影片
行过乐富街市见到一位韩国女士开嘅外卖店，佢只系识少少中文，落单take order都系其他同事做，我心谂应该正宗，即管一试。果然有惊喜😃买咗紫菜卷，炸鸡，牛骨汤饭套餐同其他小食。海鲜鸡蛋鱼饼好好食，食到一粒粒墨鱼。牛骨汤饭套餐有好多嘢食，饮到汤底系用咗好多骨淆成。成个套餐份量都几多，一个人食晒饱到上心口。炸鸡用嘅芝士粉我睇住老板娘喺雪柜拎出嚟，真系用韩国货👍🏻紫菜卷有牛肉同其他配菜，算系足料。炒粉丝又唔会太咸。我最钟意系佢嘅韩国泡菜，唔会太干，酸味同辣度啱啱好，真系好似去韩国食𠮶啲咁。所有嘢都pack得好好，好整齐，感觉干净企理，加上乐富街市不嬲都系一个干净嘅街市，成件事都加分😃
继续阅读
偶然经过乐富街市，见到一间韩国菜外卖店，想试一试，就买了：Kimba套餐；海带汤饭套餐；酸甜炸鸡；牛肉便当和一些“伴菜”。非常用心制作，风味正宗。所有伴饭的伴菜都很好食，尤其“酸萝卜”。KimBa做得认真；难得还可配“套餐”。汤饭做得出色，又有“Punchan”。饭盒也跟韩国一样正宗，炸鸡就真系顶瓜瓜。而且价钱合理，值得一试再试！👍🏻👍🏻👍🏻
继续阅读
便当份量好大，外卖盒有一条长贴纸打直黐实个盒。好整齐又专业。好耐无食过咁丰富既便当，颜色悦目又好味。好有家的味道。下次会亲自去买，外卖有啲贵。不过天气好热。😅
继续阅读
夜晚外卖平台七点落单，等咗唔够20分钟有得自取，由离开舖头到屋企开餐唔够15分钟，炸鸡已经唔热但依然好脆整体上今次外卖食品虽然未至于人间美食，只属系正常发挥，但亦值得附近街坊间中食下，除炸鸡份量偏少而显得价钱偏贵外，其他嘢食都价钱合理，可能无缘分关系，舖头内未见有其他食评人所提及韩国大妈，接待都系地道香港人另外因为今次外卖平台自取比门市落单更平(约85折)，感觉上令炸鸡价钱合理番小小，如果优惠持续，应该会再帮衬
继续阅读
呢间韩国食店位于乐富街市内,近入口处.由韩国籍姨姨主理,提供多样韩国食物如泡菜,伴菜,炸鸡,便当,饭卷等,真材实料,值得推介.已经帮衬好多次,食物保持水准,份量由其充足,特别推介紫菜包饭套餐,我特别喜欢炸虾紫菜包饭,便当有包饭,辣炒年糕,炒粉丝同四款唔同嘅韩国配菜,即叫即做,如果比较细食,一份包饭便当可以分2餐都够,另外海鲜小煎饼同薯仔煎饼,泡菜煎饼都系好味同价钱合理嘅小食选择.
继续阅读