金華美食

Deliberately walked to Cheung Sha Wan to visit this local food shop, since my friend saw ppl from 燒賣關注組 recommending their Siu Mai. .She bought the Siu Mai, which came in five large pieces. They were soft and chewy, with a pronounced fish aroma that wasn't fishy. Pairing them with their slighty spicy soy sauce elevated their umami. The shop would reuse the soy sauce..The owner, a cute grandpa, seemed a bit shy when we told him that the shop is popular on social media. He asked us several times if we were telling the truth🤣. …查看更多

幫襯左2年幾，老闆態度十分好，但係老闆娘一向態度都係十分之差，試過有一次明明收左錢但係話我冇俾錢，但今日明明落車拎左2張20蚊同1張10蚊，講左要2串燒賣，跟手就收左錢就係咁同你傾計，明明每次去都係黑口黑面連野都唔想講，今日講完野就側側膊話未收錢，同佢理論就話20$可以做到d乜，唔通咁都要呃你？建議大家如果去食仲要遇到老闆娘，要一手交錢一手交貨，呢個老闆娘呢個手法我諗已經唔係第一次，但我唔會再去幫襯…查看更多

金華美食 📍：香港長沙灣昌華街20號金華閣地下1號舖🚗：長沙灣地鐵B2出口 步行7分鐘📞：+852 6711-6062💲：~HKD20/head for 掃街Food quality👌🏼：燒賣❌：腸粉總結：🤔燒賣關注組嘅常客 小店次次路過都係要排隊 不過流動得非常快 都唔算等好耐🙊🤔以佢名氣去計 燒賣確實係幾好食但說實話冇咩特別 魚肉燒賣就普通 甜豉油幾夾好食嘅 但唔值得專登過嚟🫨😨衛生就麻麻地 😨腸粉非常碎濕濕 得幾塊成形 但食落都係爛蓉蓉 好心咁碎就唔好上畀人 食腸粉係要一條條先好食 食得好傷心😢…查看更多

原本諗著買燒賣腸粉，見d魚蛋好似幾入味咁，就買埋魚蛋。要咗混醬，腸粉有d甩皮咁，d醬又好似怪怪地咁，魚蛋質素唔係好平均，有d咬落去嘅質地散散地咁，燒賣係煙靭嘅，但都係要配返甜豉油同辣油先好味。…查看更多

呢間嘢真難食！我都係睇到有人推介先嚟試吓，但係唔記得咗入OpenRice fact check睇人哋啲食評！叫咗個腸粉全碟都係凍嘅，唔係暖係凍，真離譜！跟住叫咗串燒賣，魚肉味完全欠奉只係得粉，唔好食又貴！呢度燒賣賣$10/5粒，灣仔$10/7粒！灣仔腸粉王好食好多價錢仲要平過長沙灣！至於啲腸粉7-Eleven或Circle K都好食過佢!仲有呢間態度極差睇睇啊伯隻手指甲就知呢間嘢有幾乾淨！冇下次！🥴🥴 …查看更多

真係要喺舊區先有得食呢啲懷舊小食。出咗名嘅又有腸粉魚蛋燒賣，朝早同埋晏晝三四點其實都要排一陣，因為事頭婆唔會因為有人排隊而做得快啲，見到熟人會係咁傾偈。不過呢啲就係小區嘅人情味。…查看更多

今日終於路過呢間鋪可以試一試燒賣，企起門口等阿叔同裡面嘅阿姐傾完計先落單，佢哋傾完，阿叔表示我on 狗狗企係度做乜，我表示等你傾完先，最後叫$10一串辣燒賣，嘩好普通，唔明點解要$10/5粒，辣又冇辣味，我後補啲辣油，嘩係咪壞咗？啲味好怪。總結，味道十分普通都唔重要，態度欠佳才緊要！ 鋪頭其實都幾污糟下，睇見啲魚蛋一潭死水咁，真係唔敢食。之後車再經過鋪，阿叔係鋪度食煙🚬，真心覺得唔掂！ 附近其實都有賣小食嘅鋪，好食過呢檔多多聲！…查看更多

加咗燒賣關注組好耐，早幾年移民咗外國，見關注組介紹我細個居住嘅長沙灣有一間好出名嘅燒賣，今日雖然3號風球都特登去試吓，去到人唔多得兩個人啱啱買完喺側邊食緊。叫咗一串燒賣老闆幫我加咗豉油。平時都會食辣油，但係今次想試吓啲燒賣係咪真係唔同啲所以淨係落豉油食，點知食落口頂！苦嘅，係啲豉油苦嘅，我真係唔明點解咁多人推介！！另外有一個問題就係我冇加辣椒油燒賣都係辣嘅，應該老闆放落去個碟加豉油嗰陣時佢個底嘅豉油係辣嘅，好彩今日冇帶細路一齊去食，如果唔係啲小朋友一咬落去就辣到飛起！…查看更多

今日經過附近，聽聞金華啲燒賣好好食，啲辣椒油又點利害，剛好在附件行街經過，咁見到當然要試佢一試啦，哈，不試猶自可，一試畢生難忘…..咁難食呀，粒燒賣一放入口一咬，完全冇味，成口粉，牛肉球仲衰，淋到一點口感都冇，好似腐肉咁，每樣食了一粒就不食了，放晒落垃圾桶，垃圾到呢，啲辣椒油又唔香，得少少辣味，其他乜味都冇，唉，都不知點解網上咁多好評，啲YouTuber又讚，你哋味覺有問題的？咁垃圾的燒賣都話好味？…查看更多

老公本身勁鍾意食燒賣😏今日我哋行去食lunch嘅時候佢話附近有一當燒賣好好食我仲諗準備食lunch前都仲要食一食燒賣有冇咁好食呀🤨見路過就幫襯吓點知就見到一條長龍😱同埋冇得堂食只有外賣咁就嗌一串嚟試吓篤篤下咁樣都排咗五分鐘架雖然都係麵粉，不過確係多咗啲魚味嘅我覺得同埋佢個辣醬係真係幾惹味👍🏻不過真係都幾辣雖然環境麻麻同埋感覺衛生都麻麻不過都值得一試老公就話都好食我本身就冇特別鍾意食燒賣感覺都OK啦😜…查看更多

經過這間店，網上看到最近很多燒賣關注組成員也有介紹。當時大約8點但小店仍然經營，很多下班路過的街坊也會停下腳步吃一串充滿人情味的燒賣。碰巧遇到老闆在店裝了一瓶玻璃瓶的東西給熟客，原來是秘制的辣椒油，我也加了幾滴試吃，果然辣油的後勁好強，吃完嘴巴口腔也覺得很辣辣的。但在冬天吃一串確實很可以看到店面還可以點其他食物，例如腸粉等，希望下次不是趕著吃晚飯的時候再去試一下另外，店內還有一部年代久遠的電視，就好像見證這間店的歷史一樣，十分有年代感😆…查看更多

今日返工好忙，連lunch都冇時間食，收工諗住喺附近買魚蛋燒賣醫下肚，跟住上OpenRice搵燒賣，見到第一間就係金華美食，仲要好多好評，滿心歡喜特登揸車去，嚟到時候都見到排緊隊，就令我更加期待！買咗一串辣魚蛋同埋燒賣，燒賣一入口就成口粉、又硬，魚蛋得個辣字，食唔到有其他味，估唔到兩樣嘢食都令人咁失望，紅磡嘅林記美食好食勁多！！呢間金華真係試過一次唔會再食！仲要個姐姐態度麻麻地。真心唔明點解咁多好評😭🥲…查看更多

我第一次食这家店腸粉燒賣魚旦牛肉是10年前，当时因工作地方近，就试一试。10年後的今日再食，果然味道没有變，魚旦是小時候（學生時代）街邊車仔檔有魚肉果種，燒賣有口感，牛肉也不會（粉），最重要是個辣汁，混入去傳統的甜醬、麻醬、辣醬，那一種豐富的味道真係很好！有機會會再來食…查看更多

作為一個燒賣關注組，平日都會去全港九唔同嘅地方食燒賣。今次就嚟到長沙灣深水埗區呢一間老字號，未行到去嘅時候已經見到排咗一條大長龍，同埋聽講老闆傳說中「賣燒賣賣到買樓」終於可以買咗一串嚟食，佢嘅辣汁真係非常之出色，魚肉燒賣亦都非常之煙韌，本身鍾意食燒賣嘅朋友真係真係千祈唔好錯過。但係如果自己本身唔食太重口味嘅嘢，有機會真係覺得鹹，不過都好睇自己個人取向，因為佢啲豉油聽講係用燒鴨汁整成，所以都真係精華所在。…查看更多

睇YouTube 介紹，順道行過嚟試下。鋪頭位置唔係旺街但都好多熟客，7點都要排隊等一下。叫了燒賣同魚蛋（各10蚊一串）魚蛋係細粒實哋有咬口少少彈果種，唔係發到大一大果種，如果再重啲陳皮味更好。不過己比好多大又鬆靠淋汁加味嘅魚蛋嚟得好至於燒賣，係傾向似金龍燒賣嘅咬口，都有少少魚味唔係完全食粉團。至於最大優點係由於貨如輪轉，唔會蒸過頭放太耐，而且添貨落蒸架前有先用蒸籠蒸透唔會有唔夠熟唔夠熱嘅問題，而且老闆調嘅甜鼓油同辣鼓油都好唔錯。我唔認為係網上堆「必食客」講到一定要專登嚟試不吃後悔果種誇張程度，不過經開真係可以幫襯下，尤其呢排天冷，又凍又餓果陣篤一串熱辣辣係好過癮，此為簡單的一樂也。…查看更多