金鶴拉麵 (閩街)

营业中

休息中

今日嚟佐敦行街，咁啱經過呢間金鶴拉麵，就比佢嘅蟹湯拉麵吸引住🤤入到去餐廳，全部枱都係2人一枱，雖然張枱係有啲細，但店員即刻拎左個籃比我地放袋👍🏻個餐牌有好多款拉麵，每碗麵都大約$100左右，仲有人氣拉麵e.g. 雞白湯拉麵，不過我見佢有幾碗係期間限定，所以我就叫左碗北海道蟹湯拉麵，而我朋友就叫左碗北海道蝦湯拉麵。碗麵一嚟到，我地就即刻試飲左佢個湯先，真係好濃味😋😋👍🏻果然無揀錯！之後就輪到試佢嘅拉麵，軟硬程度適中，而且份量好多🤩除左湯同麵好食之外，佢仲有一大塊肉，半隻流心蛋🤤同埋紫菜，好足料～賣相亦都好靚😍兩碗拉麵比較嘅話，個人係比較鍾意蝦湯拉麵👍🏻🤤除咗拉麵好食之外，間餐廳同埋個廁所亦都裝修得好靚～廁所仲要有電視😂亦都好乾淨👍🏻除左佐敦呢間金鶴拉麵之外，佢仲有幾間分店～方便哂住唔同地方嘅人去試🤩👍🏻

好耐之前食過一次金鶴拉麵，果陣第一次食雞白湯拉麵，覺得好有驚喜。今次再黎食，質素依然保持到🤤  1️⃣極濃雞白湯拉麵 （$138）有炸牛蒡、筍、慢煮雞肉、叉燒、木耳同埋溏心蛋😍湯底係奶白色既，啱啱送到既時候有少少泡係面，飲落係真係超濃郁，比起我之前係度食既普通版雞白湯拉麵濃郁好多同埋好creamy。不過講真食多左有少少漏😂鍾意濃湯既一定會鍾意，但係比我揀我會覺得普通版既好味啲。  麵好彈牙好煙韌，而且因為湯底好濃，所以都好掛湯🤤配料最特別同埋最鍾意既係佢既雞肉，真係好嫩滑一啲都唔鞋👍  2️⃣黑蒜醬油湯拉麵（$98）蒜香味幾重，通常黑蒜油拉麵都係豬骨湯底，但係呢個就唔係，食落冇咁濃味，不過蒜香味都好夠😋  好味：7/10 環境：7/10 性價比：6.8/10  金鶴拉麵 Kane Tsuru Ramen  📍地址： 佐敦閩街3號地舖 📌有五間分店，另外四間係土瓜灣、天后、北角同埋中環  #佐敦美食 #土瓜灣美食 #天后美食 #北角美食 #中環美食 #食好西 #吃貨人生 #拉麵 #極濃雞白湯拉麵 #雞白湯拉麵 #黑蒜醬油湯拉麵 #金鶴拉麵 #kanetsururamen #香港拉麵 #炸牛蒡 #

而家無得日本旅行唯有食返餐日本野補數啦! 🥰好耐之前食過金鶴都依然keep到水準，但今次第一次叫外賣都好細心面同湯都分開裝。今叫左北海道海老濃湯拉麵, 北海道蟹肉拉麵, 炸雞。👅好興奮地返屋企食喇~ 拎到返屋企都仲熱辣辣，味道同賣相都同堂食都唔差得遠。今次唯一要彈嘅地方就係蟹肉碎稍為比較多蟹殻碎，但可以證明到真係新鮮蟹肉自己整, 個湯底依然係咁出色, 咁濃郁, 直頭拎住個碗飲哂D湯~ 可想言知幾咁好味道! 重點係有蟹鮮味!🗣️相比起蝦湯, 我比較中意蟹湯啦~ 本身中意食蟹多d, 但係蝦湯都富有蝦香味! 兩碗各有特色, 都有塊大叉燒. 紫菜等配料, 一定食得飽….👍🏻炸雞好脆皮, 金黃色, 夠熱!! 加上鹽, 小小檸檬汁, 更加好味! 😜😜😜

今晚拉麵品味之旅蟹肉湯拉麵 ,貓頭鷹雪松啤酒  ,厚肉蒲燒鰻魚串份量十分誇張  麵上放滿日本櫻花蝦 半隻蛋 一片叉燒 滿滿既拆絲蟹肉 加2片大紫菜有別於平時食到既湯底,係配雞白濃湯 用上日本雞肉雞殼去煲多個小時既鮮味濃湯奶黃色既雞白湯撞上鮮味蟹肉,撞出別有一番風味既獨有味道入一口濃湯,入口順口滿滿既雞肉鮮甜 食一口蟹肉鮮味濃香蟹味一口湯有櫻花蝦,蟹肉,鮮味中又帶順口甘甜既雞湯非常滋味叉燒選用瘦肉,入口質感細緻有彈性,麵條幼身有韌性幾彈牙!仲有啤酒同厚燒鰻魚肉串 啤酒消暑解溫解渴 入口滿滿汽泡好爽呀!鰻魚肉串口感實厚鮮嫩充滿油脂入口嫩滑平均消費$200評分8/10佐敦閩街3號地舖

友人試過，😎大力推薦推薦我去幫襯，於是乎放工happy Friday 走到這裏吃了一碗😍驚世難忘的拉麵….無論湯底同配料..都非常之好，真係好值得去食！而且重點係食完之後唔會有口渴嘅感覺證明咗唔會話太濃！相當適合我的口味。再叫了燒雞翼，調味適度恰好，值得一讚👍

行開佐敦又想食下拉麵，網上睇見呢間評價好高，我又去試下，果然冇令人失望😍坐低見餐牌都有好多款唔同湯底嘅拉麵，選擇都好多元化👍🏻 我叫左佢推介嘅極濃雞白湯拉麵🤤同一份唐掦炸雞。可能平日去，上枱速度都好快。先飲左一啖奶白色湯底，好香濃嘅雞味，又唔會太咸太多味精味。拉麵嘅質地偏軟，但配合埋配菜嘅脆炸牛蒡，口感就岩岩好。肉方面，有二塊雞肉，一塊豚肉。豚肉薄切，但好大塊，而且唔肥膩。雞肉更加一流，好嫩滑，完全唔會有柴皮嘅感覺👍🏻👍🏻一流👍🏻炸雞塊都一樣出色，肉汁多，夠juicy 👍🏻配合掂下佢有少少話梅粉嘅調味粉，更加好味！特別叫左一份魷魚筒， 超好味， 又juicy 我見佢餐牌仲有其他期間限定嘅海鮮拉麵，下次會再嚟試下。同埋佢哋仲有得外賣😍咁高質嘅拉麵有得外賣，店員話自取仲有折添👍🏻真心推介俾大家試吓

想食拉麵🍜，又想試另一款湯底，唔想成日食豬骨湯嘅朋友，可以試下呢間，位置係佐敦，叫「金鶴拉麵」。餐牌有拉麵，沾麵，鰻魚飯，仲有唔少炸物，串燒，款式都幾多。我哋試左人氣嘅極濃雞湯拉麵，唐掦炸雞同汁燒原隻魷魚筒😍極濃雞湯拉麵：上枱見到一條條嘅炸嘢好吸引眼球，即刻食左一條，好薄身所以好脆口。不過我同老公都研究唔到係咩食材😂所以問左店員😂原來係炸牛蒡👍🏻好好味。一啖夾起有脆牛蒡，又有彈牙拉麵🤤回味！ 旁邊2塊雞肉都唔細塊，又白又滑😘重點個湯底！！我好少可飲曬D湯底，因為怕太咸。但呢個拉麵鷄湯，好香雞味但又唔會太咸，被我飲曬🤣食完都唔需要大量飲水，證明真材實料，唔係靠味精嘅好嘢👍🏻唐掦炸雞：店員話因為雞塊細隻左，所以俾多隻😍有4塊。好juicy , 咬一啖有D汁漏左出嚟😂汁燒魷魚筒：呢個燒魷魚真係燒得啱啱好，唔會燒到皮太硬，燒熟左都大過我隻手。原料一定大大隻🤤 個汁又唔會太甜，用嚟點魷魚（我仲點埋炸雞）好完美！

👅極濃雞白湯拉麵呢間拉麵嘅雞肉係我覺得最好食啲雞肉😂😂佢係可以做到勁滑，唔鞋，蒙住眼食會覺得似食緊牛肉咁😍然後個湯底係極極極極極極濃厚😂好似用左2萬隻雞煲成一碗湯咁😚個溏人蛋係流心，一啖食晒隻隻蛋，堅滿足☺️麵質彈牙，最重要係吸晒啲雞湯，好食到可以食多碗呀😜．👅 黑蒜醬油拉麵特登叫另一款唔同嘅湯底試試，湯底好勁蒜油味，鍾意重口味嘅朋友一定唔好錯過，加埋好撚好食雞肉😎無得頂呀🤑．👅 黑椒燒牛舌串呢度牛舌串唔算平，但我好鍾意食牛舌，都叫左個黎試試😚入口即溶，保留到燒完之後嘅juicy，可以一試😉

相約左朋友一齊食拉麵，諗左一陣，不如試依間 金鶴拉麵 🤔拉麵不嬲都唔太好， 但原來依間係好特別， 有款拉麵叫 金鶴.雞白湯拉麵，湯底用赤雞熬製6個小時，濃而不膩😋，有兩塊慢煮雞胸，仲有一大塊叉燒超正👍🏻👍🏻，仲有炸牛蒡，芽菜，海帶絲😋😋$98 一碗，價錢合理，質素高，食到最後都唔會覺得油膩，我差唔多飲晒碗湯。👍🏻👍🏻店舖環境幽雅舒服，都幾有日本風，會再試，想try try 海老濃湯拉麵🍤

心情一差，就只係想食野🥲• 金鶴 雞白湯🐔沾麵 $138對於沾麵，係零抗拒力。基本上menu上有沾麵揀，我都一定會揀沾麵🙈個湯真係超白，味道濃郁，但唔油膩。初頭仲好怕會係好似忌廉湯甘creamy既口感，好彩唔係🙊麵底正常，唔會太淋，唔糊口，而且都幾掛湯👍🏻 幾鍾意個幾片肉同雞胸，肥瘦適中又唔鞋，係out of expectation🤤• 黑蒜醬油拉麵🍜 $98其實同沾麵既配料差唔多，不過麵底會幼身啲。湯底唔會過咸，清而不膩，飲哂成個湯都ok😬唯一挑剔既係個溏心蛋🥚 中間蛋黃部分唔算好流心，而且醃既時間唔夠？ 同食緊普通恰蛋既味道無乜分別😅 醃返入味啲就更好!外賣自取好似有折，見到OR定🐼都有平，唔怪得一路食一路聽到有外賣單😯 不過我都係鍾意堂食多啲，因為餐廳環境好靚好舒服😌

係佐敦行完街諗起好耐冇食拉麵，見到呢間門口都幾多人排隊，就行過去睇下。店面都算幾大，同埋門口裝修得好靚因為都幾多人排隊，所以我地最後叫左外賣番屋企食打開餐牌就見到期間限定既海鮮湯拉麵，所以我同朋友就即刻一人叫一個試下我地叫左北海道極濃蟹湯拉麵同埋北海道海老濃厚蝦湯一打開蓋就聞到好香，蟹湯係奶白色，蝦湯係橙色蝦湯拉麵入面有櫻花蝦同埋蟹肉，所以感覺上好抵一次過食到兩種口感蟹湯拉麵感覺上清啲仲有海帶食，感覺就比較健康我兩個麵既湯底都有試，蝦湯海鮮味重啲，岩晒種意口味重啲既人。而蟹湯就比較清啲，我自己就鐘意清啲既湯，不過兩個都係咁好食價錢又唔太貴，只係如果想堂食就要早少少去

呢幾日一直好想食拉麵！揾到呢間好特別既拉麵店雖然地點有啲隱蔽但去到都見到有人排緊隊等左15分鐘左右終於入得試左個雞白湯拉麵好重奶味 好滑有兩片慢煮雞胸肉 好淋好味另外仲想提下佢個炸牛蒡非常香脆 但略嫌有點多 有點膩朋友試左黑蒜油拉麵 非常香串燒都唔錯！

疫情咁耐無得飛返家鄉日本🇯🇵已經好掛住日本拉麵🍜不時都見到有人食呢間金鶴拉麵，佢地個「雞白湯拉麵」好吸引人🤤所以今日特登去食佢地招牌嘅雞白湯拉麵，好有驚喜！1️⃣🍜金鶴．雞白湯拉麵炸牛蒡脆片:好酥脆。但始浸係湯度，好快淋，所以記得即時要食！🤗配料:肉嘅份量十足，豚肉大大片，一啲都唔肥膩🤓雞胸肉係慢煮處理，滑嫩唔會嚡口，彈牙出色，超有驚喜。🤩湯底:雞白湯底，十分濃郁得。全個湯都係雞嘅精華🐓，好似飲緊忌廉湯咁少少杰杰地。（最後忍唔住飲晒成個湯😛）拉麵:彈牙又掛湯。🤟🏻2️⃣唐揚炸雞🍗：即叫即炸熱辣辣，配埋個白雞湯一齊食，一流🤤

.試左招牌”極濃雞白溫拉麵”同”北海道極濃蝦湯拉麵",個人覺得後者湯底更加出色,香濃蝦味仲要配櫻花蝦同蟹肉碎,口感更加豐富;覺得齋食麵唔夠滿足嘅朋友,可以叫埋"炸雞",炸到肉汁仲係鎖喺裏面👍🏻.🔻🍽 金鶴拉麵 (閩街)📌地址: 佐敦閩街3號地舖.#tummysready #tummysreadytoeat #tummysreadyinhongkong #tummysreadyatjordan #tummysreadyforjapanese #tummysreadyfornoodles

平時好少出佐敦，今日難得出到嚟梗係要搵好嘢食。舖頭位置係一條好唔起眼嘅巷到，而佢個門面都非常日本。男朋友話見到覺得呢間拉麵好似幾吸引，但係個人來講幾鍾意食重口味野，平時基本上係食沾麵多過拉麵，見到佢嘅湯底全部都係白雪雪，一直都冇咩期望😂我哋兩個人叫咗一碗金鶴雞白湯沾面同埋一碗蟹肉拉麵。先講過沾麵，望住啲湯，吖！又估佢唔到係咁濃郁嘅雞味，超級香。除咗兩塊叉燒之外，佢另外再有兩塊雞胸，肉質好嫩，唔似平時出面食嘅好「鞋」雞胸！🤪再嚟就係個蟹肉拉麵，本身想要有櫻花蝦嗰款，不過店員推介蟹肉咁就信佢啦！而佢蟹肉份量唔少，而且湯底亦有蟹味，不過個人來講就鍾意沾麵多啲喇！😋