金色不如帰 (國際金融中心商場)

每況愈下👎🏻 由以前好好食漸漸變到好難食! 唔會再俾任何機會 不會再光顧!貝汁醬油拉麵 $128 - 一共有兩片 0.01mm厚嘅叉燒 (有一片直頭2/3片都係肥膏)。份量極少 麥當勞兒童餐都豐富過佢😅- 湯底非常死鹹 喊到刺脷 湯底亦帶點油益味🤢 - 一啲營養價值都冇嘅拉麵 只有澱粉質, 味精, 高鈉- 超級難食 一啲都唔似日本拉麵 寧願食淨都唔會放啲垃圾入個胃🤮最後大家都餓住咁走 再去另一間餐廳收得呢個價錢 就做好少少d食物質素啦! 啲食肆已經冇乜人幫襯㗎啦 再唔做好少少 你真係唔可以逆市生存 睇唔到依間餐廳有努力過。依個米芝蓮獎狀真係浪得虛明👎🏻…查看更多

平時好少會去中環，難得過開嚟呢頭，又係搵食嘅時間，我知道中環有好幾間唔錯嘅拉麵店，作為拉麵控嘅我，點都要去試下。今次就去位於IFC嘅《金色不如帰》，呢間店响社交媒體上都不時見到有人介紹，終於比我記得佢，可以一試東京米芝蓮一星級嘅拉麵。我點咗佢主打嘅《貝汁醬油拉麵》，店內有介紹呢個湯底係由蜆湯、豬骨清湯同魚清湯餚製而成，湯底嘅顏色好清徹，味道係好鮮甜，冇果種腥臭味，唔知係咪加咗豬骨清湯，再撈埋牛肝菌粉、牛肝菌油同黑松露醬撈埋一齊而中和咗個味道。佢個湯底味道係好獨特，清得嚟又夠濃郁，但唔算係我好鍾意嘅味道，加上佢撈好多唔同嘅調味料，令到個味道百感交雜。可能自己思想未進化，仲係偏向傳統嘅豬骨或者雞白湯會比較啱自己嘅胃口。麵質方面有咬口同彈性，係我想要嘅口感；三層肉同低溫叉燒味道唔錯，肉質嫩滑夠淋，有豬肉嘅香味，只係兩塊肉冇圖片影出嚟咁大塊。價錢方面當然係IFC價，入得嚟食都預咗要付出一定嘅價錢，雖然比一般嘅拉麵貴，但我覺得係值得一試米芝蓮一星級嘅味道。…查看更多

🌟 今次嚟係東京攞米芝蓮一星拉麵店係中環IFC分店。「金色不如帰 」店名好特別，意思係「黃金布穀鳥」，象徵珍稀、獨特同夢想。店主嘅理念就係希望將拉麵做到極致，變成一碗連稀世黃金布穀鳥咁罕有珍貴嘅味道。 一向都覺得拉麵配豬骨湯底最濃最香。但今次佢哋主打嘅貝汁湯底，睇吓可唔可以打破我對拉麵呢個印象。🍜 Shio Hamaguri Soup Ramen貝汁鹽味拉麵呢度嘅貝汁湯底，堅持用新鮮大蜆，魚介同豚骨加上經過過濾嘅高品質食用水熬製。湯底鮮甜，拉麵口感煙韌，再加上牛肝菌醬提鮮。Add on 嘅溏心蛋煮得入味，流心嘅蛋黃令人超滿足！🍜 Chicken and Clam Soup Ramen with Seared Scallop丸鷄貝白湯拉麵新推出嘅丸雞貝白湯拉麵，以新鮮蜆肉、魚湯同雞白湯熬煮而成的「三重鮮」湯頭，味道濃郁又有層次。配料堅精彩：炙燒北海道帶子鮮甜肥美、日本蕃薯甜香軟糯、慢煮雞胸嫩滑多汁、加埋白松露油，香氣即刻昇華！仲有法國紫洋蔥同杞子，食落更有驚喜。 🍗 Fried Hanamidori Chicken唐揚博多華味鳥特選日本走地鷄「華味鳥」，肉質結實但juicy，外皮炸到金黃脆卜卜。配上蜜糖芥末醬另一番風味。🥟 Home-made Japanese Dumplings自家製豚肉煎餃皮薄少油，煎到微焦香脆，內餡用上乘豚肉，肉汁豐富。 🍑 Peach Roasted Tea白桃焙茶白桃配焙茶味好夾。先飲到白桃果味，後韻帶淡淡茶香，唔會太甜。🍋 Basil Lemon Roselle Tea紫蘇雙檸洛神花茶洛神花茶入口清新、隨之而來是檸檬的酸爽解膩，適合配炸物或濃味拉麵。…查看更多

此店在東京榮獲米芝蓮一星拉麵店，以精心熬製的湯底聞名，其中以貝殼類較為特別，是香港的拉麵店少有。店鋪位於IFC，裝潢有格調、富現代感，價位當然屬於中上，相對地小編也對它有一定的期望。由於拜訪當日是新年期間，所以人流較少，不用等位便可以入座，很幸運~貝汁鹽味拉麵 （$128）湯底不是走濃厚風格，它是以貝汁、蜆肉、豬骨及魚來熬製，鮮味突出，有濃濃的貝味，清香。再配撘鵝肝菌醬及白松露油，為湯底增添香氣，值得一讚✨麵質方面，軟硬適中、煙韌，亦可以掛湯，與湯底配撘。至於配料，有三層肉及低温叉燒，肉質香嫩，不錯！Ps. 店員的服務態度很好、有禮，我看到其他食評也有稱讚他們⭐️——味道：👍🏽👍🏽👍🏽👍🏽環境：👍🏽👍🏽 👍🏽 👍🏽價錢：💡 💡 💡 服務：⭐️ ⭐️ ⭐️ ⭐️…查看更多

叫咗一個鹽味拉麵同埋一個和牛拉麵套餐。口味一般，氛圍極差，左右兩邊有啲大人帶小朋友嚟食嘢，啲小朋友尖叫，有五至六個小朋友大叫，好多店員行過，但店員們都不會理會。令到夾喺佢哋中間食拉麵嘅我哋好辛苦。而且等位嘅時候，門口已經有人聚集，有空位都唔會即時可以入座，店員好忙唔知忙緊啲乜。不過唔緊要，等吓都冇問題，但口味真係非常一般，醬油和牛好鹹，湯底鹹到不得了，面底都唔好食。呢個價錢同埋呢個氣氛。我覺得喺街市食會好啲，至少人哋喺街市。可能性價比都會比較開心。…查看更多

早前lunch時間，我去試咗米芝蓮一星嘅拉麵店「金色不如帰」。店舖裝修簡約又時尚，門面以黑、金配色為主，招牌幾醒目，店內環境乾淨整潔，枱凳擺放整齊。我點咗碗貝汁醬油拉麵。拉麵一上枱，湯頭清澈，上面鋪著幾片叉燒，還有豆芽、蔥花等配菜。試咗啖湯，貝汁鮮味好突出，有濃郁嘅海鮮香氣。叉燒肥瘦適中，食落軟嫩多汁。麵條口感彈牙，掛湯力唔錯。可惜份量有啲偏少，唔夠飽肚。而且價錢真係唔平，差唔多$200一碗拉麵 ，性價比唔高。食落味道其實不過不失，唔算特別令人驚艷。…查看更多

由於係附近返工，有次經過見到呢間雞湯拉麵好吸引結果今日就過咗嚟試吓我叫咗個lunch set 拉麵+小食+飲品 $188辛豚肉拉麵+唐心蛋個辛辣湯底唔算好辣，我覺得似大陸啲辣味😂但好新鮮感好好味👍🏻🤣但就飲唔到湯既味所以我下次會試佢既主打比較推薦拉麵🍜啲面係幼身既 就唔係我地平時食開既粗面啲腩肉少啲囉 得2塊就有啲失望🥹拿埋都唔平要百幾蚊一碗拉麵 仲要冇客小食 （可以自選1款）我就簡左 自家製豚肉煎餃 佢仲有雞肉凱撒沙律 麻醬豆腐沙律 或者係雪糕飲品 冷泡烏龍茶 個人應該幾好配搭 烏龍茶配拉麵 當你食完辛辣咸咸地飲左啖烏龍茶 就好似清左啲味 變左你食下一樣野就會試到個真實感覺…查看更多

星期日嚟到IFC，勁多遊客同埋姐姐，呢間拉麵店大排長龍。等到個人都忟忟地，但係見到入邊啲職員個個都忙過螞蟻，絕對冇怠慢。特別要讚嘅係店長，一眼關七，又要帶位，又要落單，又要執枱。雖然客人超多，但係店長服務都非常殷勤有禮，本來忟忟地都即刻消氣。個拉麵質素，都係咁啦，呢間嘢只能夠用合格嚟形容。…查看更多

Craving for something fishy again😋 so I decided to pay this ramen place in IFC this weekend😊I usually go for their oyster ramen but I wanted to try something different, so I went for their shoyu clam ramen.I thought the shoyu might overpower the fishiness of the clam but it was surprisingly good. It tasted very refreshing and like there’s kind of sweet end-taste. The chashu is very tasty but with the price they are charging, think they can be a tad more generous🤪My overall dining experience was good, part from the chashu, think they can improve the quality of their noodles too, they were a little soggy.…查看更多

今次黎到呢間係日本曾經榮獲tabelog最佳拉麵嘅拉麵店，佢地主打貝汁拉麵，用蜆湯、豬骨清湯同魚清湯來熬製，以拉麵黎講價位都算高，加上係ifc嘅地段，不禁令人期待佢地嘅佳餚🤤————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣▪️ 貝汁醬油拉麵 $128湯底加左牛肝菌粉、牛肝菌醬油同黑松露醬，令到成個湯底更加濃郁，叉燒肥瘦適中，配上牛肝菌粉比較入味，成個湯底加左青蔥同京蔥增加口感，湯底清甜，不過不失🙂‍↔️▪️ 牡蠣白湯拉麵 $138加入左牡蠣醬、鮮牡蠣油同醬漬牡蠣，湯底更鮮甜，湯頭用左20公斤牡蠣混合雞清湯熬製8小時，呢個湯底比較唔鹹同濃郁，岩曬覺得醬油湯底會鹹嘅人🤤🤤▪️ 涼拌黑松露紋甲墨魚 $70醋汁開胃，青瓜爽脆，八爪魚嘅數量都唔少，彈牙不韌，加上少許松露醬嘅味道🫶🏻…查看更多

今日經過IFC，有朋友介紹我去食日本米芝蓮一星拉麵 #金色不如帰 @konjikihototogisuhk ✨我哋一家人入去食個lunch先，職員都好Nice，介紹我哋食鵝肝拉麵💁🏼‍♀️梗係要試吓啦! 好特別～🔸牛肝菌醬油鵝肝雞湯拉麵氣泡烏龍茶（跟餐）香煎鵝肝❤️慢煮雞胸肉同牛肝菌作主角，好濃郁但唔會過膩，配上清澈嘅醬油湯底🍜口感確係豐富，滿足感滿滿！再配上氣泡烏龍茶解膩感十足📣🔸（辛）豚骨辛拉麵湯底濃郁而辛辣的惹味感滿滿🔥豚肉大大塊，口感層次非常豐富。🔸燒豚肉叉燒小碗飯這個小碗飯有3塊豚肉和3塊叉燒，再加上溫泉蛋。非常豐富而且燒得非常香口。…查看更多

must try Tokyo, Japan Michelin-awarded ramen @konjikihototogisuhk in Hong Kong 🍜 savour the limited edition foie gras chicken ramen 🦆 paired with sparkling tea 🫧 signature hamaguri calm ramen 🐚 for bouncy noodles in a rich umami broth 🥢香港必試日本東京米芝蓮拉麵 @konjikihototogisuhk 🍜 品嚐季節限定牛肝菌醬油鵝肝雞湯拉麵 🦆 搭配新推出氣泡茶飲🫧 招牌貝汁鹽味拉麵 🐚 彈牙麵條 濃郁湯底 鮮味十足 🥢🦆 牛肝菌醬油鵝肝雞湯拉麵 HKD$148foie gras porcini chicken ramen7小時燉製雞濃湯 混合魚清湯 搭配醬油麵條煙韌 鮮美濃厚 炒牛肝菌 酸甜惹味香煎鵝肝 柔嫩醇厚 慢煮雞胸 嫩滑細膩🐚 貝汁鹽味拉麵 + 溏心蛋 HKD$128 + $15shio hamaguri soup ramen + soft boiled egg湯底以大蜆、豚骨、魚介熬製 鮮甜清澈麵條煙韌 低溫叉燒和三層 嫩滑多汁白松露油 牛肝菌醬 香草煙肉 香氣十足🍖 燒豚肉叉燒小碗飯 HKD$58pork belly and cha shu mini don炙燒焦香 豚肉叉燒 肉質嫩滑 特製醬汁香軟米飯 配溏心蛋 香氣四溢 滋味滿足 🍊四季柑氣泡玄米茶 加配HKD$28 (單價 $48）sparkling calamansi genmaicha與 mindful sparks 氣泡茶合作四季柑桔 配玄米茶 清爽氣泡 微酸解膩🍑 白桃焙茶 HKD$38peach roasted tea 白桃果香 配上焙茶 清甜香氣 醇厚回甘 📍 @hkifcmall 中環金融街8號國際金融中心商場3樓3020號舖 (various locations) 🇭🇰*…查看更多

平時食拉麵多數配紅肉/白肉，今次係衝住「牛肝菌醬油鵝肝雞湯拉麵」去金色不如帰 ❤️‍🔥 香煎鵝肝、慢煮雞胸肉、意大利日曬番茄炒牛肝菌加埋幾有新鮮感💡未見過呢個combination雞濃湯加咗魚清湯同醬油熬製，竟然覺得有少少清新，唔係好杰嗰種，飲落有鮮味，唔口乾🤣。麵條以日本北海道上乘特製麵粉製成，有少少似蕎麥麵，拉麵嚟講非常light🌿 拉麵份量偏少，大食寶寶有機會唔飽，可以加低溫叉燒同三層肉，HK$15有三塊，唔貴，加埋份量剛剛好。朋友外貌協會，睇相叫咗個「慢煮醬汁安格斯牛肉飯」，又真係幾靚，份量足夠。肉大概五成熟，幾嫩滑嘅。撈勻生蛋嗰吓好治癒。套餐配日替沙律、漬物、蜆汁湯，湯有隻大蜆肉正呀，人就係會為咗呢啲小事開心😇2006 年於東京新宿創立嘅「金色不如帰」， 2019 至 2023 年連續五年獲得東京米芝蓮一星拉麵店殊榮。我估日本店好會吃好多？IFC店職員好NICE，好熱情咁分享品牌背後嘅故事，加分！😆…查看更多

晚上，我獨自選擇了這間經常光顧的拉麵店。因為這裡的用餐速度很快，而且食物質素非常好，我已經多次回顧。這次，我照舊點了貝汁醬油拉麵加溏心蛋，這裡的菜單其實很簡單，只有幾款拉麵，大家可以根據自己的口味進行選擇。湯底清甜美味，拉麵質感稍像蕎麥麵，非常彈牙。而糖心蛋也是這裡的一大亮點，口感非常出色。如果大家有興趣，不妨試一下。另外，這裡每季都會推出特色拉麵，如果想嘗試新口味，可以隨時來試試。這間拉麵店無論是對新顧客還是老顧客，都非常值得推薦。…查看更多

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ 麵食類一向我都係最鍾意拉麵，平時都會留意得獎嘅拉麵店舖。今次就到訪中環IFC，試下喺東京榮獲米芝蓮一星嘅「金色不如帰」。牛肝菌醬油雞湯拉麵呢款就係新推出嘅拉麵，主打自家製黃金清湯。湯底用咗超過40公斤嘅雞骨、雞腳和雞皮，配搭蔬菜、魚清湯熬製而成，最後仲加入雞油，所以味道層次都好豐富。配料方面則用上低溫慢煮日本直送雞胸，香煎鵝肝和炒牛肝菌，味道濃郁又唔油膩。貝汁醬油拉麵選用新鮮直送大蜆製成嘅蜆湯，混合清魚湯和豚骨湯製成秘製湯底。每一啖都係海鮮嘅鮮味，又有豚骨嘅濃厚風味。四季柑氣泡玄米茶氣泡加上四季柑嘅清香好適合比較濃味嘅拉麵。燒豚肉叉燒小碗飯如果唔夠飽就可以加多個叉燒飯，都係另外一個享受。…查看更多