影片
开饭介绍
无限时的任饮任食台式火锅店，其中麻辣汤底设有4种辣度，照顾各位嗜辣之友；配高质肉类、逾60款火锅配料、多款饮品等，选择丰富。
继续阅读
营业时间
今日营业
12:00 - 00:00
星期一至日
12:00 - 00:00
公众假期
12:00 - 00:00
公众假期前夕
12:00 - 00:00
以上资料只供参考，请与餐厅确认详情
有关奖赏计划
相关文章
今日中午去咗锅霸打边炉，佢嘅午市价钱真系非常吸引！最平163起就可以火锅无限任食任饮，CP值高到冇得输！如果你好似我咁，想食多啲肉，特别系牛肉，不妨升级到LevelTwo，都只系188，非常划算。当然，佢哋仲有其他海鲜可以加钱升级，不过我觉得就算唔升级，佢本身提供嘅配料都已经好多选择，够晒你食。讲到配料，不得不提佢哋嘅鱼皮！真系必叫㗎！因为佢有好多唔同嘅调味粉可以拣，无论你钟意芝士味、酸梅味定系辣味鱼皮，呢度都有得满足你嘅味蕾。🧀🌶️ 食落去脆卜卜，再配埋唔同嘅调味粉，真系好过瘾！除咗嘢食，佢哋嘅自家制饮品都好有特色，我特别钟意佢嘅山楂茶，酸酸甜甜好解腻，打边炉必备！🍹
其他火锅配料都好齐全，鱼丸、牛丸、肠仔，仲有六吋长嘅蟹棒，全部都可以无限任叫，食到你饱为止，真系好畅快！👍
继续阅读
❤️lunch打边炉可以食足4.5钟！真系好似店名写食到饱啊！💙鸳鸯锅嚟讲，我钟意野菌𠮶个多过芫荽味！因为真系好鲜甜，同埋有好多菌类，未落材料前都饮咗半碗汤底！推荐鸳鸯食两只味！🩵最意想不到系佢啲雪糕有好多种类，又有movenpick同Häagen-Dazs，开心果味Dreyer‘s雪糕同脆皮kitkat！💛最钟意系牛肩胛肉同黑毛猪！薄切一渌就熟又唔韧！黑毛肚同白鳝片都系我必选！d鸡件超级滑嫩，啖啖鸡腿肉！🩷饮品柜，好贴心咁分咗冷饮常温同热饮！又奶类到酒精到碳酸饮品都有，同自家制作嘅花茶水果茶都有！
继续阅读
难得放假星期六就早d出去食个lunch, 呢一间位放佐敦嘅锅霸坐低左之后环境都唔错㖞，光猛嘅玻璃睇到街外，不过就冇影到相，汤底未到已经有d冷盘喺枱面可以食住先，唔错嘢饮都系正常乜都有，有惊喜嘅系个台式黑糖冬瓜茶，唔知系咪自制呢，唔太甜好饮㖞咁食火锅主要一定食肉喇，推介西班牙黑毛猪，好有肉味，可能因为拣level3嘅关系个人觉得好食过牛，因为切得薄所以渌一阵就食得，yummy食到咁上下叫咗个movenpick薄荷朱古力解一解油腻感跟住我地又叫左d海鲜，d虾都好鲜甜所以叫咗几次，另外叫咗个“是日海鲜”，当日系沙白，好鲜甜又冇沙，叫左最少5次，不过挂住食冇影到，推介
继续阅读
一讲到庄士伦敦广场，就会谂到抵食嘅任食。呢间一至五午市，仲可以食到四个半钟，好夸张！真系好啱约埋几个朋友，食饱后慢慢坐，继续饮野倾计。如果想更抵，2点后入座仲有88折，咁抵就唔使北上😆。小事牛刀，叫个LV2先，$188食到Prime Grade牛肩胛肉同无激素猪肉片都OK，升级埋海鲜+$40。汤底花多眼乱，养生汤好似几好，多菇仲有竹笙，好吸引。🔺药膳竹笙杂菌锅：啲竹笙好大旧，汤好甜，配肉唔错。🔺美国牛肩胛肉：系薄啲，但肉质不错，唔肥，有牛味。🔺手打丸：一定要叫，每款都不错。以为梅菜肉丸会好咸，结果又唔会。🔺海鲜：蚬鲜甜。虾大只，但一般。脆鲩多碎骨，要小心食。白鳝唔错。🔺饮品：超多选择，无糖茶，冬瓜茶，酸梅汁，汽水，仲有维他奶。🔺甜品：虽然雪糕冇任食，但系高质嘅Movenpick/Häagen-dazs。🔺酱油区：好干净，配料干爽，用得安心。
继续阅读
呢一间台式火锅放题店朋友食过话几抵食，所以今次亦都帮衬试下，因为我哋都系啲繁忙时间去，所以个价钱比起一般嘅火锅放题嚟讲系略高，我哋拣最平𠮶款，两小时任食，唔肯加少少钱转无限时，埋单年加一都要300蚊一位，不过佢啲食物嘅质素系唔错嘅。火锅汤底有好多款任拣，我哋就拣咗药膳花胶鸡汤底。火锅配料嘅质素系几好㗎，而且唔会预先set咗将啲高价火锅料自动锁机。对住呢个view嚟打边炉值回票价啦。调味料都几靓仔几多选择。畀大家参考下有啲乜嘢可以叫嚟食。除咗一般嘅罐装同埋纸包装饮品，呢度仲有啲自制饮品。最后仲有高级雪糕一人一杯好正。
继续阅读