阿佳拌麵

营业中

休息中

有一段日子沒有光顧的《阿佳拌麵》今天沒有人等候，所以午餐時間點選了一份拌麵今次點選了麻辣燙魷魚拌麵一攞上手已經聞到好香麻辣味，香到差d未影相就已經想食麵既份量依舊十足，分量方面女士就應該夠哂飽，但男士可能都要食多幾粒魚蛋先夠魷魚分量都非常多，爽口魷魚再配上麻辣醬汁，完全過足口癮

-又黎到 #葵廣掃街食咩好 既時間lah~ 今日想介紹既係呢間台灣拌麵。每盒拌麵都係$30，就已經有充足既配料同麵去填滿你個肚。 1️⃣搖滾四品拌麵 $30 好味指數： 7.5/10 有花枝條 貢肉條 魚條 同 豆腐花枝條爽口有咬感 魚條加上蔥都幾香口 貢肉條肉味都唔差呢 其實中意食丸類食物，呢三個配料真係滿足到你仲有豆腐都滷得幾入味架佢地仲有原味，沙茶，芝麻同麻辣，四種醬 比你揀黎撈拌麵。我就揀左沙茶，貪佢個種香濃惹味。-👅味道: 7.5/10🍽賣相: 7/10🏰環境：6/10🙇🏻‍♂️服務: 7/10💎CP值: 7.5/10⚖️人均：$15-30↩️回頭值：80%———IG: hkfood_station

一向都認為肉燥拌飯才是絕配，係選飯及麵之間，都掙扎左少少時間，不過人地連招牌名都叫阿佳拌麵，我唯有相信店東啦，就叫左份招牌肉燥拌麵配沙茶醬32元，這份麵食香濃惹味，味道很好，麵量都算多（大食者除外）五香糯米雞卷22元 幾好味烏來烤豬肉腸20元 味道較鹹，配上糯米雞卷一齊食，仲好味

💰$30 招牌肉燥拌麵本身唔算好鐘意食拌麵，不過都想試一試…買左之後先見到原來可以轉飯😅拌麵餡料有肉燥、🥚溏心蛋、滷豆腐同黃蘿蔔絲鹹。肉燥味道唔錯..不過口感就一般般(太滑身)，溏心蛋做到有流心既效果..好好味🤤，滷豆腐入味得黎都有豆味…去到拌麵我個人就唔太歡喜😝油膩左小小…同唔太鐘意食粗身既麵質。整體黎講都OK😌因為佢有齊我最鐘意食既3樣餡料肉燥、溏心蛋同滷豆腐*.............................

叫左個招牌肉燥拌麵好大份 $32 午餐黎講 算係抵食有d蘿蔔絲？😹冇食到百葉豆腐 如果傳統台灣d飯盒 舊豆腐通常係硬身d 甚或係豆乾個人就覺得麻麻地但呢間個豆腐係百葉豆腐 仲要係滷水過有味得黎十分Q彈10分滿分！滷水蛋 講到明係流心 同埋寫明係用日本蛋 🥚一夾起就爛左🤣 個熟成度又係滿分但唔記得影個流心反正又係好好食！滿分！肉燥呢個就差d 肉質有少少粗糙冇乜肥肉 所以唔夠滑好味同健康嘅抉擇拌麵本身唔鍾意食拌麵/拌麵因為好油/好咸但呢個絕對係要覆桌個醬整到個麵好好吃唔係一般嘅滷水汁唔油 亦唔咸最重要係 個麵超彈牙停唔到口 不停食另外仲叫左個迷你生煎包$10有3粒 好抵食落好似食水餃咁但個肉係冇乜汁似水餃嘅口感係黎自個包d油🐒🐒🐒舊肉算大粒 但又係 健康版 冇乜肥肉 口感麻麻下次再食其他口味嘅拌麵！

貴妃雞卷拌麵🐣 💲30✅ 滷豆腐幾彈牙😋❔ 沙茶醬略鹹 不過係接受範圍內❌ 雞卷並唔爆汁😔 正確黎講係無咩汁🤣👅Taste：3/5💰CP值：2.75/5🙋🏻‍♂️Service：3/5👁‍🗨Stylishness：3.25/5

同老公拍拖去葵芳搵行街，葵廣已經成為香港特色的食街，除左細鋪多，選擇包羅萬有。行到三樓呢間台式伴麵，就叫左個招牌伴麵食。招牌肉燥伴麵（$30）呢兜麵都算幾大兜，有豆腐、溏心蛋及大量肉燥。豆腐非常入味，而且有濃郁豆味。溏心蛋是滷水蛋，內裡流心效果。肉燥方面比較失色，偏鹹似罐頭肉燥，沒有heart。伴麵有祕制醬汁，好香花生同蔴油味，每條麵都撈得好均衡，麵質方面以口感偏淋，無米線咁爽，但用作伴麵卻非常合適。

去葵芳掃街點可以少得呢一間鋪頭呢 因為佢有我最鍾意食嘅糖心蛋除咗糖心蛋同埋魚蛋啊呢啲小食之外其實呢一間野都有其他嘢食我第一次食佢嗰陣時係食佢啲拌麵嘅 佢啲拌麵都幾高質而且食落去都幾飽肚 面嘅粗幼度適中 配菜又多 生煎包 迷你版 勁細粒勁得意 啱晒一口一啖不過個皮有啲厚 魚蛋 沙茶醬 食落去唔錯 都幾彈牙 唔會覺得似食緊粉漿豬肉卷 外面陳皮脆脆地 一咬落去 佢有啲肉汁係你個口入面爆開 食落去會覺得係啖啖豬肉 肉質十分之豐富糖心蛋 十分之高質 一咬落去勁糖心 仲要整得勁入味 一個字正

好耐都冇去過葵芳廣場度行街啦，記得以前成日都會去係葵廣留下唔少腳毛架，，平時都會黎葵廣度掃街，但今日嘅目的只係shopping姐🤩🤩🤩不過去到頂樓見到勁多野食，即刻心動想食下啲小食見到呢間台式為主嘅小食店，係溏心蛋，即刻買番粒試下先！點知就出事啦，完全都唔係糖心蛋嚟嘅，根本就係流心蛋，係普通到唔普通嘅流心蛋，重點完全冇甜味，咩叫溏心蛋先？好欺騙成份，仲要$15粒！！好失望！！我寧願去七仔度買溏心蛋！！

黎到葵廣唔少得呢間賣台式食物嘅阿佳伴麵。之前同朋友經過見佢幾得意，招牌好有台灣嘅感覺，所以就諗住試下D野食。呢個招牌菜-肉躁拌麵味道好唔錯，唔算平但都幾大份，同朋友share食啱啱好，唔洗食到飽哂食唔到其他小食。佢唔會太咸，味道啱啱好。個滷水蛋同豆腐都好好食。啲肉都比得好多，夠餸哂個麵。如果怕膩仲可以食佢個酸蘿蔔，都好食😂整體嘅感覺就係唔洗去到台灣都可以食到台灣地道美食。如果成日黎葵廣食厭左其他野，想試下新野，呢間係唔錯嘅選擇。佢仲有好多其他小食揀，相信一樣都好食。

Great food! We got the 3 little buns which only cost $10. The skin on the outside was slightly crisp and the filling inside was juicy and soft. We saw someone got the chicken stick thing so got one and my god was it amazing! The outside was crispy and the chicken inside was super tender and juicy. The smell once you bite into it makes you want more!

「阿佳拌麵」初開業的時候，筆者曾一度迷上它家的拌麵；後來進駐葵涌廣場的小食店越來越多，便貪新忘舊了。前2天聽到同事對它小食的讚美，今日經過便過來一試。屈指一算，現在的「阿佳拌麵」在葵涌廣場也算是一家老店了。前段所談論的小食就是它了：貴妃烤雞卷。這可是台灣當地夜市的其中一樣人氣小食呢，今天在這裡就能吃到了。烤雞卷做法主要是把雞皮包著雞肉，然後放在爐上烤。外層雞皮烤得十分香脆，咬下去不但沒有了平時雞皮的油膩感，反多了一份燒烤的惹味。雞肉非常juicy，入口爆汁，雞肉香味瞬間佔滿口腔。吃前還可加上味粉。筆者加的是辣味粉，但感覺不算太辣。吃完這條雞卷有點想到台灣旅行了。

呢間拌麵食過幾次，都覺得佢真係唔錯嘅今日我哋食咗好多嘢食之下，老公突然之間走咗去買，我幾驚佢仲買多個拌麵（因為已經飽飽地）好彩佢最後只係買咗一個小食，但估唔到好有驚喜喎，就係貴妃烤雞卷佢望落去好似一條司華力腸，食落去就不得了，原多係用烤過嘅雞皮包住熱辣辣嘅雞肉，好鮮好多汁，而且好香滑，油香四溢，正！😋落單嘅時候，店員問我地想原條食定切開食，我地諗住成條食過癮啲，點知因為佢實在太juicy，啲油滴到成手都係，有啲狼狽，所以大家如果想方便啲可以叫店員切開佢，或者俾個兜仔你兜住啲油

今次同朋友黎葵廣掃街經過見到呢間阿佳拌麵咁岩見到有呢個雞肉卷不斷係個爐到轉下轉下就比佢吸引住左 好想試試佢呢間台式小食店都真係幾有台式小食店FEELD食品名一條條咁掛係到雞肉卷係外面係雞皮入面包住雞肉嫩滑既雞肉仲好多肉汁一食既時候好辣口要小心熱親個嘴雞皮都煎得好香脆不過食既時候就好易食到雞皮同雞肉分離呢點唔係咁方便!!

佢個肉燥拌麵真係唔錯既見多左d細細粒生煎包🤔好QQ咁既樣台南直送$10/3粒就試試佢生煎包有一路熱住🔥第一粒好小心食驚爆汁之後果d已經一啖過🤷🏻‍♀️ 係無肉汁既下次可以食返拌麵算啦