金蘭花泰國菜館

营业中

休息中

老細今日請食飯,我地成班同事跟老細車入九龍城。我地就BOOK左一間可以座得多人既餐廳,咁就簡左金蘭花泰國菜館。我地點左好多野食,咁就簡幾款黎講下啦!泰式鳯爪見到人地個碟好靚，所以叫了一碟，都幾辣，味道就普通啦 辣椒羔炒青口大概是今晚最期待的一味菜，上枱時賣相蠻吸引的，醬汁看似很濃的，但吃落出奇的不辣，好在青口肉質尚算是新鮮，才挽回少許分數。不過論其份量，同樣是極其的少......蒜蓉包吃青咖喱不能沒有蒜蓉包，於是便點了兩客，共十二件。蒜蓉包味道ok，略嫌不夠蒜香，但醮了咖喱汁是不錯的。

每逢春季,口味總是變得很乾,特別愛吃香辣的東西。這次再次回到老牌泰國菜店,回味舊日的味道。這次推薦兩道菜,給大家參考。咖喱炒蟹這道菜可以說是全店最貴,但是這炒蟹可算是這店的招牌菜,不能不點。果然,佢無令我失望。濃郁的咖哩汁附上蟹肉上,與蟹肉的鮮甜完美融合。蟹膏不會太膩,只是份量有點少,很快就吃光。咖哩汁還可配上蒜蓉包來點綴,更添另一風味! 海南雞飯海南雞是我的最愛。呢次既海南雞真係啖啖肉,而且只有一條脾骨,d雞肉好白滑 加上份量剛剛好,唔會太多或唔夠喉,雞油味十分香。

今天不知道為什麼很肚餓,在吃這一餐前已經先吃了兩間,但依然不飽肚。看來是吃日本菜多,肚子生蛔蟲吧。接下來,我去了這間泰國菜館—金蘭花。麵包咖喱雞-這道算是本店最具有特色的泰國菜, 咖喱偏香甜,椰汁味重,少許的辣。雞因為被麵包包住,味道都被鎖住,雞油十足。蝦餅-蝦餅外表金黃，一排一排排起來,吃下第一口,口感卜卜脆外皮炸粉不會太厚，內裡蝦香味濃,醬汁配上甜辣醬，與蝦餅搭配。鹽燒鰂魚-這道菜用日本的海鹽照燒,鰂魚沒有去魚皮和魚鱗,十分香脆,入面白色的魚肉又嫩又滑,與出面乾身的外表形成對比。

提到九龍城最出名的泰國菜館,非金蘭花菜館莫屬。這次與朋友二人於七點半入座,入到去已經坐無虛席。為左快點有野食,我們快快點菜。因為我們胃口不大,我們只點了兩道菜,一人一個人頭飯就點好了。大家看圖吃飯吧!三色冰椰汁味濃，材料有大樹菠蘿，海底椰，泰式果凍，新觧,清爽,好飲！ 鹽燒鰂魚鹽燒鰂魚，可能因為鰂魚入貨靚，所以簡簡單單鹽燒就能嘗到魚嘅鮮甜同原汁原味！切開入面啖啖肉，我地都食得好過癮~ 麵包咖喱雞呢個係焦點，因為我地一向都好鍾意用麵包配咖喱，所以呢個大家都食得好開心，個人黎講如果個咖喱多返d辣會更好，因為呢個偏向香甜椰汁味多~

好耐沒食過泰國菜,今次就去一間係呢區有口碑的金蘭花泰國菜館。 同友人預訂咗今晚8點品嘗泰國菜，今次這3道菜味道也算不錯。馬拉盞通菜雖有點細碟，但味道都算夠，鑊氣十足,爽口,蝦醬味咸咸香香與小辣椒的微辣,算正常水準。乾炒金邊粉金邊粉炒得乾身，唔會太油膩,與洋蔥炒炒得很香。蝦十分大隻,入口彈牙,68蚊的價錢十分合理。串燒拼盤拼盤有雞,牛,豬,春卷,香葉包雞。雞牛豬都燒得很香,D肉汁好正,有BBQ的風味。配上它們特有的醬汁,酸酸甜甜,有一種新鮮感。

><朋友外婆是泰國人 外公是中國人某程度上也算四分一個混血兒所以對於泰國菜 也有獨特嘅情感明爐烏頭魚鍋($158)賣相繽紛 有不同顏色嘅配料湯底呈奶白色 味道帶點酸同辣 魚鮮味濃一直有爐Keep溫  幾好飲魚肉嫩滑 唔會腥 嗦咗湯帶點微辣素菜炒時蔬($68)這道菜較清淡 只配上簡單嘅木耳同蘑菇蔬菜仍翠綠 用嚟中和啱啱個魚鍋 也很夾亦不會炒得太過油膩 是健康之選食完個魚鍋已經好飽等下次齊人先 多叫其他菜式喇><><><><><><><><><>><><>><><金蘭花泰國菜館九龍城龍崗道10-12號

在九龍城辦點事情後走得有點累了，便隨機選了一間餐廳歇息，順便充充電、試試九龍城還沒試過的泰菜。坐下後看了看餐牌，多得有點花多眼亂，最後隨便挑了三道菜品嘗一下。蒜子胡椒炒青口青口份量十足，肉質飽滿，而且彈牙爽口，蒜香味濃，胡椒味香，整體上味道也是恰到好處，也不錯。炸蝦餅蝦餅炸得外表金黃，外皮炸粉衣薄薄一層，入面蝦肉份量飽滿。醬汁是甜醬加辣椒，與蝦餅是完美配搭呢。香酥抓餅抓餅烤過後不會很軟，用它來蘸咖哩汁，一流！抓餅酥化煙韌，用來填飽肚子是最好不過。這道加起來都只是百元多一些，價格公道。

最近睇旅遊節目，節目介紹起泰國菜，搞到我都心思思想食下泰國菜。搜尋開飯啦嘅泰國菜餐廳，最後就簡左金蘭花呢間老字號嘅泰國菜館。先點一道海南雞，海南雞雞皮油潤肥美，雞油香氣撲鼻，雞肉亦有濃郁雞味，口感嫩滑不韌，雞皮較厚身肥美，雞皮與雞肉之間有脂肪啫喱層，配搭薑蓉，味道不錯。如果海南雞可以去骨，相信會更加完美! 之後係鹽燒鰂魚，這菜係即叫即燒，鰂魚表面有又啡又黑嘅鹽，翻開堅硬嘅魚皮/魚鱗，露出白色嘅魚肉，魚肉又嫩又滑呢！相信鰂魚是保留魚鱗直接燒，剛好把魚肉嘅原汁原味封存起來。所以流出嘅油份，就係魚自身嘅油份，所以先可以原汁原味食到魚嘅鮮味！

食慣左日本菜,西菜,中菜,諗食乜,諗黎諗去都冇乜好idea,於是諗起不如轉下東南口味,一於就試個泰國菜!今次就簡左好多人都推薦既一間泰國菜館-金蘭花。因為下午茶食左碗麵打底,都仲係好飽,所以晚餐只點了唔多既野食試試。首先是三色冰,杯野飲雪得好凍,入口有濃濃的椰香味,清涼,冰爽,很適合在這炎炎夏日消消暑。杯野飲都好大杯,一個人飲都差d飲唔哂!之後到小食拼盤,拼盤包括有串燒,春卷,蝦餅,香葉包雞。包雞有嚼勁既口感,蝦餅和春卷都炸得香脆,蝦味濃郁,串燒不過不失,有牛有雞,點上醬汁味道更佳。拼盤有這麼多種類,絕對是誠意價。

聽日係媽媽生日,由於正日唔得閒,所以我地提早一日出去食飯慶祝生日。問到媽媽想吃什麼,她說想吃泰國菜。於是我們一家3口就簡左呢間金蘭花泰國菜館。這店已經扎根很多年了,相信味道質素都會有一定保證!我地訂左當日晚上8點既枱,一個靠近窗邊的位置。我們點了3道菜和白飯。先來的是泰式無骨鳳爪,它酸酸辣辣不嗆鼻,鳳爪醃得入味爽口,這道菜很貼心,鳳爪都去骨,吃起上來很方便。然後是蝦醬炒飯,炒飯炒得很香,鑊氣十足,吃氣想來不會很油膩,蝦醬的咸香味為這道菜上色,配料與飯的比例也很足,感覺物超所值!我地一家人對呢餐都好滿意,我一個人都爬了兩大碗白飯!

岩岩去完泰國返黎,食左幾款泰國菜,趁對泰國菜味道既記憶仲係到,一於就比較下香港泰國菜同泰國當地既分別。今次就簡左位於九龍城一間幾出名既泰國菜館—金蘭花。先來一碟小菜-蝦餅蝦餅炸得剛剛好，上菜時仍然是熱騰騰，外皮炸粉薄薄一層，入面蝦肉份量都好飽滿，旁邊醬汁十分有特色，是甜醬加辣椒，醬汁直接昇華了整道菜式。與我在泰國的相比,這小菜不論脆度和醬汁都更勝一籌。 再來主菜--麵包咖喱雞這道算是頗有特色的泰國菜, 咖喱偏香甜,椰汁味重。不過,比起泰國當地的,這道菜感覺有點不夠辣,可能是為了迎合香港人的口味吧。

今日係朋友生日,咁岩朋友鍾意食泰國菜,佢就推薦左一間係九龍城既泰國菜館,就係金蘭花啦。係Openrice見到有好多正評,希望今次唔會失望啦。以下就係我地點既幾道菜生蝦刺身第一次食,幾特別,個汁我幾鐘意,酸酸辣辣,但又唔係勁辣咁。呢道菜係凍食,但覺得佢唔係幾夠凍,可能因為我地食完左其他熱野先再食呢道刺身掛! 香脆抓餅只是26$,很便宜,就點了它,用它來點咖哩汁,超正!抓餅酥化煙韌,配上咖哩汁簡直一絕! 最後再加了一份蒜子胡椒炒青口，青口份量都好足，肉質十分好飽滿，而且好彈牙爽口，蒜香味濃，整體上味道也是恰到好處，也不錯。

家住龍華樓,今日有D攰,唔想走咁遠,就簡左樓下既一間餐廳食晚餐。呢間餐廳位於我家的斜對面,佢就係金蘭花泰國菜館啦。我點左兩碟菜,分別是馬拉盞通菜和麵包咖哩雞。先講通菜,通菜爽脆,但顏色仍保持鮮綠,馬拉盞香味覆蓋條條的青菜,在很多餐廳很多的通菜都會炒得很油,但這個不會。然後是,麵包咖哩雞,這碟份量十足,外形就像一個大漢堡,只是漢堡被一層咖哩披著。咖哩唔算好辣,椰香味很重,配上麵包,這道菜很開胃,雖然份量很多,但我一個人也吃得哂!最後點了一罐可樂,可樂不是這餐廳的特飲,就不多說了。

如果話夏天係食泰菜既季節，應該無人會反對，如果話食泰菜就要去九龍城，應該都唔會有人反對。呢晚同朋友兜左幾個圈，望到呢度入面都幾有人氣，一於入去湊下熱鬧我揀左個冬蔭功湯粉絲花蛤，老闆話花蛤呢一兩個月最盛產。果真冇介紹錯，食落都幾肥嫩鮮甜，再配埋冬蔭功既香辣，唔錯！不過份量少左D，如果再大碗少少就更加好喇。鹽燒鰂魚，魚肚入面塞滿切碎左既香茅、南薑、香葉等泰式香料，令魚肉的嫰滑鮮甜更為突出，充滿泰式風味。餐廳環境比較嘈同埋坐得迫，但食物質素同性價比都算高，大家下次黎開九龍城不坊一試。

呢個春天，同朋友出街唔係打邊爐、食日本野就係去cafe呢晚，相晚好友放工後去九龍城開飯，終於轉轉口味食久違了的泰國菜!九龍城泰國菜餐廳林立，友人揀左位於龍崗道嘅金蘭花泰國菜館，佢之前食過話唔錯 !去到見到menu寫住 "廿年老字號，泰菜夠地道" 先知係一間老派泰國菜館。Menu第一版有"廚師推介"見到隔離檯叫左豬手賣相好吸引 ，我地都決定試下我地豬牛雞各order兩串上檯時係熱辣辣香噴噴 !個醬夠惹味濃郁，雞肉嫩滑，豬肉唔"鞋"，牛肉我冇食~脆皮豬手 (廚師推介) $158德國咸豬手就食得多，泰國豬手都係第一次食大大碟上檯時已經聞到陣香味!豬皮炸得夠酥，十分脆口!豬手肉質嫩滑，連豬皮一齊食，夠鹹香且唔油膩 !蘸上泰式醬，甜甜地又有D辣，好開胃 !炒金邊粉 $68炒金邊粉係經典泰菜，我一向好鍾意加D青檸汁 & 花生碎撈埋食，口感更有層次兼充滿風味 ! Overall, 金蘭花食品款式多，夠地道 ，價錢大眾化~店員有效率亦友善 ~當晚有個男人好落力招呼食客，我估佢係老闆/經理， 親切感加分 !