陳通記

营业中

休息中

前排去長洲除咗去cafe 身為 #沙嗲牛肉麵關注組 又點可以唔去食返碗長洲人氣沙嗲牛肉米通！因為當時仲係夏天 入面環境都係舊式冬菇亭嘅感覺 而且係平日 唔係話好多人好彩見到有室內冷氣位 就即刻入去坐🍜 沙嗲牛肉米通見到面頭有好多花生碎 食落有花生香 反而唔太覺沙嗲味湯底濃郁偏杰身 味道偏鹹 米通仲索曬啲湯汁 食完即刻飲咗大半枝水…🥵份量超大碗 一個女仔都未必食得曬如果想全日掃街 就記得留肚 一碗同朋友分享再加其他小食就夠( •́ɞ•̀)整體味道覺得唔夠沙嗲香 個人鍾意沙嗲味多啲 而且湯底偏鹹 可能重口味人士會鍾意但覺得期望過高 食完有少失望 試一次就夠系列…😖自己都係偏好市區茶記嘅沙嗲牛味道🥲

入長洲上網揾食d乜都一定會有好多人推薦食陳通記嘅沙嗲湯～難得平日有位唔使排隊，食完反而覺得個厚西多最好食🤣🍜沙嗲肥牛雞翼公仔麵 $43🍜沙嗲豬扒米通 $34推牌沙嗲湯底非常濃稠，入面仲有好多花生碎粒。但食落沙嗲味其實唔太岀，特別係米通個碗，比較淡味。配料份量都幾多，豬扒唔會柴，雞翼幾香脆👍不過湯底太杰又太多花生碎同朋友都食淨咗一半🥺🧈花生醬西多士 $24反而西多有驚喜🫶新鮮熱辣又厚又香！中間仲夾咗花生醬😍再加溶哂嘅牛油同煉奶好邪惡好好食！

呢間真係唔使小編多講，就好似講M記幾好食咁，但容許小編第一次食，雖然去過長洲好多次，亦都聽過好多人講過話陳通記既沙嗲通神級，的確冇講錯，一碗平平無奇既沙嗲通粉，每一碗都係新鮮滾熱辣，而且30幾蚊食到你嘔都得，湯底裏面仲有啲花生粒，每食一啖除咗通粉仲有細細粒嘅花生，咬落去好有口感，而且沙嗲湯底好濃郁，但係呢個價錢有咁大份，少編願意每日都食佢🥹牛肉質地都她淋，雖然冇乜牛味，但係牛肉都有好多塊，大件夾抵食👍🏻

大排檔環境，冇問題，侍應態度嘛嘛，十問九唔應，回應聲氣差，可能家庭生意，唔在意食物一般，如果要比較，紅茶，黃金，個d仲好，熱奶唔使加$2，因為等左30分鐘乜嘢都凍，再加上呢啲天氣，一個字「妖」，亨受熱奶茶變凍奶茶😡

入長洲玩兩日，唔想淨係掃街食小食，所以就搵咗間人氣餐廳食下午茶☕️平時見佢中午時段一定排長龍，今次我下午茶時間去反而就冇乜人等位，直接入得去坐😙沙嗲牛肉米通 $34一送上枱就已經聞到好香濃嘅沙嗲味，望落去都知個湯底會幾濃郁。湯底係食到花生碎，除咗另到花生香氣更突出之外，仲為呢碗米通增添口感🥜牛肉嘅份量亦都唔少，食落嫩滑無筯，對得住呢個價錢有餘。而米通非常有咬口，亦有淡淡嘅米香味。再加上米通嘅掛湯能力相當高，所以每啖都好香濃。🤤

😆 依日平日同朋友入咗嚟長洲旅行，去咗食好出名嘅長洲名物——沙嗲牛肉米通 🤗 由於朋友唔食得多，大家之後仲想食其他嘢，所以少少地叫咗啲嚟share食！😁［ 亂闖試飲試食 ］🍜 沙嗲牛肉米通 😋😋😋😋😋超濃郁嘅沙嗲湯底，有滿滿嘅花生碎，長身米通好滑溜，通心掛湯，牛肉又嫩，成碗熱辣辣！冬天食好正！♨️🥪 咖央多士 😋😋😋😋兩片厚身多士，夾住一層幾厚嘅咖央醬，味甜、咖央香。多士微烘過，食落柔軟。☺️☕️ 熱奶茶 😋😋😋😋😋用咗依家好少見嘅玻璃杯，摸上手仲好鬼熱！真係好有以前細細個去茶餐廳嘅感覺！👏🏻 奶茶個茶底好濃厚，茶味好出而又唔苦澀，落奶嘅比例亦好均等！👍🏻午餐 💵 約港幣$40/人💁🏻‍♀️ 長洲嘅熟食中心唔係喺街市大廈入面，係地面大排檔嘅集中地！大家去幫襯就要留意下啦！😉🙆🏻‍♀️ 最後，喜歡嘅話，歡迎follow @foodirectory.hk！

茶餐廳等就應份既！但要等半個鐘，而且唔催得，仲被黑面😂😂 食到一肚氣，唉～講番碗麵先，沙嗲牛湯底冇以前咁濃，有花生碎，都咸，米通份量好足夠，米通好滑，肉比以前少啲啲😂都明既，物價高漲🙈🙈🙈 不過如果服務態度又好差，就唔係咁好！食大排檔都係食人情味😂半個鐘之内，總共叫咗5個人幫我地：1. 冇回應就走左去2. 「唔關我事架，我地分開2條line」(我聽到一頭霧水，我只係想快啲食嘢😂？？？)3. 「你等等，揾人幫你跟」4. 「你係咪而家落單？」(我落咗單好耐啦姐姐)5. 「等等」環境就一般大排檔環境，需要搭台，貼士就係如果姐姐叫你轉位，你可以選擇唔轉，轉咗可能會漏單🤣 我轉左位之後，見到之後既人都已經食完賣單，我都未有🤣

成日都聽啲人講入長洲一定要食長通記今次即管試下！沙嗲雞翼公仔麵本身自己好鍾意食沙嗲牛公仔麵，而陳通記個湯底的確特別唔錯，濃郁仲有好多花生粒，湯底認真唔錯。但係面嘅部份我個人唔鍾意食煮得太淋，可能叫返米通或者其他面底會好食啲🥹值得一讚嘅係嘅係佢嘅雞翼非常脆，推介！價錢部份差唔多$30-40，我個人覺得偏貴。嘢飲單價都$17-23，埋單要成$50-60。環境如果夏天去你預咗一定會好熱，因為有冷氣坐嘅地方都唔係好涼，而坐室外就更加熱，仲要同好多人搭枱。總括呢一間試吓OK，不過就未必會再食。

係長洲影完相，時間重早，就走去熟食中心醫肚先。 行左個圈，先搵到「陳通記」係熟食中心裹面。因為出晒名既關係，餐廳長期都坐滿食客。幸好唔係夏天既時候黎，坐係室外都唔覺得熱。亦都好彩好快搵到位。不過原來等米通要等好耐下. 咁岩同個居民傾計，佢打電話落左單，都重要等多30分鐘以上先拎到個外賣熱榨橙熱既鮮榨橙汁 好快就送到啦, 味道正正常常!咸牛肉蛋治三文治都跟住上檯, 我覺得自己應該叫錯左, 應該叫 "咸牛肉蛋多士"先岩.冇烘底既, 蛋嫩滑, 牛肉唔硬. 因為開始肚餓既關係, 熱呼呼既三文治特別好食.材料唔馬虎,  份量十足嫁. 咸牛肉同蛋已經融為一體沙爹牛肉米通沙爹牛肉米通, 我諗係即叫即煮, 同埋多人叫既關係, 都等左半個鐘, 所以冇得同"咸牛肉蛋治"影番張合照啦牛肉大塊, 有好多舊下. 第一次接觸米通粉, 原來係咁既形狀.沙爹汁好豐富, 食到碗底搵到好多花生碎但係個人覺得個湯底係咸左少少!總結: 陳通記都幾多位既, 但等餐方面就係要預番d時間.

早排有幾日假期就同屋企人去左長洲玩2日近年長洲真係多左好多好西🤭今次入去真係要食返夠本🤓第一站就介紹大家食呢個必食沙牛米通🐮不過佢個門口就隱閉少少🤏🏻但都無阻要食佢既決心😂——————————————————🍴沙嗲牛肉米通($34)入到餐廳 其實9成人都係叫係沙嗲乜乜😂可想而知有幾岀名😌我就揀左米通 之前都未食過🫢佢有好多選擇 可以揀米粉 河粉 瀨粉 粉絲 鴛鴦米等等講返個沙嗲 湯底真係極極極濃郁🤩而且係食到有花生粒🥜係入面普通茶記可能都只係會落花生醬 無咁重口味牛肉唔會好韌 仲好”淋”👍🏻而米通比起正常通粉”淋”啲 不過我都食唔晒成個😂因為食到尾湯底較濃既關係 食到有啲膩但整體真係值得一試‼️‼️——————————————————🍴鹹牛肉蛋治($18)呢個蛋治真係有驚喜😍首先 蛋🥚炒得唔會好老👍🏻而且每件蛋治都好厚🤭啲蛋係包晒啲鹹牛肉鹹牛肉配無咩咸味既蛋 味道上係十分夾😛多工烘到脆脆的🍞呢個都好推薦同朋友share一齊食😉

次次入長洲都係掃街飽，有朋友介紹我地去食呢間陳通記，味道又ok bo ，算係多左個選擇！呢間茶餐廳有分室內有室外座位，都幾多位簡，涼涼地既話坐出面都唔錯。沙嗲牛肉雞翼米通滑嘟嘟既米通食落幾過癮，配上濃濃沙嗲湯底，仲有啲花生🥜碎粒粒，幾有咬口，的確都幾出色，間唔中食下都唔錯，不過茶餐廳既牛肉真係唔洗期待，太過韌，所以個人覺得雞翼好食啲。西多士好耐無食過，加糖漿花生醬牛油，最傳統既味道，得閒回味下都唔錯。

因為喺長洲出晒名，一早已經book mark咗，但係之前一直冇機會，所以試唔到，今次難得一場嚟到，就試試佢，但發現比較適合重口味人士，再加上環境係大排檔式，而且冇套餐，嘢食加嘢飲已經$52。☺️沙嗲牛肉米通 $34點咗個招牌菜先，有得揀米通已經加分，索晒啲味真係好好食，不過食嘅時候真係要小心啲，因為連湯食真係有啲焫嘴。而沙嗲牛肉，首先頭幾啖係好好味，因為佢好濃味，好重沙嗲味，仲加埋啲花生，出邊好少地方會咁正宗，再加埋牛肉嘅份量都唔少，但係食到中後段就會有啲漏，呢度就有啲扣分。😋沙嗲鮮豬膶米通 $34其實本身$28，但加沙嗲要加$6，第一張係一嚟到嘅真實畫面，但撈底其實都有好幾舊豬潤，食得出係新鮮嘅，所以我覺得幾抵食。☺️凍奶茶 $18感覺上似沖定，味道正常發揮。

呢日同屋企人長洲一日遊，話說當日天朗氣清但係始終都比較熱，咁有的話想食雪糕，有的就想掃街，咁只好各自搵好西食。對於鍾意幫襯小店嘅我，就梗係去食地道啲嘅嘢啦，沿碼頭行下行下，聽到有對後生拖友話有間好出名食沙爹牛肉麵既...咁你知啦，沙爹牛肉基本上係我最愛美食之一，聽到佢哋咁講，梗係老實唔客氣問下喺邊間啦，咁我哋就一齊搵啦，原來係大排檔入面叫做陳通記，我比較孤陋寡聞，原來開咗好多年，咁既然難得嚟到梗係試一試啦。見到佢餐牌選擇並唔多，都係比較傳統餐廳有嘅食物， 咁既然要留肚今晚食海鮮，咁晏晝就梗係食少少好啦，既然沙爹牛肉麵咁出名，咁就一定嗌一碗試下啦，咁另一半就叫咗個蛋牛治。等咗一陣間終於上枱喇~~~ 首先講一講蛋牛治烘底先，賣相正常無乜特別，味道上同出面食開嘅分別唔大，不過佢既滑蛋配碎牛都唔會太過乾身而且都幾多汁，配埋烘底多士咁食，味道整體上都好香口。跟住呢就到出名嘅沙爹牛肉麵，就咁睇佢嘅賣相老實講有啲生菜伴底已經減咗分，不過凡事就唔好睇表面先，食落先知，飲咗一啖湯，發現佢有好香濃嘅沙嗲湯底配合花生碎，比起坊間既湯底，佢都好濃稠，公仔麵都煙韌爽口，掛湯嘅情況相當好，但講到主角沙嗲牛肉，反而

之前同朋友一齊入長洲，好可惜嗰日陳通記已經賣晒沙嗲牛米通，所以我地第二朝就即刻去！我本身對沙嗲牛冇乜特別鍾意，但一場嚟到就試吓。無諗到佢呢個沙嗲牛真係會令人食過返尋味！佢除咗本身已經有好濃嘅沙嗲湯底，仲夾埋花生，令到成個味覺層次多咗好多！加上米通係好吸汁嘅食物，所以真係啖啖沙嗲香。😋

點解可以咁難食...我覺得依碗野只能用黎果腹😵‍💫😵‍💫衰過食杯麵.佢係花生味,唔係沙嗲味🤢🤢不如改名叫花生牛通😓佢湯係好潔,但完全唔係香濃沙嗲味...求其一間茶記都好食過佢。各媒體報導話係長洲必食🥱其實你地係咪冇食過好食嘅沙嗲牛.好彩淨係叫左一碗,2人share,同埋唔好浪費心態我先食埋佢🥴建議上返轉慈雲山食榮記 唔好人講好食你就話好食，依間真係伏到要講粗口🤬仲要等好耐先有人落單，野食又等得耐，隔離枱都催單💰HKD$34