銀河牛腩牛雜粉麵

同老婆出深水埗買電話卡，冇乜Idea唔知食乜好，就是但求其撞入一間粉麵舖試試，反正見到都有8成客坐滿，應該唔會點衰，呢個係民間智慧😆。人哋主打牛腩牛什粉麵，我就係偏要反其道而行 - 食飯。🐑咖喱牛腩飯，飯餸分開上，份量好Generous。牛腩起碼有13片，薯仔雖然較出面其他舖頭細粒咗啲，但卻以數量取勝，以成碟飯撈滿汁嚟計算，多到幾乎每兩、三口飯就可以食到一粒薯仔。咖喱菜式薯仔係靈魂，喜歡食咖喱嘅朋友嚟呢度，必定大快朵頤。牛腩係佢粉麵檔嘅原汁牛腩，只不過係淋咖喱汁上面咁解啫，市面上一般有賣咖喱牛腩飯嘅粉麵舖都會係咁做。牛腩特別叫咗肥腩，嚿腩有肥又有瘦係好享受。肥嘅部位油脂豐腴甘香；瘦嘅部位就差啲，比較靭咗少少，但整體上肉質係ok嘅。汁料方面，個咖喱做法係十分港式，有打蓉晒乾蔥頭嘅甜、又有蒜蓉嘅香，仲有蠔油、豉油、咖喱粉混合而成嘅咖喱膽，質感濃稠，而且香濃，特別要Highlight嘅係冇椰汁，辣度十分足夠，應該係我近年食過最好食嘅港式咖喱菜式。咖喱牛腩以外，老婆叫咗碗魚皮餃墨丸河，魚皮餃冇乜特別，反而墨丸幾有驚喜，下次可以外賣一打半打生料番屋企打邊爐。…查看更多

叫咗酸辣米線同招牌牛三寶都好鹹🥴🥴一半都食唔到勉強吃了1/3不會有下次！酸辣米線可以做到難食也是很厲害😑食米線加送居然被三番四次大聲呼喝不耐煩都係第一次見一次過落單一次過講酸辣米線加水餃有冇咁難明白？已經唔係分開落單都可以極度唔耐煩～平時客人只食淨米線不會加送所以先會咁驚訝？重複三次確認越叫越大聲都好哋哋配合答覆佢都俾佢無視走咗去完全係莫名其妙！負責收錢加落單那個短髮侍應吖姐真係極度無禮貌就係講緊佢一個人影響成間鋪形象⋯…查看更多

今天計劃到富有香港特色的平民百姓尋寶地深水埗逛逛露天街市及找三家較有港式地道風味的食肆品嚐美食。首先去了桂林街食腸粉，跟著去這家“銀河”吃牛腩牛雜粉麵。“銀河”已開有多間分店但都在遠遠新界區的元朗、屯門及天水圍，只有這間最近九龍市區。我叫了一碗牛筋米粉HK$33、一碗五香牛雜粉HK$33、再加HK$5有杯凍奶茶。牛腩、牛筋炆得好腍又入味，牛雜有牛肚、牛肺、牛膀、牛腸等全部都好食，湯底較淡，如果加多些腩汁會更好，記得配上店家自製的有渣潮州辣椒油，夾到啱啱好，另外杯奶茶好有茶味，比很多店都好…查看更多

我和朋友不嬲都很喜歡食牛筋腩，今天計劃是去深水埗桂林街食腸粉，跟著去食豬潤麵，點知，食完腸粉行去食豬潤麵之際，經過銀河，見到裡面什麼事呀，咁多人嘅，行近D望望，哦，原來係牛筋腩麵，我和朋友見到咁多人、把心一轉，由豬潤麵變成牛筋腩麵，我哋叫咗一碗牛腩麵$30、一碗牛筋麵$30、再加$5有杯熱奶茶，牛腩、牛筋炆得好霖又好味，湯底又正，再加上佢哋嘅潮州辣椒油，夾到啱啱好，另外杯奶茶好有茶味，比很多店也好，今次真係誤打誤撞！…查看更多

今日收工 行經深水埗買野 買完之後就搵野食啦 ，經過呢間鋪頭真係無心插柳咁入左呢間到食 拎住太多野唔想周圍行就入左黎 ！🤔入到黎坐抵有個呀叔 同枱見到我唔知食咩好 ，就介紹左我食崩沙腩飯 咁就是但啦 都唔想諗咁多😂黎到見到份量都幾大份下 都打個特🙈一試 不得了 真係好耐未食過咁出色牛腩肥瘦岩岩好 可能崩沙腩關係係啦 仲有少少彈牙爽口😍真係好誇張 辣椒油又夠香又夠辣 爽🤤🤤真心唔係賣廣告 行經真係可以一試 👏🏻👏🏻…查看更多