阿貓地攤

小朋友庆祝生日嘅好去处🥳既有猫猫欢迎你，仲要有下午茶儿童set其实两个儿童set都够一大一细食因为小朋友生日，所以谂住叫个窝夫再写Happy birthday同埋名，店员好贴心，知道我哋会太饱食唔到，所以帮我哋取消咗个窝夫，佢哋用雪糕甜品嚟写Happy birthday同埋小朋友个名两个set分别有猫猫形状嘅饭，捞埋啲汁食都几唔错，另外一个set系白汁意粉，仲有薯条、蔬菜同埋鸡翼，每一个set仲送多个小食，其中一个小食叫咗洋葱圈，另一个叫咗紫菜粉炸鱿鱼须，我觉得小食都非常出色，呢度嘅嘢饮都啱大人同细路，小朋友可以饮朱古力曲奇奶昔，大人可以饮咖啡，但系因为儿童餐包咗橙汁，所以我就饮咗两杯橙汁，所以今日呀猫地摊生日之旅，非常满足，小朋友都好开心，仲要有好多猫猫都好亲民，当日嘅时间冇乜人，就好似包场咁，净系得我哋一张枱，我估系因为时段嘅问题同埋系闲日，同小朋友庆祝生日，我觉得依度好适合🥳…查看更多

同朋友喺铜锣湾，佢想去猫cafe，Openrice话同区有2间，1间规模较大，但佢已经去过，于是㨂咗呢度。Cafe喺唐楼，唔难揾。我哋喺正月十五前过嚟，当时过咗新年的公众假期，唔知系因为平日定系始终新正头，店员话暂未提供餐牌上的正餐，不过可以点饮品、甜品。同朋友倾计时，俾店员听到我哋开口埋口「猫cafe」，佢就主动同我哋解释，话严格嚟讲，cafe只系普通咖啡店，而因为餐厅会收留有待领养的猫咪，所以令人有猫cafe的错觉。的确，呢度同一般猫cafe唔同，入门口后冇闸、冇栏，唔使除鞋、喷手，亦唔需要席地而坐，而且猫猫自由度高，要去边就去边，随处攀爬都仲得。我哋3个人，点咗3杯咖啡：latte、Americano同rose latte，每杯$40+，收费同一般cafe相若。latte：我的饮品；细杯，~180-200ml；味道唔系突别突出；食具配合店名，咖啡杯有猫猫设计，虽然唔算好别致，但望住会觉得可爱、有趣。朋友就点咗Americano同rose latte，同样都系由有猫猫特色的咖啡杯奉上。整体嚟讲，cafe地方大、阔落，有窗；店内总共有10只猫猫，佢哋有啲训觉，有啲走嚟走去，有啲就唔见人匿埋咗，感觉好家常、日常；cafe冇用餐限时，我哋都坐咗2个钟。唯一值得留意的系，对卫生特别关注的人可能会觉得猫咪走嚟走去，包括入open kitchen，跳上咖啡机，甚至喺上面行cat walk，呢点就未必接受到。…查看更多

今次带埋两岁小朋友去，地方整洁，猫猫好亲人，店员亦好友善，主动教小朋友点同猫猫玩，又俾零食喂猫猫。最低消费$88，叫1食物+1饮品，点了青酱意粉，店员语话我地知青酱是自家制，新鲜用菠菜打，唔浓味，难怪小朋友食得好开心。另外仲叫左照烧鸡扒猫饭同猫pizza, 用左黑芝麻酱画猫猫上去，小朋友好钟意，食物质素高质，唔会太浓味，可以比小朋友一齐食💪🏻💪🏻好悠闲咁渡过左两小时，希望多d知道呢个好地方。…查看更多

环境舒适，地方清洁！ 食物种类也算多，全日早餐意粉小食饮品也有很多选择！适合小朋友及大人放完电过来差一叉电！ 猫咪的数量也很多，超过10只！大部份也10分友善可以近距离接触，亦都会主动过嚟同你玩！小朋友及钟意猫的朋友一定喜欢！ 想小休1小时和猫猫接触也是十分推介，午餐及下午茶加多一份食物就有两小时也十分化算！…查看更多

自费‼️喺香港有好多好有特色嘅主题餐厅，今次我去嘅就系以猫为主题嘅阿猫地摊。阿猫地摊位于铜锣湾富明街，喺铜锣湾地铁站F1出口行三分钟就到，位置非常方便！咖啡店喺一栋旧式大厦里，座位大约有十张枱，窗边透光令整个空间显得阔落，坐窗边嘅人仲可以睇到风景🤤呢度系自助形式，木柜上摆放咗餐具、纸饮管、胶碗碟同埋纸巾，想用嘅话就自己出去拎✅套餐包餐汤、主菜，$48以下嘅饮品，最平都要$128，价钱偏贵。餐牌上仲有一啲小食，相对之下就比较便宜😌自家制肉酱意粉，份量小，每人只有两三啖，虽然酱汁浓郁，味道唔错，但真系唔值呢个价钱🙂‍↔️和风牛肉猫饭对我嚟讲卖相唔太好，因为中间挖个洞放咖哩汁觉得几奇怪。唯一特别嘅系旁边两只鸡脾，原来系素鸡髀，用腐竹包住雪条棒卷成鸡脾外形，第一次见到用素鸡髀做配菜，几有新鲜感～整体来讲，虽然有啲嘢唔系好合心意，但有猫猫治愈我就够🤣…查看更多