金華冰廳

入到去打算食个下午茶，一坐底，未够5秒个阿伯员工已经行过黎问食咩，我就话睇睇先，佢就企起旁边一等，明显系feel到比压力同有眼色 。枱面咁鬼多张厅牌，想快少少我咪问阿伯下午茶menu系边 。阿伯员工一揾到位，即刻长驱直入「你又话睇睇先？」个语气串到呢，真系好似我好想阻佢时间咁。之后佢就指左比我「咪呢到啰」 。然后又问食咩，我3个人，谂下倾下都要啦，由坐低到比你串完都未够廿秒，依家考我速读？咁一个阿伯员工已经好极品，点知个收银阿婆仲犀利，有个客人食完埋完单，比个收银阿婆话佢同细佬唔够低消，串佢唔好再黎 。个客即刻比佢嬲到震，原地发烂渣话要投诉佢，嘈左十几分钟，个收银激嬲人好似好开心咁，托住个腮睇个客嘈佢，全体员工都觉得个客傻既，一齐睇 。我冇睇下文，食完就走人，野食好普，菠萝油旧油又簿又细，仲要冇餐 。d鸡翼做好直接柜拎出嚟，凉就必然既，不过唔够呢到d员工咁凉薄 。…查看更多

新鲜出炉菠萝油，外脆内软配合牛油香味，配一杯香滑奶茶，简直天衣无缝😍仲有新鲜酥皮蛋挞，离远已经已经是香味扑鼻，一次过食两个都唔过分。每次外游几天番香港都会挂住佢，一定要来食一次。…查看更多

特登来食菠萝油，完全垃圾今日心血来潮谂住系九龙揾间菠萝油试下，专登上网睇睇几个推介讲金华，放弃平时食开既红茶同敏华浪费少少时间觅食下好西。 晚市时间行到门口见里面小猫几只，个心都十五十六，心谂食个菠萝油饮杯嚼Okay挂...坐低叫左杯冻鸯同菠萝油， 顺便叫个啊姐抹枱，完全系一副唔想捞既样。 菠萝油来了，油细无油香，疑似植物牛油，个包皮死甜唔脆，个包先最worse，冻不特止，完全实到唔好提及松软，怀疑系预制菠萝包...成件事无温度无口感，绝对愧对驰名菠萝油既名讳！ 现场都系游客居多，有三分之一香港人，仲未讲杯冻鸯，甜L 过你同我条命，成个体验炒Q晒车，一次拜拜！…查看更多

太子有一间历史悠久嘅冰室，听闻啲游客去香港都会食呢间，小编一直都bookmark咗，今次终于同朋友去试吓😋🩵✨芝士咖喱鸡扒捞丁 $55推荐度：8.8/10咖哩味香浓，捞丁系普通公仔面，鸡扒份量好足料，鸡肉好滑嫩，加上芝士好邪恶又好正😋，食落觉得第一啖好惊艳，之后越食越觉得腻，好彩系同朋友一齐食，自己一个会食唔晒🤣✨得奖西多士 $24推荐度：8.4/10 多士好松软，配上一块牛油同大量糖浆，都好大份，呢个价钱好抵食！呢个西多士拎过奖，食之前对佢有好高期望，可惜食落觉得冇特别惊艳，普普通通🥹‼️女小编👧🏻：味道：8.5/10环境：8/10服务：8/10性价比：9.3/10📍金华冰厅 (太子)太子弼街47号地舖‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚⟡˖ ࣪ 𓈒 ˖ ࣪ 𝜗𝜚‧₊˚ ୨୧ ˚₊‧ ⋆𐙚₊˚⊹ ྀི ⋆౨ৎ˚…查看更多

今日带住一个六岁小朋友去食饭，可能佢有最低消费啦，叫咗一个蕃茄鸡扒饭冇特别加嘢饮$61，个侍应行埋嚟话一定要叫嘢饮，我问佢点解，佢话冇得解一定要加嘢饮，我问佢热饮加几多钱佢话唔系加几多钱，系要散叫，一杯热饮差唔多$20，都唔紧要，其实态度又唔使咁差嘅，我明白可能你有最低消费，但你可以好声好气同我讲，而唔系态度咁差，我带住一个小朋友其实真系好难嗌到两碟嘢食，可能要叫杯嘢饮先可以满足你嘅要求，冇问题，态度可以好啲。可能净系做游客生意啦，所以对于本地人唔需要态度咁好？永远不会再帮衬。…查看更多