長洲鐵漢

营业中

休息中

長洲真係開咗好多唔同類型既餐廳，每次去都發掘到新食店😍 今次去左新開既長洲鐵漢，主打創意串燒，見喺長洲未食過串燒，又幾多人幫襯，估唔到幾有驚喜!!脆脆平安包 (流沙奶黃) $28/串黎到長洲當然要食平安包，不過依個平安包係炸到脆卜卜既流沙奶黃包😋 口感似炸饅頭，咬開爆汁，超正!! 蜜燒鹹蛋黃臘腸餅 $38/件食落似加厚版既豬肉乾，好有口感又juicy!! 表面掃左蜜糖🍯微微燒焦，加上原粒鹹蛋黃，又咸又甜好創新👍蝦籽撈粗 $28/碗喺串燒店都食到蝦籽撈粗，夠曬特別!! 粗麵好煙韌，同充滿鮮味既蝦籽真係好夾😋 覺得太濃味既話，仲可以配上清湯一齊食🤓炸花生麻糬丸子 $28/串食落好似炸湯丸，原來係麻糬丸子🍡 咬開入面有滿滿既花生餡，趁熱食仲有流心既效果😋日本蘋果梳打 $28除左個玻璃樽好靚，仲好好飲，幸好唔似日本蘋果汁咁甜，仲滿好清新既🍎香味PS 長洲鐵漢仲有好多創意串燒，今次係下午茶時段未能試太多，下次一定會再黎幫襯😍

呢間嘢嘅裝修充滿住鐵漢柔情，有龍珠又有九十年代女神，真係曝露年齡系列呀😅 食物方面，是咁的：1）桂花蜜漬車厘茄：估唔到份量咁少！約十粒車厘茄😳 漬物唔係醃嘢咩？呢個好似係將啲桂花蜜淋上啲切半嘅車厘茄，無醃嘅感覺。不過啲車厘茄都幾新鮮嘅😅2）脆脆平安包：係炸過嘅流心奶黃包👀特色係平安兩個字，長洲嘅感覺即刻湧出嚟。味道不錯，無炸過龍，係真。流心3）串串金蠔：係一般金蠔嘅味道再加啲桂花蜜，整體偏甜。六十幾蚊一串，值唔值就見仁見智4）酥炸墨魚嘴：脆嘅，但有啲雪味，唔夠新鮮5）霜降一口牛：淋滑，不過無牛味。6）五花腩肉：薄薄一片，無咩特別。7）翠肉瓜：好juicy的三片。8）豚肉秋葵卷：秋葵好味。整體感覺就係一般嘅串燒店，似乎蔬菜類比起肉類處理得更好。大部分串燒都係加孜然粉。小店有好多item未試得晒，都叫有創意嘅。總括：係食情懷嘅

來長洲當然要食平安包啦 而呢一間新開嘅小食店🍴就推出咗炸平安包 夠晒特別 又啱打卡😍平安包入面包住流心奶黃餡💛🧡炸到好香脆 食落包身軟熟 再加埋個清甜奶黃醬 真係唔錯！

四月嘅時候去咗長洲，無意間留意到一間從來冇見過嘅新餐廳，於是入左去一探究竟🤨 原來呢一間係啱啱新開嘅創意串燒店，除左款式新穎，仲有唔少長洲特色串燒😆 最推薦：❣️脆脆平安包 （流心奶黃）一般平安包通常係麻蓉、蓮蓉或者豆沙口味，但係呢到嘅平安包係奶黃味㗎😍 平安包外皮好脆，入面嘅奶黃勁流心，奶黃味重，好食！😋😋😋平安包外層仲印有完整嘅平安二字，勁吸睛😝 ❣️霜降一口牛試過食其他串燒牛，好易燒得過左火候，勁硬🥲 不過呢個一口牛燒得啱啱好，入面好冧多汁～唔錯😋😋 ❣️豬頸肉豬頸肉好有彈性～肉質好爽脆😋😋 ❣️廣島蠔燒蠔都幾大粒，食落味道都幾新鮮～冇乜腥味😋 ❣️菠蘿菠蘿好juicy 好多汁～👍 其他：❣️雞軟骨串❣️台灣腸❣️冬菇❣️花枝丸❣️鹿兒島一口豚

整體可以，不過叫咗個$22桂花蜜餞車厘茄同埋玩45蚊的魷魚麵，份量真心少。車厘茄極其細粒仲要係一開二。其他份量可以的。不過要客人吃得開心，要在份量上稍稍改善。我也希望香港能有多一些小店

一年多沒來長洲，已經有很多新力軍進駐長洲鐵漢便是其一，它是長洲人氣店長洲角酪的姊妹店，只是相隔幾個舖位，主打串燒和炸物。這裡的食物也頗特別，這個餐牌已經有幾款令我食指大動了蜜燒咸旦黃臘腸餅臘腸通常用來送飯，當小食真是第一次。臘腸烤得暖暖的，感覺有點像小時後吃的烤豬肉乾，但這個很juicy不會乾淨淨，還有我最愛的咸蛋黃，正正正👍🏼流沙奶皇脆脆平安包外層炸得很鬆脆，裡面的奶皇超流心，把長洲名物換個方法再呈玩，頗有創意炸雙皮奶皮炸得很脆，切開時聽到清脆的聲音，這個的流心程度不及平安包，雙皮奶不是太甜，整體亦不錯風沙鮑魚預先切成三小份，恰巧我和兩個朋友分，剛剛好👍🏼炸鮑魚配上炸蒜和椒鹽，有點像媽咪麵味粉那個味道，超惹味。

復活節放假同朋友去長洲，諗住食晏，結果因為紅日好多出名餐廳冇開，見到呢間冇咁多人就入咗去。最唔建議點主食例如烏冬，面，超級細份。雞軟骨，肥牛，花枝丸味道尚可，就係少少太油。食落來一個人一百蚊度。

長洲賓客人數多，呢間係比較新開嘅舖頭，終於有機會一試😙💛脆脆平安包 (流沙奶黃) ($28/串)結合長洲特色，淨係個樣都值回票價😍 佢個包係炸饅頭咁樣嘅質地，食落好脆好香口😋 而流沙奶黃就好似流沙包咁👍🏻⚠️但要小心啲食！啲餡好易流曬出嚟🥹💛香芋丸 ($15/串)香芋丸即叫即炸，熱辣辣🔥某啲部分燶燶地，勁脆勁香口！💛冰鎮秋葵 ($25/份)如其名，係幾條(印象中係7條)秋葵放係冰上面。貪佢涼陣陣可以解暑，但本身係好普通，因為加咗豉油同Wasabi，所以啲味少少似壽司🤏🏻 但整體嚟講唔特別💭炸嘢係即叫即炸，所以要預等嘢食嘅時間耐少少。炸嘢唔錯，係比個秋葵拉低咗啲評分

炸雙皮奶🥛($22)一串兩件, 炸得脆, 但係奶完全唔滑🙈廣島蠔🦪($38)一串四件, 炸得夠脆, 而且蠔唔會有難食既腥臭味, 都ok☺️翠玉瓜🥒($15)一串四大片, 燒得剛剛好, 夠清甜爽脆👍🏽鹽燒牛舌🐮($28)日式薄身果款牛舌, 辣粉都幾辣, 幾過癮😋豚肉京蔥卷🍢($28)一串有三大卷, 半肥瘦既豚肉片包住偏生既京蔥, 因為京蔥比較生, 所以食落都幾辣, 但係我個人幾鐘意😎雞腎🐔(唔辣)($15)雞腎發揮正常, 我都係鐘意食佢既爽韌☺️照燒雞肉串🐓($12）最唔掂就係呢個, 完全係超市買到果種現成照燒雞肉串😑 味道勁淡, 肉質仲要勁鬆散, 完全唔係雞肉既質地😤霜降一口牛🐄($25)呢個牛幾有驚喜, 夠腍身同埋幾香牛味😋冰鎮黃金咖喱魷魚🦑($38)呢個因為唔係燒物, 所以係一小兜為一份👆🏽魷魚整得幾入味而且幾爽口彈牙, 份量又夠多, 咖喱汁勁辣勁惹味, 食唔到辣既人絕對頂唔順🥵 但係鐘意挑戰辣既朋友絕對要食😝脆脆平安包(流沙奶黃)($28)一串兩個, 除左奶黃仲有芝麻味可以揀😉 炸過既迷你饅頭整成平安包既樣, 中間夾住濃厚既流心奶黃, 雖然食既時候凍左少少, 但係都好好食😋 不槐係餐

💛最近新開既長洲良心店，擺設都好有心，係一d舊港產片同埋日本相，仲有架AE86😎餐牌係長洲都算係新穎，叫左一串韮菜，一碗咖哩魷魚撈粗，一個椰菜同應該全港得佢地先有既炸平安包(可以揀流心奶皇或者芝麻)，我揀左奶皇😋開頭都無期望乜，但食落又唔錯; 2個菜都夠香夠味，魷魚偏辣但夠香，而最特別真係平安包！炸完層皮夠脆夠熱，而個涵認唔會太甜，行過真係要試下價錢唔係特別平，份量唔係特別多，但質素真係唔差！

疫情嚴重冇得去旅行，唯有入離島行下hea下～喺長洲角酪飲完乳酪打完卡之後，行前啲就見到間新開嘅串燒鋪。聽到佢播住我最愛嘅張國榮，情不自禁咁入去試下😆😆呢一個海鮮set真係好正$128任選三款海鮮，我就揀咗大元貝、蟶子王同埋汁燒日本生蠔！好佩服佢地啲海鮮燒完仲有咁多汁，而且仲勁鮮甜，尤其係個汁燒日本生蠔非常出色有一陣檸檬同埋柚子醋嘅味，食完覺得好清新佢另外仲有兩款海鮮：風沙鮑魚同埋白酒煮蜆，有機會先再試埋～脆脆平安包(流心奶黃)呢兩粒包包細細粒勁cute cute個餡真係超級流心🤣🤣仲辣親個嘴🤧但係好好食，特色野～酥炸墨魚嘴平時食嘅墨魚嘴勁難咬，每一粒都咬到好攰😮‍💨自此之後有陰影，但男朋友中意食墨魚嘴，咁就嗌一碟試下。點知佢地嗰啲煙韌岩岩好，配上佢哋嘅燒烤粉，完全食到停唔到口，認真讚冰鎮秋葵佢嘅口感滑潺潺係正嘅，不過比較適合炎炎夏日食～清爽開胃佢地嘅環境同埋風格真係好有feel~不得不說所有裝飾都好有心機而且入邊唔會好大油煙，唔怕堂食嘅時候聞到啲油煙味！流心奶黃包真係必試！下次放假入嚟一定會再試

早幾日去長洲玩嘅時候見到呢間新開串燒舖，俾佢個平安包吸引住，第一次見流沙奶黃嘅平安包！見佢都有好多串燒食，決定入去試試。一坐低睇佢餐牌都幾多野食，諗食咩都諗左一段時間😆 流沙奶黃脆脆平安包一串有兩個，無諗過平安包都可以咁好食呢個平安包除左可以打卡，個餡先係重點，一咬落去已經流哂奶黃出嚟，超多奶黃。而且係即叫即製，所以熱辣辣食就最好味～ 脆脆松露包包嘅外形成隻大啡菇咁，好精美！外面微微脆口，入面係松露菇餡，好軟熟辛辣明太子手羽食串燒當然唔少得佢，入面滿滿都係明太子，仲有豐富肉汁～燒翠玉瓜、燒菠蘿當然要食返啲菜啦～佢菜類選擇都幾多我諗食素嘅朋友都啱嚟日本小甘薯一啖一粒，非常香甜煉奶油炸鬼仔未試過，幾得意，有啲似食緊炸饅頭桂花蜜漬車厘茄最後食埋呢個當甜品，感覺好似健康啲車厘茄都有心思，加左桂花蜜，令甜度非常得宜，唔會好似平時食車厘茄好酸咁。不得不提，呢度竟然有得賣Asahi烏龍茶！之前超鍾意飲但唔係周圍有！終於可以飲返啦～串燒舖入面貼左好多舊式poster，有種懷舊嘅香港風格，好親切。整體來講，入面環境都算大，多位坐，坐得幾舒服～ 好適合放假同朋友嚟慢慢食野，坐低傾計。流沙奶黃平安包絕對值得

串燒好好味呀見間野新開，小試牛刀，驚喜十足，叫左雞髀菇、尖椒、翠玉瓜、龍蝦丸同埋台灣腸仔， 咁多款都好好味 佢係多汁juicy個種串燒，食完想再食！ 長洲必食，而且員工好好禮貌，食物快靚正呀

入長洲除咗長洲角酪好好飲之外，同一條街向前行少少見到一間新開嘅串燒舖，行日本大叔風路線，價錢比九龍區嘅串燒平少少主打長洲地道fusion 串燒菜式🤡🤡🤡幾樣獨家野都叫咗真係幾出色，同埋其他地方都搵唔到黃金脆脆平安包串同鹹蛋黃臘腸餅、串串金蠔，真係長洲必食！皇牌：黃金脆脆平安包（流沙奶黃餡）佢話係全長洲獨家首創👍🏽超級香濃流沙奶黃餡，一上碟就食，會辣親口，流到一手都係😬鹹蛋黃臘腸餅估佢唔到原來蜜汁炭燒又有另一番口感啖啖臘腸香氣肉汁沖出黎，極濃味精選。冰鎮咖喱魷魚蝦籽撈粗又係另一精選推介，係嗰種舊式咖喱魷魚味配上永樂粉麵廠特濃蝦子麵，重蝦籽！正宗完全香港人風味！桂花蜜漬金蠔串有買開餸都知，一隻金蠔比普通蠔貴幾倍。加上桂花蜜漬香燒，坊間少有。花生麻糬丸子，煙韌軟糯好有日本feel!!!!!!!!!!好好食！！太快食咗唔記得影相！亦非常建議素食者到訪，蔬菜款式不少風琴豆卜 外脆內軟～～～juicy!蜜燒椰菜和脆脆松露包更令人一試難忘。