銘興山西刀削麵 (大同新邨)

之前一直好钟意食，前排去咗外国就少食啲。一直觉得佢又平又抵食，最近嗌外卖自取俾个查黑色指甲油嘅男职员喝，未开声已经突然闹我，好差咯！以前嘅姨姨就Nice好多，怪唔之得而家睇生意咁差🤣🤣🤣以后都唔会帮衬啦，隔离咁多好嘢食…查看更多

今晚天气好正，夜晚凉快，食欲大增，终于揾到间收11点嘅餐厅食宵夜！运锁刀削面喺好多地方都有分店，平时我同朋友都钟意食佢嘅刀削面，今次决定试下醉鸡刀削面转米线，店员见我哋晚来咗仲好有礼，食完觉得好值！🍽️醉鸡刀削面转米线上菜速度好快，可能系因为醉鸡本身就雪好咗所以好快就准备好。醉鸡酒香四溢，肉嫩多汁同温泉蛋混搭，转咗米线同平时常见嘅唔同，系偏粗身，有多啲咬口，Q弹又挂汁，平时钟意刀削嘅我今次试咗米线真系惊喜，食落暖笠笭又满足！汤底浓郁，带咗酒香同鸡肉嘅鲜味，米线吸满汤汁，食几口都停唔到，温泉蛋一戳开黄流出嚟同米线混埋一齐，味道更加丰富。夜晚食咁一碗，真系觉得好舒服，仲有份温暖嘅感觉，性价比高到爆，值得一试！…查看更多

食物嚟讲一般般餐厅卫生情况麻麻枱面好黐立立 冇抹枱咁感觉唔太好 食完想即卡走枱有啲多 坐得有啲迫职员态度麻麻 叫咗好耐都冇人应睇到扮睇唔到 冇谂过咁差冷气好似坏坏哋 冇咩冷气…查看更多

夏日炎炎，特别想食凉拌菜式及香辣🌶️惹味的食物来开开胃。偶然在大角咀遇上一家山西刀削面店，里面还有我最爱的鱼皮，那就毫不犹豫进入餐馆。藤椒鱼皮头盘先来个藤椒鱼皮，这个凉拌小菜可谓是近年来的爆款食品，而藤椒味道更是刺激味蕾之选。鱼皮冰凉爽脆，入口弹牙，菜式加入藤椒粒、辣油、青葱、莞茜，微辣的感觉十足，也很惹味。刀削面🍜是这间食店的主打，那就必点试试。热拌牛展刀削面对抗暑热的夏天，在干捞的刀削面底加入青瓜丝，混合芝蔴沙律酱及担担酱，以清新酸甜的味道增加食欲，搭上卤水熬煮的牛展，尽显多重味觉的享受。牛展与牛筋的纹理分明，口感脆弹。刀削面贵为食店主打，品质果然不错，面质软滑弹牙，很适合用来做拌面或放汤享用。麻辣猪软骨刀削面另外我也选了麻辣汤底的猪软骨刀削汤面。精心炖煮的猪软骨松软嫩滑，入口即化，配搭麻辣酱料，汤底浓郁之余，也十分惹味，加上烟韧弹牙的面条，相得益彰。除了麻辣，还有酸辣汤和清汤可供选择。整体来说，食店提供的菜式都算多元化，集中以刀削面为主，提供冷热拌面及不同汤底做配搭，亦有多款肉类可选，价钱合理，份量十足。…查看更多

铭兴的花雕醉鸡刀削面只收62元还包括一杯热饮，醉鸡份量估计大约有4份1只鸡，醉鸡酒味足，鸡肉嫩滑，刀削面又弹牙。餐厅环境光猛，清洁卫生，服务员有礼貌又快手，值得推荐。…查看更多