長洲角酪

营业中

休息中

同朋友行過長洲見呢間幾多人排隊所以就決定試吓~入邊係有一面牆整到長洲站咁樣感覺幾特別幾有特色，啱晒鍾意打卡嘅人👍🏻雖然好多人排隊，但都有幾個員工幫手準備飲品所以唔係等咗幾耐就攞到個嘢飲~點咗個王牌角酪同埋芒果角酪，覺得兩個都好香乳酪味，而且仲有少少黑糯米定西米，飲落都幾有質感幾飽肚，平均30幾蚊一杯都算抵飲另外都見佢有啲蛋捲甜品都好似幾正，可惜當日比較飽所以最後冇食到，見佢賣相都幾靚，覺得下次可以試吓~

百香果角酪 好濃果香味 唔太甜 乳酪係比較稀既質地 經典角酪 口感煙韌既紫米好有咬口 加上酸酸地既乳酪味道好夾 基本上我每次都叫呢杯 角酪卷 cream係由士多啤梨加乳酪整成 蛋糕卷既顏包係碟豆花美美嘅藍色💙 蛋糕卷口感濕潤 大馬革士卷 頂層淋上芝士奶蓋 餡料好香濃茶味 一直保持到食物水準 所以入長洲都會黎食

搵完好嘢食搵好嘢飲！！ 喺甘永泰魚蛋隔離條走廊直行就到！！平日黎都咁多人，前面大約等十張單，等緊既時候可以打住卡先， "長洲地鐵牆"" 一流~ 甘露角酪應該係由楊枝甘露演變而成，好創新好好味呀！！

長洲角酪 (長洲)📍長洲新興街78號地舖趁住天氣未太熱，最岩就係同女朋友去長洲呢啲郊外少少既地方，享受下簡單既海風同寧靜🎏行到攰攰地，行過見到呢間比較有特色又賣手搖飲品同小食既舖頭，入邊有一大幅牆模仿地鐵站既設計印住長洲，亦好多人係到打緊卡📸於是就被佢吸引左入去👀入邊地方唔算太大，左右邊都有少少位置俾客人座低食下野，不過位置唔多，好大機會買完要立食或等位，不過由於係手搖同小食，一個人買哂兩樣野就比較唔方便，兩人以上或情侶去就冇咩所謂👍因為又渴又餓，我地叫左2杯野飲同一個cake，解解渴填下肚🫃🤰🥤白桃梳打口味同一般白桃梳打差不多，略甜。不過十分解渴，最岩行得太耐，梳打氣泡幫你”鋸一鋸”，補充下糖份。🥤經典角酪見飲品名同個舖名相呼應，應該係佢哋招牌飲品。飲落酸酸甜甜，底下有紫米，所以會有煙韌口感，非常易入口，同我地點既甜品非常配搭👍🍰角酪卷藍綠色有粒士多啤梨既蛋糕，亦似係佢哋嘅招牌食物。除左顏色奪目吸引，酸甜既乳酪cream，加上士多啤梨，消解左蛋糕本身既膩，又可以用嚟打卡，推薦一試👍👍

長洲角酪🧋📍 長洲新興街78號地舖❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙最鐘意入長洲飲飲食食😋，食又飲下又一日🤣。最近拜訪長洲大排長龍既人氣飲品店💁🏻‍♀️，試下因乜解究會咁多人排隊去買佢😂。另外，呢間小店都幾適合打卡📸，有個打卡牆比人影下相🤩。🌟 芒芒角酪 $40除咗等既時間比較耐之外， 冇乜缺點😂。飲落去啖啖芒果同埋乳酪🧀️😋，正到飛起， 如果屋企附近有一間就好啦🥺。🌟 莓莓角酪 $42呢個莓莓角酪必飲呀😍，正到飛起😛，酸酸甜甜，好好味🤤，排咁耐都值既😈。整體推介指數：❤️❤️❤️❤️🤍❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙❙

Hello 大家好👋🏻！今日我嚟到位於長洲嘅「長洲角酪」。 係長洲一個角落嘅長洲角酪，以自家制乳酪為主打，另外亦有梳打及花茶，仲有冬天特飲開心果奶添。今次同大家分享一下佢哋嘅乳酪飲品，話晒佢地嘅乳酪係自家制，點都要試下。美食攻略：入到店內當然要排長龍，話晒長洲其中一個美食境點， 係排隊當中，小弟觀察到有一款乳酪飲品特別多人點嘅，目測係當時最受女性歡迎， 就係「莓莓角酪」，一個粉紅色嘅士多啤梨乳酪。 原本想試下佢地個原味乳酪，不過見呢個「莓莓」咁有人氣，一定當中有橋妙。 於是我就懷住一顆少女心去點呢個「莓莓」。 果然無揀錯， 呢個「莓莓」一入口就有一股新鮮嘅士多啤梨味，唔會太甜，而乳酪味亦同時出現，兩者配合得恰到好處。 每一杯「莓莓」都有個士多啤梨心心係個杯入面，有味覺享受之餘又有視覺享受，難怪呢個「莓莓」咁受歡迎啦。美食指數：5🌝最高味道：🌝🌝🌝🌜🌚環境：🌝🌝🌝🌚🌚服務：🌝🌝🌜🌚🌚賣相：🌝🌝🌝🌚🌚

非常之慢活形，要一個普通乳酪，搞咗20分鐘，又係唔係好多人，一個好普通的星期二下午4:00 ，關於食物的味道，乳酪非常之希，普通過普通唔覺得有乜嘢特別，成日咁多人喺外面等，我懷疑佢蓄意做得慢啲，等外面多啲人聚集

第二次飲佢的飲品，幾鍾意乳酪味類別。。而且入面選擇都多，裡面的佈置都好多打卡位所以都值得一去～.白桃梳打。。解渴一流，好香桃味～莓莓角酪。。入面有dd 紫米～好鍾意佢ge乳酪味同口感～

長洲真係一個奇怪嘅地方，耐唔耐就會想入去行下，入到黎長洲就係行下食下野😌📍長洲角酪西柚梳打$34經典角酪$32平時好鍾意食乳酪同煙韌嘅嘢，所以選擇左經典角酪第一啖飲落有少少酸，因為本身expect杯野係甜既不過其實慢慢品嚐佢都係酸酸甜甜，足料乳酪底下仲用左紫米，煙煙靭靭，提升左成杯嘢飲嘅口感層次朋友就叫左西柚梳打，因為掃左成日街，話要解解膩😂試左一啖，好多果肉，都係酸酸甜甜，但佢係清甜，飲完好舒服

黎到長洲就去下呢個長洲地鐵站牆打打卡～食得太飽飲唔落乳酪就叫左杯清新啲既桃桃梳打飲落佢似用新鮮桃打成既而唔係果jam 溝水味道算唔錯 但無咩驚喜現場位置比較窄 同隔離位冇距離 坐得唔太舒服～

📍香港📍長洲📍長洲角酪 📍長洲新興街78號地舖📍星期一至六 12:30~21:00 & 星期日 11:00-20:00🦄 莓莓角酪 $42🦄 評分: 8/10無得揀甜度，但張單會寫住同你一樣甜😚淡淡既士多啤梨乳酪🍼質地較稀唔系一般乳酪既濃稠🥛勁鐘意杯底既紫米❤️❤️好有口感😆😆飲完勁飽肚！#foodieschu長洲

閒日放假就當然要好好放鬆一下。去離島的話，第一時間就諗起長洲。一黎船期密船程短，島上配套同設施都好足夠，仲有好多好好味既長洲名物🤤 要數最出名的，除左長洲大魚蛋之外，呢間長洲角酪都可算係必去的「景點」之一😂 好彩閒日過黎，店舖入面唔算多人，入面有一排6個座位、3張小圓枱。最吸睛就一定係佢既打卡牆。類似地鐵站入面既設計，牆身用左唔同深淺度既藍色紙皮石砌成，基本上個個都會係度打卡，久而久之就成為左長洲既景點之一😆莓莓角酪 ($42)淡粉紅色的士多啤梨味乳酪🍓，入面的確有2塊士多啤梨切片。除此之外，仲加左紫米，加強口感之餘仲更有飽腹感。佢既甜度係固定左的，不過因為係yogurt既關係，酸酸甜甜好開胃，但我覺得質地偏稀?! 可能我平時食開既yogurt都相對較稠身。最好笑既係張收據上面標注的甜度係「幾甜都無你咁甜」😂😂😂

長洲角酪🥛入到長洲點少得去打卡勝地試下佢啲嘢飲🤣🤣一去到有好多人，原本仲諗住叫佢哋啲蛋糕試吓但係無位就冇買到🥲舖頭主打係乳酪飲品，所以就叫咗一杯嚟試吓😍📌莓莓角酪(💰38)正常甜度嘅話張單會寫住同你一樣甜💚好搞笑🤣本來都係去影下相，諗住冇咩特別😂點知又幾好飲🕶乳酪唔會太濃稠亦都唔會太稀，入口好順滑，杯邊真係有士多啤梨果肉🤤唔會太甜但係口感好豐富‼️因為佢下面有一層紫米露，增加咬口同中和個甜味🤣而家天時暑熱嘅天氣最啱就係飲番杯透心涼嘅嘢飲❄️飲完真係舒服咗好多🤣帶個頭盔評高低🎈🐾🐾🐾🐾🐾~5🐾為滿

要數長洲打卡地標一定非呢間長洲角酪莫屬只要上社交平台幾乎一搵就搵到最受歡迎嘅長洲仿地鐵打卡牆莓莓角酪$42切開兩半嘅士多啤梨加上粉紅色乳酪淨係賣相已經滿分估唔到唔止得個樣味道都非常驚喜仲有紫糯米有口感兼飽肚角酪卷$42另外呢個roll cake都好好味話係全港最好飲嘅乳酪都唔算誇張如果menu再多啲其他小食嘅選擇就仲好啦

假日同朋友去長洲，特登來潮聖人氣乳酪店。一去到門口已經大排長龍，個個買完飲品都打卡。入面有少少坐位，但都坐滿人。門口有個長洲地鐵站既打卡位，好有特色！草莓角酪🍓夏天熱辣辣，最好有一杯冰凍飲品！依個飲品係招牌飲品，顏色好有少女心💓粉紅色乳酪，再加大大粒士多啤梨點綴！飲品有淡淡士多啤梨味，乳酪酸酸甜甜，好開胃！