唔想煮饭，落街去金记食个小菜套餐就最方便。有例汤和饮品，菜式选择多，份量足，味道有水准，性价比高。今日加多个开心果葡挞，连甜品都照顾埋，满足！🏅菜心用上石澳生晒梅菜蒸制，咸香入味，菜心清甜爽口，无渣。 🏅咖喱牛魔王焗饭有牛脷、牛筋腩、牛柳三款牛肉，咖喱惹味、饭底香脆，好有层次感。 🏅豉汁姜葱蒸䲝鱼鱼肉滑溜、无腥味，豉汁同姜葱味道刚好，不抢味又够提鲜。 🏅三色蒸水蛋滑得嚟又有蛋香，卖相靓，咸蛋、皮蛋同鸡蛋比例啱啱好。例汤有得拣老火汤或罗宋汤，各有风味。饮品选择多，冻柠茶、奶茶、柠水等都有。最后来个开心果葡挞，外皮酥香、馅料香浓，为一餐画上完美句号。想叹小菜又唔想煮，金记系个唔错嘅选择。…查看更多
