長洲冰室

营业中

休息中

由於去唔到旅行,所以前排去左長洲過下夜啦,渡下假咁啦.輕輕鬆鬆又一日啦~晚上食完個晚飯,就係附近行下啦.大家都知啦,食完飯,食個甜品係幾咁美滿既事~咁就係附近見到呢間野啦.環境幾好既.打下卡都OK既咁就叫左個當時期間限定既3色圓冰,幾好食既.....可能開心啦 放鬆既心態食啦覺得好正~仲可以影下影..打下卡當時開既時間都幾夜先收..所以時間上幾好~但價錢方面,我覺得有點貴既

長洲必食甜品店🌞 長洲冰室椰皇桃膠三色圓燉奶 $60椰肉好清甜♡︎三色圓好好咬好煙韌‘’芋圓+番薯圓+紫薯圓➪味道再重少少就更好D24榴槤三色圓花奶仙草 $45好香濃既榴槤味🥰出色👏🏻屋企人唔食榴槤‘所以平時冇得食🥲仙草黑糖三色圓冰 $63喜歡軟綿綿既芋泥 😛 黑糖味好重‘配上仙草❣️好正芒果三色圓冰 $68芒果幾鮮甜🥭大大粒！足料整體而言‘員工好有禮貌👍🏻環境舒服‘食物好足料！好多芋圓食完超級飽😛樣樣甜品都好吸引♥︎好邪惡❣︎我地平日食避開繁忙時間唔使等位☺︎︎去長洲玩既朋友快d去打卡喇❣️

夏日炎炎去到長洲玩🌞見到有間甜品鋪主打沙冰，二話不說就入左去食返個消暑沙冰解解解暑🥶呢間甜品鋪既既沙冰味道都特別～有黑糖、泰式奶茶、baileys等等🤩最特別既地方佢結合埋芋圓紅豆等等，好似平時食芋圓仙草咁🍧泰式奶茶三色圓冰沙冰有好濃厚泰茶味，上面既芋圓好煙韌，紅豆又甜又綿～配埋上面既雲尼拿雪糕～double消暑🥶🥶朋友食左心太軟，都話好好食~沙冰以外都仲有好多中式甜品，去開長洲又鐘意甜品既朋友不妨一試

📍長洲冰室嘢都未食一到步長洲諗住食個cafe 意粉chill下，點知去到發現全部4:00就閂門😂😂 見到呢間冰室好出名又經過左，又熱屎辣辣咁就入去食左先，唔好係條街蒸🤣 誤打誤撞搵到，然後能好怪咁第一餐就食甜品仲要刨冰😂🍧 Baileys三色圓冰 $78本身食過baileys製嘅其他甜品唔太討好我😵‍💫 所以對佢都冇好高期望，黎到食左一啖竟然好重甜奶味，冇乜酒味喎😍本身係男朋友叫比自己嘅，我都忍唔字一啖一啖狂食呀！！配紅豆比配芋丸更好食❤️因為啲芋演食落去雖然好煙銀但係冇味😂 連平時黃色個粒番薯最易食到味都食唔到😵‍💫 但係總括而言佢嘅味道都係令我好驚嘆，個陣特別甜奶味直情唔捨得咁快食晒添啊😢唔係講笑我離開餐廳嗰一刻仲諗住搭船之前去食多次😂🧡🧡🧡🍧 雪梨紅棗枸杞燉桃膠 $45呢款甜品有熱有凍嘅，我就揀咗凍😆食落去好潤喉唔會淡到好似水咁，但係兜野嘅桃膠就少到冇人有，得啲碎比我🤷🏻‍♂️？！味道係好好味嘅，但係啲料就有啲少囉，相比起個價錢就有啲性價比唔高😢好似$45買咗杯嘢飲咁樣😢唔推薦———————————————————📍地址：長洲冰室 (長洲)長洲北社海旁19C號地下

可能咁啱遇上下午茶時間，就算平日都要排隊。即使店舖都多位，還是等了15分鐘。店舖設有最低消費，即使兩個人想分享一碗冰，都要另外叫一杯飲品。〰️鐵觀音桂花糖茶雖然佢叫糖茶，但係冇味嘅，一啲都唔甜，連桂花香味都冇，好似飲緊水。要黎解渴還可以，但整體成杯野真係冇味道。〰️泰式奶茶三色芋圓冰我發現這家餐廳味道好淡好淡，芋圓有咬口但無味道，雪糕好吃，因為有泰茶醬，可惜棉花冰的泰茶味好弱，全個甜品最甜就是紅豆泥，全靠紅豆才吃得完。

佢呢間冰室真係食冰嘅，都令我幾意外，冷氣超涼爽☺️，佢有最低消費，每人最少消費一個甜品或者一杯飲品🍧泰式奶茶三式圓冰 $63 (6/10)佢個泰式奶茶唔甜、冰嘅大小不一，芋圓好咬、紅豆同雪糕剛好，我開頭以為好大碗，其實唔係🥛芋頭西米露+仙草 $30 (3/10)呢個勁甜😖😖😖，佢嘅芋頭都偏粉，仙草味道都正常，但係個西米露真係甜到我頂唔順#sorriso_長洲-📍 長洲冰室長洲北社海旁19C號地下 🕑Mon, Wed to Sun 11:30~19:00-

之前同朋友去長洲玩，天氣好熱，諗住去長洲冰室食野降下温。年幾前黎試過抹茶紅豆三色圓冰，今次黎諗住試下其他野，所以就叫咗黑糖三色圓冰同紫米露仙草。點知中哂伏，我諗下次唔會再黎食。黑糖三色圓冰 ($63)佢依家碗同盤都係用不銹鋼器皿，而唔係以前嘅木盤同瓷碗。我個人覺得外觀上冇以前咁靚。另外，份量亦比以前少咗。黑糖冰好水，應該係唔夠凍，感覺溶得好快，只有少部分有冰塊嘅口感。配料中規中矩，有芋圓、西米、紅豆粒……椰香紫米露+仙草 ($30)入口味道又鹹又甜，唔似椰汁會有嘅味道，我哋驚食材變壞，所以都冇食哂。仙草嘅口感冇平時食嘅咁爽口。

幾年就認識這間甜品店，事緣一個長洲的朋友搬離開長洲之後，整天念念不忘他們的招牌挫冰，每次回去都必定打卡，我就默默地收藏起來。早前終於有時間入長洲到訪呢間心心念念嘅小店。挫冰即係綿綿冰，每款口味都的基本配置都是一樣的，都會跟紅豆、芋圓、番薯圓、同埋紫薯圓，不同口味就會跟返相應嘅一球雪糕。分別試咗泰Baileys 三色圓($78)和式奶茶三色圓 ($63)。冰很細很綿，紅豆又腍又甜，三色圓煙煙韌韌，口感剛剛好。個人就比較鍾意Baileys，甜得嚟有酒香。同行嘅朋友唔飲酒，覺得泰式奶茶口味略甜。

熱到爆炸，唔知做乜入咗長洲😂之後搵咗間甜品舖要食個冰，解解暑😂😍叫咗個芒果三色圓冰同埋黑糖紅豆三色圓仙草😍😍😍兩碗都好大碗，芒果冰好好食！勁香芒果味！粒粒果肉加埋芒果味雪糕，真心正😍😍仲有勁多芋圓😍🤤🤤另外兜黑糖紅豆仙草，又係大碗🤤勁多芋圓！紅豆蓉偏甜，不過夾埋仙草凍食，又幾夾🤣🤣🤤🤤-芒果三色圓冰 $68-黑糖紅豆三色圓仙草 $36

#甜品eatcovery💡長洲必食嘅甜品💯相信好多人同小編一樣好耐都無機會出走，無得去旅行，餓左好耐，今次就由小編帶大家放假黎到長洲止下餓先，頂住檔。相信大家都知長洲有好多好野食，幾大個胃都唔夠裝，但甜品係女仔不可或缺嘅一部分❤，永遠都有另一個胃等緊佢咁，今次終於試到長洲另一代表店-長洲冰室😋😋🍽 仙草黑糖三色圓冰男小編一直都鍾情三色冰，見到一個絕配組合，圓冰有大量薏米、西米同紅豆，再配埋上面好大舊同濃郁既芋泥，隔離仲有芋圓， 真係望到已經流曬口水。而且，圓冰好體貼咁用左黑糖做冰底，咁就唔怕整係得上面有黑糖味，食到最後無啦。 另外三色芋圓非常煙韌，好有咬口。🍽 泰式奶茶三色圓冰熱愛泰國美食嘅小編又點會放過以泰式奶茶做招牌嘅甜品。絕對無令小編失望！冰底係泰式奶茶味，茶味好出，好似飲緊泰奶咁，即使食到一半啲冰溶左， 泰式奶茶味仲好濃郁。而且唔會太甜，甜度啱啱好。仲有大量芋圓同紅豆，芋圓好煙韌，加埋香濃嘅雲呢拿雪糕，比起一般剉冰，口感更豐富！ps. 雖然小編覺得六十幾蚊一個糖水有啲貴， 但難得入到長洲，點都要豪一次。推介度：⭐️⭐️⭐️⭐️⭐️ 📍 長洲冰室長洲北社海旁19C號地下

今日去長洲camp，係條街到行左一陣已經好熱！咁岩見到長洲泳室無人排隊，即刻入左去抖涼。我叫左個泰式奶茶冰，好似飲緊真係一杯泰式奶茶咁😂成個冰好足料，d芋圓加紅豆都好好食。

啲間店應該係長洲數一數二出名 每次都要排隊排好耐 好彩果次去長洲唔多人 可以好快入去 而且佢位都算多 行到好熱嘅時候 可以去呢度嘆吓冷氣食涼浸浸甜品-🧏🏻‍♀️溫馨提示：大家揀完嘢食 要出去收銀落單同俾錢先 然後就要坐返位 慢慢佢地送野食嚟啦-▪️黑糖紅豆三色圓豆花凍 $36▪️芒果糯米飯配椰皇水 $55#黑糖紅豆三色圓豆花凍佢出去底下面係豆腐花，然後喺上面鋪咗黑糖汁，淡淡既豆味配埋甜甜既黑糖，配合得啱啱好。另外佢有三色芋圓同埋紅豆做配料，芋圓好夠味，而且非常煙韌，份量都唔少㗎。#芒果糯米飯配椰皇水芒果好大嚿而且好清甜，佢傳統傳統嘅糯米飯加斑蘭味嘅糯米飯，佢應該係自創嘅，而且配埋上面嘅脆脆食，好夠口感，而且椰汁味都非常重，同埋如果覺得椰汁唔夠都可以再同職員講，佢添加俾你㗎，不過我都覺得佢已經好足夠，唔怪得知係王牌之選，真係好好食😋—————————————-——————-—————-📍Location 長洲北社海旁19C號地下🕙Business hours 星期一 11:30-19:00星期二 全日休息星期三至日 11:30-19:00.𝖂𝖊𝖑𝖈𝖔𝖒𝖊 𝖘𝖍

星期六 夏日炎炎嘅假期之下 打算到長洲旅遊上網搜尋了 久仰大名嘅長洲冰室 希望到此一遊嘗試店內嘅甜品 特別是刨冰那天 我和朋友選擇了泰式奶茶三色圓冰 和涼粉，分別是$63 和$25 但是太令我失望 泰式奶茶的刨冰很苦 就像龜苓膏但是涼粉卻很好味 推薦大家一試

炎炎夏日入長州，梗係要食翻啲透心涼既甜品，每次去鋪頭都大排長龍，建議避開繁時間去!#芒果糯米飯配冰凍椰皇水 $55糯米飯有兩款色，一白一綠，入口軟糯煙韌。芒果都算甜!  但椰皇水超解喝好飲! 推薦!#椰香三色圓冰 $60冰底值得一讚，充滿椰奶味，入口即溶，連雪糕球都係椰奶味架! 三色圓都煙韌，不過不失，因為太中意食芋圓，要求會比較高。可惜實物份量唔算大，兩人分好快食完，有啲唔夠喉。

又趁平日休假去左長洲行下掃下街~但發現原來都一樣咁多人!黎長洲前都順便搵過下有咩必食既餐廳, 長洲冰室就係其中一間喇!貴為某幾間出名既長洲甜品店之一, 我地對長洲冰室都不乏期望!可能係平日關係, 唔洗排隊就可以入座, 幾好。為左令個胃有多d 空間, 我地冇嗌到佢最出名既三色圓冰, 唔知係咪咁, 所以覺得冇其他人講既咁值得食.....我揀左桂花糖三色圓黑白配（三色芋圓+豆花+仙草）, 幾清甜, 整體味道就一般般。朋友點左芒果糯米飯，椰香味唔夠濃郁...白色椰香糯米飯同綠色斑蘭糯米飯個味道偏近... 本身仲期待緊有兩款口味配搭而且芒果又唔太甜.......睇黎下次都要食返大部份人都推介既選擇先得!