鋒味廚房

营业中

休息中

去茶樓食一盅兩件，係唔少香港人嘅日常。普洱、鐵觀音、壽眉、水仙係茶樓常見嘅茶，勢估唔到喺朗屏，隱藏於工廠區，看似毫不起眼嘅鋒味廚房，食點心竟然配搭非常少見嘅功夫茶。兩個茶壺，一個放有茶葉，另一個係裝住已浸泡嘅茶，令茶嘅味道相對保存一致嘅味道，唔會過濃或過淡啦！蜜汁叉燒包飲茶點可以唔叫番籠包食吓呢！呢度嘅叉燒包一如傳統，外皮軟熟，熱辣辣嘅外皮內就係香噴噴嘅蜜汁叉燒，而且餡料份量十足，夠晒足料，非常滋味！自家醬王鳳爪呢度嘅鳳爪用上自家醬王，味道極具層次。鳳爪入晒味，非常驚喜。米鋼脆蝦腸腸粉外皮用上紅糙米製成，紅噹噹嘅外表非常吸引食慾。軟糯嘅外表加上脆口炸蝦，口感非常特別！加上酸甜醬同喼汁嘅加持，令米鋼脆蝦腸層次更加豐富。水煮牛肉配紅薯粉雖然水煮菜式唔係茶樓嘅主打，但食起上黎水準唔差，牛肉鮮嫩，薯粉爽滑彈牙，質素絕不輸蝕，想飲茶又想食辣嘢嘅話真係性價比相當高。

今晚食飯的時候，發覺原來出面有兩間特有星空房，露天花園，下次食飯留星空房一試，再分享給各位朋友，今晚食飯有咕嚕肉，象拔蚌刺身香園豆腐，乾燒私房鮑魚角，老闆說香園豆腐，私房鮑魚角是本店特色小菜，香園豆腐食落外脆內軟，加上配上粟米汁，私房鮑魚角，用南非鮑配上鮮露筍，加上特別醬汁烹調，鮑魚夠淋，露筍爽口，味道特別，至於咕嚕肉，好脆口，有拔絲，汁唔太多下次一定再叫，整體來講，食物好味，地方唔迫，服務OK，衛生可以，會再來

元朗哩一間餐廳，😙中午lunch time都好旺人，坐滿座，睇嚟都好受歡迎。濃郁嘅酸菜魚，😍惗到中午都可以食到。新鮮魚片，魚肉都夠滑，魚湯中更加有多種嘅配菜，✨芽菜，筍片，🌶少少辣椒調味，更惹味。炒河粉都好有鑊氣，🔥而且都有香，豉油的味道調教得啱啱好，好濃香。👍🏻加上韮黃一齊炒，更加有蔬菜嘅香氣。我哋仲叫咗個炒菜，🐷入邊有肉片同埋椰菜，蔬菜🥬夠爽口，清香，水分足，所以食起身好有口感。