銘記美食

我唔想讲太多，有无人话我知，呢碗野真系担担面？揭开碗野𠮶刻心里面爆左200句粗口。唯一合格咪系杯菜蜜啰。以后就算成个石围角无哂餐厅都唔会再帮衬。p.s.食紧。我应该煮得好食d。…查看更多

话说今日去食饭。由于两送饭吾见有标价，于是我问佢两送饭几钱，佢话45。佢问饮咩？我话系咪包饮品？佢话系。但后来听其他食客（外卖的）叫两送饭佢收36蚊。我埋单时，佢话48,我话我系两送，佢话堂食45,饮品3蚊（明明一开始话包饮品）,我话咁两送外卖就36？佢话系，话有得坐有得饮，意思贵过外卖。其实正常吾系外卖贵过堂食咩？觉得店家不老实，而且食物质素一般，难怪每次经过门可罗雀。总结来说，是次是不满及失望的。…查看更多

事源我地去接个朋友 再去朋友屋企打麻将嘅戈咁系佢楼下食咗个早餐先再出发由于个朋友已经系呢间餐厅先嘅所以我去到直接见到喇跟住食咗呢间颓颓茶记嘅早餐铭记美食咁就绝对称唔得上咩美食嘅咁我哋就叫咗个早餐我就叫咗份早餐系鸡扒公仔面一种不过不失普通茶记嘅感觉类似啲大光面咁嘅公仔面啦鸡扒唔算特别大块都唔系话好味好普通嘅茶记感觉黎 跟住又跟份餐肉煎蛋同面包游闲嘅一个茶记早餐可以话系一个颓颓嘅早餐盛惠$35一个屋村嘅早餐…查看更多

午餐，附近真系无咩选择，得个几间差唔多样既茶餐厅，就求其近近地食铭记。12：00算早，所以入边得两三枱客。午餐$45。猪软骨饭跟热好立克。冻饮+$3。猪软骨几冧，入味而唔会太咸，个汁捞饭岩岩好。系几唔错既。口水鸡系用急冻鸡腿，个酱汁唔太辣，不过个鸡肉淡口，食落又冻冰冰既。味道麻麻，唔好食。沙姜鸡都系急冻鸡腿，有2条菜食下，勉强OK，因为个味系偏淡。沙姜个酱浓d会更好。另外一位食常餐，芝士牛油三文治，配瑞士鸡翼加捞丁。听说，个鸡翼好难食，又鞋又干，唔知返叮过几多次。总结，整体一般般。…查看更多

20-1-2019 (Sun)朝,老公o系呢间新开o既铭记买早餐返屋企食,我话想食有牛油多士o既餐,佢见到o既早餐都系三𩠌汤米粉,面同通粉,我要$35.00o既 火腿,煎鸡扒,蛋通粉,牛油方包烘底加$1.00,要热奶茶.老公要$30.00o既炸菜,餐蛋面,饮热柠水.等成15分钟,老公至买到返o黎,开餐.热奶茶同热柠水都好热,先饮啖热奶茶,茶味好甘,要加成包糖饮,我已经好耐冇加糖,就算加都只系半包或半茶匙,但呢次要成包都重系甘涩,唔掂,唯一就系口感系滑.味道: 0.8分烘o左底o既牛油方包,薄切都算,但烘得少同唔脆,牛油亦唔多,唔甘香.味道: 0.5分老公o既牛油方包,牛油更加少.味道: 0.8分我碗火腿,煎鸡扒,蛋通粉呢,汤底清亦唔太咸;煎蛋系全熟,好耐冇食过全熟o既蛋;火腿薄;全熟鸡扒厚度适中但又唔干,咁就唔错,不过有辣椒,但幸好唔辣;通粉口感正常.味道: 3分老公o既炸菜,餐蛋面同热柠水呢,佢话普通茶餐厅水准.抵食系1.5分…查看更多