金色不如帰

好味道的贝汁盐味拉面、自家制豚肉煎饺同木村梳打水-信州巨峰，不过份量极少，都食唔饱，以为自己大食左，原来细过出面d拉面店的拉面🥹🥹重要贵，贵唔紧要，要食得饱人先得架，我睇鬼灭之刃之前食，食完好似冇食过咁，睇到一半就肚饿，虽然冇楼上食评咁经历差嘅服务，但真系唔怪得人地返乡下先食😤😤…查看更多

金色不如归嘅汤底确实同其他有唔同，佢哋用大蚬、豚骨同鱼介熬制，因为有蚬，所以汤头比其他拉面店多咗份海鲜嘅鲜甜。拉面用嘅系北海道「春よ恋」面粉，呢只面粉系由芳香甘甜嘅北海道春之恋小麦制成，面条小麦味浓，仲好甄韧。不过，虽然味道都ok，但拉面份量比较细，同埋净系跟两片薄薄嘅叉烧同京葱丝，如果你真系好肚饿，可能会觉得唔够饱🤭喺呢个时候，你可以好似我咁叫埋佢哋嘅饺子🥟味道OK，加埋拉面就刚好后饱喇😬 价钱同份量唔系好成正比，所以只会试一次咁多啦。…查看更多

总结： 金色不如归作为米芝莲一星拉面品牌，食物质素有一定水准，贝汁盐味拉面鲜味突出，凉拌墨鱼清新有层次，但整体份量偏少，加上价钱偏高，性价比不算理想。环境舒适，服务流畅，适合偶尔一试，但低机会回访。叫左嘅食物有：贝汁盐味拉面（午市Ramen Set）【7.6分】- 面条属幼身，挂汤力不俗，口感弹牙；配料如叉烧、葱花、笋丝等摆盘整齐，但份量略少，未能完全满足饱肚感。轻盈凉拌黑松露纹甲墨鱼【7.5分】- 墨鱼切片薄身，口感爽滑，黑松露香气点到即止，不会过于抢味，整体味道清新，适合作为前菜。饮品：Coke Zero环境： 店舖装潢走型格简约路线，座位安排舒适，枱凳整齐，适合轻松用餐。服务： 店员态度正常，点餐流程顺畅，上菜速度快，整体体验流畅。价钱： HK$184.8（加一后）; 人均 HK$184.8进食时段： 午餐时间评分： 6.9/10详细评分解释： 综合食物（味道与卖相）、环境（气氛、空间、卫生）、服务、性价比四方面作整体评估。比分偏重食物与饮品部分。- 1‐5分： 不推荐- 5‐6.9分： 普通，低机会回访- 7‐8分： 都可以，会考虑回访- 8.1‐9分： 相当不错，大机会回访- 9.1‐10： 各方面都好好，一定会回访整体而言，金色不如归作为东京米芝莲一星拉面品牌，汤底确有特色，特别系贝汁盐味拉面鲜味突出。但考虑到午市套餐价钱接近$200，而份量偏少，性价比不高，若非特别想试米芝莲拉面，未必值得专程前往。…查看更多

去过两次，第一次系门口睇紧水牌其间店员粒声唔出系面前直接收走，第二之同带位讲两位，又系粒声唔出手指指你去张枱度。 基本上同其他openrice嘅评价都系吻合，一副睇唔起顾客既样。以上事件千真万确，如有 怀疑造假欢迎报警check CCTV。写依段野系希望香港商家反思，唔好赖人北上，有时系香港食野宁愿全程电话落单都唔想接触店员受气。…查看更多

经过The Southside咁岩见到呢间拉面店$148和牛拉面，心谂如果块肉好食都值回票价呢碗和牛拉面系由三款肉嘅汁调制所以汤底肉味浓郁我心入面嘅主角系块和牛，好好食和牛好嫩滑，充满肉味绝对唔系普通急冻嘢上面仲有啲黑松露酱汁同和牛perfect match 好味到如果有得加钱加佢块肉就好喇🥹不过可能因为用心烹调，等待时间大约10-20分钟左右，适合休闲日子去食😋…查看更多