鑽石冰室

知道這間冰室也有一段日子，可惜離公司太遠，一直沒有機會來試；今日約了朋友入西貢吃午飯，那就順便過嚟試試。😬早餐時段，店內非常繁忙，進店時已接近全滿，好在搭枱也還可以；網上推介的這個「百搭茶餐」，就是自由選擇食品，方便又實惠。🤔轉出前一丁 或 烏冬加3元，配牛油方包 及 火腿奄列再加6元，方包轉多士又再加1元；看似複雜，其實簡單，最後總結也只是$48，都唔算貴。😊百搭茶餐由主菜開始(牛扒/豬扒/雞扒/雞中翼/沙爹牛肉/煙鴨胸/燒/榨菜肉絲/豬柳漢堡/五香肉丁/雪菜肉絲)，可選其中一款。配菜(火腿/腸仔/餐肉/煎蛋/紅腸)，可選其中一款；可選配公仔麵/米粉/通粉 或 意粉（轉出前一丁/烏冬加3元）。奉送咖啡或茶或可樂(凍飲加2元)，可加6元加配牛油方包 及 火腿奄列。配搭種類不少，最後選擇了雞扒煎蛋出前一丁、牛油多士、火腿奄列及茶走；味道只屬通，但雞扒可能雪得比較久，完全唔入味，這就比較失望了！😅茶走香滑，但沒有什麼茶味，整體不過不失，價錢合理，比較適合附近街坊或想來懷舊一下的食客。🤔#百搭茶餐#鑽石冰室(香港)地址: 香港彩虹青楊路11號彩虹邨金漢樓37號地舖電話: +852 27613037…查看更多

彩虹邨作為多年既老屋村，入面隱藏好多有歷史既老店。門面、招牌、裝修、餐牌，都係年代既見證。 簡單叫個下午茶餐，奶油脆豬烘得相當香脆，上面滿滿既奶油，入口香甜鬆脆。炸鷄髀外皮炸得香脆，雞髀肉生熟程度亦適中，熟但冇炸到乾晒。薯條係好傳統既波浪型。 茶走茶味夠濃，亦頗香滑。總括嚟講，食物水平係合乎預期地滿意既。 或者未算係隱世美食，但起碼都坐得舒服，食得開心。 相比起倒模一色一樣既連鎖快餐店，呢度更加有人既感覺。…查看更多

【黃大仙區】【鑽石冰室】我其實幾中意食啲舊式老牌茶記，執吓執吓都已經剩返唔係好多，今次同美女朋友嚟到呢間我估都算係掛，因為見佢好似幾舊，就入咗去。嗰陣係下午茶時段，所以叫咗個精選下午茶，$32 嘅「吉列豬扒加薯條」配「熱奶茶」，好傳統嘅港式下午茶味道。吉列豬扒正正常常冇乜特別，薯條用咗曲薯條不過唔算炸得好好，都係正常，有茄汁同沙律醬可以點。熱奶茶偏薄身，味道 okay 但唔夠濃，都係爭啲咁。跟住叫咗 $23 嘅「西多士」加 $2 飲「凍奶茶」，個西多都唔算好突出，奶茶唔係我飲，聽返嚟都係一般。跟住仲叫咗個 $14 嘅「鮮油菠蘿包」，都同預計之中嘅相差不遠，都係整好放咗好耐嘅菠蘿包再加啲牛油落去咁，唔算好食。不過，埋單嗰吓係有驚喜嘅，因為只係 $71，係兩個人嘅價錢，又真係冇得輸。難怪一直都好滿座，有個位滴水，啲人都照坐。。。（地址：彩虹青楊路11號彩虹邨金漢樓37號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #彩虹 #鑽石冰室 #吉列豬扒加薯條 #熱奶茶 #西多士 #鮮油菠蘿包 #凍奶茶 #1am1668 #1ambackup…查看更多

懷舊冰室到訪鑽石冰室位於彩虹邨的懷舊冰室，在重建前去到訪一下，下午茶時間都坐滿大半餐廳，很多居民行山人士及專誠來打卡的食客，點了豬扒包及凍奶茶，28蚊好抵食，豬扒包好味過澳門的，奶茶亦好飲，欣賞冰室的堅持，令人懷勉過去昔日的光景，好評👍😋…查看更多

彩虹村轉92入西貢前，先食過早餐，「鑽石」同「愛群」二選一，最後揀咗前者。沙嗲牛麵、餐肉煎蛋、厚多士、熱奶茶（$35）沙嗲味濃但無咩沙嗲味，牛肉唔韌，麵有咬口，餐肉唔好食，煎蛋正常，厚多士香脆，熱奶茶最正，有茶味兼且夠滑。老實講，舊式屋村嘅舊式茶餐廳，就係街坊味道，千祈唔好抱任何期望，味道唔會太差但經濟實惠。…查看更多

知道彩虹村將會拆，約埋老友去老餅茶餐廳。真系好多年無入彩虹村，無乜大變化，但所有舖頭有開,街道好新淨，大部分有生意，真系好可惜味道豬趴包餐($26)4分— 包皮咬落系脆到碎，吾錯— 豬趴都厚厚地，有生菜吾會乾— 茶走     — 吾錯，飲完無鞋口。牛扒煎蛋麵($37)3 分— 牛扒味道吾錯，可惜比較硬— 麵底幾幼有彈力— 加$6有火腿omelette , 梗系食環境,衛生( 3分)抵食(4分)—豬趴包超抵食，麵餐就一般…查看更多

這家茶餐廳裏，我選了雙拼麵和喉飲，真係超抵食😋。其中，牛扒腸粉不單只肉感一流，仲可以話係舊派飲食嘅典範代表。每啖牛扒都滲透出淡淡嘅炭燒香，而個通粉㗎，咬落去Q彈得來唔會爛，話晒都要講下茶餐廳麵食嘅基本功嘛！隔離枱果班朋友叫嘅雪菜肉絲火腿通粉睇落好吸引，雪菜同肉絲搭配得啱啱好，清新開胃！不過湯底就有點普通，不過，飲完隔籬嘅熱奶茶之後，心情一下子就提起嚟，那個奶香味，正宗！而家講番個魚柳薯條定食，嘩～真係跟其他地方食嘅天與地之別，果然名不虛傳，魚柳夠鬆化，薯條外脆內軟，個味道正到不得了。食物雖然簡單，但係喺茶餐廳呢個平民化嘅飲食場所，呢啲經典既菜式就係要做到賣相同口感並重，至可以俘虜顧客嘅心，而呢家茶餐廳，正正就做到呢一點。🥰🥪🍟…查看更多

今次我去咗間冰室，唔使多講，食物已經整到我跪低叫「爺」！沙田嗲牛肉麥，牛肉煮得嫩滑得滯，冇乜筋，沙嗲醬香味撲鼻，真係食落越嚼越有味！😋 再嚟個奄列方包，外皮烤到微微金黃、脆卜卜，撻一口，跟住柔軟嘅內裡啖啖蛋香，簡直係配搭天成！最後，點可以少咗杯熱奶茶呢？茶香濃郁，奶味又夠滑，輕輕咕嚕一口，心情都跟住開朗咗起嚟。🍵餐肉炒蛋都叫咗份，餐肉香噴噴，炒蛋做到啱啱好，濕潤得嚟唔會太油，咸香中帶嚟一丁點嫩滑，平民食堂嘅確意外之喜喎！😍整體嚟講，呢間冰室處處透住溫暖同懷舊，搵食嘅朋友，遲啲可以試吓，保證滿足哂你啲平凡日子嘅味蕾需求！…查看更多

進入這間鑽石之後，還因為它裝修挺新式，以為它曾經經過大翻身，要看看資料圖片以及我上次的食評，才發現原來上次的內在也差不多。不過可能現在地方比較乾淨，而且燈光比較亮堂，所以才有個假象它好像裝修過一般。員工說，今天沒有下午茶，只得單叫的，不過其實計一計價錢，比起一至五的下午茶，其實都是顯示貴了一個幾毫。因此就簡單而言，還是算是實惠的，例如這個菠蘿油加凍飲，都不消$30 ，我這個奶油脆豬加熱咖啡，都只是$25。菠蘿油，中間的牛油，始終太肥膩，因此媽媽就把上邊菠蘿皮給小嬰試一試，可能由於味道帶點甜香，他也吃得不亦樂乎，好像一直在咬菠蘿包的外皮熱咖啡亦都同樣是喜出望外，因為它不是一般茶餐廳那種酸味很強的咖啡，味道夠香，雖然都應該不是機制那種所謂即磨咖啡，不過至少味道不會酸，又能夠帶來提神的效果。店員未必笑容滿面，不過至少不會因為你只是吃個包飲杯茶而鄙視你。卡位又夠大夠廣闊，不是太過擠迫。因此，相比之下，之前只是一對拍拖的男女，肯定會比較喜歡愛群快餐店那種圓凳仔，牌仔快餐；但大個帶同小嬰兒，需要坐得舒適一點，鑽石冰廳就完贏愛群了。…查看更多

今日約左friends行飛鵝山，諗住行上去影日落，約左朋友起彩虹海碧樓搭巴士上安達臣道起點。但有friend遲到, 重要遲成粒鐘，於是就去左彩虹邨裡面間鑽石冰室食住個tea等😅入到彩虹邨好似坐左時光機咁返返去5,60年代香港咁。鑽石冰室都唔例外，好有老冰室情懷。坐低後我order左個炸雞比沙律（＄28 only), 凍飲加多兩蚊都係＄30。好抵😚炸雞比係即叫即炸，好新鮮，雞比亦算嫩滑。沙律份量都好足下。老實講，雖然無大家樂炸比咁脆，但都係有貫徹一般茶餐廳炸比嘅質素☺呢間鑽石冰室除左食物外，真係好有老香港情懷。其實香港靚嘅茶記通街都係，反而呢d有歷史痕跡嘅真係買少見少。希望呢間鑽石冰室長做長有😉…查看更多

彩虹邨籃球場打卡熱點相信係人都知, 而呢間鑽石冰室响彩虹邨都非常歷史悠久, 今次於下午茶時段(14:00-16:00)到訪🍽️吉列魚柳包連餐飲$24熱辣辣新鮮炸起, 好貼心的已切開兩舊, 方便食用, 不過炸皮唔算太脆口, 魚肉質地比較梅及淋, 飽身鬆軟🍽️百搭茶餐連餐飲(揀咗豬扒紅腸及意粉) $34紅腸炸過, 所以收左小小水, 紅色外皮唔算太脆, 屬於煙韌那種, 紅腸肉粉質感重; 豬扒薄身, 質地淋身, 肉味唔濃, 調味適中, 意粉質地正常, 湯底比較咸🍽️加配牛油方包及火腿奄列$6軟而淋薄薄的方包, 配上薄薄的火腿奄列, 味道普通冇乜特別, 不過六蚊有奄列及麵包已經非常抵食☕跟餐檸茶茶味濃, 檸檬新鮮食物質素屬一般, 但係勝在價錢便宜抵食🤑, 同埋可以响呢啲舊式嘅餐廳度懷舊一番, 都確係過癮😜魚堅總評性價比 3.5👍(以5👍為滿分)…查看更多

鑽石冰室在彩虹邨有四十多年的時間, 從門口的招牌已見到它的風塵樸樸, 內裡裝修則比較現代化, 原來它十年多前曾經結業再重開, 從水吧上的”Diamond Cafe”也可以感受冰室的歷史性呢!菜式就是一般茶餐廳所吃到的, 如常餐, 炒粉麵飯及焗飯/意粉. 晚餐吃的是白汁焗海鮮飯, 連餐湯及餐茶$50也不用, 很久也沒有吃一餐晚飯如此便宜. 焗海鮮飯配料豐富, 除了大大塊魚柳外, 也有大量蟹柳和獅子狗, 就是從前小時候吃的. 上枱的時候還是相當熟燙, 見到白汁支支作響的形態, 就知道這碟焗飯是剛剛從焗爐拿來的. 味道相當熟悉, 炒飯口感不會過於濕潤, 保持着飯粒層次分明的形態. 附上的餐湯是赤小豆紅蘿蔔煲豬骨湯, 在這濕熱的夏天, 是去濕的湯品, 真材實料沒有味精, 這樣的價錢, 我還能要求更多嗎?Diamond Cafe has been stayed at Choi Hom Estate for more than 40 years. She is not a luxurious cafe and focuses on traditional HK style food that is very affordable. My dinner is baked seafood rice. It only costs less than $50 with soup and drink. The baked rice is hot enough and can full my tummy completely. What I can expect for more!…查看更多

見幾有特色行左入去食，叫左個午餐，飯本身都ok、熱奶茶都幾好飲，但係唔知點解d阿姐要係人食緊野的時候拖地，仲要你抬高腳就佢，拖完一次又一次，好麻煩客人亦都十分唔衛生。食完最後一啖飯，叉都未放低，阿姐就秒速埋黎收野，令人覺得好似叫你快d走咁。仲飲緊杯茶，阿姐又無啦啦問都唔問安排左個阿叔埋黎搭枱，全場明明大把位，唔知點解係都要安排三唔識七兩個人面對面飲食，又唔比隔板，防疫措施同意識好差，呢個時世之下真係非常惡劣。…查看更多

話說要行山，行飛鵝山，咁當然去就近嘅彩虹村食個靚早餐先，有足夠體力去行山才穩陣嚟到呢間有幾十年歷史嘅冰室，早餐選擇好多，我自己食早餐就一向都要揀麵或通粉類▶️叉燒通粉+腸仔炒蛋 (改煎雙蛋) 配餐包- 港式通粉，較為細粒，口感會較粉，叉燒就正正常常但都惹味嘅- 煎雙蛋煎到有少少燶邊，ok的- 餐包都係正正常常，但值得一提就係呢啲傳統冰室先可以提供到餐包▶️熱檸檬茶 - 尚算正常，但檸檬有少少苦澀餐後感：早餐正常，價錢係超值抵食！…查看更多

彩虹呢間舊式茶餐廳🌈已經開業四十多年😃價錢實惠💰而且富有人情味💕係略嫌環境有啲逼🤥坐得唔係太舒服🙈🔸百搭茶餐（$31）🐥雞扒火腿配公仔麵🍜🍞配牛油方包 + 🍳火腿奄列（+$6）每次嚟都一定會叫嘅抵食茶餐☺️公仔麵份量多不在話下👏🏻雞扒亦相當大塊🐔係稍為燶咗少少😶極力推薦呢度嘅火腿奄列💗蛋香濃郁🥚中間夾住大量粗切火腿絲😻製作絕不欺場✨🔹阿華田（熱）去茶餐廳就梗係要試熱飲☕️華田可可味非常濃厚🙆🏻‍♀️完整呈現經典風味🥳🔸百搭茶餐（$31）🐽豬扒煎蛋配公仔麵🍜🥐配牛油方包（烘底+$1）+ 🐖火腿奄列（+$6）厚身豬扒煎得香嫩可口🐷肉質鬆軟多汁😋多士烘得金黃香脆🔥牛油呈半溶狀態🧈美味倍增👍🏻賣相雖然唔及高級餐廳花巧別緻💫但誠意同心思確實不容忽視💁🏻‍♀️🔹朱古力（熱）朱古力醇香甜滑🍫綿密細膩嘅口感🏵令人難以抗拒💋…查看更多