金翠餐廳

营业中

休息中

第一次鋸扒，是我小學二、三年級，還記得呀姨帶我去。回想起，餐廳哥哥好靚仔🤭，他攞張餐紙攝住係鐵板底，然後叫我自己拎住，淋汁發出的咋咋聲，d煙𣎴斷湧上嚟，當時仲係小朋友的我，很開心。老公經常提及想去太子金翠鋸扒， 今晚終於食咗。店內佈滿霓虹燈牌，座位空間寬落，坐得舒服。紅湯酸酸甜甜很開胃，餐包很鬆軟，雜果沙律份量多。甜品是花奶啫喱，很港式味道。餐牌上有很多不同款式鐵板餐可供選擇，頗豐富。他們的招牌巨人雜扒餐，疊到好高，賣相吸引。雜扒餐有豬扒，雞扒、牛仔骨、司華力腸、煙肉和煎蛋，還有沙律、餐包、餐湯、甜品、餐飲紅豆冰不用加錢，免收加一。份量足、豐富，整體好食，當然不可以同高級扒房餐廳相比。

這間港式茶餐廳位於太子，主打港式懷舊鐵板。店內環境寬敞舒適，裝潢以懷舊為主題，有特色的霓虹光管。午市及晚市時段分別有多款不同的套餐選擇，份量豐富美味，價錢十分親民貼地。是日精選晚餐 - $188牛油餐包每日新鮮製作的餐包鬆軟濕潤。羅宋湯紅通通的雜菜湯以多款蔬菜熬製，酸酸甜甜十分開胃。蟹子雜果沙律多款新鮮的水果粒香甜多汁，染滿幼滑的沙律醬，還有爽脆的蟹籽。金翠巨人什扒餐熱呼呼的鐵板淋上濃郁的黑椒汁，份量十分豐富。大大塊豬扒軟嫩多汁，有濃郁的肉香；肥美飽滿的雞扒帶點焦香，切開雪白而不乾柴；肥腴的牛仔骨帶點肉筋，濃郁又有嚼勁；大大條司華力腸一咬噴出濃濃肉汁；香脆的煙肉帶煙燻香氣又添油香；煎蛋流出濃濃蛋液；還有金黃酥脆的波浪型炸薯條，吸飽醬汁好綿密。帶子 +$30雪白肉厚的鮮帶子充滿彈性，有純淨的香甜。香草煎羊鞍 - $173三大塊羊鞍有著豐富且平均的油花分佈，細嫩多汁帶骨香，幾近沒有羊羶味，淋上較淡雅的燒汁，不會喧賓奪主，同樣配有炸薯條。龍蝦 +$90半邊波士頓龍蝦緊實有彈性，肉汁又香又甜，龍蝦頭膏飽滿又甘香，還有龍蝦鉗的肉特別嫩滑。精美甜品港式懷舊甜品花奶啫喱，有濃厚的水果香氣，又有幼滑的

懷舊扒餐一向都有佢自己嘅市場。除咗係上一輩嘅集體回憶，更加係唔少人嘅童年回憶。今次呢間門面綠色大閘，踏入店內以不同霓虹燈作佈置，有啲卡位仲有街燈做裝飾，今次真係可以名正言順帶另一半嚟食「街燈晚餐極歡喜」😝本身諗住叫過海陸雙拼: 包括半隻波士頓龍蝦同羊架，但唔好彩龍蝦咁啱售罄，所以淨係食羊架啦～羊架脂肪瘦肉比例平均，肉質細嫩多汁，唔會太騷，仲有骨香，揀選咗燒汁非常好食🤤另外不得不讚個餐包，滿滿牛油香，綿綿口感，點湯一齊食更是一流👍📍金翠餐廳 (太子)太子彌敦道749號地舖

今天 中午，在港島完成工作後， 我便搭地鐵返回九龍太子。 我約了老婆， 在太子金翠餐廳，飲下午茶。看了一看餐牌 ，我們叫了兩份下午茶。 一份是 吉列魚柳沙律， 配凍檸茶 ；另一份是 魚柳包， 也是配凍檸茶。吉列魚柳沙律，清爽脆口，美味無比。魚柳鮮美，令人回味無窮。享受每一口的新鮮和營養，為味蕾帶來驚喜。魚柳包，外酥內嫩，每一口都是美味的享受。淡雅的魚肉搭配香氣四溢的麵包，好味。另外配上兩杯凍檸茶 ，在這炎炎夏日 ，高達攝氏34度的下午 ，絕對可以幫助消暑解渴。

我個好大佬好鍾意去鋸扒 😛 今日就約埋佢嚟試一試好多人話好食嘅金翠 🍽️🔸金翠巨人雜扒餐有餐湯餐包同埋蟹籽雜果沙律，個扒一嚟到侍應會叫我哋拎起張紙巾擋住塊面，然後淋汁落鐵板咋咋聲，唔知點解有一種好經典嘅感覺 😂 叫咗黑淑汁，牛仔骨同埋豬扒好腍，特別係雞扒好好食！又滑又Juicy 🥰 🔸香草煎羊鞍有 3 塊 size 都唔細，脂肪同肉嘅比例啱啱好！唔會太肥膩，又唔會太臊 😍 兩碟下面都有薯條同埋雜菜，份量好夠！個巨人雜扒餐啱晒大食人士 😋😋 最後仲送埋個甜品，提子啫喱勁落花奶 😆 好有兒時回憶阿 ☺️

金翠餐廳 (太子)今日嚟到太子懷舊扒房食扒，主打懷舊場景，食物高中低價位都有！服務仲好好添。帶子牛扒（$158）牛扒係西冷牛扒，叫咗5成熟，出嚟肉質唔錯，肉味都算濃郁，分別有黑椒汁同燒汁揀，我就揀咗黑椒汁，味道都惹味㗎。帶子兩大粒非常足料，好食。蘇格蘭肉眼牛扒朋友點咗5成熟肉眼扒，肉質唔錯，仲有肉汁，配埋燒汁味道都好好！一個set仲有餐包、餐湯、飲品、甜品，真係好抵食！！！📍太子彌敦道749號地舖

今日約咗朋友食晚飯，朋友提議想鋸扒，我就梗係好喇，於是我地就相約位於旺角太子的金翠餐廳。看見餐廳門口已經感受到嗰份舊式西餐廳的情懷，入到裏面大部分都是卡位，所有裝飾，所有擺設原全來自五光十色， 繁榮嘅香港時代。餐廳侍應熱情招待，送上餐牌。好多選擇，單係鐵板扒餐就超過十幾種，食扒當然要鐵板上啦，這是儀式感的重要性。選擇困難症的我不斷睇睇睇，是日精選晚餐最啱我，因為係乜都有嘅巨人什扒餐，比起美式什扒更豐富。朋友就比較專一點了鐵板帶子西冷牛扒。先來兩客餐包加羅宋湯，好喜歡呢款湯酸甜帶辣嘅舊味道。巨人什扒來了，真係好巨型，有煎蛋、煙肉、司華力腸、牛仔骨、雞扒、厚切豬扒配薯條，淋上黑椒汁，香氣撲鼻，啱晒食肉獸。前菜仲有蟹子沙律清新好味，甜品有的是啫哩加花奶，飲品就免費升級咗杯紅豆冰，滿足感可以話升到爆燈。帶子牛扒推廣價$158，巨人什扒$188-，無加一服務費，懷舊扒餐呢個價錢有呢個質素係值得一再光顧。

難得放假出門食個靚早，同朋友走左去太子間金翠餐廳。餐廳裝修好有香港特色，有好多充滿香港味道既霓虹燈裝飾同埋招牌，好多打卡位。有個位仲左部以前細個係啲士多仔或者文具舖先見到既舊式扭蛋機，$5蚊就可以扭個彈波波出黎玩，都幾得意。叫左份吉列魚柳做早餐，搭配埋茶餐廳早餐必備既炒蛋多士，仲有配埋沙律。早餐黎講夠哂飽肚！朋友就叫左餐廳特色既羅宋湯雞扒通粉兩份早餐連埋杯凍檸茶走甜埋單一百蚊左右。食到飽一飽先走。

行完花墟勁肚餓~揾到呢間份量好勁嘅餐廳~入到去裝飾好正~真懷舊風，好有feel~ 🔹金翠巨人什扒餐🔹 勁多野食~包羅萬有~好鬼抵食同好滿足~餐包又大過人~拳頭咁~餐湯又大兜啲~唔係溝水嫁~仲有前菜~蟹籽雜果沙律~升級懷舊味道~鐵板上嘅層層叠~有齊豬扒，雞扒，牛仔骨，司華力腸，煙肉，煎蛋~食到應仲有薯條同菜~勁誇張~仲要全部質素都唔錯,唔係鬆肉粉嘅牛，唔係韌嘅豬，唔係乾嘅雞~仲有紅豆冰同花奶提子味啫喱~好懷舊feel~🔹芝士焗加拿大龍蝦海鮮飯🔹又係大大兜~半隻大龍蝦，啖啖肉~炒飯底同有大大嚿魚柳~拉絲芝士正到暈~

今日同個女去太子補習，見到有間餐廳裝修好懷舊好有特色，又多人食，就同個女去試吓！入到去見到真係好多舊式嘅招牌裝修，好得意好有趣，座位都好舒服我個女想食鐵板餐就叫咗個鐵板牛柳餐，侍應仲好好咁樣介紹邊啲啱小朋友食，非常有耐性有禮貌牛柳到了，可以選擇黑椒汁和燒汁，侍應會幫忙即刻淋上去，發出陣陣沙沙聲是必需，還有一個餐包和忌廉湯，另選一杯凍飲牛柳份量超級大份，有兩大件，底下還有好多薯條，吸收了牛柳汁和燒汁味，非常惹味！牛柳煮得非常軟唸，入口即溶，小朋友和老人家也啱食！最後，侍應通知小朋友還有一個啫喱果凍呢！吃完真的滿足極了！

金翠餐廳，位於太子，超級靚既懷舊裝修，港式味道，仲有霓虹燈添，有咩辦法唔打卡😍寬敞舒適，燈光少暗幾有feel，晚餐做鐵板專門店，好多選擇，平貴都有，好多唔同既牛部位，口水已流🤤飲碗紅湯先，好味🫕是日精選晚餐：金翠巨人什扒餐🍽️個賣相驚人到呢🫨上枱就知無改錯名，真巨人👹超豐富，煎蛋通常吸引我⼀啖食左佢，配埋香脆煙肉食蛋白👍🏻豬扒非常大塊又juicy，啖啖肉勁爽👐🏻雞扒煎到皮脆，肉都好滑，司華力腸大大條，牛仔骨好腍好惹味🥳帶子牛扒🥩美國西冷牛扒(5成)，賣相都幾特別，偏厚身大塊，帶子大大粒兩面煎香，非常好味🥹西冷賣點係牛味濃而無筋口感成塊都平均，肉質嫩到呢😆加埋燒汁正！蘇格蘭肉眼牛扒，加左蒜蓉🧄上枱揀完汁再係你面前淋上去「Jar Jar Jar」之後香到呢🫠真心幾大塊，個人認為蒜蓉令成個港式西餐味出晒嚟🫶🏻火喉攞得好好，有5成既粉紅，肉質唔錯超嫩口感超正，肉汁而味道都爆，好高質既肉眼😆久唔久歎返個港式鐵板，加上懷舊味道，實在有種説不出的爽✨金翠真係鐵板餐既不二之選😙

係太子聯合廣場對面，原來開左間港式鐵板餐廳！向來都好喜歡食金鳳，鍾意d鐵板牛柳！今次試下！餐廳都好大，好多卡位，坐得舒服！又唔需要限時，三五知己都可以約黎gathering！⭐️黑椒牛柳（$132）叫左5成剛剛好肉夠厚冇雪味濃牛味！拌碟有薯條及菜，吸左汁好好味！⭐️西冷帶子（$160）可以加蒜（$2）帶子厚肉加甜西冷不鞋跟餐有餐包同餐湯及餐飲，當日叫左羅宋湯！好多料！仲有啫喱送！個人覺得抵食過金鳳，但就冇金鳳咁多分店！金翠餐廳 (太子)太子彌敦道749號地舖

今天和朋友去花墟，順便去附近吃個午餐。朋友找了一間懷舊特色茶餐廳，處處都是打卡位。Lunch set 有餐包羅宋湯，麵包鬆軟可口，羅宋湯的酸甜滋味恰到好處，令人開胃。果皮蒸心水泥鯭（配飯）魚肉鮮嫩多汁，入口即化。加入果皮蒸煮味道很夾，而搭配上白飯也有飯香。海陸空鐵板餐（豬扒、雞扒、串蝦）豬扒肉質嫩滑，雞扒鮮嫩多汁，串燒蝦肉彈牙可口。鐵板燒可自選配燒汁或者黑椒汁，我點選了黑椒汁，非常香口開胃。鐵板餐配有薯菜，整體份量令人飽足。

明天太太便和閨蜜到日本東京血拼，今天晚上正好和她出外晚飯，當作送行。我選擇了太子金翠餐廳，因為這裏充滿了香港嘅特色和出品的食品也十分美味，我選擇了是日精選晚餐，晚餐送上的牛油餐包已顯出餐廳的誠意十足，送上來的餐包是熱騰騰，塗了牛油，入口金香又鬆軟，加上了用料十足的羅宋湯和沙律作前菜，更是一絕。今天的主菜是紐西蘭PS西冷牛扒拼大蝦，牛扒點了七成熟，我當然選擇鐵板上,主菜來了，真是份量十足，西冷牛扒大大塊，配上兩隻大蝦，真是未食先興奮。我選擇了配黑椒汁，牛扒入口，肉質腍滑，口感十足，配上了黑椒醬汁，更是一絕。大蝦做法有點似燒烤，蝦在鐵板上散發出陣陣香氣，入口帶點焦香。我個人感覺有巴西燒烤風味，甜品是啫喱，真是帶點時光倒流感覺，最後再加上了餐廳招牌特飲，龍鳳可樂，真是完美的結局。埋單都是$500，真是超值。這一餐我和太太都非常滿意，誠意向大家。

周五晚上,我和太太在太子的金翠餐廳享用了一頓豐盛的晚餐。我選擇了每位$238的日精選晚餐套餐,包括了牛油餐包作開胃,接著是熱湯羅宋湯和清新的蟹子雜果沙律。 主菜是鐵板煎製的紐西蘭PS西冷牛扒和大蝦,十分鮮嫩多汁。最後的甜品是遮喱甜品,為整頓晚餐劃上完美的句號。我還加$3點了一杯冰涼的凍咖啡。而太太則選擇了$155的煎羊膝腿套餐。羊膝腿位置的肉質鮮嫩可口,厨師經過繁複的去皮和調味程序,成功去除了羊羶味,令肉質更加香濃可口,入口有十足的咬勁。套餐還包括了牛油餐包作開胃,忌廉湯,以及同樣的遮喱甜品。太太也加了$3點了一杯凍檸茶。這間位於太子的金翠餐廳環境地道,裝修設計具昔日香港情懷,服務親切,我們享受一頓豐盛而又情調優雅的晚餐。