銀龍粉麵茶餐廳

叫两杯冻柠茶少冰，黎到有杯d冰去到个底，饮筒都插唔入，另一杯无事，望其他枱杯野得几粒冰，有礼貌同阿姐讲，都未问佢可唔可以换过杯，阿姐望都无望过杯野话唔得，净系可以不走d冰，我话d冰满架播，同佢讲多句反白眼走左去，态度奇差，问另一个阿叔又系望都唔望话净系做到不走d冰，好呀睇你敢唔敢不走晒d冰睇下净几多，不完翻黎杯野无左半杯，但仲系有大半杯冰，有人唔敢不走全部冰，cls乜杯冻柠茶好贵咩？本身叫左少冰变多冰，仲要唔听人讲态度又差，唔知点解食个饭要受委屈，两个侍应都好惊换过杯比你，换过杯好似惊换左条命比你咁，银龙真系狗也不吃，一星都比多，好生意呀…查看更多

平时去茶餐厅或者饭店食杨洲炒饭，用料都系比较少，虾肉好细粒，叉烧粒，火腿粒或蛋嘅配料都好少，不过今次去银龙茶餐厅见到有 大虾杨洲炒饭，就试吓系咪真系有大虾先。大虾杨洲炒饭 $68 送可口可乐一罐上到枱果然真系有大虾，最少有 4 只，唔知下面仲有冇，起码俾咗六十几蚊都要真系有料先得㗎！银龙果然冇令我失望，大大只虾仁，而且叉烧粒都好多，重要系炒得好干身，不会油淋淋，食落香口美味，虾肉够爽，叉烧粒同蛋够香，淡淡的咸味，好好食，真系不错的选择。…查看更多

朋友介绍我去银龙食午餐，推荐佐几款招牌嘅，最后俾佢拉住入咗喇沙肥牛汤拉面配卤水拼盘嘅陷阱😆。首先嗌咗碗罗宋汤，汤底浓郁，料真系实在，啖啖蔬菜同牛肉，滋味百分百！之后主菜上枱，啲肥牛薄切嘅刚好，入口即溶，喇沙汤底嘅香浓同辣劲火辣辣地扑鼻而来，过瘾得嚟唔会太攻鼻。啲卤水拼盘仲要赞下，卖相掂晒，食落同样唔系输论，红肠微微香口，豆腐同卤水旦又腍又入味，加埋牛展同生菜一齐，呢个拼盘功夫凸显。整体经验抵赞👍，朋友你推介得好，下次仲要再嚟挑战其他款式，银龙，你好味！…查看更多

周末早起，于是便到附近茶记银龙叹番个早餐。A餐 $38 ~~火腿通粉炒双蛋配牛角酥热咖啡B餐 $48 ~~猪扒肠仔煎蛋(转炒蛋)火腿通粉热咖啡早餐不过不失，炒蛋算滑，价钱亲民。…查看更多

今日去呢间众安街银龙餐厅食嘢，叫咗一杯热咖啡（由于上次我叫即磨咖啡嘅时候，餐厅店员叫我唔驶再叫即磨，净系叫咖啡已经可以，因为而家只剩返即磨咖啡一只，所以唔使再叫即磨），跟住黎既咖啡嘅味唔系即磨咖啡，我就问佢点解唔系即磨，佢今次又话如果要叫即磨就要讲明，我就话你哋明明上次叫我唔使咁叫，跟住佢话依家要咁叫返，咁我问佢可唔可以帮我转返，因为你地两个店员叫客人点叫order都唔同，跟住有个白头厨房佬出声话落咗糖唔可以换比我！其实首先佢哋店员叫客人落order叫嘅名次次都唔同已经系佢哋唔啱，其次系一杯几蚊嘅咖啡者，自己店员唔啱都唔肯换返比个客人，我以后唔嚟嘞！为咗一杯几蚊嘅咖啡而损失一个客！…查看更多