，每位數１４０，以晚餐黎講真係抵～食物都幾好，選擇唔係好多，不過都夠曬我食咧．熱葷有蒸魚，青口拌薯茸，牛尾，燒羊脾，焗蟹蓋，龍蝦伊麵，五穀飯．．．．等等，　都有好多．有壽司吧，三文魚刺身過一陣就有新既，有蟹籽壽司，不過ｄ味就麻麻．　都有好多其他的，　過得去啦．甜品都有幾多款，蛋糕都有三四個，　有檸檬批，　ｄ檸檬mousse好酸的，　都幾特別～個批底夠脆，　好味～！另外一個有西米，士多啤梨同黃色果實的蛋糕夠創新，　不過ｄ味就唔係人人鐘意．有個酥皮的批，好好味，酥皮未算最好，不過都算鬆脆，配埋上面的jam and 士多啤梨，我忍唔住食左２個～！！另外亦有藍苺杯，朱古力mousse，同mousse蛋糕仔，賣相都唔錯～今次仲有一個大串燒，　我地四個人有一整串，　個待應係旁聽整，　仲有火架．．．ｄ人都係度拍手掌．．．個串燒有牛柳，大蝦同青椒等．．．都幾好食．生果亦有唔少，　哈密瓜，　西瓜，　橙，　香蕉，布林，奇異果，　菠蘿．４個人加一都係＄６１６，　食到好飽，抵食～！

星期日和家人一起到這裏食自坐午餐，很久前食過都覺得幾好的，今次再食，明顯少了鹹點，多了甜點。相信係食物唔想拿太多出來，甜點比較上少人食d，又可以一早做訂很多。而其它食物也明顯比之前少。雖然不停有新出的食物，但感覺就係唔多選擇；以這樣的價錢，有這麼多食物，其實又真係幾平；但質數就真係麻麻了。$78位，如有折頭卡還有八折，每人也只是大約$70元。相信太多要求，又真係有點過份。總之能和家人開開心心食一餐，又何必計較這麼多呢。

酒店做八折優惠,加上有coupon, 趁母親節前夕請阿媽去食它的朝鮮御膳,東美食自助餐.京港以前有間韓國餐廳,水準不俗,可惜執.所以食呢個自助餐,就要專攻它的韓國菜.人參燉雞,韓式人參牛肉凍批,古董飯,炒粉絲,泡菜煎餅,南瓜餅,九節盤上的各式前菜都做得好.五籽海鮮粥味精太重,人參燕窩布甸嫌太甜.至於其他食物,生蚝新鮮,品質好;沙律,甜品也做得不錯.反而日式食品就見唔到好多.每位奉送的芝士焗珍寶蚝太咸太老,難食.服務都唔錯,侍應哥哥唔係好有經驗,但好努力幫我地;還加上有飲品任飲,選擇雖然不多,但百零蚊一個人自助晚餐,人人食得好開心,重想點?

因為平既關係,我同朋友揀左呢度食lunch buffet.熱盤:葡汁田螺薯茸,羊肉(有點辣,但幾腍幾好味),燒羊脾(汁好鹹),燒豬肉,炒飯(有點硬,應該是糯米飯),炒米,青口,焗芝士飯蠔蓋(個殼好大,味道ok,但又唔覺有咩特別),生菜,肉腸,炸豆腐(冇乜味),日式雜菜餅(煙煙韌韌都幾好食,應該係類似蘿蔔餅),魚,鴨(頗鹹),芝士蒸蛋(都幾好味喎),雜錦粥,忌廉湯冷盤及其他:沙律幾款(有蝦,什菜,磨菇等),麵包(其中一款是在一片法國長包,上面放了蕃茄,火腿/吞拿魚/煙肉及一片半溶的芝士,很美味),肉腸,豉油雞(不明白為何會放在冷盤,可能係凍食),壽司,魚生,什果,藍莓蛋糕(我個好有忍耐力既朋友都無法食落去),香橙芝士蛋糕(幾香幾好味,唔覺有芝士味),普通蛋糕,慕士(個牌寫"奇異果毛士",於是拎左一個試,但食落好難食,唔關味道事,係個感覺唻,因為根本無味,我朋友話有d薄荷味,我懷疑係薄荷慕士至真),小果撻,雪糕(似係牛奶公司,有朱古力,紅豆,雲呢,有埋雪糕筒供應.我係最後先去食,但面頭0個浸已有d溶,搞到我唔敢食咁多),麵包布甸,喱,紅豆糕,西柚汁(好苦),橙汁其實有檸水/茶/啡0向行去l

友人下星期回到柬埔寨, 作為認識了15年的老友, 當然要好好送別一番.另一友人提意到京港酒店食buffet .本人下意識覺得不可期望太高.因之前要處理一些私人事務, 故本人需隻身走去酒店.到達目的地後, 心情截然不同. 皆因看到所喜愛的魚生和所重視的友人. Buffet 最令人興奮的是浩浩蕩蕩地去搜獵. 看到魚生、天婦羅、羊肉、自製咖啡、瀨尿蝦、帶子、芝士焗生蠔、不斷加添的壽司、墓司、煙三文魚、煙鮫魚時., 興奮的程度更到達極點.味道不算太好味、但至少水準比一般自助餐為高, 食物加添的速度亦頗快, 未見過吉碟的出現.環境則屬中上, 可能是星期一晚的關係, 人流不太高、這可是一個好好慢慢享受晚餐的好地方。

今日同d同事黎呢度食飯$78位加一12點鐘開始食物都算幾多選擇加上refill既食物有時候會唔同所以以呢個價錢都幾抵架鹹食較甜食好味其中個鴨胸,田螺薯蓉,日式蒸蛋,煎豆腐,薯仔沙津既味道都好好,同埋冷盤竟然有三文魚刺身,ok新鮮啦好在無限量添加不過奇怪會有即煎腸粉,幾特別,但味道不算出眾不過甜品雖叫多花款,但就唔係咁好食囉芝士蛋糕冇芝士味係個薄荷毛士同朱古力毛士蛋糕幾好生果撻個皮都幾鬆脆以78蚊黎講算係咁啦不過d waiter唔夠好耐先有人添水同收碟

星期六下午我們一行9個大人6個BB去tea，環境及食物都幾好。不過最麻煩係無梳化位，個個都要抱/揹住BB食野。

那天和朋友去吃晚飯,它那時正在做一個日韓美食節的東西,不過我就唔覺得有咩咁特別啦,咪又係壽司呀,冷麵咁啦.多了一些泡菜吧!!熱食我覺得最好吃係青口,好好味,辣辣地.但有一個好似帶子咁的物體非常難吃,雖然它的賣相很美,但我和我朋友只係一齊放落口,唔夠三秒,兩個即係嘔番出來,仲要勁飲水.因為超級腥,完全頂唔順.<br>甜品唔太多選擇,也不是太好食,但好過冇咁解.

今日12點半, 自己一個傻婆, 有一個鐘頭, 煩緊去邊處食lunch~ 咁o岩架車經過京港, lunch buffet $78 (包一杯coffee/tea)~ 反正去風月堂set lunch都要$60, 就食buffet啦~ 全場半滿~ 食物選擇都算ok (當然美麗華多好多啦), sashimi得三文魚, 無sushi, hot dish同dessert各有十種左右~當中最滿意o既係:1) salad dressing 佢竟然齊備紅醋, olive oil, 同black pepper~ 有好多百幾紋o既lunch buffet都無咁齊~ 好!!!2) 豬肉卷, 廚司一片片切俾你, 好好味~~~ 外層係七分肥肉o既豬肉, 包住用多種香料醃好o既sausage meat, 包住o黎焗~ 好好味!!!!!!!!! 不過個汁太咸~ v_v另外, 位manager o既service好好~ 我問佢o野, 佢好用心咁答我~ 仲話"熟o野同生o野唔好放埋一齊喎", 鬼唔知咩, 哈哈~~~ ^_^

各人都讚不絕口

早幾日和幾個朋友，途經旺角區，想醫肚，又想食海鮮，又想便宜，又想大件，無得揀，一于去食呢個有風味和特色的海鮮自助，各人都讚不絕口，菜式傾向多元化，有芝士焗銀鱈魚、燴蝦、酥炸魔鬼三文魚班戟，加一客〔法式焗酥皮魚翅響螺盅〕，食到暖粒粒，經過去試下啊！「OK 」。

尋晚同舊同事去食Buffet, 點知個牌同食物不對, 個牌明明寫住「酥皮焗雞盅」, 點知返埋位整開塊酥皮, 內面D 雞肉竟然起雞皮, 一粒粒突起好核突, 原來係條牛利, 真係嘔都嘔唔切！仲有d 雪糕溶到一pad pad 。仲有堂堂酒店廳竟然要入錢打電話，搵個普通電話都冇！又要特登返埋位囉散錢打電話，攪錯！