影片
港铁旺角站 E2 出口, 步行约6分钟
继续阅读
电话号码
60239939 (WhatsApp)
营业时间
今日营业
10:30 - 01:00
星期一至日
10:30 - 01:00
以上资料只供参考，请与餐厅确认详情
喺旺角收工，想简单食d野，路过见到间餐厅入面都好多人，再望一望食粉面嘅，啱食！抱住人多都应该唔差嘅心态一试。见有个”招牌极罕有牛脆骨”，真系闻所未闻，就梗系要试下佢la⭐️牛脆骨河粉+22蚊转套餐就包埋油菜或者鱼皮、汤或者饮品，我就拣左生菜及冻柠茶牛脆骨食落爽脆，但系又唔硬，食落有d似食紧软骨嘅感觉，好有惊喜，好香牛味，真系食过一次返唔到转头呀，太正la，另外要一赞，葱同蒜分开上，好细心，同埋d蒜好香😋生菜虽然跟餐，但系都大大份，卖相都好靓，生菜食落好新鲜，仲要唔overcook,食落仲好爽口😋，系我钟意嘅口感黎，好难得😍⭐️炸云吞炸云吞跟埋我最爱嘅甜酸酱，咬落脆卜卜，炸得够亁身，食落有惊喜，入面有d猪肉，仲有大大只虾添，咬落好弹牙，好足料，大大粒😍店员嘅服务好好，已经好少见la,抵赞呀👍一个人食饭冇野做，最钟意就系四围望，见到有张poster写住”下载会员app,积分当钱洗”，li间铺头值得再encore,下载埋先😍
继续阅读
餐厅：陈仪兴牛什粉面地点：旺角烟厂街菜色：牛什粉面餐牌：招牌之宝、潮州风味、招牌潮州粉面、特色推荐、陈记小食、稀有重点推介等等。崩沙腩汤面 $59我第一次食崩沙腩，真系好食到！又爽脆又淋，牛味又浓，令我忍唔住食嗮全部肥膏。一客有8件，份量好多！幼面系完美弹牙口感，又有蛋香，加枱上红醋一齐食简直系人间美食。葱花同咸菜放匙羹。转餐加$22,就包一碟菜或者炸鱼皮同紫菜汤或者基本饮品。腐乳通菜 腐乳通菜 份量大概有大半碗，茎脆叶嫩，配适量腐乳又系超好食，平时自己系屋企唔会整。罗汉果茶 加$2基本饮品转罗汉果茶加$2，系瓶装，方便卫生，好浓罗汉果味，天然甜味。章鱼金手指 $32章鱼金手指系新野，一客两条再一开二，即叫即炸热辣辣，原来好似肠仔。食落外皮少脆内多汁，口感弹牙，见到章鱼肉,垫有两片新鲜生菜。另上甜酸酱可降温。今餐最钟意崩沙腩汤面同腐乳通菜 。座位都干净，上菜快速。
继续阅读
餐厅干净企理，墙上仲有啲好有香港特色嘅壁画，影相打卡都几啱！「陈仪兴」呢个名除咗潮洲菜出晒名，连粉面都一样高质仲好有特色可以食到牛既罕有部位，真系要畀个👍🥢 牛脆骨幼面 + 芥兰 (腩汁) + 冻柠茶今次叫咗个牛脆骨幼面，配上芥兰同浓浓嘅腩汁，满足感爆棚！牛脆骨系牛肋骨附近嘅软骨，食落爽脆弹牙，咬下去有阵阵牛肉香，咁大个女第一次食！几特别！菜有生菜/通菜/菜心同芥兰拣，唔钟意太咸，唔配蚝油，更爱配腩汁，芥兰吸咗腩汁，几好！加杯冻柠茶，就系至正港式配搭！原本仲想试牛沙瓜。牛沙瓜，系牛嘅第四个胃，系可遇不可求嘅罕有部位！可惜佢唔系日日有货，食唔食到要撞运气。今次我运气麻麻，有啲失落。🥢 崩沙腩虽然无牛沙瓜，但崩沙腩系镇店之宝，招牌必试！人多叫净食，大家share正！肉质炆到软腍入味，肥瘦比例啱啱好，咬落去牛既浓香四溢，单靠呢个已经救回失落牛沙瓜嘅遗憾感！🥢 炸鱼条另外叫咗份炸鱼条，咬落有淡淡嘅鱼鲜味，份量啱啱好，系个简单又满足嘅小食。今次食到牛脆骨同崩沙腩已经好满足，下次要再战佢哋其他嘅罕有部位，冲住呢个目标再去旺角朝圣啦！🍜✨😆
继续阅读
打风前同朋友去完街赶住返屋企，但点舍得唔食啲嘢先走？于是决定去食碗快靓正嘅云吞面🍜，填饱个肚再应付天气！🌪️☔🌀一入店已感受到浓厚嘅老香港风情，橙色座椅同墙上嘅怀旧装饰！🧡🇭🇰📌 招牌云吞面🦐🍜几大粒云吞，皮薄得嚟Q弹，馅料用料十足，虾肉鲜甜弹牙，配上面条弹性十足📌 招牌崩沙腩净食🐮牛腩中最矜贵嘅存在，系牛嘅横膈膜，一只牛得一块筋膜连少少肉，软腍味香、爽软不硬有少许青葱点缀，增添清新味蕾📌 通菜🌿口感脆卜卜，味道清新简单📌 小食「我要晒」=炸鱼皮：咬落去有种酥脆嘅快感 +炸云吞：外层炸得金黄，内里满馅+炸鱼条：鱼肉新鲜无腥味 +炸墨鱼条：嚼劲十足，墨鱼味浓郁 +炸章鱼丸：弹牙得嚟有嚼头 +炸虾枣丸：虾肉鲜甜，炸得外脆内Q，虾味浓郁选择困难症人士至爱，份量又够📌 咸柠七 同 📌 龙凤柠乐 🥤冰凉嘅口感同碳酸气泡，喺炎热天气同打风前真系救命神器🤑想再着数d，可以download埋个会员apps，积分当钱用
继续阅读
原本约咗朋友旺角食晚饭，朋友见天文台预告有大雨就爽约，一个人都要食，一个人都可以尽兴，经过旺角烟厂街见到一间好出名嘅潮州打冷，原来呢间系主打潮州粉面相当吸引，唔少得当然有潮州牛腩牛杂，仲有潮州鱼蛋鱼片猪肉丸等，仲有炸鱼皮、炸虾枣、墨鱼条等小食。崩沙腩叫咗个崩沙腩净食，净食份量多满足感更多，一放低都已经闻到牛腩嘅香味，食牛腩都知道崩沙腩系牛腩之中嘅靓嘢，炆得又腍又入味，一层筋膜少少脂肪一层厚肉，一啖咬落去无得顶，筋膜位好爽好弹，必须加啲店家自制辣椒油，辣油炒得超级香，令牛腩更上一层次，净食除咗有菜底仲有白萝卜吸收腩汁真系好正。章鱼金手指店员哥哥介绍系新出品，即叫即炸，里面粒粒章鱼的确好足料。原来有牛沙瓜，之前食过一次口感独特，更有极罕有嘅牛脆骨，虽然罕有，但价钱与其他粉面差唔多，店员话每日得好少，卖晒就无，想食要早啲碰下运气。牛腩真系好特别有自身魔力，好似呢间啲牛腩咁靓真系好过好多美食。另外店里海报有各式潮州饼，七月31日前有75折早鸟价，有兴趣朋友要把握时机。
继续阅读