釗記海鮮小菜

8月10日电话订座晚饭，9个人，话明预算3000蚊食海鲜餐，菜式由钊记老细推介:一只碌鹅(楼面阿姐话只鹅重13斤)，椒盐鲍鱼（14只），豉汁蒸白膳（重约2斤几），粉丝蒸花尾趸（重约1斤），支竹火腩煲(小煲，堂食餐牌价88蚊)，西芹炒牛肉（中份量，堂食餐牌无尼味𩠌），杂菜煲（小煲，堂食餐牌都无尼味𩠌），原本有份炒饭嘅，后来cut左，因为仲未出餐。杂菜煲系因炒通菜估清临时顶上嘅。以上7个菜式，承惠3000蚊！！！ 不禁感叹:我真系化身一只大水鱼！！！ 埋单时我并未提出异议，老老实实现金结数。第二日朝早，比电话钊记老细，要佢出张单，写明每个𩠌收费几多，我转头过来摞，遭到拒绝。佢表明只写「海鲜餐3000蚊」尼几个字！ 以下是钊记老细同我通电话之语录:「隔离有张台8个人食，同你一样的菜式，人哋唔知食得几开心，赞不绝口。」「赞我嘅，唱我嘅都有，你食得唔开心下次咪唔好再来啰。李嘉诚，有人话佢好人，都有人话佢衰人，一样唧嘛。」「你食3000蚊，样样都要海鲜，我咪蚀死。」 至此，我都没必要同尼位老细再讲D咩嘢了。尼件事有个细节要讲清楚，我亲细佬同佢熟，经我细佬落唧order，全权由钊记老细自荐菜式。 结语:凡事都系要亲力亲为，别将信任交他人，换得方便当水鱼。…查看更多

通常想食海鲜时，作为大埔人都会到新街市地下行一转，买新鲜又靓的海鲜然后到2楼熟食中心揾师傅煮嚟食。我较喜爱2楼揾钊记帮手，呢间磅重是几袋总数计的，每磅约60至70元加工钱，再同客人沟通想点煮…很喜欢豉油王鲜鱿、椒盐濑尿虾、切片鲍鱼炒姜葱或陈皮蒸原只鲍鱼、再加条蒸鱼就是二人餐了，人愈多就食得更开心呢钊老板很喜欢与客人倾计，他最拿手的是芝士焗龙虾、豉汁蒸蟠龙鳝…午餐时的炒粉面饭餐连冻饮也非常抵食冬天食蛇宴，也值得一大班朋友嚟预订呢！…查看更多

《好味道嘅避风塘炒蟹》我今次要同大家分享一个超好味嘅餐厅，绝对系海鲜控嘅天堂！佢哋嘅避风塘炒蟹超爆多高，仲有劲多蒜蓉同埋葱。同出边食开嘅避风塘炒蟹好唔同、出面大多炸得比较干身同埋蟹会裹上炸粉。但呢度嘅避风塘炒蟹就好唔同，佢系原只配埋啲蒜蓉即炸，味道一流，超级好食！ ！仲有食过佢整嘅蒜蓉粉丝蒸扇贝，蒜味浓郁，粉丝亦极多，但因为其他朋友食得太快，所以冇影到相！但亦建议大家下次可尝试买上嚟加工！ ！总括嚟讲，呢间海鲜餐厅都值得推介！ ！…查看更多

翻开餐牌，拣左黑椒牛仔骨同鹅片先来个开胃🍴！黑椒牛仔骨火辣辣，够晒香，啖啖肉juicy得滞，骨旁依啲肉啖啖都咁滑嫩，把口水流晒一地。再食鹅片，啲鹅肉滑溜溜，鲜味十足，每块都吸晒啲香浓汁液，食落简直正到爆灯💥！转战海鲜，蒸咗个扇贝上台，块面铺满咗金黄色蒜蓉同绿油油豆苗，蒸得啱啱好，肉质弹牙又带点甜，蒜香衬托得啱啱好，整体味觉平衡得宜。班球则系另一喜出望外，炒得噼啪作响，表面饶有弹性，呢个做法保留咗鲜鱼嘅原汁原味。走后门出去海鲜市场，贪新鲜买咗个龙虾返嚟伊面底，劲！龙虾肉嫩弹牙，好似弹簧咁，伊面吸满咗海鲜嘅鲜美同汤汁，每条面都系唔舍得放落嘴以外。整晚食完，真系正过六合彩。朋友跟我一齐叹，都赞不绝口👍，成功将我哋普通嘅食海鲜夜晚，变成一场味蕾嘅盛宴！下次再扑埋啲新鲜嘅，试吓佢哋其他拿手菜，准备好饿返去一次啦！…查看更多

大埔街市必食屋企人一早订咗枱去到就有得食🤣最钟意佢个豉汁蒸鳝真系食到几碗饭可惜今次呢条蒸鳝，唔系话太肥冇五斤🥹但系都系好脆口👍🏻今次都有叫龙虾伊面，但系严重怀疑点解啲龙虾多过伊面咁多🤣呢张相入边系啱啱嚟到伊面真系好少到喉唔到肺，但系佢个汁系超级好食💃🏻真系细个喺酒楼食到嘅味道落咗去街市买蚝食菜新鲜真系点整都好食👍🏻豉椒炒蛏子炒到啱啱好，但系调味有少少Over叫咗两个小菜睇到佢嘅颜色咁足油就知咩料🤣🤣好食呀…查看更多