陸潮陽

第一次嚟到呢间食店试食，先至知佢主打晚市，所以午市选择唔多，嚟到嘅时候，已经有咕噜肉同蒸排骨饭卖哂，于是我拣咗韮至叉烧炒蛋饭，送汤及热饮。起初我仲以为系炒饭，饭嚟到先知唔系，系炒蛋饭，而唔系蛋炒饭，两字摆位前后不同，造成结果完全不同，可见中文博大精深。先嚟奶茶及例汤，奶茶略为细杯，味道可以，但同好多食店一样无啡糖，只有白糖。汤唔只味道够，材料亦多，有青红萝卜，莲藕亦大大嚿，见到隔离嘅汤有粟米。炒蛋饭嘅蛋同叉烧份量几多，尤其是叉烧，份量比烧味饭嘅叉烧更多，惟独韮王太少，叉烧明显煎过才落蛋，而且所用嘅叉烧真系用明火烧过于而唔系有啲食店用叉烧酱汁腌煮就当系叉烧，所以食到焦香味，可惜质地偏硬偏柴，浪费佢嘅香味，而豉油亦只系普通咸豉油，而唔系制过嘅甜豉油，实在有点失色。但$45有汤有热饮，而且叉烧份量亦多，个汤亦唔系揸流滩，所以绝对可以用一个抵字去形容呢餐饭。…Read More

今晚去呢间餐厅食晚餐， 餐厅唔多人，六张卡座有5张有人，只有坐最后一张卡位，但估唔到啱啱点完餐， 有位阿伯行过嚟坐隔离，播片睇，又系巴士阿叔咁，开大 speaker 播国语片，太嘈顶唔顺，见到有人走，跟住自己调位，都系冇用， 阿伯睇片开得太大声，其实成间餐厅都系听佢睇片，咁好冇瘾快快食完走人，唔好理啲嘢好唔好食，平唔平，环境唔舒服，真系唔会再入呢间餐厅， 永别啦，以后都唔会再帮衬， 都会叫人唔帮衬， 贴钱都唔会再帮衬，食饭要听人睇戏， 真系好揾笨。…Read More

难得休假、同家人到石门享受一个早餐、「陆朝阳」、潮洲打冷专门店、还以为有河粉、牛杂/牛筋粉面，烧鹅、卤味，原来冇呢啲嘎！见午餐/晚餐牌才有野味的卤水豆腐、卤水鹅、猪杂、鱼头等小菜供应！餐牌系各式双拼/三拼、餐肉、沙爹牛肉、鸡蛋、肠仔等公仔面、乌冬！仲有猪仔包、三文治、多士等西式餐点！我地品尝了餐厅厨师建议的沙爹牛肉+鸡蛋公仔面（见他们也在吃），个人觉得出奇地、比附近茶餐厅的好味呀，意外收获，可以番食！…Read More

㖊日(17-4-2024 Wed)冇饭带,就临时约同事食饭,就同女同事SL出街食饭,记得未试过呢间嘅 卤水鸭,于是提议食呢间.我哋嚟到未太多人,亦有卡位,不过店员都先要求我哋坐埋一边,ok冇问题.睇枱上MENU时,店员提醒我睇黑板,因为有啲唔同.就坐后,店员会自动送上例汤,SL唔饮,咁我一人饮,然后叫餐,我哋都系要$52.00嘅 午餐,SL要凉瓜牛肉饭,饮热奶茶.我要卤水鸭拼腩肉饭,都饮热奶茶.落完单我就饮例汤先,呢个系老黄瓜猪骨汤,味道清甜唔错.5分之后两杯热奶茶到嚟,饮下先,茶味唔够,鲜奶太多.2分然后我嘅卤水鸭拼腩肉饭到嚟,嗅到好香卤水鸭味,食落, 卤水鸭好入味但又唔会太咸,而腩肉口感松软,味道较淡,蘸蒜醋食啱啱好.饭都正常冇问题嘅 .5分我冇问SL觉得凉瓜牛肉饭点.…Read More

寻晚和家人来到石门食饭，见到陆潮阳装修完毕，打算试一试卤水鹅，点知性价比差到一个点鹅片三拼（$168）全碟只有薄如纸的5片鹅片，五花腩和猪耳味道ok,但这个价钱和份量，不如叫剩鹅件好过潮式蚝饼（$108）饼多蚝少，饼系好脆，味道略咸，蚝就细到近乎食唔到彩椒鲜什菌炒虾球（$98）一般质素，份量唔多干炒牛河（$60）无咩镬气，味道不过不失韭菜猪红（$58)全晚最佳系佢，叫做最正常埋单最后$500，呢间都系无下次…Read More