鍾爺爺海鮮火鍋刺身專門店

营业中

休息中

食材算新鮮，牛嘅質素唔錯，但切太厚影響口感。然後有某啲蔬菜洗得唔係好乾淨，有陣泥味，但勝在份量比較多。而價錢方面少貴，人均400以上，價錢對唔上質素，性價比低。上菜嘅速度同服務質素都一般，店員叫極都唔應，成日扮睇唔到，兩個人嘅檯基本唔會有咩服務可言。另外，大家留意下調味醬同放係檯面嘅花生都係收費的，店員唔會同你講。整體而言評分2分，唔會再去食，可以講係算伏，叫菜多過叫肉都可以人均400以上都幾勁😅😅

搭中港巴士，就係太子落車，見到間鍾爺爺海鮮刺身專門火鍋店，又好想打邊爐一於入去試下😋先嚟一樽清熱竹蔗茅根水😄湯底選海南椰子🥥五指毛桃湯底🍲睇湯清清地，椰子水加入五指毛桃味道十分清甜😋半隻新鮮雞店員介紹湯滾先放雞煮5分鐘，熄火再焗五分鐘，雞就夠滑，雞緊緊熟，真係夠滑，而且吸收湯味，又甜又滑😋本地等級手切肥牛🐂色澤鮮紅，油花油脂分布均勻😍輕輕一炫，就可以食，完全唔洗點醬料，食到牛原味，好滑，好正👍炸響鈴俚個真係要介紹，好好食佢地係即叫即炸，點特製醬汁，就咁食已經好好味，好脆好有豆味，放湯都係一流😋韭菜菜餃加鮮蝦雲吞🥟韭菜餃好飽滿，韭菜味好香，鮮蝦雲吞，蝦夠爽，食到大地魚好味，好食🤤野菌什菜盤🥗擺設好靚呀😍有菇有菜，好健康😊鍾華記生麵食到最後，加入生麵，二三分鍾就得，生麵吸收湯精華，面夠爽滑彈牙，好滿足好飽😂下次一定要試佢地花膠雞湯打邊爐，要試魚生同海鮮，但記得一定要訂位先😊

一個很親切的名字，鍾爺爺，近年來在香港吃火鍋之中，質素有保證的店子，今晚又和朋友來了坐定後二話不說，就點了翅群花膠雞鍋，這裏鍋底選擇多，特別喜愛這一個，尤其是二人用餐的時候，這火鍋的雞已經夠作為其中一款餸菜，就算將雞放入火鍋較長的時間，雞肉仍然保持嫩滑新鮮，可見是優質的選材，而花膠湯鮮甜濃郁帶膠質，湯滾起的時候將火調慢，慢慢放入其他火鍋配料，到差不多吃完的時候，再飲一碗湯，那是一碗漿口的花膠湯阿！而且飲完都唔會口渴，十分滋味！再點選了其他火鍋配料，其中有霜降手切頸脊肥牛，是性價比極高的，因為不是超薄切片，而是每片有一些厚度，另外，雖然說是頸脊肥牛，但其實脂肪的含量適中，不用怕肥，這款牛肉我會放落湯不足十秒就吃，大約六七成熟，就是最有咬口，最豐富的肉汁，最鮮甜美味的時候吃，輕輕點一些豉油的效果最好，但我也會不點任何醬料吃，那種香濃的牛肉原味已經很實在！這裏有不少火鍋配料，是可以點半份的，這樣二人吃火鍋就可以點多一些不同的款式，所以我們點了鳳城水餃和生牛肉丸，餃子餡料豐富大大隻，要咬開分兩啖吃，而生牛肉丸有時我的至愛，我喜愛吃約煮七分半鐘的時間，最彈牙而肉汁最豐富，我會點少少辣椒豉油吃，好

今次我地過左去太子始創中心度既樓上買野，買完野去左附近一間單點火鍋店食飯🔥呢間餐廳環境幾闊落，大枱細枱都有，格局有d似酒樓feel，店員服務都好好，坐低一陣就有介紹下d湯底海鮮等等，同埋立即送上調味架，而每枱都有盒紙巾比客用，呢下抵讚👍🏻翅群花膠雞鍋（$228）呢個湯底見佢店內有張廣告話係no 1湯底，梗係要試，個湯底味道濃郁，翅群係真材實料煲落飲得出個翅既鮮味，隻雞比較特別，唔係平時既生雞件，係熟左既白切雞，放湯煮完同煮生雞件差唔多，肉質嫩滑🐥霜降手切頸脊肥牛（小）（$238）個手切牛頸脊細份都好大碟，d牛肉好靚，肥得黎都重牛味，而且佢雖然係肥牛，又唔覺佢好多油，就算落完牛個湯都仲係好乾淨🐮即炸響鈴（$48）佢地既響鈴係即炸既，可以當小食咁食，附上一個類似平時食炸雲吞跟既酸酸地既醬，熱辣辣勁酥脆，放湯定即食都好正😋韮菜餃半份（$38）韮菜餃相信係佢地自己包既，因為個餡料好又足又鮮，鐘意食餃類既可以叫份🥟手打墨魚丸（$42）個手打墨魚丸口感好彈牙，同埋墨魚味濃，對個丸好滿意🦑鍾華記生麵（$35）呢個生麵見佢餐牌有張相話推介，又叫份黎試下，淥幾秒就食得既雲吞麵，加埋韮菜餃食幾有feel🍜

呢度淨係湯底都有好多唔同嘅選擇，我就試咗個滋補嘅翅群花膠雞鍋。呢個湯底勁足料，足足有半隻雞，花膠都有幾舊金魚翅群都真係真材實料，將啲湯料放返落個煲度，滾起佐就可以開始打邊爐🤤邊爐配料有好多唔同選擇，牛肉嚟講試咗本地手切肥牛，細碟已經份量超多，肥牛好有牛味，肉質煙煙韌韌，好有口感，啱啱熟就可以拎上嚟食，超級正😍佢哋嘅手打墨魚丸都好值得一試，爽口彈牙，真係有啲墨魚粒喺入邊，雲吞同水餃都係佢哋自己包，鮮蝦雲吞勁大粒蝦喺入邊，超級抵😙另外佢哋嘅生面都好好食，係本地麵廠嘅生麵，彈牙有口感😚如果鍾意特別啲嘅可以試吓佢哋既花雕豬腦，新鮮雞腸依啲火鍋配料都好正！

砵蘭街霓虹燈下寒風一吹，即刻勾起打邊爐癮，於是去太子鍾爺爺海鮮火鍋刺身專門店。湯底今晚揀中鎮店 翅群花膠雞鍋 ——揭開鍋蓋那刻，金黃湯底浮著手掌大的厚身花膠，雞件浸在琥珀色湯汁裡滾動，未落筷先吞口水。飲啖湯頭不得了！濃郁膠質黏住嘴唇，瑤柱乾貝吊出海洋鮮甜，花膠滑溜得似啫喱，雞肉竟然保持嫩滑，完全唔似熬過湯嘅 湯渣 ，飲到第三碗先肯停手。本地牛迷注意！ 特級手切肥牛 雪花紋靚到似藝術品，夾起透光見到雲石紋理，牛油香隨熱氣攻鼻。涮五秒撈起，粉紅色肉質帶住微微彈性，牛脂融化時滲出甘甜，蘸少少秘製沙嗲醬，惹味到想即時Encore。最過癮係用淥麵筲笠煮 鍾華記生麵 ，金黃麵條在滾湯中跳舞，隔開湯渣嘅設計超貼心，麵條吸飽花膠雞湯精華，咬落彈牙帶蛋香，食到尾聲都唔會變糊。配菜驚喜位在細節： 即叫即炸響鈴上枱仲熱辣辣，半浸湯三秒，外層綿軟內裡脆卜卜，豆香混著雞湯鮮；手打墨魚丸 咬開爆出墨魚粒，混著馬蹄碎咔吱作響； 鮮蝦雲吞 蝦肉爽甜到似剛剝殼，薄皮掛住湯汁一啖爆鮮。連野菌什菜盤 都唔馬虎。飲住冰鎮 竹蔗茅根 收尾，清甜蔗香中和濃郁湯底，完美演繹港式火鍋的鮮活節奏。埋單摸住圓滾滾肚皮諗：太子打邊爐戰場咁

今日同朋友去太子砵蘭街，鐘爺爺海鮮食火鍋，一入門口就聞到陣陣雞湯香，我哋二話不說叫咗個「翅群花膠雞鍋」做湯底，飲第一啖湯，超級鮮味，雞湯飲落去成個喉嚨都黏黏地，打邊爐未開始已經飲咗三碗，配一碟雞和花膠，用嚟打邊爐，份量充足。食肉獸必嗌「本地特級手切肥牛」，油脂分佈靚到似大理石紋，淥10秒入口即溶，牛味濃郁，切到厚厚地，嚼落好有口感！「鮮蝦雲吞」同「西洋菜餃」都係自家包，皮薄餡多，好飽滿，蝦肉彈牙。最正係個「生面」，索晒啲雞湯精華，掛汁能力100分！仲有即炸響鈴，就咁食，點少少醋，已經好好味。最後叫個「野菌雜菜盤」平衡下罪惡感，啲菜好新鮮，抵讚！ 見到隔籬枱叫咗隻海鮮船，有海膽龍蝦，三文魚……睇落好新鮮，下次一定要試吓😄

打邊爐嘅話肥妹仔通常都會去呢一間鐘爺爺海鮮火鍋專門店度食！唔好以為好貴呀，其實豐儉由人，食一餐兩個人平均每人$300已經捧住個肚落樓。湯底方便肥妹仔，叫咗個翅群花膠雞鍋，入邊超級足料，有花膠，魚翅，雞。雞湯超純超好飲，花膠非常爽口同埋厚身，骨膠原超晒標！魚翅爽口彈牙，真係淨係飲個湯已經值回票價。另外啲雞係超滑嘅雞，但係亦都有啲咬口，真係食得出佢嘅材料好靚。肉類方面，肥妹仔叫咗個霜降手切頸背肥牛，佢嘅肉牛味食落毖唔算超濃，但係油花超靚，好似日本牛咁樣入口即溶，肥妹仔大推呢一個肥牛。另外肥妹仔叫咗半份手打蝦丸同手打墨魚丸，唔係講笑，呢兩個丸係肥妹仔食過最好食嘅蝦丸同埋墨魚丸！先講個蝦丸，全部都係蝦，仲有好多原隻蝦肉食落去爽口彈牙，蝦味超濃。另外佢嘅墨魚丸咬落去會響個嘴度彈嚟彈去，超級多墨魚粒，好好食，唔該大家嚟到一定要叫！我哋仲叫咗個即炸響鈴，配埋甜酸醬，可以即刻食或者係浸一兩秒湯食。肥妹仔兩種食法都有試過，新鮮炸起真係唔同，一啲油益味都冇！面類方面，肥妹仔叫咗個鐘華記生麵，面質好爽口彈牙，其實就咁淥十零秒就已經熟晒。肥妹仔強推呢一個面，一定要配呢一個花膠湯食落去，同你出邊食百幾蚊一碗嘅麵

好耐冇打邊爐，諗起熱辣辣啲湯底同埋啲靚料，真係忍唔住流口水，咁岩最近聽朋友推薦呢間火鍋刺身專門店，話啲料好新鮮，湯底又唔錯，就同👨去試下先⬛️湯底我地今次叫左菜膽豬肺鍋 ，呢個湯底真係好有香港味道！菜膽清甜豬肺鮮香，一開波已經飲到暖笠笠，仲好滋潤，菜膽煮到好入味好正。🟪手打鮮蝦丸 手打蝦丸彈牙到不得了，每一啖都食到濃濃蝦味，啲蝦肉仲有啲微微嘅甜，落湯煮完更加鮮味！🟫日本黑豚肉 黑豚肉片切得啱啱好薄，煮耐咗都唔會韌，出面帶少少油花，入口仲有獨特嘅香味，好正！🟥迷你刺身拼盤 迷你但精緻，每片刺身都切得靚靚仔仔，鮮味十足！🟧鹽燒鮑魚（2隻） 鮑魚上面灑滿椒蒜，好惹味，仲保留到鮑魚本身嘅鮮甜味，啲肉質煙韌爽口，食完想再叫多兩隻！🟨鍾華記生麵 呢個生麵真係打邊爐嘅最佳拍檔，麵條爽口彈牙，吸晒湯底嘅精華，店員同我地講淥三下就食得架啦！🟩野菌雜菜盤 啲野菌同雜菜又健康又清甜，落湯煮完啲湯底仲香過頭，平衡整餐嘢食嘅味道。

🐚 招牌豬骨蜆鍋 💰198.00 濃白湯底撞爆膏蜆 豬筒骨Creamy到爆👅 🦐 鮮蝦雲吞（半份） 💰$38 薄過紙皮包原隻蝦 咬落卜卜脆💥 🐖 梅菜豬肉丸（半份） 💰$37 每日手打爽彈 梅菜鹹香吊味🌿 🇭🇰 本地特級手切肥牛（小） 💰278.00 雪花紋靚到發光 超厚切油香肉香併盛‼️ 🔔 響鈴 💰48.00 即炸上枱 浸湯3秒索汁超邪惡💦 🍜 鍾華記生麵 💰35.00 蛋香金絲麵 三秒即食 掛湯能力滿分👑 🥬 野菌什菜盤 💰68.00 多款鮮蔬菌菇 打邊爐必備balance🌱 🥣 火鍋醬芥（2位） 💰30.00 蒜蓉XO醬任撈 點海鮮一流🍶

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰💰（TTL $804，人均消費$402）環境質素：☘️☘️☘️
經過太子，見到呢間有新鮮海鮮櫥窗既火鍋店，海鮮睇落幾生猛，忍唔住入去食。發現唔止有火鍋，更加有唔少海鮮同埋刺身拼盤選擇🙈。迷你刺身拼盤 ($228) 有大/細份量選擇，有三文魚、八爪魚、希靈魚、北寄貝、日本魷魚等等，每款都新鮮，而且肉質都幾厚身。鹽燒鮑魚($80/隻)我全晚既最愛‼️鮑魚唔止大隻，而且係外脆內軟，真係爽口彈牙，鹽燒之下更加提升左鮑魚既鮮味。菜膽豬肺鍋 ($88)好少見到火鍋湯底由豬肺湯做base，豬肺口感柔軟，微微彈牙，最緊要係個豬肺洗得真係好乾淨，一啲味道都冇。鍾華記生麵 ($35)第一次火鍋配生麵一齊食🙈 麵煮3秒就prefect啦，食落仲好爽口。鮮蝦雲吞($38)。手打墨魚丸($42)。野菌雜菜盤($68)Drinks 。竹蔗茅根($42)同類餐廳 #cocofood_火鍋同區餐廳 #cocofood_太子如果你鐘意我既分享，按右上角🔔，就可以睇到我所有既 update

太子這間鍾爺爺海鮮火鍋位置方便質素相當不俗 價錢又合理 值得紀錄一下翅群花膠雞煲足足有半隻雞 而且用的雞比較大隻 量很大再加上大量翅群和花膠 煮完很鮮很濃郁本地特級手切肥牛看起來油花好像沒有很豐富 但吃起來又很ok牛味好濃而且很軟嫩 七分熟就剛好了手打墨魚丸 & 西洋菜餃這邊的手工丸餃都可以點半份 很適合人不多但又想多試幾款的墨魚丸口感結實彈牙 西洋菜餃飽滿清甜即炸響鈴是必點小吃 好鬆脆再配上酸甜醬汁完全不油膩 放湯吃感覺沒那麼熱氣 吸湯一流平常火鍋都會吃烏冬 店員推介試試他們的生麵 一吃果然好彈牙耶！讚👍🏻竹蔗茅根不知是不是自家製 味道不錯很清甜 整體不錯 裡面還有包房 下次再約朋友一起去

今日同鍾意打邊爐嘅朋友慶生搵左太子呢間火鍋店可以慢慢吹水傾吓計我地叫左椰子雞鍋店員先教我地點樣準備雞鍋先滾起個湯，落雞煮5分鐘，再蓋住焗5分鐘，咁就有清甜嫩滑嘅雞食啦煲起左嘅雞湯好清甜好好飲，因為湯底仲有馬蹄、粟米、五指毛桃。啲雞唔會好肥，雞皮薄，肉質嫩。食完雞就準備打邊爐啦我地叫左牛頸脊，見到啲牛好新鮮雪花分布得好靚食落牛味都好濃，食到停唔到手梅菜豬肉丸好特別，食落有啲梅菜口感，肉丸爽口彈牙。牛丸都好多汁爽彈，食得出食材好新鮮。即炸響玲好大舊，仲有一個秘制醬汁，酸酸甜甜幾好味😋仲有自定制生麵：平時最怕啲麵有鹼水味，呢個完全無，仲要好有咬口。仲有個野菌雜菜盤，有生菜、油麥菜、金菇同冬菇、雞髀菇，都幾多唔同菜類，份量都幾多，幾抵食。我同朋友都食到好飽下次想打邊爐會再黎呢間食，性價比好高啊！

位於太子♥︎鍾爺爺海鮮火鍋刺身專門店♥︎係一間高性價比，食材高質嘅火鍋店😋👍🏻門口一大個魚缸😍保證海鮮超新鮮，招牌刺身拼盤仲超靚仔，部份食材可以叫半份，就算兩個人來都唔怕浪費，晚市九點後入座有全單8️⃣折，仲每人送支大啤🍻添🤤又有獨立房間，岩晒收工同一大朋友來啤啤佢👍🏻♥︎翅群花膠雞鍋♥︎$228花膠發到有成隻手噤長😍雞有成半隻噤多，啖湯滾起記得飲碗先，超真材實料養生🤤👍🏻👍🏻翅群爽口，雞肉鮮嫩。♥︎霜降手切頸脊肥牛♥︎(小）$238😋必食推介👍🏻油花分布均勻，肉質嫩滑，牛味濃郁。♥︎鮮蝦雲吞♥︎(半份)$38雲吞超足料😋👍🏻勁大粒，內餡嘅鮮蝦同豬肉勁豐富👍🏻呢種質素放題永遠比唔到。♥︎手打鮮蝦丸♥︎(半份)$42蝦肉清甜，口感彈牙。♥︎手打墨魚丸♥︎(半份)$42有鮮甜墨魚香味，一食就知真材實料。♥︎野菌什菜盤♥︎$68什菜洗得非常乾淨👍🏻內有皇帝菜，生菜，娃娃菜，金菇冬菇同菇菌，非常豐富😋♥︎鍾華記生麵♥︎$35香港🇭🇰老字號麵廠鍾華記，生麵超爽口😋👍🏻記得淥大概1分鐘就食得啦。♥︎即炸響鈴♥︎$48響鈴浸喺湯底幾秒，淥到微微軟糯，再沾埋佢跟嘅酸甜汁超正😋👍🏻♥︎竹庶茅根♥︎$42入口清甜，火鍋嘅最佳拍擋😬

火鍋食評]在2024年12月23日的生日慶祝中，朋友選擇了鍾爺爺火鍋，充滿本土風味的地方，更感受到香港的美食魅力。澳門豬骨煲湯底🇲🇴選擇了澳門豬骨煲湯底，，帶有淡淡的黑椒和胡椒香味，四大桶骨的精華浸入湯中，最愛吸骨髓，讓每一口都充滿了濃郁的肉香及湯香，如痴如醉。本地特切肥牛🐄由於因為當晚食客眾多，牛肉的上菜時間稍晚，但當它終於端上桌時，口感仍然令人驚喜。肉質鮮嫩，油花分布均勻，每一片都在火鍋湯底中迅速熟成，肉味厚濃。廣島蠔🦪冰鮮的蠔，仍有獨特鐵味，口感順滑，且較快煮熟。芥辣墨魚丸🔥墨魚丸內藏的日式芥辣，微微的辛辣感與墨魚的鮮美相得益彰，讓味蕾瞬間被喚醒。炸花竹蝦🦐天婦羅般的炸花竹蝦，外脆內嫩，蝦膏的香氣撲鼻而來，脆到連蝦殼都能一同享用。還在火鍋店看到鍾爺爺本人，他如頭像般和藹可親。