陳仔花甲粉

又到左德福美食广场揾食，上次试过陈仔花甲粉嘅香辣汤底唔错，今次就嚟试下佢嘅沙嗲汤底。落完单攞住飞仔等叫号，美食广场一如以往嘅热闹，依然系一枱难求，随意搭枱啦😅⭐陈仔招牌沙嗲花甲粉叫咗份沙嗲花甲粉再加肥牛片，面底有粉丝或米线选择，亦可以加八蚊转稻庭乌冬，上次就试咗粉丝喇，今次就试下米线啦。汤底好香，有花生酱味咸咸鲜鲜仲带少少辣，入面仲有唔少生蒜同炸蒜，令到个汤底更香口。花甲大大只几鲜甜，我呢碗有九只😋米线够滑又爽口，整体感觉唔错🤤⭐麻辣鸡肾主食加配小食可以正价减十蚊，叫咗一份麻辣鸡肾，鸡肾碎上卖相一般。呢份鸡肾都几辣，辣椒籽超多，留返畀爱辣嘅朋友搞掂佢啦😆⭐香辣莲藕片另外仲加咗份藕片，呢个香辣对我嚟讲辣度就啱啱好，莲藕片好爽脆，辣得过引。⭐蜂蜜绿茶面食免费跟纸包饮品或者罐装汽水，仲可以加八蚊拣新出嘅鸭屎香柠檬茶沙冰，是晚想饮下蜂蜜绿茶就拣咗呢款道地嘅纸包饮品😝眼阔肚窄叫太多食唔晒😅两份小食大部分都畀晒朋友搞掂佢，哈哈，几时有个包底嘅朋友都好重要。…查看更多

九龙湾德福广场food court内藏花甲粉小店，最近更加入招牌沙嗲汤底。一如既往，落单攞飞，上菜速度快，全部用煲上，新鲜滚热辣，卖相一流。🐟 招牌沙嗲粉丝配无骨鱼片浓郁沙嗲酱香气，超级微微微香辣，粉丝吸满汤汁，无骨鱼片入口即化，仲有两嚿豆腐卜。🐮 招牌沙嗲米线配肥牛+橡果猪除咗粉丝都仲有米线、乌冬、菜底等。米线滑溜，咕噜咕噜入口，搭配肥牛同橡果猪，肉质软嫩，唔嚡，而且比想像中大片，肉香气十足。🥬 蒜香娃娃菜加配小食可减$10，鲜甜娃娃菜搭配浓烈蒜香，口感清新而又不失风味，完美地平衡油腻感。…查看更多

「陈仔花甲粉」开业冇耐已经人气高企，成日排长龙！餐厅位于商场2期5楼嘅Foodeli美食广场，主打多款汤底同配料嘅花甲粉，可以自由配搭粉丝、米线、菜底，甚至加钱转日本稻庭乌冬，够晒弹性。今次试咗招牌沙嗲花甲粉加羊肉，沙嗲汤底超香浓，带花生酱同蒜香，微微辣好开胃！花甲大大只又鲜甜，羊肉片份量足，嫩滑唔膻。跟餐免费送纸包饮品，再加$8转咗鸭屎香柠檬沙冰，清新解腻，啱晒搭配浓味粉面。小食必点藤椒爽脆鱼皮，鱼皮脆卜卜，藤椒味刺激又唔会太辣，食到停唔到口！另外叫咗蒜香金菇，蒜味十足，金菇索晒汤汁，好惹味～…查看更多

放假去左九龙湾果边行街 行到德福二期food court 人头涌涌见到花甲粉排哂队就去试下依间⭕️ 日本广岛蚝花甲粉 $85蚝唔算特别巨型 但每一只都肥美饱满 咬落去好鲜系底仲有大量花甲👍🏻 非常足料配料粉丝都好大碗 一定够饱依款用左鲜汤底 夹住蚝味 唔错😌⭕️ 招牌沙嗲粉丝配羊肉片 $58另外我试左招牌沙嗲汤 好似好吸引🤩拣左我最钟意既羊肉 臊味出 系几正👏🏻沙嗲底调味恰到好处 几惹味🤟🏻粉底可拣菜底/粉丝/米线+$8可转日本稻庭乌冬/加底…查看更多

德福美食广场超热门陈仔花甲粉一行上德福广场嘅food court，行咗一个圈，好多台个枱面都有个锡纸兜，得一间舖头围住好多人，就知道有几咁热门见到个招牌话陈仔朝早未天光就会去鱼市场选择最大只嘅花甲！可转菜底,粉丝,米线，+$8转日本稻庭乌冬/加底！叫了一个招牌沙嗲羊肉米线招牌沙嗲汤底好香！开始进入冬天食一点羊肉补补身都唔错！唔止汤底正，而且有好多配料有娃娃菜，金菇豆卜芫荽葱,够晒诚意!蒜香焗娃娃菜娃娃菜配上蒜蓉味，系稳阵又健康之选！肥牛花甲粉肥牛半肥瘦好啱我食，花甲果然几鲜甜，又够晒大只，而且个汤底都好香浓，粉丝吸收晒花甲嘅鲜味！正！叫咗粉丝仲会送一盒纸包饮品，我选择了加$8转鸭屎香柠檬沙冰，食完沙嗲米线再饮两啖鸭屎香柠檬沙冰，感觉非常清新！九龙湾最好食嘅花甲粉！…查看更多