阿城鵝肉

見間嘢標榜台灣菜又係米芝蓮，所以試吓，點咗個午餐套餐，鵝片雙拼飯。最嚇親嘅係啲鵝片細到好似肉絲咁，第一次見啲肉同啲皮係1:1。真係好佩服廚師嘅刀工。食落冇咩特別，冇咩鵝味，可能因為幼得滯，食唔到味。碟底嘅芽菜一樣少得有啲可憐。整體嚟講，食物質素差，味道一般，價錢$87，唔係幾合理。絕對唔會再試！好好奇點解咁都可以拎到米芝蓮？見到啲圖片都唔係咁，真係幾失望！預咗商場食嘢唔會平，但係起碼你唔係俾啲肉碎同肉絲我呀！🫣…查看更多

今日行東薈城見到新開左間台灣鵝肉店，裝修都幾有風格，不嬲對台灣料理好好印象，唸住來試下啦。樓面姐姐幾好，未夠鐘俾我地入去坐先，會幫手斟水，話11點半先可以手機落單午市有單人套餐食，單人套餐叫左個 鵝胗鵝肝飯，哇啊個鵝胗又腥又冇味，鵝肝直頭慘不忍睹 鞋到啊，又腥又硬仲難食過豬潤，D白飯又霖過頭，薑絲又係生嘅， 係芽菜酸菜食得下，根本冇嘢可以擺落口嘅，去街市食完叉燒飯都冇咁嬲。今日哩一餐 真係好伏 各位慎重前往…查看更多

🐑櫻花蝦麻醬A菜，其實係櫻花蝦車厘茄生菜麻醬沙律，櫻花蝦嚟講佢都算大隻，其他就車厘茄同生菜都新鮮，現成麻醬又好味，咁就搞掂食碗麵🐑山藥鵝骨湯，雖然話係鵝骨湯，但其實都有好多豬骨嘅，台灣式嘅湯嚟講，佢都算幾有味道㗎嘞😂，淮山係鮮淮山，煲到都好溶爛，尚算不俗🐑滷肉時蔬，係白灼油麥菜加滷肉，菜正常新鮮，點整都ok㗎嘞，滷肉切幼粒，全部都偏肥，送飯食最啱🐑招牌煙燻鵝，要下庄，肉質確實係嫰嘅，嫰得嚟又有彈性，係唯一煙燻味比喺台灣食還欠缺了一些🐑招牌煙燻鵝頭，連埋頸嘅，第一次食鵝頸，原來係好多肉嘅，鵝頭就唔識欣賞嘞😂🐑鵝油拌飯，炸乾蔥頭+鵝油確實好香，飯就稍多水咗少少，要注意一下喔🐑用嚟墊筷子嗰粒花生，剝殼後發現入面嘅花生粒係黑色嘅😆，上網搜尋一下，原來呢啲叫黑金剛花生，食落除咗有花生味外，仲有少許甘甘地，其實幾好食，唔好掉咗佢😁…查看更多