阿爺燒鵝餐室 (已結業)

路過大圍轉車，忽然好肚餓，想食個下午茶。呢間舖門面唔起眼，環境亦都唔算好好，只係純粹想食燒味就坐低咗。呢度茶餐平均40至50蚊包熱飲，燒味粉麵就只係30幾至40蚊，幾抵。阿爺燒鵝米燒鵝夠油香，肉質幼嫩，米粉唔會太淋，好味。脆皮燒腩瀨粉燒腩堅係脆皮，肉亦夠入味又唔會太鹹，瀨粉有韌度，唔錯。另外雖然只係茶餐，但係附送嘅醬料都好齊全，幾好。值得一提呢度星期一到五，每日都有一款燒味外賣有特價，價錢都真係幾合理，下次路過都要試下☺️…查看更多

該店舖態度惡劣，已很多人反映過亦沒有改善，店鋪老闆若不處理員工態度問題，這種趕客行為，最終導致店鋪執笠也不可惜。事情係，中秋節去外賣燒肉，拎飛排隊期間，個燒肉阿姐不停將燒肉俾其他插隊顧客，最後燒肉賣曬，也不說明情況，反而燒肉阿姐態度惡劣地叫顧客加錢換購其他食品，期間更加大聲呼喝，掩飾她的錯誤。此等欺負顧客行為非常惡劣。去買嘢等於去受氣。建議正視吓員工服務質素。不會再光顧！不會再光顧！不會再光顧！特別老人家不要去這間餐廳，對待老人家的態度十分惡劣。…查看更多

平時間中都會幫襯燒味套餐，燒腩仔水準唔錯，但今次叫個叉燒瀨粉餐(不是叫肥腩叉），d 叉燒肥到離譜，好似五花腩咁，簡直令人非常失望。奉勸大家食唔慣肥叉燒既叫其他燒味好過…查看更多

曾經試這間燒味都覺得不錯，但昨天去買义燒及燒鵝時，遇到一那位收跟員的服務態度真要改善，說了两次要半肥瘦义燒，佢都冇反應，以佢聽唔到，再講多一次，她很悔氣地回應"聽到啦"！最後回家打開個盒，發現那些义燒超瘦，燒鵝又奇鹹。實話，外面燒味店選擇很多，以後再也回去幫襯。…查看更多

開鋪到以家頭一次搵呢間幫襯，結果失望。今晚諗住加餸斬料，於是乎到鋪頭落左半斤半肥瘦叉燒，諗住應該咁多好評，都唔會差得去邊。。。點知最後結果係叉燒斬料個刀功麻麻，斬到好厚身，同埋70$個份量正常厚度應該我食開大約每件0.5CM先係好既外賣厚度，食埋仲冇乜入味感覺，真係得個肉感，冇食落個種爽甜清澈既感覺。相比我去平時食開斬料既個間街市既$42半斤一樣半肥叉量 真係差好遠。味道仲入味過前者；下次叉燒應該唔建議係呢到斬料。燒鵝主打鋪，暫時比較著重簡單難整得好食既叉燒多過燒鵝多。同埋呢個價錢 阿爺真係算貴。唔好介意因為我窮，間中想試新店，燒味店多數都嗌叉燒飯之類食多。…查看更多

今日係大圍搵早餐食，又唔係約左人，都係離不開茶記，快餐店之類。不過，近火車站既茶記都好多人，要搭枱，又好有壓迫感，坐耐d都唔好意思，想悠閒嘆個早餐都唔得。思前想後，都係行遠少少，稍為遠離火車站，搵左阿爺燒鵝，距離火車站都係5-8分鐘路程，可以接受。早餐好多選擇，由A到G，每款都係$35，唔貴。雖然開宗名義「阿爺燒餓」，但早餐冇燒餓揀，唯有求其揀個A餐「金鐘罩义燒」麯配双蛋多士。义燒比較瘦，肥少少會好食好多，双蛋太陽蛋，賣相好吸引，兩隻蛋都好完整，煮得啱啱好，味道亦不錯，多士可以接受，奶茶就冇驚喜，同其他茶記分別不大。最緊要坐得舒服，冷氣夠凍，又唔駛同人逼，一個人坐哂個卡位，冇人趕你走或俾眼神你睇，可以慢條斯理嘆個早餐，正！…查看更多

最近燒鵝食多了，都開始有要求了。今日專程同小絲到大圍試這間阿爺燒鵝。小絲很驚喜這裡有鵝油撈麵食。我即刻認叻答：因為知道你鐘意食鵝油撈麵，所以特登帶你來。其實我都是來到先知這裡有鵝油撈麵食，不過以我的影帝級演技，小絲應該看不出。我們順理成章點了鵝油撈麵，小絲點了燒鵝晚，而我當然點了肥腩叉試試。我擔心小絲不夠食仲加了油菜。晚市客人不多，大約半滿，我們食物轉眼間就到。全枱都是食物，很豐富，賣相亦很靚。小絲很好，用一夾麵和一件無肉的皮包骨燒鵝同我換了半碟肥腩叉，但所謂的肥腩叉不但不肥，仲很瘦，所以口感有點柴。小絲給我的燒鵝，雖然肉不多，但都吃到味道比較原始，醃製比較輕手，味道不錯。鵝油撈麵的鵝油偏少，麵來到已經痴到成為一個麵餅，不太能撈。加點附送的湯來撈一撈會好一些。這時小絲又問我何解撈麵會跟一碗湯：這個可以表現自己知識廣博的機會我，當然不放過啦：因為撈麵沒有湯，客人覺得蝕底了，就叫侍應給一碗湯，約定俗成就變了撈麵跟湯。這一刻，我感到自己真是非常聰明。雖然我都只是吹水。…查看更多

今日家人說想吃燒鵝所以就特意來阿爺燒鵝餐室食晚飯上個月食過一次，已經覺得回味無窮今次想試燒鵝以外的食物我叫左燒鵝五寶瀨粉燒鵝部位當然冇就咁叫燒鵝飯咁靚不過都依然係皮脆肉嫩豉油雞出奇地嫩滑又入味，下次可以淨叫油雞叉燒都好驚喜，一層肉一層脂肪非常鬆軟，而且有焦香味呢個下次都要encore咸蛋唔係太咸，蛋黃好香好大個，係靚蛋紅腸就正常冇咩特別主角係燒鵝鵝油撈麵燒鵝好多件，俾左上脾鵝皮非常香脆鵝肉有荔枝木香肉汁香濃，想食燒鵝時食呢個真係過足癮鵝油撈油又係必食燒鵝出色，鵝油自然都好好味配合爽滑粗麵，食落非常滿足！下次我再想食燒鵝我一定會再黎食！…查看更多

阿爺燒鵝餐室位於大圍大圍道1-35號金山樓地下11A2號舖, 從港鐵大圍站 A 出口步行前往, 簡介說的4分鐘是不夠的, 因為人流通常很多, 應該要約十分鐘吧. 餐室裏的王牌毫無疑問是燒鵝了. 而食燒鵝的最佳時侯又是下午茶, 因有特價, $42便可享用一碟阿爺燒鵝飯, 不知是否我特別好彩, 幫襯四五次總有一兩次師傅會斬燒鵝脾給我, 如不覺得油膩可將白飯轉換成鵝油撈麵, 另有一番風味. 配以凍飲一杯, 如凍鴛鴦或加錢轉紅豆冰,滋味無窮. 另外如燒鵝飯吃得多也可試試金鐘罩叉燒煎蛋飯,味道也不錯.…查看更多

【沙田區】【阿爺燒鵝餐室】「生日飯巡禮」第二站嚟到大圍，不過呢餐飯有啲特別，係喺一個幾意外嘅情況之下完成。按時序的話，更加唔應該講佢先，因為我年初三嘅朝早已經食過，仲要係食早餐。認識我嘅朋友就知，我食早餐係幾珍貴嘅時刻。話說嗰日朝早我係要返工，不過冇嘢做，所以溜咗去呢度食個「早餐 A」。主食係「金鐘罩叉燒」配「鮮忌廉豬骨湯意粉」，叉燒意嚟講佢算唔錯，本身啲叉燒好，加上個湯底算用心製作，所以成件事唔差，係滿意嘅。個早餐仲有「4.3 牛乳炒滑蛋」，係真係炒得幾滑架喎，冇令我失望。片「牛油厚多士」唔算突出但都唔算差，配埋個「熱奶茶」夾埋收我 $39 令我有衝動以後早啲起身食早餐去取代平時成日食嘅常餐，因為真係幾平吖嘛。之後再食一次就係第一段講到嗰個「生日飯巡禮」，本身係同個朋友一齊去試食，之後佢話想正正經經請我食餐飯。咁佢想就我 Foodie 嗰邊，所以想食啲我有嘢寫嘅餐廳。咁上次喺度只係食咗個早餐，就試埋燒味啦。由於堂食限聚令關係，所以呢餐係以外賣形式完成嘅。我叫咗個 $90 嘅「阿爺燒鵝乳豬鵝油撈麵」，加隻「咸蛋」就變成 $100 喇。味道上有啲失望，只係普通，冇想象中咁好食，唔係好需要特登走去食嗰種，大家明嘅。我朋友個「黯然銷魂飯」少飯就 $62，唔平呀都，一打開，我見到都覺得一般，結果我朋友都話好麻麻，未必有下次。我唔想搞到好似我朋友幫我慶生但係我又唔中意咁，不過我呢位係多年朋友，有好多嘢都明架喇，哈哈。。。（地址：沙田大圍道1-35號金山樓地下11A2號舖）#1amfoodie #foodie #hkfoodie #thatfoodiething #hkfood #1ambackup #1am0598 #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #大圍 #阿爺燒鵝餐室 #金鐘罩叉燒 #鮮忌廉豬骨湯意粉 #牛乳炒滑蛋 #牛油厚多士 #早餐 #阿爺燒鵝乳豬鵝油撈麵 #黯然銷魂飯…查看更多

大佬，買盒义燒飯外賣可能對你地舖頭嚟講係細銀碼，唔志在。但係盒飯 d 义燒肥到咁，即係叫人拎到返屋企食白飯啫。我落單時百分百冇話過要超肥义喎。個師父有少少智商都知道個客哽唔落哩 d 义燒架啦！！！結果有超過三份二义燒係哽唔落嘅。之前兩三次堂食都感覺麻麻，食物好行貨，今次就直情刷新咗我嘅認知。…查看更多

下午茶時間係大圍搵食，周圍行下，結果係大街見到阿爺燒鵝餐室係門口見到餐廳又幾抵喎決定入去試試燒鵝鵝油撈面 + 湯+熱華田燒腩仔鵝油撈面+湯+熱檸檬茶份量都幾大，鵝油冇咩香味，完全唔知係鵝油，比較普通，燒腩仔就皮都好脆但有啲硬，華田好淡，冇咩味性價比一般…查看更多

好耐冇更新早餐系列啦，事關早餐真係冇好多選擇😂今日趁免費搭車日，去左大圍搵早餐食，見阿爺評價唔錯就去試下啦～金鐘罩叉燒、鮮忌廉豬骨湯通粉 $32配4.3牛乳炒滑蛋、牛油厚多士坦白講我完全唔覺得有邊度似忌廉豬骨湯😂湯底好清淡，冇乜味，敏X做得出色啲；炒蛋唔夠香，同時冇味，多士都脆，不過就唔係厚多😂成枱嘅亮點叉燒，要睇你好唔好彩分到好嘅部分，呀媽個份明顯厚啲又淋啲，味道係好嘅總結：燒味佢應該做得唔錯，不過早餐就會用隔夜叉燒，影響咗少少口感，唯一值得讚係通粉份量好大，價錢都好抵食，不過下次都食燒味飯好啲😂地址：大圍大圍道1-35號金山樓地下11A2號舖評分（5⭐️為最高）：環境：⭐️⭐️⭐️服務：⭐️⭐️⭐️食物：⭐️⭐️價錢：⭐️⭐️⭐️⭐️…查看更多

上個月食叉鵝飯，可能叉烧太瘦而太乾太硬，見社交媒體網友話下次食肥叉幾好，今個月即管試吓，點知有其中2件係肥豬肉，但是係爽口的肥豬。只好放棄！我只係想食淋身少少叉燒，唔去食肥豬肉。呢世人真係未食過咁肥嘅叉燒！但味道係不過不失，真係有改進！另外仲有一個好精景嘅畫面，就係阿姐一次過擺低三碟叉鵝飯，我問邊碟係肥叉，佢答我總有一碟係！至於燒鵝係唔錯嘅，但係比第一次來都差了，唔知係唔係師傅轉左，唔知應唔應該再去第三次！服務：一般，欠缺主動環境：卡位非常逼夾，不太建議坐四個人，尤其係搭枱交通：大圍火車站步行6分鐘左右…查看更多

我想講間餐廳d燒肉難食過街市買果d頭開係想去另1間食，不過另1間無堂食，所以先行左入黎呢間。叫左 燒肉瀨粉 +燻蹄+菜+中湯主角係燒肉 岩唔岩先？最差就係燒肉 1.凍 2.皮係香口膠咁瀨粉 反為幾好中湯 有驚喜 有雞腳 有瓜跟住 本無服務係幾好既客人：d 燒肉凍 可唔可以換師父：你想換咩？客人：差燒 得嗎？師父：都係凍嫁wo客人：咁有咩係熱？師父：全部都凍嫁，不如退錢啦客人：好呀～個客人走左，成班阿姐同師父係到大大聲咁罵個客人，又話唔識食，又話前世。。。。下減1000字最後個餐我食唔到一半，就走左。…查看更多