鈺膳潮州菜 & Bluemount (金朝陽中心二期 - Midtown)

营业中

休息中

自疫情後變得抑鬱嘅蕃薯uncle於年半間爆瘦咗二十磅，好彩人逢喜事精神爽，生日見多咗朋友後連胃口都激增埋，近期收到風有餐廳開幕或者係優惠推廣都會第一時間與大食會組員分享。話說長輩從一編報導得悉人氣熱店「鈺膳潮州菜」嘅店主為兩位年青人，而座陣嘅大廚卻係擁有三十多年經驗嘅老師傅，三人冇代溝之餘，短短合作咗三年已可於餐飲業不甚景氣嘅情況下開分店，所以就相約一同去見識吓。「鈺膳」新設之分店位於銅鑼灣登龍街一幢食廈內，方便又易搵。佔用面積全層嘅中菜廳樓底高高，光線充裕，不過可能因舖上地磚，用餐大堂嘅聲浪頗為嘈雜。幸好六人被安排入座私隱度較高嘅私人廂房，有專人服務之外，房內仲有部空氣淨化風扇，既涼爽又衛生。細問下得知新店有個好特別嘅賣點，就係其伙伴「Bluemount Café」善用二十五樓高層所設嘅室外座及靚景打造出嘅空中精品咖啡屋。（由於當晚有人包咗場，所以唔係好影到相。）潮州菜配咖啡真係夠哂噱頭，原來白色部咖啡機仲堅有來頭，綽號為「咖啡機中嘅勞斯萊斯」！嘻嘻，最跟得上潮流嘅契妹都唔弱，見到旁邊部多管式玻璃咖啡機裝置即估到有冷萃咖啡飲，無奈咖啡師話最快都要十一月先會推出。唔怪得知下午茶設有小食

今晚其實book了另一間酒樓.不過去到不對路.即走！！！！！在同一大廈找美食！！結果去了這間潮州菜館.本身是潮洲人的一家來到此店.環境不错.因座落28樓.我們日order了two dinner set. 最平那set $298.但媽媽想食抄河所以三人只order 兩set二人餐另外將湯轉了潮州翅.來潮州酒樓一定要食潮州翅.就知是否夠功力！！！ 差點忘記了影相分享第一度菜已經感覺良好~~~蝦棗夠乾身及有彈口嘅feel.翅到了~~d煙不停上升.夠熱已勝了一半！果然果翅底夠濃不是那種生粉打出來結的那種.我比95分.好食過樂口褔.這個值85分.15分是太少份量.鵝肉入味.總結：一定要最少試一次.

雖然我只係半個潮洲人，但係都好喜歡食潮洲菜，因為食完成個人肥晒😂。今晚來到呢間潮洲菜，炸物拼盤好味！大家話發菜卷好香，但係我就覺得炸豆腐最好食😋因為外面脆脆地，裡面軟綿綿滷水鵝片就係必試㗎啦，份量充足，肥瘦適中，不錯吃！裡面嘅滷水豆腐都好好味滷水味適中。魚方面我哋叫咗半煎煮馬友，好滑嘟嘟！仲有叫咗外面好少有嘅芋頭窩飯，配料可以炒得香啲，整體都可以。最特別係侍應哥哥介紹嘅潮洲pizza—糖醋麵！好味！加醋同埋白砂糖食味道剛剛好！我一個人食咗大半碟！最後上埋甜品水晶飽，甜度適中個皮唔硬，quite nice!環境舒適，服務一流，多啦a夢誠意推介😂🤣🤣😂😂🤣🤣😂😂🤣🤣😂😂🤣🤣😂😂😅

一邊食點心一邊飲咖啡，絕對係依度嘅特色。今次係星期日中午就黎呢度試下，雖然時間尚早，但人客經已坐滿 😜 坐喺平台位置，陽光普照下十分舒適。點心種類不算多，不過望上去各具特色 🤩首先上菜係黑毛豬蘿蔔絲酥餅，外型脹卜卜，蘿蔔絲同黑毛豬味道十分合拍，咬落去酥皮顯然層次分明，味道一絕值得推介！擔擔灌湯小籠包，呢個小籠包亦值得推介，不單止皮夠薄，湯汁亦很美味，微微少辣，吃得出擔擔面的精髓。😋😋蠔皇叉燒包，相對地一般，不重不失。陳皮牛肉腸粉，淡淡陳皮味吃落去有一種餘韻，可惜皮有一點過厚。最後仲叫咗個沙嗲黑毛豬多士，係中西合璧嘅點心？😂😂 跟餐配咖啡一杯，個多士除了芝士沙嗲味之外，仲加咗藜麥，食落更有口感。整體來說點心非常不錯，食點心最緊要溫度夠熱，仲有依度啲員工態度非常有善，效率極快。😃

  「月是故鄉明」——鈺膳的採購團隊在潮州，遍地搜羅最優質的食材、可口爽脆手打鮮丸、美味嫩滑滷水鵝肝、鹹甜佳備家鄉粿點.....各式各樣珍饈百味新鮮直送到香港。配合廚師爐火純青的廚藝，彼此互相輝映，猶如天作之合。如此一道滿載家鄉風味的菜餚就在眼前，色香味俱全，讓人垂涎欲滴，一試難忘。

又要在銅鑼灣開餐，真是有點苦惱🙄！隨機選擇接受訂座也有二百多間，竟然在頭十數間發現了一家潮州菜餐廳；再看餐牌有我愛吃的韭菜棵和久違了的紅桃棵。外婆還年輕時，過節總是可吃過不停。現在，只可在九龍城購買，但質量就真是差太遠了。皮薄，煎得又夠香脆，由原本的桃紅色變成金黃色。口感不算太油膩，餡料就中規中柜；除了主打的糯米外，有少量花生、冬菇和豬肉。如果餡料能加入更惹味的材料，如：蝦米取代豬肉，加入九層塔（金不換）；便可成為五星美食🏅。不同潮州地方，其家鄉配料也略有不同。韭菜棵（$58/4個）其實也算不錯，水晶皮也算薄，韭菜味也濃郁；但可能油炸關係，口感太油膩了。這客綠豆蓉棵外皮煙韌，口感不太甜；略嫌綠豆蓉份量少了一點，口感又油膩了一點；如果換了是蒸可能會比較好。蠔仔有鮮甜味，差不多每一口也啖啖蠔；口感不算太油膩。蛋的比例又多過粉，這才是真正的蠔仔烙。傳統是用鴨蛋，可惜沒有金舌頭，未能告之大家它是用雞蛋還是鴨蛋😅。這客鮑汁雞腳真是將雞腳放入湯汁內炆，所以很入味。如果鹹味可減少少，就更加美滿。

好耐冇食過正宗嘅潮州菜，今次冇選擇錯👍。首先食個潮州紅燒翅先😍，潮州嘢係比較胡口😋，翅都好夠份量，差唔多有二両😍，正👍。再嚟係傳統嘅潮州紅桃粿😍，呢樣係過年實有得食嘅😋。外面係粉皮，包住由蝦米、冬菇同糯米飯，再煎到外表金黃色，咬落去皮脆內嫩😋👍。到滷水鵝片，滷水味香而唔咸👍，鵝皮帶住少少🤏啫喱，片片厚薄均勻💪，真係應該要叫碗 ( 妹 ) 來食🤣。黑毛豬蘿蔔絲酥餅，豬肉香而不膩，蘿蔔絲甜，酥皮又鬆脆，口感一流😋👍。最後食埋清心丸綠豆爽，又係胡口嘅糖水😄，唔算太甜，我都可以接受👌。清心丸夠Q彈，綠豆爆開晒，飲落肚好舒服，如果有凍食就仲好添😁。今日都算多人，服務態度好👍，仲有好多潮州菜食，可以再去過😋👍。

外出口罩不離面、每日重覆使用搓手液、限聚令下絕少與家人齊齊整整外出用餐 ......... 當一切一切習以為常，疫情變得沒對生活扣成太大不便，但其實影響依然無處不在！就以每週與老媽飲茶見面的日常而言，疫情前我們經常惠顧的老地方 (酒家)，在斷斷續續的經營下，最終不敵疫情而正式結業！回想我和老媽經歷一段東家去、西家去，非常迷失的日子，幸好碰上「鈺膳」方可安頓下來！「鈺膳」有兩家店，一是灣仔的老店，而我們常去的是位於銅鑼灣的新店！銅鑼灣的「鈺膳」在 25樓之高，設有一個可眺望鬧市、環境舒適的露台。而另一個賣點是內設名為 Bluemount Cafe 的咖啡角落，駐場咖啡師可為客人提供咖啡和西班牙黑毛豬火腿美食，實行提升潮州菜的潮味兒，我喜歡這個 Idea！試想想秋涼之際在露台嘆杯咖啡，嗒下火腿，再來一碗潮州魚蛋粉，潮潮共享，多滿足、多寫意，不是正正針對香港的需要麼？！「鈺膳」除主理潮州菜外，午市同時提供潮式和粵式點心，兩者也甚有水準，這兒親切的侍應與及寧靜的用餐環境，更是加分之處！首先介紹一些潮州點心，據知部分是從潮州訂製，所以嘴巴盡是正宗的潮味。上圖從左至右分別是潮汕鼠殻粿 HK$58、

創意潮式下午茶，有新意，價錢親民，環境舒適，食物飲品質素高👍四款點心，三款咸一款甜，賣相好吸引😍蝦米薯仔粿：薯仔、紅薯澱粉加蝦米，香，有d似煎薯餅🤩地道韭菜粿：潮汕特色小吃，韭菜餡香，QQ的番薯澱粉皮，不過有少少油😆千絲芋頭糕：粒粒芋頭，煎得脆皮，正😄潮汕鼠穀粿：粿皮由鼠曲草及糯米粉製成，紅豆餡，唔太甜，入口軟香甜潤😋熱朱古力：拉花好靚，朱古力香濃，露可味好香又唔太甜😎花生&咸酸菜：花生香脆，咸酸菜甜甜酸酸，配茶好夾，吹水hea坐恩物🥰

好多年冇食過潮洲嘢。朋友黎過呢到食lunch 覺得好味，所以就搵晚黎咗試。裏面都幾大，啲檯嘅距離好闊，呢個時勢黎食都好安心.滷水鵝片：鵝片Ok, 夠味, 但鵝肉唔算滑. 墊底嘅豆腐好好味, 滑兼入味.蠔烙：好味. 雖然唔算好多蠔, 但勝在煎得剛好, 唔油, 唔會太厚太大舊. 胡椒豬肚湯：唔算好辣. 菜新鮮.韮菜粿：好多韮菜, 韮菜味夠香, 個皮厚薄剛好, 但都油. 水瓜煮魚鏢：水瓜煮得剛好, 唔會太淋, 個湯清清哋好啱襯其他重口味餸. 糖醋麵：超好味. 鐘意佢夠薄但又唔油. 炸得剛好.芋泥：超正. 夠熱, 唔油. 最鐘意個芋泥唔係滑嗰隻, 係仲有啲芋頭小粒響裏面。服務好好. 啲阿姐都好親切. 總結：基本上全部都幾好味. 全部人讚好. 絕對會返黎食個糖醋麵同芋泥.

大滿足!  一湯+九款小菜+兩款甜品。 推介胡椒豬肚湯、普寧豆醤雞、潮式凍烏頭魚、金不換薄殼和椒鹽魚蛋。店舖佈置清雅，服務員十分親民有禮。 食材新鮮，『潮式凍烏頭魚』清甜；『普寧豆醤雞』嫰滑；『椒鹽魚蛋』爽脆。兩款甜品都恰到好處！此次用Openrice 訂位，可免茶介！

食物質素中規中矩。但是有一個女知客加侍應（長啡頭髮）態度非常之差，叫佢就話等陣 但冇回頭，再叫佢時，佢話好忙、忙到頭暈。但係就見到佢不停出入VIP房服務裏面的客人。咁樣嘅服務態度都可以嘅？

和長輩到銅鑼灣食下午茶，他是潮州人，於是到鈺膳試下。那天是平日的三點半後，只有我們一枱客！窗口位，有開揚遠景。下午茶有ABCD套餐，只有AB是潮州式，我們各點一套，每套都配一杯精品咖啡。A餐是4款精緻潮州點心：薯仔粿、韭菜粿、芋頭糕和鼠殼粿。前3款是鹹點，後一款是甜點。全部都細細件，迎合想淺嚐各式潮州點心的客人，但對吃慣潮州菜的人來說，味道不特別出色。例如鼠殼粿，由於太薄餡少，嚐不出綠豆餡的味道，變得平平無奇。B餐因為有4片滷水鵝肉，比A餐貴得多，可是鵝片以外的4款點心比A餐更無驚喜，蘿蔔糕和年糕太普通，蝦棗和蟹棗味道接近，分不清哪是蝦哪是蟹，幸好炸得還算香脆。至於究竟食潮州菜是配搭鐵觀音還是咖啡更好？這點我抱開放態度。總的來說是一個頗有特色的下午茶，味道雖未見驚喜，但潮州點心配咖啡，還是有點新意的。

* Marinated Thin Sliced Goose 鹵水鵝片(HKD158) 👧🏻* Grilled Pork with Stewed Vegetable 火腩春菜煲 (HKD88)* Fried Eggs with Baby Oysters 潮州蠔仔烙 (HKD108)* Sweet and Sour Pork Belly 紅燒咕嚕肉 (HKD128)* Sweetened Taro Paste with Ginko 福果芋泥 (HKD45) 👧🏻* Ginger Potato Syrup 羗茨糖水 (HKD48) 👧🏻* Steamed Sweet Crystal Dumplings 雙色水晶包 (HKD38/ 6pcs)👩‍👧喜愛程度: 💛💛💛💛/5之前去過覺得食物唔錯夠正宗 價錢合理 知道佢哋係銅鑼灣金朝陽二期開左分店就決定book黎試下😄 可能開張無耐 晚市約六點黎到食客不多 但地方比灣仔總店闊落得多 而且餐廳位於25樓 可以睇到小小維港景色🌁 另外有室外坐位可以品嚐Fresh Brew Blue Mountain Coffee嘅咖啡同西班牙黑毛豬火腿☕️ 服務超級好

銅鑼灣金朝陽中心二期Midtown廿五樓新開一間鈺膳潮州菜館，環境舒適 服務到位，值得推介。此店主打黑毛豬，於是點了黑毛豬包，上桌時有驚喜，外型非常可愛，真係唔捨得食咗佢。煎蠔烙是必食之選，還有脆邊，蠔仔粒粒脹卜卜，鮮味無沙又乾淨，廚師還細心將蠔餅切開一格格方便分食。午市還有迷你沙爹牛河 $68，足料好味道，份量足夠2-3人享用。餐館大部份都是窗口位，但都比前面V Point 擋住景觀，如果訂到靠露臺那邊的窗口位，景觀相當開揚，可以同時一飽眼福和口福。