阿爺燒鵝餐室

痴筋今次旧薰蹄真系痴住条猪筋！系生猪肉透明𠮶种筋呀大佬唔好同我讲系咁嘅样，我特登上网揾左薰蹄点制作！即系第一嘢煮熟嘅程序冇熟哂就成旧丢去摊冻同切！用deliveroo食依个双拼饭「烧鹅薰蹄双拼饭」，佢一大旧饭硬掘掘，搭条菜心、跟住系一层完全半生熟嘅薰蹄（啫喱状）。跟住铺两片较熟嘅系最上层，烧鹅就摄系个边...盛惠$94蚊依啲时势我打开个饭盒唔敢食，即刻倒去炒炒佢。但唔好食，本身就成啖盐架喇，啲饭好硬好干.... 大家街坊自己衡量贵夹唔饱食依间嘢食唔食得过... 我冇眼睇（平时行过见佢都冇咩生意，但啲嘢食质素十足十啲忙到爆厂嘅餐厅咁），真系好好奇点解仲屹立企系依区！…查看更多

叫个下庄，175蚊，全部都系肥膏，冇一半系食得又鞋又冻又贵，好后悔😭其实间舖头可唔可以俾返啲良心，都已经唔系叫特价饭或者下午茶，系咪就系谂住外卖睇唔到，就特登比啲差嘅你？咁样做生意，迟早拍乌蝇。…查看更多

今日行过西湾河，亚妈话D亚婆话好食，第一次帮衬，亚话想食下烧鹅脾，要求要瘦，皮脆肉香。濑粉爽弹，汤底用大地鱼煲，不会饮完口渴。乳猪饭，瘦而脆，白饭就要改善一下。…查看更多

今日去太古城行完街，就返到西湾河医肚，返到西湾河食乜嘢好呢，想起上次在阿爷烧鹅食烧鹅髀饭好好味，但是有点贵，看看原来现在已经两点半了，有下午茶烧鹅饭餐，于是就去阿爷烧鹅到食，我叫了一个烧鹅饭，一杯热奶茶，烧鹅真是皮脆肉嫩香滑可口，真是好有口感，奶茶香浓，仔仔就叫咗一个金蛋叉烧饭，叉烧好好味，一杯冻柠檬茶，仔仔话 夏日炎炎透心凉，我先生就叫咗一个常餐，常餐有火腿炒蛋 ，叉烧通粉，一杯好立克，一件牛油多士， 我下次都系等下午茶先去阿爷烧鹅度食，真系好抵食。…查看更多

呢排多咗Home office，可以等到下午茶先食饭，去到附近嘅阿爷烧鹅，就嗌咗盒饭外卖。之前食过佢嘅黄金蛋叉烧饭，略嫌咸咗少少，今次试返佢嘅招牌烧鹅，由于下午茶只系$40 ，我仲以为份量好少，点知返屋企一开，竟然系成只烧鹅髀😱，实在太惊喜，烧鹅入口好嫩，又唔会太肥，啲烧鹅油渗晒落啲饭度，每一啖都觉得好香，虽然有少少邪恶，但系我都食晒成盒饭😋下午茶餐有杯热饮，我叫咗杯热柠茶，杯茶就有少少怪味，不过因为只烧鹅髀，我原谅咗佢😂，希望下次都咁好彩，斩只烧鹅髀比我🤩…查看更多