長阪燒

营业中

休息中

環境乾淨，裝修設計值回票價由入去到埋單，一直保持到優質服務旺角一間難得食到高質日本菜嘅好地方唔係hea你果隻 會再訪試其他和風沙律 麵豉湯芝麻雞翼 帶子壽司 蟹籽沙律照燒雞扒溫泉蛋丼呢間店每隻蛋堅持用 蘭王蛋香氣濃郁 蛋味特別濃 蛋黃亦比一般雞蛋更加深橙紅色少蛋腥甚至不腥 用作拌飯一流 照燒汁帶有甜味和醬油風味雞扒燒到脆香啖啖肉 米飯嘅份量控制得好好因為成個套餐有沙律麵豉湯又可以加小食 一定夠飽反而太多米飯只會變得濫竽充數椰子雪芭椰漿、椰肉整成 用冰塊作底 因為雪芭溶得比較快柔軟、滑順 香甜 解渴清涼特大虎蝦 $45 @ 1尺寸大，滿足感強！！！虎蝦通常燒完之後水份流失會變得細隻啲呢兩隻燒完之後嘅形態都係勁大隻 可想而知 特大虎蝦唔係浪得虛名肉質鮮美 蝦肉濃郁而彈牙並帶有甜味撒上海鹽干燒 而且擺盤真係好有心思好

今日同朋友去左試長阪燒，長阪燒以傳統和風設計的日式爐端燒餐廳，氣氛唔錯，我地被安排坐吧台，可以望住師傅準備食物！🌞雲丹烏賊小砵🌞烏賊爽口，加上海膽、三文魚籽mix壽司飯，唔錯，細細份，好啱一個人食！🌞清酒煮蜆🌞蜆肉肥美鮮甜，清酒味好濃，蜆肉勁入味，好正，完全食到停唔到！🌞生蠔🌞生蠔係季節限定，有唔同嘅set，仲可以配飲品或者酒！因為我朋友唔食蠔，我自己叫左2隻試下，生蠔係即叫即開，好新鮮乾淨，海水味同生蠔味平均，雖然唔係好肥，但係好creamy！🌞燒蠔🌞燒蠔鮮美多汁，舖滿蒜蓉👍🏻🌞鮮磨山葵牛肉🌞wasabi 和牛肉一齊，牛肉嫩滑，吃起來好夾，惹味！🌞虎蝦天婦羅（2隻）🌞虎蝦肉質爽口彈牙，食材新鮮，而且炸得酥脆唔會好油膩，連蝦頭炸到超酥脆！🌞日式蜂巢手羽先🌞🌞唐辛醬烤手羽先🌞🌞燒菠蘿🌞🌞明太子醬燒翠玉瓜🌞🌞五花腩🌞🌞青椒蝦滑串🌞🌞豚肉蒜心卷🌞🌞活鰻小串🌞🌞燒粟米🌞🌞烤魷魚干🌞串燒一碟上，都幾好食！燒得外脆內juicy！整體用餐感覺良好，坐得都舒服！

呢日搵到呢一間性價比幾高嘅日本餐廳，見到裝修特別有心思，同埋好友返咗日本嘅感覺。職員態度友善，位置坐得舒服。拖羅海鮮豪華太卷超級豪華嘅壽司，裏面有吞拿魚，魚子，同埋大大嚿嘅海膽。材料新鮮得來，味道層次，口感豐富。拖羅根沙律外型好似牛肉粒嘅拖羅根，其實係火炙燒完嘅拖羅根，一個比較少食嘅位置。配上魚子，同埋沙律，味道好清新，而且食得出精緻嘅感覺本身呢一度係Omakase嘅菜式，而家可以分開嚟嗌都係$78! 一定會再嗌。燒聖子蟶子上面有厚厚嘅蒜蓉，蒜蓉味10分重同埋惹味。聖子口感彈牙。雜錦天婦羅雜錦天婦羅份量適中，而且個皮炸得均勻，唔會太油。好食！燒菠蘿燒菠蘿外皮脆，亦都保留菠蘿嘅肉汁。當係甜品咁食一流。日式蜂巢手羽先其實就係蜜糖味嘅雞翼。蜜糖味偏淡，不過就燒得幾均勻，容易入口。另外亦都有辣味嘅選擇。五花腩(2串)加咗少少辣粉，油脂分布平均。自家制醬燒豆腐燒豆腐裏面亦都有讓咗餡，有心思活鰻小串(2串)份量唔算多，不過外皮燒得香脆。明太子醬燒翠玉瓜翠玉瓜燒得軟腍腍咁，配上帶有鹹味嘅明太子醬，口感一流豚肉蒜心棒薄薄一層嘅豚肉包住，肉片偏薄。免治雞肉棒配上蛋黃同特製嘅醬汁，雞肉肉質鮮嫩好食。Con

臨近歲晚和老公到旺角逛逛感受一下新年氣氛，路經砵蘭街有一座新廈名字寫有“長阪燒”的餐廳，於是進去試試看。進去後像轉到日本去，裝修是地道日本風格，忘卻了是身在砵蘭街。餐牌的二人套餐其實也十分抵吃，但我們卻選擇散叫。我們先叫了烤魷魚干，這個拿來佐酒十分適合，口感一流。跟著再來一客鮮磨山葵牛肉，鮮磨的山葵直接塗在鮮嫩的牛肉上，別有一番滋味。由於這份串燒吃得開心，於是再多來一客串燒拼盤，内裡有五花腩二串、青椒釀蝦滑二串、豚肉蒜心串三件及明太子醬燒翠玉瓜二件，各款都燒得火侯恰到好處，完全沒有燒焦。來到日本餐廳怎少得了壽司，這裡有由廚師發辦的壽司七貫，提供最新鮮的壽司，果然每件都鮮香味美。最後點了一客雲丹炙燒原條平目魚，貫徹日本海鮮的鮮甜味美。這頓晚餐花費7百多元，也算是物有所值。

長阪燒位於旺角，位於香港正中心，地點相當方便就腳。餐廳嘅日本菜色款式繁多，我試咗以下幾款招牌菜～包括松葉蟹膏多士、雲丹拖羅溶山盛同雞肝，真係好正呀！首先係愛爾蘭同法國生蠔，作為一個海鮮控真係非常滿足！愛爾蘭生蠔肉質鮮嫩，帶有淡淡嘅海水味，法國生蠔更加豐潤，肥美得嚟有啲creamy ，每一啖都令人食過翻尋味😋松葉蟹膏多士係另一道令人印象深刻嘅菜式。多士上鋪滿咗鮮美嘅松葉蟹膏，多士烘得金黃酥脆。每一口咬落去，都能夠品嚐到濃郁嘅蟹膏味同埋多士鬆脆嘅口感，真係一絕！然後到雲丹拖羅溶山盛，啲海膽好甘香，加埋拖羅真係好似成座山咁，性價比好高！份量足料選材上盛，值得推介！最後，雞肝同埋雞胸軟骨都唔錯，雞胸軟骨好有咬口，texture好特別，有啲似雞膝頭而且好有雞味。總括而言，長阪燒地方裝修都舒適，菜式色香味俱佳，每一道菜都展現出精湛嘅廚藝同埋新鮮嘅食材。如果想食地道日本料理，不妨一試！

餐廳食物感覺麻麻地，餐牌內不算很多選擇，而且貴，員工不停過來問你需唔需要加食物加酒，sell你最貴的刺身，最貴的一支酒8xx,我哋嗌咗一支最貴的酒，覺得唔抵，平時清酒5-600蚊，又叫我哋食最貴的刺身，刺身不好食不新鮮，去這間餐廳只是覺得環境好一點，其他方面一般，而且飲食業，未試過會有員工主動叫你埋單再暗示叫你走人，我們三個人食咗$2100 ，但真係唔知食咗什麼落肚， 想像唔到，為什麼有咁多好評，中伏了，不要相信那麼多的好評

同朋友仔旺角食lunch，睇食評見到呢間樓上日本餐廳，環境唔錯，決定嚟回一回佢😆✨人林村好多，想同朋友傾吓偈，揀咗吧枱位嚟坐🫶見到呢一個禦膳套餐有好多唔同種類選擇，價錢合理，就揀咗呢一個，另外朋友就再嗌多個鰻魚飯嘅午餐😌其實呢個御前套餐真係好抵食，前菜、刺身、爐端燒、手卷、天婦羅、仲跟多個飯或者烏冬，一次過滿足晒日本嘢嘅慾望😽✌️而且佢地食物嘅質素都好高，特別刺身同埋壽司盛合，食得出非常新鮮，而且燒物同天婦羅都做得唔錯，整體水準高👍另外朋友叫多個鰻魚定食，跟餐有麵豉湯同埋沙律，再加埋原條鰻魚，呢一餐真係非常滿意🫶

估唔到旺角都有間咁高質嘅日式串燒！經朋友介紹，今次試咗喺朗豪坊附近嘅長阪燒。佢位置都幾方便，地鐵站出口行幾分鐘就到。上到鋪面，即刻冇晒旺角嗰種人多嘅吵鬧，相當清靜優雅，有種西餐咁嘅感覺，但又不失日式嘅氛圍。雖然主打串燒，但係佢都有好多款唔同嘅日本料理，其中我最鍾意嘅就係佢嘅拖羅海鮮豪華太卷。滿滿嘅海膽同埋三文魚子，配埋拖羅，真係每一啖都係享受！之後我哋再嗌咗個雜錦天婦羅拼盤，熱辣辣，即叫即炸，非常之好食。而且有蝦，秋葵，南瓜，番薯同埋冬菇，任君選擇！之後就係主菜串燒。個擺盤真係值得一讚，非常有心機。個人覺得最好食嘅係五花腩同明太子醬翠玉瓜。五花腩加埋香辣嘅調味粉真係超級惹味，而辛香嘅明太子加埋清爽嘅翠玉瓜，亦都係絕配。之後食完覺得唔夠過癮，再嗌多幾串香辣牛肉。牛肉食落仲有牛味，而且口感係燒完之後都仲keep到有彈性，值得一讚。最後埋尾壓軸嘅係燒蠔！成隻蠔都係熱辣辣，隻蠔殼差啲攞唔住咁熱，配埋香蒜同埋蔥，真心回味無窮！總括而言，俾起一般嘅日式串燒店，呢度可以話係食材高質，餐廳舒服又有氣氛，我非常推薦比想過二人世界嘅情侶或者特別日子慶祝嘅時候食

同朋友去旺角行街，路經見到這間日本料理好抵食，旺角港鐵站E1出口，步行約3至4分鐘，交通非常方便。店內裝飾充滿日本風格，環境舒服衛生，面積頗大，客人可選長枱看著廚子烹調技巧或選較靜的卡位，還有普通座位。菜譜豐富多元化，有多款定食，1人定食和二人定食、壽司類、丼類、烏冬等，午市定食還可追加小食，價錢平宜，單點款式也很多。旬彩會席御膳$198，包括6款菜式再加甜品:1.前菜小食～前菜好食程度都有驚喜，牛肉粒嚼勁又香口，配上柔軟滑蛋糕，濃味配清新幫助喚醒味蕾。2. 特選刺身三點～帶子鮮甜、拖羅油脂分布平均、蝦肉質嫩滑，刺身最重要新鮮，這店絕對做得到。3. 三貫壽司盛合～紫菜包著吞拿魚蓉的手卷，魚香滑溜，飯粒柔軟又彈牙。鮮蠔壽司味道極佳，蠔肉充滿海水味。還有一小碗，碗面舖蓋著海膽、三文魚子、還有兩款不同的魚塊，新鮮程度極佳。4. 精選爐端燒三品～香燒鰻魚件美味可口。雞軟骨脆口又爽口，調味恰好。燒菠蘿味道鮮甜清新，解去口腔濃味。5. 雜錦天婦羅～日本料理炸物無得輸，外脆內軟，蝦肉彈牙、秋葵、南瓜、蕃薯，樣樣好食，樣樣可口。6. 滑蛋牛肉丼～肚子非常滿足，眼前丼飯仍然吸引，入口只覺美味，薄切牛肉幼

今日同朋友放咗工就諗住去搵吓好嘢食放鬆吓，於是今次就嚟到一間喺旺角樓上嘅日本居酒屋。一入去就發現餐廳都幾大同好靚，有卡位同bar枱。我哋就被安排坐喺Bar枱，可以欣賞到廚師嘅手藝。餐廳嘅裝潢都係日式為主，有日式燈籠同埋壁畫，俾你有種好似去咗日本嘅感覺。今次我哋就叫咗都幾多嘢食，有名種燒物同天婦羅同埋壽司，全部味道都好驚喜，好高質！首先嚟咗一碟拖羅海鮮豪華泰卷，卷物入邊有充滿肥美嘅拖羅，而上邊就鋪滿邪惡嘅海膽。本身壽司飯亦有調味，而溫度亦都適中。一放入口，海膽鮮甜，加上拖羅嘅油香，好滿足。然後再嚟燒菠蘿，菠蘿燒得非常之甜同Juicy，好開胃。雜錦天婦羅就有蝦同埋一啲蔬果，例如茄子、番薯同香菇。全部都炸得非常出色，外衣唔會過厚，薄薄一層，做到入面食材仍然保持濕潤唔會乾身。串燒方面：我哋叫咗五花腩、活慢小串、香辣牛肉、青椒蝦滑、明太子翠玉瓜、手羽仙同埋燒豆腐。我尤其鍾意燒豆腐，豆腐燒得外脆內軟，外邊亦都post左一層自家製嘅麵豉醬，非常之惹味。另外香辣牛肉都好出色，辣醬好出色，好香口，加上牛肉唔會燒到好乾身，好食。另外難度高嘅燒手羽先，我亦都好滿意，外皮脆入邊亦都保留雞肉嘅肉汁。最後我哋亦都

一開Lift門 已是滿滿日系裝潢店員姐姐帶我到吧枱位置 細心的幫手推凳，望住5位師傅 自己好似食緊Omakase咁🍣拖羅海鮮豪華太卷 $188卷物內包住大大粒拖羅 上面仲有海膽同三文魚子topping，入口鮮甜又有次層 🍤虎蝦天婦羅(2隻) $98虎蝦新鮮 又爽又彈牙，外衣炸得薄脆，連個蝦頭都炸到脆卜卜 可以食埋🥗燒拖羅筋沙律 $78燒溶既拖羅油脂 魚油肥美香滑，仲有粒粒三文魚子 配合沙律菜同汁 微微酸酸的 refresh又解膩，必食! 🐔日式蜂巢手羽先 $28 + 唐辛醬烤手羽先 $28每種口味都要試1隻，燒得比日本手羽先更JUICY，一款是偏甜 一款是微辣的🔥五花腩(2串) $28🔥豚肉蒜心卷 $28🔥青椒蝦滑串 $32🔥明太子醬燒翠肉瓜 $38燒得岩岩好 保持住肉類的油香 唔會乾爭爭，撒了七味粉同少少孜然粉調味 惹味的 ; 明太子醬燒翠肉瓜特別出色 要試🔥燒聖子 $24聖子爽嫩Q彈 好新鮮，蒜蓉令聖子味道更顯鮮甜 有少少辣絲 微辣🔥鮮磨山葵牛肉(5串) $68山葵入口清新 唔會刺鼻 配搭牛肉串滿有特色🍍燒菠蘿 $58上枱時 菠蘿仍然出煙 即時燒起*季節限定:蠔🦪個價好吸引，不過已

木系裝潢風的長阪燒有chillchill吧枱、私隱度高的卡位位置加上日式燈籠同埋壁畫，和風感覺滿滿✨✨๑ 雲丹烏賊小砵本🦑 • $68精緻的小食，又靚又好味最底有日本珍珠米飯配上爽口烏賊、海膽同三文魚籽 ๑火炙三點刺身🥢 • $298拖羅、左口魚裙邊、北海道鮮帶子三款都係鮮鮮鮮！(๑•̀‧̫•́๑)厚身的鮮帶子爽口鮮甜 個人mvp🤤左口魚油香滿溢，配上海膽係perfect match๑虎蝦天婦羅（2隻）🦐 • $98依個擺盤係非常有驚喜!棵樹好有動感好cute虎蝦天婦羅炸粉好薄脆，蝦肉彈牙又新鮮😻備長炭炭火燒🔥๑ 五花腩（2串）🐖 • $28๑活鰻小串（2串）💥 • $38๑豚肉蒜心卷🐖 • $28爐端燒🔥๑香辣牛肉（5串）🐮 • $68๑燒冬菇🍄 • $18๑明太子醬燒翠玉瓜🥒 • $38๑自家制醬燒豆腐🔥 • $38另外都試了幾款惹味備長炭同爐端燒串燒特別推介豚肉蒜心卷同燒豆腐😛燒豆腐配上自家醬，味噌味香濃蔬菜選擇翠

今日朋友話帶我去食日本嘢，見到個地點嘅時候係旺角有幾開心，始終係鬧市。但係佢其實唔係喺大街度，所以可能都要望吓地圖先容易啲搵到。上到去嘅時候地方係好有特色嘅裝修，有預感呢一餐飯應該幾好食今晚叫咗鰻魚、燒鵝肝配大啡菇、燒菠蘿、帶子夾海膽、仲有牛小排和蟹肉沙律。整體嚟講佢嘅味道十分出色，擺盤打卡一流。如果大食嘅朋友會建議點返一啲主食。個人覺得當中最突出嘅係鵝肝配大啡菇。大啡菇一口落去就勁Juicy，而且始終都係蔬菜類型，所以感覺會好清新，配返個油脂充足嘅鵝肝，簡直夾到無與倫比帶子夾海膽，一口食落就已經感覺到食材嘅嗰種新鮮，而且上面仲有爆多嘅魚子。口感上層次有更豐富，都係必食之選。帶子厚度充足，海膽鮮而不腥，色澤勁佳

在旺角裡有一間日式居酒料理店，除了有燒物，更有不同壽司和生蠔享用。宮崎楚蟹肉水菜沙律水菜沙律是一份很清新的前菜，水菜口味清新、蟹肉足料且嫩口，加上淡淡的柚子醋很開胃又好吃。雲丹拖羅蓉山盛一份賣相澎湃滿滿的壽司，肉質及味道不錯的足料拖羅蓉，再加上口感creamy的海膽 和爆汁的三文魚籽。配上下面是青瓜卷壽司。松葉蟹膏多士一份燒過的松葉蟹醬，味道帶點鹹香和鮮味，放在滿有牛油香的多士上，非常好吃。雜錦天婦羅正常發揮的香脆天婦羅。燒物有甜甜的燒露筍、有鹽香和肥瘦均勻的日本黑豚肉、日本鵪鶉蛋還有細滑、加上味噌的燒豆腐和多汁的雞肉大蔥串清酒煮蜆這碗湯富有非常香濃的清酒味道，蜆肉也滲透了酒味，吃完也不會太醉。

這家店環境寬敞又舒適，還充滿著日式氛圍，店員服務也很熱情，所以一般都比較繁忙，要提早一點預定比較好～ 餐廳入面還有一一間小小的VIP包廂，也是要提早預訂的—✅菜品推薦1⃣拖羅根沙律這個吃起來肉質肥美鮮嫩，而且一點腥味都沒有，入口即化，讓人回味無窮2⃣鵝肝大黑菇這個鵝肝品質也是非常nice，入口即化，還有香菇的味道融在其中，太美味啦3⃣日式蜂巢手羽先燒雞翅採用日式的蜂蜜烤法，烤至外表金黃，吃起來外脆里鮮嫩，一咬還會流汁，非常香—而且这家店环境宽敞又舒适，还充满着日式氛围—✅菜品推荐1⃣拖罗根沙律这个吃起来肉质肥美鲜嫩，而且一点腥味都没有，入口即化，让人回味无穷2⃣鹅肝大黑菇这个鹅肝品质也是非常nice，入口即化，还有香菇的味道融在其中，太美味啦3⃣日式蜂巢手羽先烧鸡翅采用日式的蜂蜜烤法，烤至外表金黄，吃起来外脆里鲜嫩，一咬还会流汁，非常香—