銀座 篝

晚餐时候都需要排一阵队。餐牌颇多选择，除咗鸡白汤，仲有加左唔同味道。有d 新鲜感。鸡白汤特制拉面汤底：鸡汤味浓郁。相对于坊间有d 比较奶味嘅汤底，呢个嘅鸡味相对重一啲，似系传统鸡汤但呈现杰身浓稠嘅质地。另外佢多咗一层油喺面，令到味道再浓郁一点，如果怕油嘅朋友就可能有啲介意。面条：正常日本生面嘅味道，份量颇多。食到最后都冇咩碱水味系个汤到。材料：特制套餐比起普通餐多左一碟配菜。有两片鸡肉，一件比较嫩滑，一件正常水准。唔鞋口但又未去到好嫩滑好惊喜嘅地步。🤔松露鸡白汤酱油拉面汤底 :  松露味系非常充足，浓郁到完全遮盖左鸡白汤𠮶种鲜甜嘅鸡味，净系饮到好似忌廉黑松露汁咁样。我原本以为系鸡汤味为主，再带少少松露增添多一点层次，但系而家松露嘅味道完全over power咗。本身个味道唔差，但就冇鸡汤味。除非一心只系想食到松露汤底味，否则唔推介。🤔鸡白汤抹茶Soba汤底 : 第一次见有抹茶味嘅汤底，好奇心起点来试下。其实味道唔伏嘅，带有淡淡嘅抹茶甘香，居然成件事系夹到。不过如同上述，抹茶嘅甘香味遮盖左鸡汤果种鲜甜味。自己试一次就好，比较上来都系原味嘅鸡白汤最鲜甜最推介。饺子：正常日式饺子嘅味道。…查看更多

《银座 篝 - 尖沙咀》原来鸡白汤可以咁浓郁架😍前排睇杂志见有介绍呢一间日本过江龙既拉面店，每逢搭飞机番香港前都会食多碗拉面先走💁🏻‍♀️呢度同样由日本人坐阵监控品质，重点系喺正我返工地点附近，趁住一个人食lunch唔知食咩好，就一于去食鸡白汤拉面啦🥰本人其实都好钟意鸡白汤，平时喺香港食到嘅通常都比较水一啲，但系呢度制作嘅鸡白汤浓郁到挂汤，有啲似忌廉汁嘅口感，今次我就拣咗松露鸡白汤拉面加玉子 $133 + $38，另外仲叫咗份煎饺子 $38 同埋炙烧叉烧饭 $38煎饺子作为前菜几惹味，一共有五只，如果一个人食略嫌有啲多，如果之后可以推出一人份就好啦💁🏻‍♀️个人觉得第一次食应该要食原味鸡白汤，因为松露鸡白汤拉面个松露油味道都几霸道，会抢咗少少本身鸡汤嘅香气，但系如果你同我一样都好钟意食松露嘅产品，呢一款拉面嘅松露味道绝对系够晒，个面系用咗粗太面制作，口感比较爽口同埋挂汁，个摆盘其实系靓的，但系有几款配菜我都麻麻哋钟意😆个面会另外配咗姜蓉同埋炸蒜俾你提升味道嘅层次，食完个面就可以好似日本人咁加个叉烧饭，用埋鸡白汤拌匀再食，咁就唔会浪费咗咁浓郁嘅汤啦𠮶炙烧叉烧饭比想像中淡味，如果唔系配埋个醋汁的话本身唔够惹味，我自己个人一开头系配醋汁，后再用鸡白汤汁拌匀再食，叉烧唔系入口，即溶𠮶一种口感，比较似我哋平时食到嘅猪肉片感觉，个人觉得拉面比个饭出色😌…查看更多

《银座 篝》拌面 (连汤) 🍜📍尖沙咀河内道18号K11购物艺术馆B2楼B232号舖原味，松露，抹茶，都试过晒，今次试拌面。碗面未送到前，职员比定支酱汁我，话唔够味可以加，我心谂，会唔会又系 d 淡茂茂嘅面，将加味嘅责任交比食客自己话事？非也，碗面一上，一夹，发现所有面都上晒色，食落其实都几够味，完全冇需要额外加味。同拉面唔同，拌面用嘅面系较粗身嘅面，中太面至太面之间，口感扎实烟韧，几有咬口。食到咁上下，捞埋生鸡蛋。呢只蛋蛋香好够，捞埋食口感变得更滑溜，有蛋香加持下层次感又上一层。呢款面佢会连一杯仔鸡白汤，上嘅时候我问职员个汤嘅建议食法系点，职员呆一呆，尴尬笑左野，之后叫我等等，去班救兵。另一个职员叫我可以就咁饮，或倒埋落去食都得，真系唔该晒嘅。见个答案咁行，我就冇理佢，当平时食沾面咁食。不过事实系唔太work，因为个汤太稀，个面唔多挂得起佢，所以其实一啖面，一啖汤咁食会好d。整体我都觉得还好，因为呢碗面可以就咁食，捞生蛋食，同配汤食，体验还算完整。而面本身嘅调味都几香，酱油咸度刚刚好，趁天气咁热，呢款拌面都系唔错嘅选择。…查看更多

去日本食拉面银座篝大家都不会陌生，特别是去到成田机场通常都会碰到。银座篝终于在香港开分店，选舖位置很有眼光，位置在尖沙咀河内道K11地库，前往非常方便，人流亦极旺，毗邻一兰拉面及三田制面所。在日本成田机场吃银座篝，往往又多人节奏又快，感觉像吃快餐。香港新店虽然多人，但节奏比较慢了一点，可以舒缓一下。香港店座位约有三十个，有四人座及二人座，亦有吧台位，吧台座位可以透过玻璃看到厨房。面店设计舒适，空间感随和而不局促，面店是开放式的设计，冷气不强，吃完热烫的拉面会冒汗，亦偶有虫子飞过，外面嘈杂的人声亦可听到。我在平日下午5:30入店，座位未满可以直接进入，不用排队，被安排坐在吧台的座位，我点选了鸡白汤Soba及煎饺子，银座篝最扬名的是摆盘，拉面上台时给吸引客人眼球，配菜鲜艳的颜色在奶白色的鸡白汤及Soba的衬托下显得份外美艳。鸡白汤温度很热烫，汤的浓稠度虽然与罐头鸡蓉忌廉汤相若，味道头段不抢口不浓郁，鸡味只有一点，中段滑溜，尾段没有后续没有余韵，舌头虽然不留香，但似乎让人留意到面条质地的顺滑。调味酱有特设的炸洋葱蒜片及姜蓉，而台头上有黑七味粉、洋葱油、黑胡椒粒及美浓有机玄米酢，各位吃拉面到中途时，本人建议可以加入一点配酱试试，玄米酢我的建议是用来点配菜蔬果；姜蓉是用在低温慢煮鸡叉烧，炸洋葱蒜片洒在拉面上，感觉似吃越南汤河或印尼捞面；黑七味粉及洋葱油建议多加一点在汤内，口感很新奇亦特别。副菜煎饺子一碟五只，外形微涨似金元宝，煎饺子饺皮咬口感不俗，咀嚼时感到有嚼劲，饺肉的份量刚好够两口，味道平凡有点缺乏鲜味，只是一般可口。银座篝要收加一服务费，我这份餐结帐埋单刚好$150，我用八达通支付，没有任何优惠或免费招待。尖沙咀银座篝我认为可以一试，银座篝除了拉面，亦有沾面。副食除了煎饺子，亦有唐扬炸鸡及叉烧丼。…查看更多

得知东京人气🥢🍜鸡白汤拉面店嚟咗香港，忍唔住要试吓啊。🔥银座 篝🍜鸡白汤拉面银座篝以鸡白汤汤底而闻名，汤底选用整只鸡🐔与鸡骨精心熬制，经过数小时慢火炖煮。🌟奶白色的汤底入口creamy，如法式浓汤般细致滑顺😋配爽口的拉面，滑嫰鸡胸及时令蔬菜。💯🍚松露奶油鸡肉饭鸡肉火炙过几香，松露香浓💓👍🥢煎饺子外皮脆卜卜，一咬爆汁。🥤饮品：无酒精梅酒十分清爽。地址：尖沙咀河内道18号K11购物艺术馆B2楼B232号舖…查看更多