陳師傅自製點心專門店

营业中

休息中

推薦位於尖沙咀的這間點心小店～店面明亮整潔，多款自製點心，即叫即蒸，絕對冇失望～📍蕎麥茶 ($12/位)有多款茗茶選擇，除咗大路嘅茶款之外，仲有杞子菊花茶和蕎麥茶，蕎麥茶解油膩又冇咖啡因，啱晒夜晚飲📍金牌蝦餃皇 （$27）推薦！雖然一籠只有兩粒，但勝在夠大粒，飽滿餡料，仲有爽口大蝦仁📍黑松露燒賣皇（$29）推薦！都係一籠兩大粒，豬肉彈牙多汁，每一粒上面有原隻大蝦仁，仲有黑松露香📍陳皮牛肉腸 ($33)牛肉腸啲牛肉有時好蝦人，但係呢度啲牛肉唔錯，腸粉皮煙煙韌韌，如果陳皮香突出啲會仲好📍瑶柱鮮蝦豆苗餃($38)飽滿大粒，入口清新口感豐富📍板燒煎釀茄子($44)連鐵板上好惹味，夠熱辣辣，茄子煮得又淋又入味📍鳳爪排骨飯($35)簡單鳳爪排骨飯都到水準，味道、份量、飯嘅口感都恰到好處，鳳爪排骨都新鮮

陳師傅點心專門店價錢💲: $27/ $27/ $43/ $49/ $49/ $46好味程度😋: 3.7/5服務🍴: 3.4/5環境🗾: 3.4/5性價比🥢: 3.4/5回頭率😚: 3/5-尖沙咀作爲遊客地區點會無點心舖。經過金馬倫道隨意入去試試呢間點心，正常要有的款式佢地都齊。估唔到最中意係佢地的茶，比點心更有驚喜！$15的茶位費我要左金絲皇菊，入面仲有d紅棗、圓肉、2種菊花、清熱明目，同一班酒樓的茶好大分別。飲落甜甜地，又好出味😌-✅蝦餃。好大粒，成個細拳頭咁。入面有起碼2隻蝦肉，新鮮爽彈🤓不過因爲餡料比較多，個皮都會相對上厚，但唔會太粘。加辣椒油好食！-✅燒賣。燒賣都係比平時的大，一籠兩粒。面頭的原隻蝦幾大，鋪滿成粒燒賣。下面的豬肉正常，唔會食到好重肥豬肉的感覺，有豬肉的鮮味😝-🆗鮮蝦腸粉。每半條一隻大蝦，係正常的分量。腸粉皮口感滑溜，唔係落左好多澄麵令佢好黏。不過有d厚🫠唔夠通透，要大量豉油先好食。-🆗黑椒牛仔骨。呢個點心比較小見。大約有5舊。味道ok，夠黑椒味。牛仔骨的肉質唔會落得太多鬆肉粉去腌。底下墊的竟然唔係蘿蔔，而係菠蘿！鹹甜鹹甜又唔係太奇怪wor!-✅沙律明蝦角。炸得好

尖沙咀🚇呢間點心專門店主打佢哋💪自製嘅點心，質素唔錯價錢💰合理，全日都可以食到😆好味點心真係好。呢度嘅🏅金牌蝦餃皇超級大粒，一個蒸籠♨️只放得落兩隻，鮮蝦味🦐十分之突出，真係👍皮薄餡靚。黑松露🍄燒賣皇上面有香濃嘅黑松露醬🤤，一籠兩件大大粒，🐖肉味好甘香。蟹籽♨️小籠包入面有唔少湯汁，加上蟹籽🦀鮮味，一啖一粒入口😋層次好豐富。翡翠🦐鮮蝦腸用料足，鮮蝦爽滑加上少少🥒翠玉瓜同埋又滑又有米香嘅腸粉皮，🥰十分之美味！沙律🦐明蝦角炸得好鬆脆，入面有唔少🥬西芹碎餡料飽滿又鮮味，加上酸酸甜甜嘅🥗沙律醬，食落好開胃。鹹魚🐟肉餅飯仲可以加太陽蛋🍳，鹹魚令到肉餅同埋啲飯🍚味道都好鮮香，蛋黃有少少流心🤤，撈埋入飯度一齊食好滋味！

今日下午往尖沙咀出席講座,上完講座陳師傅點心專門店食下午茶,我點了金牌蝦餃皇,羅白糕和鳳眼餃,另外飲特級紅棗杞子金絲皇頭冠菊花茶,飲落有濃香菊花味,紅棗和杞子甜度適中,金牌蝦餃皇共有兩粒,皮薄餡靚,蝦餃大大粒,蝦食落新鮮彈牙,口感一流,鳳眼餃平時係酒樓好少有得食,這裡一籠共三有粒,有濃香松露香味,食落菜粒鮮甜,食落有層次,啖啖肉,口感滿足,最後羅白糕煎得金黃,食落有羅白香脆口感,配上甜醬食落醒胃,餐店座位闊落舒適,有很多公司擺設,而點心即叫即蒸,食物美味,食了一餐好食點心

平日放工後同朋友去左食點心，尖沙咀金馬倫道愈來愈多食店，今次去陳師傅點心店都幾大，坐得都舒服。坐低後先揀茶，頂級頭冠金絲菊似signature，有好多大大細細既菊花，甜甜地幾特別。金牌蝦餃皇同魚籽燒賣皇，每籠各兩隻，燒賣皇比較出色，原隻蝦大大隻彈牙爽口；蝦餃配辣椒油更提升口感。脆皮銀絲卷，脆卜卜味道都唔錯，不過餡料只有羅白比較失望。鐵板煎釀尖椒，滾住鐵板上夠晒吸睛，唔止賣相得，味道都好好，尖椒釀魚肉，魚肉無我好怕既腥味，尖椒愈食愈辣，好刺激。沙律明蝦角，蝦角裡面饀有芹菜，蝦同豬肉，外皮炸得唔算好脆，不過都好味，啖啖肉。忽然好掛住個種咸香既味道，叫左個鹹魚肉餅飯，迷你煲仔飯，是我喜歡梅香鹹魚，惹味配一口飯，非常滿足。

是晚想食點心就黎左陳師傅，一間有夜茶飲的點心店😋坐低後先開壺茶，店員推介一壺可清熱降火的花茶，壺內有幾朵大的金絲黃菊，仲有杞子、紅棗、桂圓肉同胎菊等，飲落清甜潤喉，真係幾好飲喎。⭐金牌蝦餃皇蝦餃大大隻，蝦肉爽口。⭐魚子燒賣皇燒賣同樣大大粒，手切豬肉有咬口。⭐陳皮牛肉腸牛肉內混了不少芫茜好香呀，腸粉皮煙韌又滑溜。⭐千絲芋角好耐無食過芋角啦，呢度居然有即刻叫返一碟先🤤外邊炸得酥脆，內裏軟滑，餡料鹹香鮮味，勁好食呀。⭐蜆介鯪魚球炸得彈牙香脆，蜆介醬鹹鮮，好食到汁到點晒。⭐懷舊糯米雞最後仲有糯米雞，餐牌寫住要蒸廿十分鐘，但蒸左四十五分鐘先上枱😂飯有荷葉香，餡料有雞肉、蛋黃、冬菇等，但蒸太耐飯過軟了，口感有點差😂整體點心係好食嘅，花茶又好飲，晚上黎食個夜茶傾下偈確實唔錯👍

尖沙咀收工，想搵即叫即蒸既點心食下，選擇真係唔多。金馬倫道呢間點心講明自家製作，絕不取貨，即叫即蒸，預左要等15-20分鐘，不過相信出品唔會令人失望。金絲皇頭冠菊花茶呢壺茶真係要介紹吓，用上金絲皇菊，再加入枸杞、紅棗，味道清甜滋潤。金牌蝦餃皇餃皇皮半透明，薄而有彈性，蝦肉要爽口彈牙，難怪叫金牌。魚子燒賣皇燒賣肉保持彈牙口感，如果食開辣椒油，一定要試吓呢度既出品，配燒賣食一流。沙律明蝦角蝦角邪惡，餡料豐富飽滿，難得唔太油膩，又脆口，配沙律醬最滋味。流沙奶皇煎堆仔煎堆仔咬開會爆流沙，幾有驚喜，加埋表面滿滿的芝麻粒，口感好豐富。翡翠鮮蝦腸翠瓜爽，蝦肉鮮，皮滑，整體配合出富層次的口感。鳳爪排骨飯半肥瘦排骨，軟腍腍鳳爪，打開蓋已經香噴噴，加埋豉油，最有風味。

前幾日去咗一間傳統港式茶樓，試咗幾款經典點心，真係好滿足。✅炸蜆蚧鯪魚球（HK$47）炸得金黃香脆，外層酥脆，內裡嘅鯪魚肉鮮嫩多汁。蜆蚧嘅鹹鮮味同鯪魚肉嘅鮮甜完美結合，咬落去唔會覺得油膩，反而有一種清新的海洋味道✅翡翠鮮蝦腸（HK$43）腸粉嘅皮薄而滑，入口即化。內裡嘅鮮蝦肉質爽脆，配上鮮甜翠玉瓜，色香味俱全。醬油嘅鹹香同腸粉嘅鮮甜融合得剛剛好，每一啖都好滿足✅流沙奶皇煎堆仔呢款甜點外層脆脆，內裡係流沙奶皇，咬開嘅時候奶黃餡即刻流出嚟，甜而不膩，奶香濃郁。煎堆仔嘅芝麻香味亦都好突出，幾款味道喺口中層層疊起，真係好幸福。✅黑松露燒賣皇呢餐嘅亮點。燒賣嘅豬肉同蝦肉質地紮實，鮮甜可口，黑松露嘅香氣更加提升咗整體層次。每一啖都可以感受到黑松露嘅獨特香味，同傳統燒賣嘅味道完美融合，真係值得一試。✅鳳眼餃鳳眼餃嘅外皮晶瑩剔透，內裡嘅餡料豐富，有蝦肉同豬肉，口感豐富。鳳眼餃嘅味道鮮甜，仲有少少嘅清香，令呢道點心更加出色。✅鹹魚肉餅飯加太陽蛋鹹魚肉餅嘅鹹香味道濃郁，加上太陽蛋嘅蛋黃流心，拌埋白飯一齊食，真係好滿足。鹹魚同肉餅嘅比例啱啱好，唔會過鹹，亦唔會搶去肉餅嘅味道。

金牌蝦餃皇皮薄餡嘢飽,餡料新鮮多汁,每一啖都有鮮蝦嘅甜味。皮薄耐咬,煮好之後都唔會變到太軟烂。餡料嘅比例正好,唔會太多或者太少,口感係一流! 呢間真係廣東點心界嘅一枝獨秀,值得五星推薦!魚子燒賣皇 皮薄如蟬翼,入口即溶,內餡又鮮又美,一食就可以感受到濃郁嘅海鮮鮮味。餡料仲加咗溫潤鋪賓嘅魚子,慢慢品就彷彿置身於高級海鮮盛宴之中。呢間絕對係廣東點心界嘅翹楚之作,值得一試!山竹牛肉球外皮酥脆包住軟嫩多汁嘅牛肉餡,仲加咗香甜軟滑嘅山竹,口感層次好豐富,入口回甘。牛肉嘅鮮味同山竹嘅清甜完美融合,忍唔住一啖接一啖。呢間絕對係又創意又美味嘅廣東點心佳餚。黑椒金錢肚肚片滑嫩又有彈牙,再加上黑椒醬汁嘅襯托,酸甜鹹香惹味極了。每一啖都有肚片滑爽嘅鮮美汁水同飽滿濃郁嘅黑椒味,簡直係人間美味。呢間絕對係廣東點心經典之作。脆皮炸鮮奶外皮酥脆咬落心濃郁香滑嘅鮮奶餡,外酥內滑,奶香四溢。每一啖都有醇厚滑潤嘅鮮奶味,再配搭酥脆嘅麵皮,層次豐富又唔會膩。呢間絕對係又創意又美味嘅廣東點心佳品。皮蛋瘦肉粥粥質滑溜綿密,飽含咗鹹鮮嘅皮蛋同肉末味道。每一啖都有滑嫩嘅皮蛋同飽滿鮮香嘅肉末,整個湯羹暖心又回味無窮,彷彿冬日嘅一碗暖

同老公去咗尖沙咀飲茶，哩度平日2：30後入座，5:00前埋單，用現金全單仲有九折🤩哩個時段來都幾好，又有卡位又坐得舒服；唔洗同打工仔lunch時段一齊迫另一個賣點吸引我來食，係因為有我最愛養生茶🌼茶芥$15／位🌼金絲皇菊花茶成壺滿滿菊花，裡面仲有枸杞，紅棗非常足料，加過幾次滾水味道仲keep到清甜👍推薦必飲🥟鳳眼餃造型好似鳳眼咁👀手工餃大大隻皮薄脹卜卜，內裡饀料有蝦肉🦐豬肉🐖面上有黑松露醬，啖啖肉很滋味🦐金牌蝦餃皇招牌點心之一，透明薄皮大大粒蝦餃皇，蝦肉很多😋口感爽彈🫑鐵板煎釀尖椒鐵板上枱仲渣渣聲，魚肉好香口😋🐓養顏滋補藥膳雞腳每隻雞腳非常之腍，個湯汁好足料好濃郁，好味到我全部湯飲哂👍必食推薦💯🐂陳皮牛肉腸外層個皮好滑溜，內裡牛肉都幾多🥣素翅灌湯餃大大隻好足料，先飲個湯汁先，非常鮮甜，彷翅很有水準👍總括點心製作出色，地方乾淨又企理，會再來幫襯☺️

酒樓飲茶個啲點心就食得多，唔知呢間位於尖沙咀嘅自製點心專門店大家又食過未呢？未嘅真係要去試下，分分鐘好食過酒樓啲點心😂🥟［魚子燒賣皇］$27燒賣大大粒，入面既豬肉肥瘦均勻，估唔到隔水干蒸之後仲保留到啲肉汁，必食！👍🏻🥟［金牌蝦餃皇] $27蝦餃外皮晶瑩剔透食落口感煙煙韌韌，入面啲蝦肉都幾足料，原隻大蝦名副其實皮薄餡靚🥟［香煎鮮蝦腐皮卷] $37鮮蝦腐皮卷煎得微微焦燶，咬落去好酥脆香口，腐皮仲帶啲微豆香😋仲有原隻爽口大蝦🍤🥟［黃金叉燒腸] $34熱辣辣腸粉包住粒粒半肥瘦叉燒，入口已經散發陣陣米香仲有啲粟米粒食落好有咬口🥟［養顏滋補藥膳雞腳］$46好少點心店會有藥膳雞腳，真係一試難忘，湯底永遠係重點，用足料藥膳去熬製，甜甜地可以當老火湯咁飲翻幾碗，啲雞腳又好入味👍🏻👍🏻👍🏻大讚！環境⭐️⭐️ ⭐️ 性價比⭐️⭐️ ⭐️ 推薦度⭐️⭐️⭐️ ⭐️ 人均消費:$85.5整體分數:89.62分- - - - - - - - - - - - - - - 📍 陳師傅自製點心專門店地址：尖沙咀金馬倫道56號地舖#香港 #香港美食 #香港好去處#美食 #食評 #假日必去 #情侶 #放假 #放假去邊 #放假好去處 #尖沙咀

有一排冇食點心，今次拉埋朋友去尖沙咀呢一間餐廳度食飯，可以分開嗌點心分享金絲皇頭冠菊花茶茶芥$15一位，揀咗菊花茶，菊花茶入面有枸杞、紅棗、菊花等，用上金絲皇菊，入口清香回甘，推介鳳眼餃 $41餃子一共有三隻，造型好特別，內餡刻意展現出嚟好似一隻鳳眼咁，餡料用上蝦肉、豬肉等配料，表現點綴黑松露醬，入口肉質飽滿翡翠鮮蝦腸 $43翡翠鮮蝦腸切成五塊，用腸粉包裹住完整嘅蝦仁同埋蔬菜，入口香滑，食得出蝦肉甜味，略嫌腸粉個皮少少厚沙律明蝦角 $49沙律明蝦角共有四個，有少少似鹹水角咁，將內餡包裹住，然之後拎去炸，炸得金黃香脆，點上沙律醬食落清爽蟹籽小籠包 $39蟹籽小籠包一共有三個，趁熱食要小心熱湯，建議先咬一小口，慢慢吸走湯汁，再食用小籠包，味道鮮甜瑤柱鮮蝦豆苗餃 $38豆苗搞一共有三隻，入面滿滿包裹住豆苗、瑤柱以及鮮蝦，入口帶有豆苗嘅清爽，但亦食得出瑤柱同埋蝦嘅鮮甜金針雲耳滑雞飯$36滑雞飯新鮮整好，上枱嘅時候店員會淋上一圈醬油，比例啱啱好，將整個飯攪勻，食到雞肉嘅香味，加入金針雲耳增添口感

而家去飲茶食點心唔使一定要晨早流流去傳統茶樓既，一想食就可以即刻搵d全日供應既點心餐廳過下口癮，今次呢間餐廳仲要係尖沙咀鬧市，行行下街就可以去食，相當方便🥳佢呢度唔止有傳統茶葉例如香片普洱等等，仲有自己嘅特色茶 - 金絲皇菊，呢壺茶一d都唔hea，好重料，飲落有陣陣香甜既菊花味，好易入口，後生仔女必試😛魚子燒賣：有兩粒，但每一粒都好大粒好足料，每粒上面都有隻鮮蝦同魚子，食落啖啖肉黑松露燒賣：都係兩粒，一樣有蝦，只係魚子轉左做黑松露，整體油香味較重😋金牌蝦餃：都係飲茶必點，今次有三大粒，隔住皮都望到入面充滿住鮮蝦，真正皮薄餡靚🦐山竹牛肉球：雖然一般牛肉球都唔係淨係用牛肉整，通常都會撈埋豬肉，但今次牛肉味都出，相信都用左唔少牛肉，唔錯唔錯🐂四寶滑雞扎：腐皮包住雞、芋頭、豬肚同冬菇，出面通常都係配火腿，呢個配搭都幾新鮮😁蟹粉小籠包：最緊要夠熱，湯汁都多，皮薄之餘都不失彈性，挾起都唔易穿😛蔥花蝦米腸：腸粉好爽滑，連埋蔥花一齊煎得好香，份量又夠多，飽肚之選

金牌蝦餃皇🦐是陳師傅自製專門店的招牌點心之一。透明薄皮包裹著飽滿的鮮蝦餡料，每一口都能感受到蝦肉的鮮甜與彈牙。蝦餃的皮薄餡多，口感極佳，無論是視覺還是味覺都令人滿意☺️魚子燒賣皇🐷是一道豪華的港式點心。燒賣的餡料豐富，鮮美的豬肉與蝦仁搭配上點綴的魚子，每一口都充滿了濃郁的鮮味與魚子的爆漿口感。這道燒賣不僅味道鮮美，還有著豪華的外觀，是點心中的皇者😋沙律明蝦角🦐是一道創意與傳統融合的點心。酥脆的外皮包裹著鮮嫩的蝦肉，搭配沙律醬的酸甜，每一口都是驚喜。這道點心口感豐富，外酥內嫩，是一道不可錯過的美味😀金針雲耳滑雞飯🐔是一道充滿家庭味道的主食。滑嫩的雞肉與香甜的金針、脆口的雲耳搭配，米飯吸收了雞肉的鮮美湯汁，香氣四溢。這道飯品不僅味道濃郁，還十分營養豐富，是一道令人滿足的主食🤤奶皇包🍼是一款甜點心中的經典之作。鬆軟的包子皮包裹著香濃的奶黃餡，每一口都是甜蜜的享受。奶皇包的餡料綿密香甜，口感細膩，是一道老少咸宜的美味點心☺️黑椒金錢肚🐮是一道充滿香氣的港式點心。金錢肚的口感彈牙，黑椒的辛香與鮮美的牛肚相互融合，每一口都充滿了濃郁的風味。這道點心不僅味道獨特，還有著豐富的口感層次 👍🏻餐廳環境開揚每

晚上8時，店內還是９成滿，人氣挺足的，客流量高，點心就更新鮮了，因為都是即叫即蒸的！金牌蝦餃皇／魚子燒賣皇（２７元／２個）雖然比起部分的餐廳貴，不過個頭也是比其他的大的，內裡餡料都非常足！蝦餃皮煙韌，內裡蝦肉彈牙，味道比較鮮甜，有豬肉香。而燒賣上面雖然也有蝦仁，不過裡面主要是豬肉餡，肉香比蝦餃更足一點，口感亦挺彈牙的。黑椒牛仔骨（４９元）牛仔骨份量挺多的，蒸得很嫩滑，近骨的地方會比較有彈性，而且牛肉味濃，亦有很香的黑胡椒味。醬皇蒸鳳爪（３２元）鳳爪就一定是吃點心必吃的一款，鳳瓜煮得非常入味，豉汁味香濃，吃起來接受入口即化的口感，但還保留了一點的彈性，能輕易脫骨！流沙奶皇煎堆仔（３２元）煎堆加上流汾奶皇，整個搭配很邪惡，外脆又帶點軟糯，而裡面是流心香濃的奶皇，味道很香，質感滑！沙律明蝦角（４９元）表面炸得焦香，內裡是大量的蝦肉和芹菜，因為加了芹菜，所以口味是偏重的，口感非常爽滑！