阿元來了 (鴻圖道)

阿元來了 性價比高嘅台灣小店 魯肉飯必食！今次試咗幾款招牌： 🍚 阿元魯肉飯 必叫！滷肉肥瘦勻循，醬汁香濃，撈飯一流。 🍖 秘製蒜泥白肉，蒜味超香，肉片嫩滑，好入味。 🍗 蜜汁炸雞排，外脆內嫩，蜜糖甜香唔會膩。 🦑 酥炸魷魚，香口彈牙，送酒一流。 🍧 花生牛奶豆花，食完濃味嘢啱晒，豆花滑溜，花生味香。 整體抵食，款式多，係地道台灣風味，會再encore！ #阿元來了 #台灣菜 #魯肉飯 #蒜泥白肉 #炸雞排 #抵食之選 #OpenRice評分…查看更多

阿元魯肉飯，雖然唔大碗，但係可以俾你用一個相宜啲嘅價錢帶多幾份小食👍🏻炸魷魚超好香口彈牙覺得非常唔錯🦑肉燥飯見到嘅嗰個份量，我係嗌咗小飯，肉燥非常之多，調味真係覺得拍得上程味真喎🤣QQ紫薯地瓜球外脆內軟煙煙韌韌，幾好食台灣仙草芋圓清清地幾好食內裡裝修有古台灣感覺，食完呢餐真係好似去左台灣甘，好值得再來。…查看更多

入到去個環境好似去咗台灣咁一班人食可以叫得多選擇啲蛋餅入面好足料番薯球粒粒炸到外面脆入面軟腍腍酸甜蕃茄好似食緊糖咁好開胃而我個人就揀咗蚵仔麵線蚵仔同大腸超足料好正…查看更多

曾經阿元來了係我係香港最鍾意既台灣餐廳，由台灣人主理，最初係西環已開始幫襯，完全感受到用心做美食。可惜今日再食完全大不如前，食材明顯同之前差好遠，首先是沒有我最喜愛的麻辣魯肉飯😡，點了牛肉麵，但湯底也不同了，只有八角味。最失望係鹽酥雞，雞肉很實，雞肉也沒追手味道，完全唔掂。忍唔住細問侍應之下，原來餐廳已經轉左老闆。以前星期六中午必定要排隊，而家一半檯都無人，食客的味道係好誠實的，又一間餐廳沒落 。😮‍💨…查看更多

多年前嘅返工飯堂，嗰陣放lunch又過嚟坐低食，OT又過嚟買外賣返去食，年中食嘅魯肉飯可以疊成層樓咁高今日約咗人觀塘食，久違再訪，原來而家係前門拎飛排隊裝潢係好打卡able，不過啲位有啲逼，比較適合1-4人。我哋4個人，叫咗3個主食、2個小食、3杯嘢飲，除返開~$75/人。口水雞飯好惹味，叫咗兩個唔辣，唔食得辣嘅人都食到。芝士肉鬆蛋餅就不過不失，餡料足，但芝士唔係好融合。嘢飲個人喜好：招牌>茱香>胚芽。…查看更多

今次捐窿捐罅去到觀塘工廈，搵到呢間「哈豆」台灣餐廳，見佢個甜品名咁得意，就決定要嚟朝聖下！✨我哋今次試咗：1️⃣ 紅燒牛肉肉燥飯 🍚🐮一次過滿足你想食紅燒牛同肉燥飯兩個願望！🤤 紅燒牛肉炆得超級軟腍入味，入口即化，肉燥鹹香惹味，撈埋啲汁同飯一齊食，真係啖啖都係濃郁嘅台灣古早味，送飯一流！👍2️⃣ 海獺黑冰河畔溫泉 🦦🍨全餐嘅焦點絕對係呢個甜品！個名勁得意，擺盤靚到好似藝術品咁，相機食先是常識吧！📸💯 佢係一個超豐富嘅甜品拼盤，有齊開心果雪花冰、朱古力奶凍、Q彈芋圓、濃香黑芝麻雪糕、清爽仙草冰同埋綿密紅豆！一啖食落去，有冰嘅涼快、奶凍嘅軟滑、芋圓嘅煙韌，口感層次勁豐富，味道配搭得啱啱好，完全唔會太甜，真心驚喜！🤩3️⃣ 珍珠豆漿紅茶 😋❄️食台灣嘢點少得珍珠！呢杯唔係普通奶茶，係豆漿紅茶嚟㗎！豆漿嘅清香同紅茶嘅甘醇出奇地夾，珍珠煮得軟硬適中，Q彈有咬口，整體感覺好清新！🥰總括嚟講，呢間工廈小店無論鹹食定甜品都好有誠意，特別係個甜品，絕對係打卡必點！想食高質台灣菜嘅朋友仔唔好錯過啦！🤩…查看更多

喺觀塘行街行到攰，想坐低食個dinner，朋友就介紹咗呢間台式餐廳「阿元來了」😍 一入到去裝修已經係滿滿台灣嘅風格，食物方面都非常之唔錯👍🏻1️⃣ 三杯雞飯 🐓三杯雞飯層次豐富，雞肉嫩滑入味，每一啖都充滿家常溫暖感🥰 份量仲好足添！2️⃣ 胚芽珍珠奶茶🧋胚芽珍珠奶茶都用咗Q彈珍珠，茶味濃郁，甜度啱啱好💓 喺面層嘅胚芽粉飲到最後會溶埋落奶茶度，完全係大滿足呀！🤩3️⃣ 魯肉飯（人氣之選 🫶🏻）魯肉飯嘅滷汁香濃但不膩，肥瘦適中，配白飯簡直完美，以傳統手法煮出屋企嘅味道🥰 不過份量就會偏細，大家可能要嗌多樣小食🤣4️⃣ 豪華海鮮煎 🦐🦪豪華海鮮煎選料新鮮，加入濃郁嘅蝦膏調味，煎得外脆內軟，鮮甜滋味真係好令人回味😭 除咗大大隻蝦，仲有好多蠔，簡直係最抵之選 ✨食得開心之餘，我哋仲咁啱遇上咗live band，有唱歌🎤、打鼓、彈琴、結他🎸等等，一路聽住經典台灣曲目一路食嘢，簡直係最佳嘅享受啊！❤️…查看更多

放假去觀塘約舊同事食晏，佢哋竟然揀咗台食。聽過呢間店，但都係第一次食。冇套餐全部散叫，感覺係有少少貴，不過見到佢有控肉飯對眼即刻發咗光，因為之前去台灣搭凌晨機餓都死死吓係台北車站徒步去西門町嘅時候，到達西門町找上一間餐廳祭五臟廟，侍應阿姨介紹我食呢個控肉飯保住我一口氣。所以對控肉飯念念不忘。雖然邊位係肥咗少少，但係一咬落去即溶嗰種感覺簡直係爽爆。調味適中唔會過鹹，碗飯食到底嘅話都唔會有啲肥淋淋嘅油，個心感覺寬一點。另外點咗幾個小食，鹽酥雞相當嫩滑，鎖得住肉汁。番薯波波都好食，特別鍾意紫薯有種輕甜嘅感覺。唯獨有啲失望係杯茉莉花珍珠冇乜茶味，個蛋餅啲芝士唔夠溶，同埋個墨魚丸冇乜特別。…查看更多

🔸魯肉飯 $41魯肉飯每粒飯都可以沾上油香肉汁，飯同魯肉份量控制得恰到好處。魯肉肥瘦適中，入口鹹香，味道非常出色。🔸刈包 $37刈包配料有芫茜、花生碎、肉。肉油潤軟腍，三種味道融合得幾好；包皮入口鬆軟，層次豐富。🔸蚵仔煎 $40蚵仔煎蚵仔分量多，幾乎每啖都食到蚵仔。而且煎得啱啱好，外層粉漿唔太厚。加埋醬汁，甜中帶鹹，味道地道。🔸QQ紫薯地瓜球 $38最推薦！地瓜球上枱時仲係暖嘅，外皮炸到微脆，入面口感軟糯。餡料用真材實料蕃薯茸，每啖都有蕃薯甜味，食到食材本身味道，極推薦。🔸洛神烏梅汁 $23叫咗半糖版本，入口甜味偏重，酸味感覺唔明顯，如果鍾意酸味可能會覺得不夠突出。整體感覺偏甜解渴感一般。餐廳入面會播台灣歌曲，幾有feel。平日夜晚唔使等位，得閒經過都會去食👍🏻…查看更多

🧭 阿元來了•觀塘🍴觀塘鴻圖道28號地舖講左話要黎食好耐，終於的起心肝去搵阿元🤣觀塘一講台灣野 就一定係阿元來了。下午茶套餐-起司蛋餅🧀今日咁岩4點半去食，見有下午茶套餐。有蛋餅再加埋唔同小食 所以抵食。- 起司蛋餅 真係超新鮮熱辣岩岩煎起🧀啲芝士份量好足，有拉絲既效果- 炸甜不辣 口感唔錯，好有彈性 唔係得一個粉漿咁- 鹽酥雞 炸皮好薄，而且雞肉仍然好juicy - QQ紫薯地瓜球 作為地瓜球愛好者，呢個必食！！🤤好煙靭同估唔到入面真係有紫薯餡。驚喜🤩阿元魯肉飯🍚黎到食台灣野點可以唔食魯肉飯呢。黎到有滿滿既魯肉 ，食落同係台灣食 唔太大分別😌九份芋圓（暖)呢個份量超出我想像🤣而且佢亦有大量仙草，紅豆同珍珠。個芋圓好食！好煙靭好入味。每款都有好多粒。👍🏻鳳梨青茶🍍呢個正常青茶，台灣出名既鳳梨，用到咁上下 有啲飽，就可以飲下 可以好好咁解膩😛…查看更多

觀塘這間阿元來了已經開了好幾年，已成為觀塘區標誌性的台灣菜——尤其當數街之隔中海日升中心的龍鳳號結業， 裝潢及菜單都有台灣味的店鋪就更少。與其他分店一樣，這間阿元來了有一貫很台式的裝潢，有點置身台灣的感覺。外賣有午市套餐，反而堂食只有散叫，不過所有主食小吃飲品都齊全。玉米肉鬆蛋餅 ($39) ★★★★✰辣醬的點綴為原本平凡的蛋餅生色不少。蛋餅的餡料尚算豐富，不過與坊間其他有蛋餅供應的台灣餐廳相比不是特別突出。台南擔仔麵 ($43) ★★★★✰一小碗有肉燥、滷蛋、蝦仁、芽菜等等十分齊全，賣相吸引，而且份量剛剛好食完可以食其他小食。確實與我在台南食的擔仔麵可以比擬。…查看更多

我之前同同事食過幾次位於西營盤嘅阿元來了，通常都係叫外賣自取，但就未食過位於觀塘鴻圖道嘅阿元來了，所以咁啱五月底有機會喺觀塘食午餐，同事就建議不如大家去試吓😆去到餐廳時已經見到好熱鬧，坐滿晒客人，我哋第一次入到去餐廳，先望一下周圍嘅環境，裝修好有心思，亦都好有台灣特色☺️ 企喺收銀處嘅店員好好，好快就見到我哋同埋問我哋有咩需要☺️我同佢講話我哋想叫外賣自取，佢就好快話俾我哋聽門口附近有個位置可以攞外賣紙☺️我哋填完之後店員就好快處理我哋嘅外賣單，仲好親切咁叫我哋可以先坐低等，唔好企喺度等咁攰☺️我同同事因為唔係特別肚餓，所以都係叫咗阿元魯肉飯嘅小碗，因為驚叫大碗嘅話會食唔晒😅果然小碗版其實份量都係好足😅😆🤣雖然小碗版睇落去好似真係比較細碗，但係其實食落去都係好飽肚😅😆 如果以女仔嘅食量嚟講，如果唔係真係好肚餓嘅情況之下，我都係會建議叫小碗，價錢又可以平啲，又唔會咁容易浪費食物☺️我同同事都覺得觀塘嘅阿元來了嘅魯肉飯同西營盤店嘅魯肉飯一樣都係咁好味😋我哋知道如果將來我哋又喺觀塘食嘢而又想食台灣嘢嘅話，阿元來了會係我哋嘅一個好選擇😆👍…查看更多

在最近的一次香港美食之旅中，我來到了著名的小吃店「阿元來了」，品嚐了幾道經典的台灣美味，讓我來和大家分享一下這次的用餐體驗！🟢台南擔仔麵 ($43)首先，我點了台南擔仔麵。這道經典的小吃讓我驚喜，麵條滑順，搭配上濃郁的肉燥和香氣四溢的湯底，每一口都充滿了家鄉的味道。🟢滷肉飯 ($41)接著是滷肉飯，這道台灣的經典美食讓人感到親切。滷肉色澤誘人，肉質軟嫩，醬香濃郁，搭配香噴噴的米飯，簡直是絕配！每一口都讓我感受到台南的風味。🟢滷味拼盤 ($37)然後是滷味拼盤，這道菜品的選擇非常豐富，有多種滷味包括豬耳，雞翼和豆腐還有雞蛋。🟢炸花枝丸 ($38)炸花枝丸的口感也非常值得一提，外脆內嫩，鮮香的花枝味道讓人驚喜。搭配上特製的醬汁，讓整道菜的風味更加升華，真的是一個絕佳的小吃選擇。🟢QQ紫薯地瓜球 ($38)接下來是QQ紫薯地瓜球，這道小吃的外皮酥脆，內餡軟糯，紫薯的甜味恰到好處，讓人感受到濃濃的幸福感。這道小吃真的很適合作為餐後甜點或小點心，讓人回味無窮。🟢無骨鳳爪 ($38)無骨鳳爪的口感滑嫩，入味十足，每一口都讓人感受到雞肉的鮮美。🟢酥炸魷魚 ($44)最後，我點了酥炸魷魚，外皮酥脆，魷魚的鮮味在口中慢慢釋放，讓人忍不住想再來一份。餐飲方面，我點了冬瓜茶和椰果茉莉綠茶。冬瓜茶清甜可口，解渴又消暑；而椰果茉莉綠茶則帶有淡淡的香氣，讓整個用餐過程更加清爽。[阿元來了]的用餐體驗讓我感受到台灣小吃的魅力與多樣性。每一道菜品都讓人驚喜，充滿了豐富的風味和口感，而且性價比很高，下次一定會再來吃😋…查看更多

阿元來了係香港出名食台灣菜，有幾間分店，人氣食堂！難得嚟到觀塘就二話不說去朝聖下😎⭐️阿元魯肉飯 $49份量嚟講就唔算好大，魯肉好腍蛋夠入味，滷水汁微甜加埋肉嘅油香味道夠哂惹味～最正有醃蘿蔔可以去除油膩感！⭐️香脆大雞排 $49雞排咬落鬆脆，內裡肉汁都保留得到，調味較重，配飯一齊食就perfect ！⭐️台南擔仔麵 $43湯底清甜，麵條彈牙，配搭滷水蛋、肉燥同牛丸較濃味嘅食材食成個感覺好balance！⭐️蚵仔煎 $40煎得比較乾身，個人偏好可以濕潤返少少，蠔仔鮮味好出，味道都非常接近台灣風味！另外仲有無骨鳳爪、酥炸魷魚同QQ紫薯地瓜球，飲品就叫左胚芽珍珠奶茶🧋珍珠口感煙韌唔錯，黑糖鮮奶珍珠都好出色，金桔蜂蜜檸檬愛玉就啱哂而家飲，好清爽！最後甜品就緊係要食九份芋圓，甜度適中，芋圓足料！美中不足係晚市時間收得比較早，8點半就已經要清場，同埋最愛食嘅蛋餅同麵線原來晚市唔供應架，好失望呢😢…查看更多

「阿元來了」小店隱身在巷弄之中，得知它有數間間分店；而且裝修特別，當中有很多懷舊Poster，讓人感覺置身於台北。必點台灣小食：鹽酥雞、滷肉飯、香芋奶茶和台南擔仔麵。餐單其實還有其他台灣出名小吃，大家都可一試！鹽酥雞 ：炸得金黃酥脆的外皮，香氣撲鼻，一口咬下，卡滋卡滋的聲響令人食指大動。雞肉鮮嫩多汁，搭配店家胡椒鹽，咸咸香口，食到停不了口！滷肉飯：份量不大，似台北夜市吃到的一樣！滷肉肥瘦相間，滷得油亮入味，醬汁濃郁，淋在粒粒分明的白米飯上；滷肉亦入口即化。這碗滷肉飯，看似簡單，卻蘊含著滿滿的台灣家鄉味。香芋珍珠奶茶：芋泥香氣濃郁，口感綿密，與奶茶完美融合，甜度適中，不會過於甜膩。喝起來滑順香甜，絕對不能錯過。台南擔仔麵：湯頭清澈，帶有淡淡的蝦米香氣，麵條Q彈有嚼勁，搭配滷蛋、肉燥、牛丸和豆芽菜，清爽可口。雖然味道較為清淡，但當中的肉燥混入湯頭，最後連湯都喝光。價格合理；雖然店面不大，但卻充滿了溫馨的氛圍。無論是想念家鄉味，或是想體驗台灣美食，阿元來了是一個不錯的選擇。…查看更多