陸田園餐廳小廚

营业中

休息中

去找伴侶食個下午茶，他本來想帶我去另一家餐廳食瑞士汁雞髀，但由於未到該餐廳的下午茶時間，他就帶我去陸田園了。目標明確的就是要吃瑞士汁雞髀，所以也沒留意餐牌上的其他選擇了。分別配雜果沙律及薯條，瑞士汁雞髀的size適中，啖啖肉，肉質不會太粗糙。瑞士汁都算夠味，雞髀僅僅好入味，香甜味道不夠強烈。雜果沙律味道正常，份量還可。扭紋薯條脆口不油膩，但得十多條，吃得不夠盡興。熱檸茶的茶底微微澀了一點。總算是過一過了口癮，吃到瑞士汁雞髀。

在COVID 有陸田園群組之稱，到今日都可以屹立不倒，證明具相當實力。一分錢一分貨，晚上我兩公婆唔多食飯只食小菜，這裡晚巿套餐都算實惠。$188 一魚＋一餸 ($菜單80, 如再之上補差價) + 菜，已經相當抵食，仲有湯及飯（我唔食飯），$258 多份霸王雞。海魚每日不同，當然不會是貴價魚，多數是馬友，黃𩶘䱽，鱸魚，烏頭，紅衫，黃花等，但好快賣哂，最好七點前來。做法自選，豉汁蒸較為撚手，另外雙檸烏頭也值得推介。雞食過霸王雞，口感不錯，奇味雞煲要正價叫，但都幾好，另外小炒等試過好多，尚算有水準，唔會hea 做，另外可以自己帶紅酒入去飲。我不用評價太多，唔會係頂上級水準（收你幾十蚊個小菜，你諗到都冇可能），但交到功課，我見都幾多後生仔女嚟食，有時仲成大班人嚟，證明都有相當多捧場客。

真心覺得非常值得推薦！老闆非常熱情，見我哋兩個人過嚟，主動為我們介紹了兩人套餐，內容包括一條新鮮的魚和兩個配菜。魚的肉質鮮嫩，煮得剛剛好，搭配上特製的醬汁，味道令人驚艷。兩個餸菜也各具特色，色香味俱全，無論是炒菜的鮮香還是蒸菜的原汁原味，都讓人一試成主顧。餐廳的環境也很優雅，燈光柔和，讓人感到放鬆。老闆熱情周到，隨時關注我們的需求，讓我們的用餐體驗更加愉快。而且價格合理，這樣的套餐絕對物超所值！我和朋友都覺得這裡的食物不僅好吃，還能感受到老闆對餐廳經營經驗嘅用心。總之，我們一定會再回來，推薦給更多的朋友！如果你們還沒試過這家餐廳，千萬不要錯過！

工作太晚來個外賣晚餐，選了陸田園。選擇邪惡選項以平衡拼搏心情，刻意選了瑞士汁乾炒牛河，有火候，但滿滿的油脂感，不能多吃。牛肉有少少筋，不過這個價錢也不能要求太多。想要鑊氣，已經足夠解釋了為什麼選這些傳統茶餐廳。另外選了豆豉鯪魚油麥菜，一開始沒留意，原來價錢竟然比乾炒牛河貴，但師傅沒有虧待價錢，用了足夠的油炒，唯有只吃一點。下次還是選燙青菜比較好。

成日都會喺呢間嘢度叫外賣，今日叫咗個皮蛋芫荽魚片湯，佢俾咗一碗我，我問點解第一碗？上次都係兩碗，老闆同我講佢唔知，跟住我就話上次嗌個魚雲湯都有兩碗，佢話因為魚雲大嚿啲，所以兩碗上，佢都係得幾舊魚雲，呢個皮蛋芫荽湯，我已經叫咗第二次，上次都係兩碗，跟住我喺出餐枱上面見到有一碗只係佢冇俾我，你都做開街坊生意，咁樣呃人法你叫人點樣再嚟食嘢$82

返香港七日酒店隔離好難捱酒店啲嘢食 可以用難食形容雖然偶爾一兩餐都OK但係唔知點解冇菜食於是我就喺綠田園外賣- 西蘭花炒蝦球不過不失 西蘭花炒蝦球都好難整得難食雖然佢啲蝦唔係好彈牙既蝦，但未去到霉總共有八隻蝦 左右加啲薑片炒 我覺得佢啲西蘭花炒得OK因為唔係太生又唔係好熟 啱啱好最怕西蘭花有草青味 但係都冇性價比唔太高… 服務都OK因為本身以為會好大碟諗住叫佢分兩盒佢都願意結果分完 原來都唔算好大盒一餐食完就算,ha

陸田園嘅價錢在天后區嚟講算係中間位，食物質素同價錢完全係正比，唔會有太大驚喜。炒粉麵只能夠講係一般般，水準唔會太差。味道係屬於中間偏濃，如果你係食開清淡嘅，就唔係咁啱。服務質素都係一般嘅，但我個人係接受到，最起碼係唔會黑口黑面。

唔係成日寫食評，但今次經歷太差了......係天后區返工，午餐基本上都係叫外賣。今日午餐叫埋新同事一齊叫外賣，估唔到新同事第一次叫外賣就出事，比佢地留低左個壞印象，其中一個新同事仲要無左個飯😅😣😣。今日星期二12點想叫飯，叫10個午餐，咁就揀間近近地既，陸田園，google map 行路4分鐘就到。話說我地係12:27落單，一點lunchtime，個個同事都等緊個外賣。13:00...... 13:15.......都未有既🤨🤨打電話去問先，陸花園姐姐話黎緊，問佢係咪唔夠人，我地可以落去拎，又話唔洗🤔🤔繼續等......13:30......13:44......終於到啦！！！即開咪叫班餓左好耐既同事黎拎飯食，數一數，點解少左兩個飯🥶🥶🥶係lunchtime 13:00-14:00既情況下，13:44個外賣先到，得返15分鐘食飯.......真係史無前例！仲要少左2個飯，可以點算呢？？唯有犧牲兩個人無得食啦!? 好彩其中一個同事有杯面，頂住先🥺🥺同個送外賣姐姐講送少左2個飯，佢就話我地落少左，但明明係收左10個飯既錢，單都係打10個，點會係落少左呀！10個餐+10杯野飲，用3個袋送外賣

2021.04.02 陸田園想食豐富既早餐，就過左黎陸田園。叫左A餐 火腿蟹柳通粉拼餐肉煎蛋。通粉食得唔係快熟通，好多火腿絲，蟹柳有1條。可惜煎蛋煎爛左，夾埋一齊就變左餐蛋治。呢間跟餐自動變多士，唔洗再加錢，幾好。雖然係一塊方包對半切開，但我覺得份量夠。加杯熱野，good。

我叫咗一碗鮮茄通粉配滑炒蛋加腸仔，配多士。諗住外賣自取八折，點知外賣要另外加兩蚊，埋單嗰陣又唔講明，冇心減價，不如唔好有折扣？多士1塊切開當2塊，偷工減料好Hea，完全唔明點解啲蛋可以撈埋喺湯入面，仲聲稱係鮮奶炒蛋，勁鞋，份量得1隻，最差最差係個湯底，將一隻蕃茄抌晒落去加少少糖當係湯底，又酸又難飲。佢唯一嘅優點就係啲通粉唔係即食通粉，但係杯凍奶茶甜到糖漿咁，整體來講真係唔好食，所以真心極度 唔推介 大家去！！！！

因為家住天后，早餐通常附近食，首選陸田園，次選閨家同嚐喜，而點解陸田園係我首選？好味！份量足！熱辣辣！而且杯檸茶茶底靚！早餐有齊 奄列、薯餅、魚柳、多士真係好滿足不論堂食或者叫熊貓，永遠係我首選

買外賣encore 陸田園Encore E餐-馬來咖哩牛肉飯($50)：咖哩好惹味，今日咖喱辣喎（上次唔辣），送飯一流。牛肉係沙嗲牛肉既肉，軟肉，唔韌。但我覺得個薯仔最好味。Encore 炒貴刁，陸田園既炒粉麵飯，係ok既，有鑊氣。自取八折，抵食。

由於趕住開會，快快趣買個外賣返去公司食。陸田園外賣自取有八折。我揀左午餐F- 泰式菠蘿雞粒炒飯，朋友就揀左炒貴叼，冇餐飲。外賣另收$1，不過店員唔小心收多左我地$1。外賣唔洗等好耐，就有得拎。兩盒炒飯炒粉都裝到滿一滿，冇呃秤。我盒炒飯，粒粒飯分明，夠乾身。😋佢加左d提子乾，夾埋d菠蘿粒，酸酸甜甜咁，食落都幾fresh。唯一係我覺得可以唔洗落急凍雜錦豆，個人而言唔係咁鐘意雜錦豆。有機會都會再食呢個飯。

成8:30先食飯，原本想食的越南餐廳已門，係事不延遲的情況下，看看門外餐牌，有可選食物後就衝了入去。我們點了瑞汁牛河及海鮮瓜粒湯飯。其實我們一座下，靚姐送上兩碗例湯，由於我饑寒交逼，所以湯一到立刻渴了整碗，一來夠熱，二來好飲又有湯料。好好飲。先來瑞汁河，味道可，牛肉都正常，可惜太油。湯飯足料，當中的魷魚好似係鮮魷，口感及味道都不似普通雪藏海鮮。湯底都十分好飲。整體來說，此晚飯亦算有驚喜，超出預期的茶記。

Food: delicious clay pot rice. We tried the larp Mei mixed and beef & spareribs with eggs. Both are delicious with a bit of burnt sides (which is also tasty). Tried the set menu with steam fish and another sides, good value. The Chinese soup was also well made, not the typical diluted MSG soups. Ambience: not much ambience to speak. It’s a cha Chan Tseng and it’s a normal one. Came here for the food and casual chit chats, not for ambience or space. Service: no water or hot tea served. Service i