長洲角酪

营业中

休息中

-{長洲乳酪特飲🥤}長洲地鐵站打卡聖地😍🥰之前飲過一次 今次試另一款特飲😛🤤森夏角酪🤤 ($45)番石榴果粒帶啲酸味🤓又有荔枝粒balance味道同有得咬下😆不過好快飲完有啲唔夠喉😂👖褲評: 8/10夏天飲特別舒服 消暑啱曬☺️提一提甜度係固定嘅👀性價比: 7/10服務: 8/10環境: 8/10🚩 長洲角酪 🚩地址: 長洲新興街78號地舖 #fuudjai #fuudjai離島 #fuudjai甜品 #fuudjai茶飲

飲左一啖莓莓角酪已經成杯掉咗😮‍💨本身睇食評寫到好似幾好😩落船後第一站就到..飲完真係好驚嚇🤯唔凍….好水到懷疑係咪飲緊乳酪…..又好稀…..店主確定係自己發酵乳酪嗎？定還是賣到貴一貴溝水而已…..唉…..失望..其實入去影張相就走得🥲反正大家都係想比人知入咗長洲姐🥲 大家同行遊客精明點🥲再行前面街有啡療 三：三 茶山 Maybe it is the most watery yogurt drink in Hong Kong… Disappointing experience among the entire trip…

長洲打卡熱點😽呢度除咗個背景好似一個地鐵站其實佢嘅乳酪都非常之出色相信有去過長洲嘅各位都會見到每逢假日都大排長龍～ 我去嗰日都唔例外叫咗一杯草莓乳酪同埋蛋糕都好好食 乳酪嘅質感好滑好香唔怪得係呢一區咁受歡迎👏🏼

相信每個人嚟到長洲都會飲，呢到無乜手調飲品店，更加唔使講乳酪飲品本身喺香港係寥寥可數。我自己本身就好喜愛食yogurt，自己都會Blend埋Frozen fruit做飲品，健康又飽肚。嚟飲過好多次，一次多人過一次，好好口碑呀。不過今次嚟試好似覺得口感稀咗啲🫣特色牆係每次都必定要影嘅打卡位。💓今次叫咗草莓同芒果，好可惜有幾款、同自己想飲嘅藍莓，當日星期日2點左右已經賣晒。每款飲品preset咗嘅材料，有啲有紫糯米、蜂蜜等。如果就咁乳酪加糯米聽落好怪，但原來咁樣飲，係Match, 睇得出店主一定係用心諗過個配搭。不過夏日炎炎，杯飲品其實唔夠凍，當然可能再加冰會變淡味，亦好理解到。見佢地meji 奶，無為意用咩牌子乳酪，如果可以揀蛋白質更高更濃郁嘅Greek Yogurt就好啦🤣👍🏻

第一次嚟有驚喜，試左芝芝桃桃，好多果肉，整咗又唔係死甜個種，加上乳酪質地都好滑，成杯野都好夾！記得飲之前去牆壁打卡先！第二次去反而有啲失望，諗住芒果係當造季節實無死，但今次飲起嚟芒果果肉較少，味道有啲酸，影響咗成杯乳酪味道。。

大熱天時係長洲想買d特別野飲打下卡，見到雪花角酪特別靚本身又鍾意芝士蛋糕，但又寫住每日限20杯諗住試下叫啦，叫唔到做飲士多啤梨乳酪...點知係好多機會會叫到雪花乳酪....大家可以唔洗太擔....飲落呢..可能本身乳酪酸啦 變相芝士味道冇咁出，推薦佢既士多啤梨更加好飲！另外唔想飲乳酪既，佢都有茶可以order不過始終唔係做茶出名，係會差d既。最後！杯野咁靚，睇得又飲得，當然唔少得要係長洲地鐵站打下卡啦！

自從疫情之後就冇去過長洲，三年之後再到此一遊，發現長洲都開咗唔少咖啡店&手作店&文青店等等，為長洲呢一個小小漁村增添左唔少文化氣息😌😌成日喺朋友嘅IG度睇到一張長洲地鐵站呢個標誌性地點，今日我都去到「長洲角酪」打張卡，同試吓佢哋嘅招牌「經典角酪Rice Yogurt 」🥤🍦❤️如果好鍾意食一片片包裝芝士嘅人🤭咁就一定要試一試啦，因為一飲落去就有好濃郁嘅芝士片味🤤而每一啖都有好豐富嘅口感，然後底層有一層紫米配料😌 「經典角酪Rice Yogurt 」就完成啦！係咁熱嘅天氣下飲杯凍嘅嘢確實係幾舒服，但係我真係唔係好鍾意芝士片嘅味道🤣 ⭐️經典角酪Rice Yogurt 💰$30

呢間舖頭好容易搵，落船就去到廣場，見到甘永泰 左邊的小巷一直行就到。👈🏻佢最出名嘅係乳酪類飲品，但因為今日天氣好熱，加上啱啱食完晏，所以就選擇飲其他嘢。🥤今次黎試嘅係佢嘅特飲 森夏荔枝茶🍹佢嘅味道會較為清淡，唔會覺得好甜，個甜味似乎都係來自果肉，亦都有淡淡的薄荷香味滲出，不過下次嚟都係飲返佢嘅乳酪飲品好啲。😂😂😂特飲餐牌☝🏻👇🏻常規餐牌 其實除咗飲品外，仲有卷蛋賣，賣相都好好嘅🍰順帶post埋比較少人去打卡的另一邊牆🤣🤣🤣雖然店舖內面積唔大，只有兩三張枱。但其實好多人都係買杯嘢飲打個卡就走，所以如果想坐低，即使係星期六，都只係等幾分鐘都有得坐吓。值得一提嘅係，其實呢間嘢最吸引人嘅係佢地鐵站打卡牆📸，其實買杯嘢飲打下卡已經好值得去幫襯。

Drinks (signature yoghurt and strawberry cheesecake yoghurt) are ok - balanced mix of sourness from yoghurt and cheesiness. It was a rainy, non-public holiday so there weren’t a lot of people in the shop and in fact no one was queuing for order. The staff gave us a look that they didn’t want to take our orders.

@kan.teen見到佢寫住話可能係全香港最好飲嘅乳酪 所以我抱好大期待去飲+有個好signature嘅打卡牆 個日入長洲仲覺得呢間係必去！！但飲完我就覺得 可能唔係最好飲…😶‍🌫️飲左充滿少女味嘅莓莓角酪 係士多啤梨口味🍓飲品的確好啱打卡！有兩片士多啤梨又做到有分層。可能我唔係好中意飲太甜嘅飲品，我覺得味道實左係太甜，糖水嘅味仲多過乳酪嘅原味，士多啤梨味都好淡。質地好稀，同我想像中濃稠的乳酪口感有岀入。同埋飲落有好多榨汁後會出現嘅小泡泡，有少少影響口感。總結係可以一試，但下次再入長洲會試下唔同嘅小店💛！💸: $40———📍長洲角酪 (長洲)長洲新興街78號地舖#kanteem長洲 #kanteen良心幫襯 #kanteen奶奶

在長洲好出名好多人去打卡的一間飲品店，在這裡有個長洲地鐵站？ 原來最出名是莓莓角酪，士多啤梨味乳酪飲品！但我實在太飽所以點了比解渴的梳打，雜莓梳打，朋友點了桃味的烘焙茶飲

嚟到長洲一定會諗起飲長洲角酪，同埋去‘長洲地鐵站’打卡！哈哈嗰日嚟到已經見到好多女仔喺藍色格仔長洲站牆前打卡～除咗幅地鐵站牆，另一邊嘅湖水綠牆身同掛畫都好靚～我就試咗經典角酪，佢係一杯乳酪飲品，入面有啲紫米之類，酸酸甜甜咁，好味得嚟又有少少嘢咬下咁，幾特別幾有層次！夏天熱辣辣飲返杯凍冰冰嘅乳酪就透心涼，爽哂～暫時都未喺其他舖頭見過呢種飲品，而且呢度仲有好多其他乳酪嘅口味，亦有其他甜品，不過我嚟到長洲係咁食食食，已經飽哂，下次再嚟一定會再試～

食完魚蛋同沙爹牛肉米通後，下個打卡點肯定系長洲站《長洲角酪》天氣咁熱肯定要飲返杯❄️冰凍野飲降降溫消消暑❄️❄️人好多排隊大約20分鐘，今次我選擇該店必飲推介嘅自家制百香果角酪（Passion Fruit Yogurt）36蚊: 百香果包含左上百種水果的味道，我個人十分鐘意食，該店選用的百香果香氣十足，酸酸甜甜。Yogurt口感唔太傑較平時稀，厚重又較流質的Yogurt口感相當之好。兩樣加埋一起好好飲，味道相當唔錯。員工服務態度好好，好友禮貌又有笑容

今日難得好天 入左長洲行下經過呢間飲品店 見平時朋友都有係到打過卡所以決定試下 叫左杯士多啤梨yogurt等候時間唔使好耐之後就幫杯飲品同打卡牆影相📸️飲落去酸酸甜甜 個底仲會有紫糯米飲完好飽肚 下次會再試下水果soda

【🥤西柚梳打 】($32)～～～📍評分：8.5/10～～～⏩ 今次係第二次喺長洲飲長洲角酪啦，天氣咁熱真係一定要飲返杯凍野消消暑❄️！上次飲過莓莓角酪，今次想試下佢既梳打，原來都一樣咁好飲啊‼️～～～好大舊西柚😍，真係啖啖都飲到西柚果肉啊！口感max😛！西柚完全唔會酸，非常之清甜既西柚味😋！配埋梳打汽水，絕對係解暑之選💦！～～～✅ 我覺得黎長洲真係必飲呢間👍🏻，成日都好多人排隊😂，而且呢個打卡位真係好靚！～～～性價比：4.5/5回頭度：4.5/5賣相：4.5/5環境衛生：4/5服務態度：4/5